or#tm67388921's Profile

首先，我都唔係淨係食過呢度一次，上次俾我感覺係啲嘢好食但份量不多，以及侍應非常冇禮貌。事關上次黎食飯，見到個男侍應聲大兼惡鬧隔籬枱個客人：我話咗要半個鐘㗎啦，點解你仲要催我？今次同同事食，坐低已經見到梳化有一攤不明液體以及用過嘅紙巾，枱面亦都有用過嘅紙巾，我叫亞麻色頭髮男侍應唔該幫我清理梳化上面嗰灘水，佢居然話嗰度有紙巾 叫我哋自己清潔。咁請問服務費係唔係應該我向你哋收返？我同同事都嗌咗豬扒配薯蓉，我食咗幾啖先記得要影相，份量可以參考我張相上面嗰一份食物。餐湯係薯仔湯，覺得有少少淡可以再濃味啲，個餐包好有香草味，但係嗰塊牛油之類嘅物體幾乎完全冇味。橙汁就正常橙汁冇咩特別。豬扒係煎得好食，幾有豬肉香味，亦有肉汁，但我嗰塊都真係比較多肥膏，肥膏比較硬，所以我食唔到，薯蓉唔夠杰身，太腍，香味一般，整體主菜食物方面份量一向都係偏少，夠女仔食得飽，但味道係唔錯，廚師係值得一讚。食物上枱嗰一刻，想拎餐具，無奈隻隻餐具都係非常污糟，我同事抹完個面之後先發現原來個底仲污糟過面，但佢已經用嗰個匙羹飲咗幾啖湯啦總括食物算好食，但唔乾淨及冇服務，埋單價錢每人要$108，只可以稱之為正常，稱唔上抵食，你做客人仲要做埋清潔嗰份，加上餐具係超污糟，我認為影響食物安全，唔知會唔會令到客人肚痛，本來係想比差評，但係廚師廚藝唔差，拯救咗呢篇食評去到中評，希望佢哋早日改善自己員工嘅服務態度同質素以及衛生情況。…Read More

夜晚7點幾walk in，我嗌左個泰式清湯牛，揀左全蛋麵，叫左生菜，仲有個豬頸肉。個湯真係食得出煮左6-8個鐘，好濃郁肉同蔬菜味，牛肚我本身個人唔中意食，亦覺得有啲靭所以掉咗，但唔係佢煮得唔好。牛肉丸實但唔硬，有肉汁及香濃牛味，牛肉片，牛柏葉及全蛋麵覺得不過不失，個人中意偏林身既麵。最難得係食完之後一個鐘都無口渴，證明無乜味精。豬頸肉比我想像中更好味，個醬係個重點！唔會太咸，又有香料味，點豬頸肉好惹味！好似係佢地自己調味出黎既魚露醬。豬頸肉切得好薄 食落去唔會好靭或硬。男朋友嗌左個烤雞乾拌麵，我食左一舊烤雞，好香，麵個啲就無食，唔知道喇。生菜就正正常常，但我唔中意佢個醬。另外佢個廁所雖然係沉色調但整修得好靚，又非常乾淨及唔會太迫，侍應亦好禮貌，值得一讚。…Read More

已經食過呢間兩餸飯好多次，選擇都叫做多，份量亦都多，雖然話兩餸飯$32 ，但某一啲餸特別貴，佢自己又唔喺啲餸上面標價，一條魚貴話幾十蚊，某啲肉又貴$5蚊，搞到未去到俾錢都唔知幾多錢。叉燒炒蛋係咁多個餸入邊水準最穩定最好食，蛋都香滑，叉燒正常，份量亦都夠。菜心好多時未熟咁款，上次試過有一次有發泡膠粒真係好驚食咗啲膠同埋受污染嘅菜會有毒生cancer。西檸雞好乾好硬，難食。今日又去買兩餸飯，我未試過買薯仔炒牛仔骨，所以唔知幾錢，就冇拎定錢，結果俾個阿姐鬧我又唔拎定錢，佢第一次講我唔出聲，點知佢收錢嗰下仲要講第二次，我鬧返佢，佢又唔敢出聲講食物質素只係一般，價錢並唔係特別平 佢附近有一間兩餸飯都只係$28 呢度性價比偏低 不建議來此貼錢買難受。…Read More

尋晚大約7點半同男朋友去食坐四人枱非常闊落食物如圖，樣樣都好食份量又夠蒜蓉包：香，外脆內軟豬頸肉沙律：生菜同豬頸肉係分開，豬頸肉香料豐富，香味十足，仲有好入味青瓜蝦餅：香脆彈牙，有少少肉汁，配甜醬一流，但醬無酸味，唔係就更上一層樓馬拉盞炒通菜：好香，少少咸，但唔會過火，唔常食辣人士食第一啖覺得幾辣，食食下味蕾進化左，覺得岩岩好菠蘿海鮮炒飯：飯充滿菠蘿同提子香但唔會突兀，用料充足，好多雞肉，雞蛋，菠蘿等，連個菠蘿都好食，甜美多汁，唔酸，美足不足係魷魚無味，蝦得一隻俾左男朋友無機會評價泰奶：正常泰奶，香甜，重奶味及茶味芋頭椰汁糕：女店員好好人最後送俾我地甜度適中，食落質感似大菜糕，仲見有一粒芋頭粒跌出黎 都幾足料 本身想叫小食拼盤，但員工都講唔出有咩食物，有男店員話肉丸，蝦餅，腸仔？？覺得唔太make sense，所以最後無揀食左咁多樣野埋單只係261，男朋友聽到個價「吓」左一聲，呢度服務態度又好，食物又平又抵食，推介！…Read More

晚上九點左右同男朋友開始排隊 一路好多客問有冇餐牌，但係冇。三個大螢幕淨係賣部份飲品既廣告 但係都冇完整嘅餐牌可以睇 一係就要人download Apps先睇到一啲都唔方便客人9點25分排到去落單個位先見到Menu 以前大賣嘅布蕾波波茶又唔見menu有因為買一送一 都預咗有啲材料冇哂 果然店員話冇晒波波咁就嗌咗一杯黑糖波波奶茶（無波）同芋泥牛乳茶等到10點左右 明明見到顯示牌寫住叫我哋取茶我就搵下啲外賣袋 睇下有冇我地個杯有個紋身女店員態度勁差 問我咩號碼 講左幾次廣東話佢都聽唔到 仲要西口西面 之後叫我等陣我號碼50676，等等下發現後面啲號碼都拎得但都未到我地個杯就覺得好奇怪 男朋友就問到底有冇呢個號碼個紋身女店員西口西面咁唔知講咗啲乜 原來杯野一早擺咗喺枱面搵個袋裝住 佢頭先仲態度惡劣叫我等等 嘥晒我啲時間飲品方面真係好差 非常之甜 就算我哋冇要求到甜度係幾多 都冇理由預設個甜度會甜到超出正常範圍黑糖嗰杯係可以甜到黑糖味都掩蓋埋芋泥個杯 芋泥味唔突出 亦都唔多芋泥 芋圓都比較軟身 算係幾好口感但因為太甜，兩個人夾硬飲咗一半 就掉咗非常唔建議嚟呢度貼錢買難受…Read More

嗌左杯大甲芋頭鮮奶 講左兩次都聽錯 比左杯芋圓芋頭鮮奶 同店員講 就話「係同一樣野」，而且last order 無哂芋頭 無得換過杯 但杯「芋圓芋頭鮮奶」得芋圓同奶 芋頭係1%都無 一早知無哂芋頭落order個時又唔講杯奶都係得7至8分滿左右 普通奶 唔覺有咩特別，芋圓好軟身，但數量少，總結呢杯所謂既芋圓芋頭鮮奶料超少，仲要無芋頭…Read More