RL1217的個人專頁

平時返工時間行過，感覺到店員已經好hard sell，對這間商店感覺是價錢不便宜，只是偶然貪方便會買蒸類食品，一個蒸包要20元？明白香港物價水平持續上升，但價錢要能對比食品。難道這些店舖都要跑數😆12月30日星期六，因需要到尖沙咀，而剛好公司送了現金卷，就看一下有什麼產品可以試試。在我選擇東西時，店員態度好chur，不停問想要什麼🤔之後本人行到收銀處直接落單，準備食品的店員態度亦非常差。沒什麼特別，一定不會再幫襯🥱…查看更多

住喺紅磡10幾年，上年已經聽到呢間雞湯米線好想去試下，今晚諗住行去附近就醒起呢間米線，7點半未夠入到去，已經話淨番一份雞。咁我哋2個人就叫左，1. 椰子雞湯米線 ($68)湯只係暖，雞的份量都ok，有點椰子肉，一舊仔粟米，一舊冬菇，小小唐生菜，雞的味道一般2.手撕雞飯 ($48)份量小到嚇死人，d雞小到應該一條雞柳都無，雖然有跟一碗雞湯，但以48元價錢，有點不合良心。我自問吃過好多雞飯亦是愛好者，非常差之感覺3. 羊肉串 ($22)有一半係肥肉，味道可以的，但份量同價錢有點貴問心，我不會再幫襯，因勝價比很低，如果正常食量的，應該唔會飽，又沒什麼特別👎🏻😥…查看更多

上星期友人突然有空相約飯聚，傾下計，我地行行下未係覺得好肚餓，就心想不如食韓國🇰🇷野。但其實我係好多年之前已經幫襯過，嗰時嘅老闆係韓國人，滿心懷疑轉手後，會吾會中伏，所以就入去一試。入左呢間韓點，我同朋友2人分別點了，泡菜豆腐跟白飯，韓式伴飯，但朋友點之前，詢問了一下應該老闆，是個男人，拌飯有沒有泡菜，他說沒有。但我心想正宗的韓式拌飯係一定有泡菜係入邊，但咁岩我朋友是不太吃辣的，所以心想就算了。一來泡菜煲，只見入面只有泡菜和豆腐，還有一隻蛋吧，白飯只是暖暖的，40元呢個價錢，就不能有什麼要求吧？！而韓式伴飯，只有紅蘿蔔🥕絲，紫菜，芽菜，菠菜絲，翠玉瓜絲，冬菇絲，蛋一隻。我朋友不停話，點解d飯係凍既，暖都談吾上。都好明白以40元，這個價錢又係唔能夠要求啲咩。求其填飽肚子就快些離開。喺朋友強烈嘅要求下，要我寫呢篇食評📝所以我要完成呢個任務✏️最後一提，呢間野啲抽風系統極度差，全身d衫👕都係一浸油煙味，而店內環境頗擠迫所以沒有拍照📷加上全店的店員都係講唔鹹唔淡嘅廣東話，所以有理由相信佢哋應該唔係韓國人。。。絶對無下次👎🏻👎🏻👎🏻…查看更多

當天我們1點半到餐廳，未開始點菜店員已提醒我們3點餐廳打烊。朋友點了日式吉列咖哩豬扒飯，我點了西冷牛扒，前菜我們都選了沙律🥗，份量和味道都正常，主菜的份量都算大份，配菜我選了薯菜，薯角炸不錯新只是蔬菜比較油，亦很不錯，只是牛扒煮得比較熟，有點鞋。因在點牛扒時店員沒有問需要幾多成熟，所以我亦沒有提問。下次如果再點，可以主動問一下。值得一讚是午餐時段亦不設加一餐廳環境氣氛都很好，我們都吃得很開心😃下次會再光顧晚餐試試…查看更多

令我寫第一次這食評，竟然是因為有不愉快的經歷。上星期日的晚上，在家人的提議下又再一次踏入這店，遭遇到又係不禮貌的招待😤我們一行3人，被門口的職員安排坐在5人的卡位，一坐落位，店內一位職員已經與另一位職員在竊竊私語話，3個人坐咁大張枱，(其實同樣的事情第一次光顧時已經經歷過)，不到5分鐘已有5位客人入內，所以又再被調位。點菜之後，因附近是餐桌用品的櫃，剛好員工在整理用餐餐具時，放置回櫃時的聲浪非常大，好滋擾。好像要做出一些小動作要令你快點完成快點離開。其實於剛開店的時候，亦是吃晚餐，已有同樣的經歷，只不過當時的冷氣再開大d🤧，令你更想快些離開。第2次就是光顧下午茶，食物只是將價就貨。至於食物，有試過生牛肉湯河，3寶湯河，酸辣鳳爪，蒸粉包，炸蝦餅，䉀蝦，又不見得有什麼特別，粉麵湯底亦偏咸，所以，真。的。沒。下。次。免。得。受。氣…查看更多