肥Sa的個人專頁

做完嘢經過天后見到呢間麵包店 ，見個門面同麵包都好似幾靚，加上又有我鍾意嘅開心果味，所以就買咗一盒兩個嘅開心果味嘅麻糬包返屋企試吓，點知咬開原來係空心嘅，只係面頭有少少開心果碎，原來我$18只係買咗兩塊包皮返嚟，真係人都癲！太失望了！得我仲咁期待…😫🥹其實我都好想知道點解可以做到空心，唔係研發成功先出售產品嘅咩？ 好彩嘅係只買咗一盒，真係第一次食空心麻糬包，太冇良心吧！真係唔可以俾啲麵包嘅賣相呃到…..😭😭😭😭…查看更多

作為街坊嘅我知道屋企附近間Soho West 酒店開咗幾間餐廳，當然要一一去試吓啦！今次就先試呢間韓式Cafe 《Terrace in Seaside》， 去到就見到每個店員頭頂都戴住頂柑橘畫家帽非常之可愛，感覺好親切呀！🍊🍊🍊我哋揀咗個可以望到海嘅位置坐低，再點咗幾樣受歡迎嘅嘢食…🤤🤤🤤🌟人生迷芒的芒果沙冰呢期當造嘅時令生果一定就係芒果啦！所以就點咗呢杯芒果沙冰，飲落清甜又冰涼解渴，上面仲有半個芒果肉添！超正呀！🥰🥰🥰🌟濟州柑橘乳酪呢杯絕對係呢間店嘅人氣特飲，我見每一張枱都會點一杯的！咁佢嘅賣相又真係幾可愛嘅，用上原隻嘅柑橘放喺杯頂，而且飲落酸酸甜甜，非常之啱夏天飲！推薦呀！🍊🍊🍊🌟燒醬油黑毛豬白切肉紫蘇飯燒醬油黑毛豬白切肉不油也不膩，紫蘇飯又好香，兩者都非常之夾😋😋😋🌟粒粒魚籽與三文魚蛋黃醬飯卷我個人幾鍾意呢一個飯卷，脆卜卜嘅魚籽加上Creamy嘅三文魚蛋黃醬嘅組合，正正就係我鍾意嘅口味😍😍😍🌟芒芒夏日芒果窩夫最後嚟一個芒果窩夫甜品，窩夫外脆內軟，芒果肉鮮甜，絕對令今晚呢餐畫上完美嘅句號😝😝😝最正係大概六點幾嚟呢度食晚餐可以見晒日與夜唔同嘅景色，望住個海同咁靚嘅景食嘢都幾Chill 㗎！❤️❤️❤️…查看更多

今次嚟到位於銅鑼灣手工意粉好出名嘅《Mano》開餐啦！呢度嘅環境都OK，餐廳以半開放式廚房設計，裝修簡約沒有特別花巧的！我哋點咗三樣嘢食…❤️❤️❤️🌟風乾火腿芝士拼盤永遠係我必點嘅菜式，用上三款不同嘅Ham配上芝士，旁邊仲有烤得好香嘅麵包，仲有幾粒橄欖作陪襯，一路食一路吹水簡直一流！👍🏻👍🏻👍🏻🌟意大利山切牛肉薄片牛肉切得好薄，食落牛味濃又鮮嫩，加埋啲沙律菜同芝士食，感覺好fresh! 值得一試！🥰🥰🥰🌟香煎北海道三文魚籽龍蝦汁扁意大利麵呢間餐廳叫《Mano》, 其實喺意大利文手嘅意思，所以嚟到呢度點都要點返一碟手工意大利粉，見到每條意粉都掛滿晒龍蝦汁，食落非常之Juicy，意粉口感夠彈牙，帶子都煎得好香，好想食多一碟！😍😍😍因為我同朋友嘅咳都啱啱好返冇幾耐，所以唔夠膽飲凍嘢同酒，真係有啲可惜，唯有下次嚟嘅時候再飲個痛快…😝😝😝…查看更多

生日飯局啟動中，朋友帶咗我去一間位於荔枝角嘅高質嘅居酒屋度朝聖，呢度嘅環境及氣氛都仿如去咗日本咁，完全冇察覺荔枝角竟然有間咁高質嘅居酒屋🥰🥰🥰呢度嘅嘢食及酒水選擇都好多，而且每樣嘅賣相都非常之精緻的，好似藝術品咁！😍😍😍🌟金丼 。月見海膽三文魚籽拖羅蓉呢個丼飯集齊我最喜歡嘅海膽、拖羅蓉及三文魚籽於一身的，將全部配料攪勻嚟食，層次感十足，又夠滑又夠鮮甜又有脆卜卜嘅口感，正呀！❤️🌟金酒杯而金酒杯都同樣有我喜歡嘅海膽、拖羅蓉及三文魚籽，另外仲多咗松葉蟹肉，將配料攪勻，再放上紫菜上面食，口感更加鮮甜，每一啖都好滿足！🥰🌟 金龍珠海膽吞拿魚蓉卷呢一個卷物係必食的，除咗海膽及吞拿魚蓉之外，仲配上半熟蛋黃，口感非常之特別，從未食過咁正嘅卷物！👍🏻🌟粟米脆餅壽司。和牛三文魚籽和牛非常之薄身同嫩口的，入口即溶，令人好想食到一件的！👍🏻🌟壽喜燒和牛鍋呢個壽喜燒係使用鹿兒島A4和牛，色澤鮮明及油脂分布平均，食落牛味非常之濃郁，而且仲非常之鮮嫩，配料仲有福袋年糕包、豆腐、雜菜及薯粉等，不錯呀！😃🌟燒物 （厚燒牛舌心、自家製雞皮蝦、宮崎和牛串及厚燒鵝肝飯團）燒物中嘅牛舌心非常之正，鮮嫩又夠爽口！另外雞皮蝦就非常之特別，食落好香口！🥰🌟金 - 咖啡梅酒第一次飲咖啡味嘅梅酒，原來兩者都好夾，有着咖啡嘅香味及梅酒嘅清新味，我個人都幾喜歡呀！💕🌟金 - 清酒雪球而朋友呢一杯，佢話飲到菠蘿汁同Sake 嘅味道, 都清新易入口的！💗喜歡呢度嘅原因除咗食物及環境一流，佢哋仲唔收切餅費的，所以都有好多枱都係嚟慶祝生日，而且仲有播放生日歌服務添！另外貼心嘅喺女廁入邊，竟然有提供免費嘅女性衛生用品，真係好窩心呀！💖…查看更多

想靜靜地同朋友傾啲嘢，所以就去咗一間靚少少嘅餐廳食飯，我相信好多人就算未去過都聽過《The Grill Romm》呢間西餐廳，呢度無論環境、燈光、氣氛、食物質素、服務都唔俾酒店差的！都幾適合慶祝生日、周年紀念日、拍拖及朋友gathering嘅好地方！👍🏻👍🏻👍🏻由於感冒啱啱好返，暫時都唔夠膽食得太過分，所以就簡單點咗幾個菜式，下次有機會再嚟試埋其他嘢🥰🌟北海道刺身帶子沙律薄切嘅北海道刺身帶子非常之鮮甜，配埋三文魚籽同沙律菜食，真係好fresh, 清清地都幾啱剛剛病好嘅我❤️🌟香煎三文魚柳伴菠菜苗枝豆配檸檬牛油汁賣相非常之精緻，好似一碟藝術品咁！煎到外脆內軟嘅三文魚點埋旁邊嘅特製醬汁同食，令到本身味道比較寡嘅三文魚食落更美味，可見得上大廚落咗唔少苦工👍🏻👏🏻🌟牛肝菌蘑菇意大利飯呢個意大利飯嘅飯質比較硬的，似返傳統嘅意大利飯質感！食落creamy 但不會好漏的！😍只是欠了一杯酒，等我精精靈靈嘅時候再嚟食過😝😝😝…查看更多

唔知幾時開始起，兩個人普通食一餐飯都要過千，仲要係食唔飽的，特別個壽司八貫索價三百幾，份量超細粒，又唔係特別鮮甜，真心壽司郎都好食過佢！仲有個和牛壽喜燒，三百蚊得個幾片肉同一個雜菜鍋，啲肉都食唔出係A4和牛，個串所謂A4和牛串燒都索價過百的，又係完全食唔出A4和牛味，真係成餐飯我哋都唔知自己食咗啲乜，埋單都要千幾，其實由幾時起香港嘅飲食業搞成咁，難怪咁多人北上搵食，可能我都要跟隨佢哋了…🥹😩😮‍💨…查看更多

陪屋企人去完金鐘處理一啲文件嘅事務，就求其去咗附近呢間名都酒家食啲嘢，呢一間係舊式酒家，要自己出去攞點心的，亦都有餐車行走，只係食咗蝦餃、燒賣、雞扎及鳳爪，見佢噏噏耷耷，估唔到啲價錢咁離地，兩個人只係簡單食咗四樣點心，埋單竟然要$253蚊，真係眼都凸埋，真心憑乜嘢收呢個價錢真係諗唔到，屋村酒家啲點心都好食過佢，而且環境又靚過佢，唔會有下次！仲要通知埋大家，真係唔好貪方便，寧願行遠少少食，難怪唔使等位，明白了…🥹😮‍💨…查看更多

上個月去完日本，作為一個日本食物控嚟講，日日都可以食到日本嘢真係一件非常之滿足嘅事情，返到嚟香港食咗幾日其他嘢，但都係覺得日本菜好食啲，所以搵咗一間比較高質少少嘅日本餐廳頂住先，哈哈！😝😝😝係社交平台得知位於富豪九龍酒店入邊有間日本菜做緊啲優惠都幾抵食，所以就嚟拜訪一下！呢度嘅座位都幾寬敞，坐得幾舒服，好有私人空間！坐低後經店員介紹下，就點咗以下呢幾個菜式啦…🥰😢🌟意大利白酒配時令生蠔 $148+$50一支意大利白酒只係$148，加多$50仲有六隻時令鮮甜肥美生蠔！嘩！呢個推廣真係超級抵食啦！唔叫真係對唔住自己呀！除咗白酒仲有紅酒選擇的！🦪🥂🌟海之幸甜蝦他他配薄片 $108甜蝦他他混埋其他刺身配薄脆食真係新鮮又好食，而且賣相仲有非常之靚！😍😍😍🌟柚子酸啫喱伴薄切白身魚 $138刺身魚上面嘅柚子酸啫喱令味道更提鮮及層次更豐富，微酸中帶鮮，鮮中帶甜，很喜歡嘅一道菜式！👍🏻👍🏻👍🏻🌟海膽意粉 $208日式配西式嘅海膽意粉都好有驚喜，醬汁夠Juicy, 除咗海膽之外仲混入卜卜脆嘅蟹籽，真係食到舔舔脷呀！😋😋😋🌟美國特級肉眼配紫薯 $368肉眼扒肉味濃郁，而且肉質鮮嫩，完全冇渣的！配菜仲用上紫薯，比一般薯蓉味道更甜更特別，不錯不錯！😋😋😋除咗紅白酒配生蠔嘅推廣之外，佢哋每日都有一款嘢食做優惠的，都幾啱三五知己同慶祝生日或周年紀念過嚟呢度食！😝😝😝…查看更多

早前生日飯之一，已經嚟過《御名園》食過好幾次，每次都冇令我失望，真係食到舔舔脷捧住個肚走的…😋😋😋前菜先來一碗足料又鮮甜嘅瑤柱淮山燉螺頭湯，再嚟一隻乳鴿、雞腳同非常之邪惡脆卜卜嘅黃金魚皮，慢慢食住等主菜…😁😁😁終於嚟咗我期待已久嘅龍蝦伊麵，自從上次食過之後勁回味！龍蝦超大隻，而家啖啖肉，爽口又彈牙，仲有掛滿芝士汁嘅伊麵，根本難以抗拒，食完一碗又一碗！仲有個晚餐孖寶，薑蔥炒肉蟹配XO醬翡翠炒蘭花蚌，都只係三百幾蚊，蟹肉結實又惹味，仲要有成兩隻添！真心超級抵食！由於我鍾意食蝦，所以再嚟多碟頭抽煎焗大虎蝦，老實講呢度嘅海鮮絕對唔差得過鯉魚門、西貢同三蟶等出名食海鮮嘅地方！🥰🥰🥰最後點咗個薑汁千層糕做甜品，不過最後酒樓仲送咗木瓜燉雪耳糖水俾我哋，早知唔使嗌甜品啦！哈哈！😆😆😆呢度除咗平日普通食飯之外，都幾啱慶祝節日同生日飯嘅好地方！👍🏻👍🏻👍🏻 …查看更多

前幾日即興搵咗個朋友出嚟飲下嘢食少少嘢吹下水，當然都係去返我嘅主場尖沙咀區，當中《The Wall Street Bar & Lounge》嘅環境同氣氛都幾啱feel的，唔嘈又嘢食又有嘢飲，所以再次拜訪！👍🏻👍🏻👍🏻坐低簡單點咗兩樣嘢食同兩杯嘢飲！份豬架薯仔沙律都算大件，肉質鮮嫩而且多汁，配菜同薯蓉都好好食！而碟松露蘑菇意大利飯都creamy ，仲有香濃嘅松露味，飯又軟硬適中，不錯！今次只係點咗非酒精飲品，分別係Lost Star 同 Gunner， 賣相都好靚！🥰🥰🥰餐廳入面都有好多打卡位，而且餐牌仲有分普通食物同生酮飲食的，飲品選擇又夠多，總會滿足到你的！😁😁😁…查看更多

位於銅鑼灣嘅澳門逸園中心出名多日本餐廳的，不過講到比較經濟一定係《古今》，今次簡單叫咗幾樣嘢食，包括龍捲風沙律、大阪自家製炸雞、鹽燒雞中翼、黑豚豬頸肉串燒及超級龍捲風！🤤😋佢哋嘅沙律系列不嬲都幾出名，基本上嚟親食飯嘅都會點一個，我哋個龍捲風沙律頂有滿滿嘅蟹籽同蟹柳絲，混埋啲生菜同沙律醬食，味道好清新及鮮甜！而啲炸雞就外脆內軟，肉質鮮嫩又唔乾身，都非常之好食呀！仲有呢碟超級龍捲風卷，中間係炸蝦嚟，食落好香口，而且超足料非常之飽肚的！食到飽飽埋單都只係三百幾蚊，真心抵食！😁👍🏻…查看更多

我相信有好多人都去過呢一間位於尖沙咀厚福街H8 屹立不倒嘅 《The Captain’s House》食過飯的！而我就係其中一個鐵粉啦！上兩個月先去完灣仔分店食，今次就嚟比較就腳嘅尖沙咀店開餐…😁😝今次只係簡單叫咗一個海鮮 Shake Shake 袋同Paste 加兩杯飲品！兩個女仔食都好夠的！🥰今次個Shake Shake 海鮮袋揀咗Combo A 三樣海鮮包括翡翠螺、鮑魚及扇貝配Mix and Match 醬汁！真心啲海鮮都算幾大隻同肥美的，而配料仲有腸仔、粟米及薯仔，都算幾豐富，仲好惹味，正呀！再食埋個卡邦尼意粉，真係好滿足呀！還有我哋嗰杯Purple Rain 及Cola Flow Mocktail 賣相又靚又好飲，值得推薦！👍🏻👍🏻…查看更多

又比我發掘到多一個慶祝生日嘅好地方，平時食《Brick Lane》都係去棉登徑分店的，但聽店員講金鐘分店闊落好多，而且環境仲靚好多的，所以今次就去咗金鐘分店探店啦😁😁😁果然同店員所講嘅一樣，而且仲有室外嘅位置可以望到維港tim, 不過怕大風嘅我哋都係坐返喺室內，由於地方大，加上平日客人不算太多，所以非常之有空間感同私隱度的，講嘢大聲少少都唔怕嘈住隔離！😝😝😝我哋點咗三款食物同兩杯飲品加件Cake仔🥰🥰🥰《Skirt Steak 》🥩 🌟Skirt Steak 係牛嘅胸腹位置嘅側腹橫肌牛排，每隻牛大概有6kg左右，我哋叫咗5成熟，食落肉質紮實，牛味濃郁！仲有超大量薯條及伴菜的！留意番呢一道菜式上枱嘅時候，店員會喺你面前點火的，效果都幾震撼！😋👍🏻《Eggs Benedict Lobster》🥚🦞🌟雖然望落賣相冇乜特別，但原來龍蝦上面層芝士下係超多超多膏的，不過因為太好食，忘記咗影相比大家睇…😝😝😝《Salmon Bruschetta》🥗🥑🌟呢份三文魚牛油果多士係我超鍾意嘅菜式之一，兩者都係我好鍾意嘅食物，配埋一齊當然冇得頂啦！仲要係堅足料個隻🤤🤤🤤《Flaming Passion》🍹🌟入口甜甜地帶熱情果味道，唔講都唔知道係酒精飲品，同樣店員會喺你面前點火的，影相拍片都一流！😍《Bellini》🥂🌟呢杯係桃味嘅女仔酒，酒精濃度比較低的，真係飲多幾杯都冇問題呀！😁😆《Yuzu》🧁🌟柚子檸檬件餅上面嘅餐牌好鬼Cute，所以就揀咗佢啦！外層係檸檬慕絲，入邊帶少少柚子味，味道非常之有層次！不錯！❤️呢餐我表示好滿意😘😘😘…查看更多

作為姚姚酸菜魚嘅姊妹店《口麻天辣》果然冇令我失望，無論賣相同味道都唔錯，而且價錢又親民🥰🥰🥰套餐有一個主食加小食、涼菜及白飯，當飯我哋就點咗兩個套餐，另一叫多兩個小食及飲品，的確相當豐富呀😍😍😍主食叫咗酸菜魚及水煮牛肉，無論魚定牛都非常之滑！酸菜魚配上大量嘅酸菜，而水煮牛肉就配上煙靭嘅寬粉，加上當日嘅小食係炸雞翼及涼菜係牛腱，另外我哋再叫多咗椒麻鳳爪及黃金脆炸小酥肉兩份小食，呢度除咗主菜好食之外，佢哋嘅小食都非常之出色同惹味，所以我哋全部都可以清晒😝😝😝成間店都係我最鍾意嘅粉紅色，無論裝修同盛在食物嘅器皿，真係充滿少女心💗😆…查看更多

假日的節奏就係唔想買唔想煮唔想洗碗，所以去咗屋企附近解決食呢個問題啦！哈哈！因為唔係話好肚餓嘅關係，但又唔想成日食茶餐廳，最終就去咗食雞煲啦！我同妹妹兩個人就點咗半隻鹹酸菜胡椒豬肚雞煲同一份招牌炸豬扒！ 😝😝😝《鹹酸菜胡椒豬肚雞煲》🌟未開始食雞煲前，先淺嘗一下佢個胡椒豬肚湯底，飲落個胡椒味幾濃郁，而且帶雞嘅鮮味，不錯！另外雞件都好滑，件數都唔少的！仲加入大量嘅鹹酸菜，難怪成煲滿滿的，堅足料呀！👍🏻👍🏻👍🏻《招牌炸豬扒》🌟果然係招牌炸豬扒，肉質唔太肥亦唔鞋身，食落香口又唔太油膩，食晒都唔會太有邪惡感的！Hahahaha…😆😆😆雖然簡單兩樣食物，但可能全部都係肉嘅關係，已經將我哋餵到飽飽了，埋單都只係二百零蚊，真係好抵食呀！個次嚟到因為烤魚賣晒，未有機會試到，下次再嚟一定要試烤魚…😍😍😍…查看更多