ChanPokhei的個人專頁

叫左個外賣 全部野都有好奇怪好唔乾淨既味龍眼冰超甜假糖漿味 仲要有一浸好唔乾淨嘅生水味 飲咗一啖之後完全唔夠膽再飲豬頸肉一大浸味精味 以為食緊媽咪麵粉 懷疑聽日要去醫院洗腎 食完一舊就唔夠膽再食60幾蚊一個炒飯，剩係得蛋烤牛肉撈檬，完全冇烤過 一陣生水味食完上嚟寫食評先見到有人話有曱甴 大家千祈唔好食食完嬲得滯揼咗佢唔記得咗影相 仲要搞到我夜麻麻咁我乜都冇食過咁滯叫咗個外賣 成180$ 俾啲垃圾食物俾人？有無良心可言？…查看更多

今日心思思想食酸辣野 見到我屋企附近呢間新加坡菜好似幾多人食 點知入到去伏到不得了唔好意思食完先想寫食評 所以啲圖都係食到一半影 但因為真係太難食 所以忍唔住首先係呢個海南雞飯 算係不過不失 但係$102我expect佢起碼比啲好少少嘅雞我但係結果佢收咁貴 啲雞又冇雞味 個油飯又鬼死咁乾 如果佢收$70我覺得成件事就合理晒跟住到呢個套餐加$10嘅無骨鳳爪 一食落去全部都係蒜味 完全食唔到無骨鳳爪應該有嘅酸辣同埋惹味嘅感覺 淨係覺得食完個口好臭去到最離譜呢個酸湯魚肉米線 真係過分到呢 首先啲米線完全未煮熟 好似食緊煮左4分鐘嘅意粉咁樣 最過分嘅係我食咗一半佢都仲有咁多油喺度 又唔酸又唔辣剩係得油 想點好啦食到成口油 想拎張紙巾抹下咀 點知呢間野收+1服務費 仲要美其名支持環保冇紙巾俾我真係永遠唔會再幫襯…查看更多

平時都好少留食評 今次真係忍唔住 好耐未食過咁難食嘅嘢疫情期間大家都係屋企食嘢，今日路過旺角呢間堅信號，見到佢號稱$75有ABCD咁多樣嘢食好似好抵咁，就買咗返嚟試吓。點知佢都幾好野，一間餐廳樣樣嘢食整得好食好難，樣樣嘢食整得難食更加難，今日終於比我體驗到。首先講一講呢個雞絲粉皮，另外加咗$24不知所謂。粉皮本質唔差，夠薄同爽滑，但成碟野好似比油浸住咁，入口全部油膉味，完全食唔到雞絲粉皮嘅清爽。$24居然只得3，4條雞絲，仲要有兩條係雞皮。跟住到糖醋排骨菜飯，啲排骨完全唔入味，食落仲要鞋歰歰。糖醋汁正常係要夠杰夠香，係佢仲稀過水。個菜飯，飯無飯味，菜更加冇菜味，啲飯淋到溝埋啲汁以為自己食緊粥。最後個生菜係成餐最好食，但都係睇得出放咗好耐。同埋雖然係套餐姐，淨係比兩條我會唔會太過分？：）…查看更多