ChikYanYeung的個人專頁

餐廳位於尖沙咀中心地帶，主要係做鐵板燒，今日就慕名而來食佢嘅鐵板燒。樓下見到個廣告牌就俾佢個日本和牛漢堡扒午市套餐吸引住，加$48可以有三文魚子或者鵝肝，不過咁多呢我就食唔晒啦，就冇加到。亦都可以加$10轉鐵板炒飯。餐廳位於大廈2樓，感覺舒適寬敞，冷氣充足，圍住鐵板燒嘅位置不少，職員悉心為我安排鐵板燒嘅吧枱位置，可以睇住廚師烹飪我嘅漢堡扒。套餐係以定食嘅形式上枱，除咗有兩件漢堡扒之外，仲有我最喜歡嘅味噌湯。漢堡扒淋上酸酸甜甜嘅醬汁，店員為我介紹，煮至三至五成熟，啱啱好。總結而言，店員親切有禮貌，會同你主動介紹菜式，招呼周到；價錢方面，埋單$200都唔使就可以食到和牛漢堡扒，都算抵食，下次再嚟。…查看更多

今日放工同朋友嚟到屯門市廣場食燒肉，叫左兩個90分鐘美國和牛$238餐，送壽喜燒鍋。自助區入邊嘅種類相當豐富，有百事，道地巨峰提子汁，芒果汁，烏龍茶等等。加$20一位仲可以啤酒任飲。甜品有朱古力泡芙，原味泡芙，藍莓芝士蛋糕，紐約芝士蛋糕等等，我最鍾意係朱古力泡芙～冷盤有魚皮，泡菜，中華沙律，豆腐等等，個泡椒魚皮好入味啊～～忍唔住拎多幾碟～熱食有關東煮，魚蛋，鴨血，章魚燒，春卷等等。肉嘅種類相當多，豬牛雞海鮮都有，當中最鍾意嘅就係多春魚，好香 ～送咗個壽喜燒火鍋，入面有啲菜，金菇，冬菇，可以一路燒肉一路打邊爐 😝入面個場好大，同埋大部份都係卡位，可以好舒服咁樣坐，亦都唔會好大油煙味，離開餐廳都唔會覺得自己食完燒肉～…查看更多

餐廳位於銅鑼灣Fashion walk地下，我點咗$398一位嘅套餐第一道菜係茶碗蒸，上面有啲金菇碎，食落好甜刺身方面先由右邊開始食，右邊係鯖魚，上面有啲芝麻醬；面左邊係油甘魚，搭配wasabi一齊食磯煮鮑魚伴肝醬，搭配鮑魚肝整嘅肝醬，下面係醋飯吉列帶子用紫菜包住，上面有他他醬加三文魚子煮咗六個鐘嘅豚角煮，中間夾住蘋果醬，先食肉，再食椒目張魚壽司，芥末同醬油已經調配好，可直接食北海道帆立貝壽司，食落有柚子味紫蘇文甲魷魚壽司經過炙燒，咁淋上青檸汁，好清新鰹魚壽司，夾咗日式蘿蔔蓉辣椒醬，唔會好辣，都幾開胃拖羅𦴦加海膽卷招牌飄雪鵝肝吞拿魚壽司，紅酒慢煮過嘅鵝肝雪凍佢刨成碎，上面係中拖羅，食落好似雪糕口感海鮮卷…查看更多

朋友今日帶我嚟葵涌Cafe食早午餐，餐廳感覺整潔舒適乾淨。牛仔很芒芒果汁加鮮奶，奶味突出丸久小山園抹茶抹茶帶濃郁的茶味和適中的苦澀味，鮮奶並冇掩蓋到抹茶嘅味道，拉花都好精緻。❤️香煎匈牙利鵝肝多士多士上面放住兩塊煎香嘅鵝肝，雖然聽講嗰塊多士係拎嚟吸鵝肝嘅油，唔應該食，但係真係好香，點樣忍住唔食？ 🤤 黑醋汁酸酸甜甜，夾埋鵝肝嘅油脂真係好好味🤤大蝦帶子龍蝦汁意粉龍蝦汁沾滿每一條意粉，一份意粉有兩隻大蝦同一粒帶子，大蝦同埋帶子都煎得好香，而且大蝦好爽口彈牙～鵝肝黑松露雜菌薄餅差啲唔記得自己order嘅係鵝肝，以為咁大粒嘅係雞肉 🤣 鵝肝同埋黑松露呢兩樣食品加埋一齊真係好夾，薄餅係蕃茄醬底，面頭鋪上芝士，趁熱食真係好滿足。🤤…查看更多

一場嚟到元朗，梗係要試吓啲經典野 😋星期六嚟到真係座無虛席，要等一陣先至有位。蝦子撈麵滿滿嘅蝦子鋪喺面，真係好慷慨！每一條麵都沾滿咗蝦子，成口都係蝦子嘅鹹香味 😋水餃牛腩麵嘅牛腩唔黐牙～而且煮得好腍，水餃入邊有鮮蝦，豬肉同埋木耳，食落爽口彈牙。雲吞喺舖頭嘅招牌，雲吞雖然皮薄，但係唔容易爛，一口咬入去食到鮮蝦嘅彈牙 ～ $38食到手工雲吞絕對性價比高。炸鯪魚球配埋蜆蚧醬，不過我都係鍾意點泰式辣醬多啲 😆 鯪魚肉非常之彈牙，成餐飯不停都係俾食物彈牙 😂 炸雲吞好脆，早知叫四粒 😂雲吞皮糖水，真係從來都未試過😂 我諗入邊係加咗冰糖，雲吞皮唔係煲爛嗰種。本身以為係會有少少似腐竹，其實食落有少少似冰糖雪耳糖水嘅口感。最後買咗兩盒蝦子麵返九龍做手信~…查看更多

平時乘搭中環半山扶手電梯經過都會望到嘅鐵牛台灣牛肉麵，今日我終於嚟試啦～入到嚟好光猛，感覺好乾淨，地下唔會油淋淋～鹽酥雞拼夜市小香腸鹽酥雞好香口❤️ 小香腸上面有一片片蒜片，又香又多汁 😆櫻花蝦粉絲娃娃菜呢一個娃娃菜煲下面有個火熱住😆 娃娃菜同埋粉絲素晒湯汁好甜。鐵牛臭臭鍋加安格斯牛肉片餐牌推薦呢一個臭臭鍋，我哋加$8轉左滷肉飯。點解叫臭臭鍋？因為入邊有臭豆腐啊～ 明明臭豆腐就好香❤️ 我最鍾意係佢個鴨血啊😆 微微辣好易入口～ 成個鍋食完都唔會勁口渴。鐵牛台灣牛肉麵一嚟到就試佢個湯～以為會好鹹，點知都幾清～牛肉分布係半筋半肉，啲牛肉都幾大嚿㗎～台灣麵都好煙靭❤️珍珠奶茶 &鴨屎香檸檬茶台式飲品嘅標配點可以冇珍珠奶茶？😆珍珠奶茶就正常發揮啦，反而鴨屎香檸檬茶，我覺得好好味😂 …查看更多

朋友帶我黎火土燒肉食午餐，餐廳融合露營風格，可以嘆住冷氣咁露營食燒肉。😆我哋叫咗每位298嘅二人套餐，有四款肉，兩款主食同沙律，仲包兩杯飲品。燒肉之前店員俾咗一嚿牛油我哋，提醒我哋燒肉之前抹下個網，會更香同埋避免黐肉。黑醋冰蕃茄沙律蕃茄好大隻，睇落好似西瓜😆 咬落好爽，好新鮮。😆花切長牛舌牛舌好長而且好厚，以為咬落會韌，點知一啲都唔韌，係帶爽嘅口感，牛味好濃！豬肋條豬肋條係鹽醬味嘅，本身以為有骨，原來豬肋條係冇骨嘅😂 咬落去無渣，都唔會有好勁嘅豬燥味。雞爽肉雞爽肉都係鹽醬味，比起雞腿肉薄身啲，同其他燒肉餐廳嘅雞肉比較，呢度做得幾好，因為其他餐廳食嘅雞肉，經常都會變咗肉碎，然後喺個網嘅罅度跌咗落去，搞到冇得食，呢度嘅雞爽肉燒完仲係可以原條㗎。🥹雞腿肉雞腿肉都係鹽醬味，燒完都仲係好滑🙊 雞腿肉比較厚，所以我都剪開嚟燒。玉子海苔飯鹽醬味嘅肉配埋海苔飯一齊食味道啱啱好，食海苔飯嘅時候海苔都飛晒出枱面😆 一嚟海苔太多二來我太唔小心😂柚子梅素冷麵咁熱嘅天氣整返碗冷麵都真係幾舒服，同埋個麵放到最後先食，佢都冇浸到爛，nice!清酒煮蜆 $58好大粒嘅蜆肉一份5粒，隻隻都伸條脷出嚟㗎😆 啲蜆肉連入邊嘅都好飽滿，燒過之後，蜆嘅精華溝埋落個清酒好香。杏鮑菇 $38有8大片，而且燒完依然保持水份，下次去一定會再叫返煮蜆同埋杏鮑菇。🙊環境方面都坐得幾舒服，座位與座位之間都唔會好擠迫，雖然係燒肉嘅地方，但係都冇好勁嘅油煙味；服務方面，店員都係年輕人，好有禮貌，而且好主動同你更換燒烤網，好有被照顧嘅感覺 😆地點就腳，肉質素高，環境舒服，店員有禮貌，我一定會再返嚟。😆👍🏻…查看更多

最近去咗位於旺角台灣人氣燒肉店燒肉smile午餐，燒肉盛合內容種類豐富，套餐都附送韓式泡菜・椒鹽鹽蔥，同飯。餐牌價格上親民，性價比高，午餐唔使$60 都有得食。😂 Order咗兩個套餐，分別係牛肉盛合套餐& 海陸牛特盛套餐。牛肉盛合套餐入面有牛五花、板腱牛排、牛橫膈膜、蔥鹽牛舌四款不同部位牛肉，肉質鮮甜軟嫩多汁。海陸牛特盛套餐有板腱牛排、牛五花、冷藏雞腿、鮮蝦、鮮魷魚、鮮味鱸魚六款肉類，我好鍾意個魷魚呀。😋有幾款肉再單點咗，分別係肉類板腱牛，雞松坂同鮮魷魚，大家黎到都可以試下！😊飲品方面，點咗阿里山烏龍冷泡茶，茶味清香，適合食燒肉嘅時候飲返幾啖。😋整體而言，餐廳裝修舒服，燒肉爐採用無煙設計，食飽都唔會好大陣燒肉味。😆 另外有韓式小菜半自助放題沙律吧，夠晒健康啊！😋…查看更多

未到11am營業時間已經有三組客人在等候，我也是其中一組。留意到餐牌除了有中式餃子，還有咖啡和甜品可供選擇。有一個小黑板寫了當天的例湯和特色餃，令我有少許期待菜乾湯。❤️各點了煎餃和灼餃一份，分別是韭菜豬肉餃（灼），芹菜豬肉餃（灼），芫茜豬肉餃（煎），菠菜豬肉餃（煎）。灼餃的湯底是菜乾，咬開充滿韭菜，豬肉湯汁小心口入面爆開。 煎餃外皮煎至金黃脆口，咬開入面好多肉汁，滴出來都怕浪費了。除了餃子還有特色甜品，今天除了原味的芝士蛋糕，另外還有咖啡味和開心果味。❤️兩款都各有特色，不過我更偏向於開心果。💚…查看更多

從元朗西鐵站C出口出發，沿着天橋就可看到這間神仙餐廳了。😋餐廳裝修給人一種放鬆舒適的感覺，讓生活節奏急促的香港人可以放鬆神經，飽餐一頓。小店主打手工餃子和精品咖啡主題，是次我和朋友都點了店內的招牌家常手作餃子套餐，這個套餐可以選擇兩種口味的餃子，分別是黑松露三重芝士，三鮮豬肉（鮮蝦、韮黃、蛋花），白菜豬肉，粟米豬肉，香菇木耳豬肉，韭菜豬肉。我這個套餐是黑松露三重芝士和三鮮豬肉，共有八件，餃子底部脆口，而且顆顆包滿。一口咬下煎餃，肉汁混合黑松露的精華會流出，又甜又香。😋隨餐更有2件招牌貝殼蛋糕，蛋糕不會太甜。沙律菜可選胡麻醬或黑醋汁，沙律菜爽脆，酸酸甜甜的黑醋汁與沙律菜配搭，十分清爽。飲品方面，我們點了特調菠蘿泡沬冰咖啡和紅絲絨朱古力。冰咖啡是朋友的餐點，所以我並沒有親口品嚐過它的美味，但賣相非常精緻。紅絲絨朱古力，可可味道頗為濃郁，奶香和可可香味互相襯托，而且配搭餃子套餐一起享用，並不兀突。總結而言，餃子店主打精品咖啡，藍帶甜品，手作餃子，店面乾淨整潔，採光舒適，店員親切可愛。☺️ 從元朗西鐵站C出口出發地點方便，必定很快再次光顧。❤️…查看更多

我們點了晚市二人套餐，包括了蒜蓉包、餐湯和飲品；兩款前菜，兩款主菜和甜品。熱情果油醋核桃雜菜沙律我喜歡這個雜菜沙律😋 熱情果酸酸甜甜，配合油醋的份量恰到好處，合桃很脆。👍🏻香煎鵝肝多士餐廳當天鵝肝售罄了，轉為鴨肝，未曾試過鴨肝，油香都很豐富。😋炸燕麥雞翼雞翼炸得酥脆，而且好大隻😋 炸過後依然嫩滑，不會乾柴。風乾豬面肉卡邦尼意粉卡邦尼醬汁濃稠，表面灑滿芝士粉，意粉軟硬適中，配上風乾煙肉碎，口感香脆。伴隨著芝士碎，味道咸香，每條麵條都掛滿醬汁。炭燒紐西蘭肉眼扒我們點了七成熟，牛肉眼扒充滿肉汁，不太油膩，而且牛味香濃。👍🏻乳酪忌廉杯上面有熱情果醬，口感軟滑清新，忌廉杯下方有餅碎，感覺是乳酪忌廉布甸。意大利奶凍奶凍上鋪了紅豆，而且份量好大杯😛 總結而言，餐廳乾淨整齊，沒有壓迫感，餐廳門口和店面裝修風格簡潔高級，座位舒服闊落。食物賣相令人滿意，味道中上，甜品更是令人眼前一亮。😋 服務方面，店員都是有禮貌的年青人，給人一種活力充沛的感覺。THE DIAMOND RESTAURANT (元朗)元朗元朗安樂路1-11號明珠樓地下7-9號舖…查看更多

今日嚟到尖沙咀食韓國餐，有烏冬類，餃子類，粥類可以俾我揀。餐廳裝修舒服，座位算闊落，而一入門口見到有一排招財貓好可愛啊。餃子分為蒸同煎兩種，韓國鮑魚餃子比較特色，但係朋友海鮮敏感，唯有下次再試啦。🥹今次order左煎韓牛餃子，餃子一碟有五件，外皮煎到脆卜卜，咬開入面好多肉汁，小心俾佢噴親。釜山魚糕烏冬，賣相好吸引呀 🤭 魚糕有一大串，魚糕有丸狀，有片狀，滿足到我喜歡吃不同口感魚糕的願望。烏冬除咗賣相特別，都好煙靭冇煮到腍晒。👅人蔘雞粥好大碗👀 同一般廣東嘅粥品唔同，韓式嘅粥底比較杰，而且食落麻油香比較重，雞肉係雞絲狀態，入邊仲切咗啲甘筍粒粒同埋薯仔粒粒，食到好飽。👅飲品叫咗呢個提子汁。…查看更多

今日黎到黃埔呢到食餃子，舖頭入面係舒服整潔嘅日式木系風格，而且擺設好有心思好可愛！飲品方面我哋叫左金羅漢果茶同季節限定嘅蘋果雪梨水，兩款飲品都係店家自家製，金羅漢果茶好少甜，飲到好濃郁嘅羅漢果味。😋 蘋果雪梨水都係唔甜嘅，好清潤。😋自家製辣菜圃係店家每日自己炒，辣得黎仲好香蒜頭味，而且口感爽脆。涼拌菠菜入面有加入少少柚子去涼拌，入口清新。叫左個其間限定嘅香辣花甲粉，呢個係正常辣嘅辣度，我下次會叫辣少少😆 個花甲好鮮甜，入面仲有粉絲同金菇。花膠雞絲湯麵揀左配拉麵，個湯底好清，同湯餃個湯底係有分別的，但飲落都係舒服同無味精。雞絲唔似坊間一落湯就散開，係夾得返上黎嘅粗度；另外花膠都好大塊，食個麵都可以順便養顏。煎芝士辣雞餃叫左八隻份量，八隻餃子係連住一齊，都好考煎果個人嘅心機。😂 餃子皮煎得好香脆，咬落去雞肉汁好豐富唔會柴乾；咬多兩啖啲辣味慢慢散出嚟，雖然感覺越食越辣但對我嚟講都係少辣。🤭湯黑松露豬肉餃同樣叫左八隻份量，湯餃緊係要飲湯先啦，好有屋企湯嘅感覺😋 咬開好香黑松露味，粟米都好飽滿。😋煎麻甩餃係甜品黎，一份有四粒煎餃，外脆內軟，比我感覺係造成餃子形狀嘅煎麻薯，放落去花生碎嗰度碌碌碌，就好似一個煎過嘅糖不甩咁。👅…查看更多

今日黎到位於旺角T.O.P地下嘅Couch CLUB試下日西fusion cafe，餐廳裝修接近日本昭和風，結合日式和西式的風格。餐點種類多，除咗一般咖啡甜品主食之外，仲有自創嘅調酒，杯杯賣相都好靚。飲品方面我哋叫咗一杯開心果奶昔同埋ORCHID’S MEMORY 。杯開心果奶昔好足料！🥹 飲入口好順滑同好重開心果味，仲有啲開心果嘅粒粒。至於ORCHID’S MEMORY係餐廳自己設計嘅酒，配方係白蘭花泡浸伏特加，白蘭樹下，佛手柑，白蘭花味唔會比伏特加蓋過，調配得相當不錯。小食方面我哋order咗汁燒唐揚豆腐，豆腐面頭淺炸過，入面依然嫩滑。叫咗個明太子忌廉意粉，醬汁唔杰，食入口唔會好鹹，撈埋魚籽一齊食，雙重鮮味。👅 意粉口感軟硬適中，掛埋明太子醬一齊食，好味！呢個落單之前已經好期待，係一份SUSHI TACO，入邊有三款唔同嘅魚生，包括辣味三文魚，蔥吞拿魚腩，軟殻蟹。餐廳用炸過嘅紫菜代替平時TACO嘅皮，入面舖上珍珠米飯，再放魚生，成件事係好夾，好好味。🥹甜品方面實在太吸引，所以叫咗兩款。😂 首先嚟到嘅係伯爵茶千層酥，我嘅食法並唔係切開佢嚟食，因為咁樣會必晒啲吉士出嚟，所以我都係逐層拆開嚟食。🤣千層酥非常酥脆鬆化，吉士醬嘅伯爵茶味都係個口腔衝出嚟，係幸福嘅味道。🥹壓軸出場嘅係堤拉米蘇波波，首先講咗個重點就係佢都好好食。😂 由上而下食起，馬斯卡彭芝士好軟滑，下層嘅手指餅乾浸泡過咖啡後，唔會濕得口感全無，蘭姆酒味唔會過重，唔會遮蓋咖啡同芝士嘅香味。但係我覺得最畫龍點睛嘅係甜品旁邊嘅餅碎😂 撈晒黎食，好好食。😂總結成餐飯由餐廳裝修，到餐牌設計，再到食物賣相同味道，我都覺得好有驚喜，同埋性價比高，咁好嘅餐廳真係值得比更加多人認識到。🥹…查看更多

龍鳳松茸雙煎餃叫左大份嘅煎餃一份有12隻，每隻餃子都好飽滿。外皮煎到脆卜卜，咬落去松茸嘅香氣就散出黎，豬肉餡不會煎到乾晒。大白菜豬肉餃（湯）湯餃嘅湯底係生魚湯，食餃子之前一定係飲湯先！😋 咬開充滿白菜，白菜好爽，豬肉湯汁小心口入面爆開。四川涼皮本身好鍾意呢種口感嘅食物，煙煙韌韌，涼皮酸酸辣辣，辣醬帶點麻，仲有清爽嘅青瓜絲。山楂雪梨水清潤嘅山楂雪梨水，好少飲到啲咁唔甜嘅雪梨水，自家製嘅心機，值得一試。…查看更多