golgiyuegolgiyue的個人專頁

真係唔知點解咁多話好食，定是只係我依個差呢？！不過應該唔係，我仲叫咗個炸豬扒飯，一樣咁差！先講個蛋包飯先，一嚟到，個侍應仲問我要唔要影相，點知一切蛋皮唔識翻開，真搞笑！我都唔知影乜！食落口，蛋都未係叫差嘅，不過好一般，冇特別。到個飯，我心諗，點解啲飯成舊嘅，仲淋啤啤，個汁仲死咁甜，好難食！個牛好啲，不過有臊味，真唔掂！唔好同日本比喇，香港大把好過佢，有需要排隊等咩？！到豬扒，個炸皮仲厚過啲肉，又油！個白飯仲”行”嘅！嘩，今次真係人生食過最差嘅喫茶鋪！…查看更多

昨天外賣燒味回家晚飯, 如常先到櫃台付款, 再到燒味部取貨.已經同收銀員講明叉燒要肥, 去燒味部再講多次要肥, 竟然他們俾全瘦我, 仲搵都唔搵就話已經最肥. 你全部貨都係瘦?! 掛成幾十條出嚟都係瘦?! 依個時候再多幾個燒味人插咀, 話係架喇, 你退錢囉!! 依啲咩態度?! 之後再有個經理出現, 佢態度就好喇, 即時叫燒味人換俾我, 但係燒咪部都唔係好聽佢講, 佢要走入去好似小朋友咁叫咗幾次佢哋先做, 佢真可嘉! 稻香燒咪部真係非常惡劣 , 一個上市公司有啲咁嘅倒米員工, 管理層應該感到羞恥 .…查看更多