manman345的個人專頁

很早已經聽聞九龍城這間25年老字號火鍋店"厚福館"..以前小時候爸媽會經常帶我們到附近的單車場玩..現在長大了, 到我們襯著母親節一家來吃個滿足的!裝修後的厚福館更有時代感,很日式feel.這店食材非常新鮮, 牛肉每日由屠房新鮮直送..新鮮自家製作食材, 真的不得了!我們一家四口點了個"瑤柱冬瓜湯底"..甜味非常!湯底裡真的有很多瑤柱粒粒...店員說在這裡吃火鍋是先喝湯後火鍋,我們每人先舀了一碗仔湯渴了..然後火鍋配料就陸續上台..牛味濃郁, 好食到停不了口..非一般的雪花肥牛, 無錯!的確不是肥牛, 是"雪花靚牛"口感真的一流, 跟吃"靚牛"的感覺很不一樣, 這個比較"趙口",有點咬牛根的感覺,都係一試難忘!同一般炸魚蛋不同, 難怪人人都推薦要試, 外皮不脆不厚, 魚味夠, 還真的很像棉花糖般軟棉棉的!墨魚滑一直是我火鍋中的至愛, 墨魚攪得很蛋牙, 好味到不得了!鯇魚片很新鮮, 差點想當剌身食落肚呀!必食果真係必食, 手打蝦丸又係勁爽口彈牙, 啖啖蝦肉, 極力推介!只有媽媽才會要求吃火鍋一定要有菜,哈哈好好味的即炸響鈴卷, 湯底又正, 索晒d湯底, 正到爆!總括而言, 湯底用料足又夠晒味, 食材樣樣都新鮮, 無得輸!…查看更多

在附近工作完隨便找個地方食個lunch休息下...不太喜歡閒日在外食個飯都要排隊,甚至要限時...生活已經夠匆匆忙忙..連食飯也要趕頭趕命就太辛苦了..和同事走上了半島中心看見i cafe就入去坐下了..店面分開了左右兩邊..中間隨了一個舖位原來俾人搶先租了..哈哈適逢快到母親節, 店員推介了"I.cafe親子雞漢堡"是特別為母親節限定推出的門面裝修簡潔, 比茶記舒服開初覺得味道怪怪的, 怎麼忌廉湯會有點甜甜的?後來看看餐牌才知道加了啤梨肉..我才接受得到!哈哈這個扁意粉沒我想像中好味食, 甘筍汁的味道我不太吃得出來, 可能我還是比較喜歡芝士或白汁吧!凡立貝也沒有什麼突出的味道, 還略嫌意粉唔夠熱, 這個有點失望嘩..這個雞漢堡真的很大, 親子漢堡嘛, 大的裡面是大大塊雞扒, 配上自家混出來的醬,開胃可口!小的那個裡面是沙律蛋, 味道也不錯!我一個人也吃不下2個飽, 幸好有同事跟我share,不用浪費!…查看更多

座落於鬧市背後的一間滋味食店, 門面裝橫沒什麼特別, 可稱得上平平無奇, 但是食物質素卻出乎意料之外的好味!上星期和朋友在油尖旺行完街想找間食店舒服食番餐,但唔係等位就係坐得逼逼的,行行下走到內街,突然眼前有間很光猛的"滋味館",平日不是日本料理就是雞煲邊爐, 於是就來個叫小菜食飯,最重要不用等位!哈哈!金牌金子塔 外形很特別, 估佢唔到原來係梅菜扣肉,聽說廚師花了2日時間去處理,真不容易,比起傳統的梅菜扣肉味道唔太咸,配白飯一流!冰梅肉排雖然賣相沒什麼特別,但食落去有很濃郁冰梅醬的甜醱味,非常可口!真的很開胃!蒜蓉蒸海蝦開邊海蝦非常新鮮,而且仲有很多蝦膏的,白灼其實而經夠鮮甜,但我們選用最簡單傳統的用蒜泥去蒸,好好味又不用落手剝!哈哈燒汁牛筋骨牛味非常濃郁,牛肉煮得很考功夫,不會韌而很"林"身,加上燒汁配搭牛肉,非常夾!O者O者芥蘭平時很少在餐廳吃到這麼鑊氣十足的炒芥蘭這一道菜滿滿大排檔風味,而且加埋蝦乾一齊炒,惹味非常!紅燒乳鴿我對乳鴿不怎麼喜好,總覺得沒什麼肉食,但今次有驚喜,點解可以外皮香脆,肉質又保持到有汁又不老?!整體而言, 我是覺得喜出望外, 沒想到一間這麼不起眼的食店, 食物質素這樣好!店員又很落力向我們推薦菜式, 介紹的都很對我們的胃,哈哈,下次要再找多幾個朋友試試這裡出名的海鮮!…查看更多

茶,好飲有香味魚翅餃,入面唔覺有翅,好似燒賣咁,但幾好味蓮蓉包,D蓮蓉唔痴牙,正山竹牛肉,都係果D味,冇咩特別豬手,好好味,D肉夠霖叉燒包,2個都比我朋友食左唔知咩味雞紮,出面包住果D應該係腐皮()第一次食,舊雞幾肥,有肥膏舊冬菇好好味蒸鱔,好多骨,食到隻手好痴食完70$找數,拎左張卡片~希望仲有得去食…查看更多

聽講話酒泉同田中都唔錯咁不如就食酒泉啦, 唔使排咁耐下午4點鐘開始既下午茶我地3點10左右就入左去坐地方迫迫地, 明明有木台不過都要人地搭木台蟹子壽司 - 蟹子卜卜脆! 又夠多! 正三文魚壽司 - 係新鮮ge, 同埋真係幾大條..不過瘦左d wo..食份量啦都係希靈魚壽司 - 好爽, 唔知咩叫好食, 我覺得有少少似咸魚味..大蝦天婦羅壽司 - 脆! 熱辣辣! 推介三文魚子壽司 - 紫菜唔脆珍寶帶子壽司 - 幾甜, 但唔算太好食佐賀和牛壽司 - 唔夠肥, 但o岩晒牛魔王既我鰻魚壽司 - 超級長, 比三文魚仲要長, 汁好好食, 美中不足好似有少少骨翡翠螺刺身 - 好甜, 煙un, 正呢三文魚刺身 - 唔夠肥, 好似未解凍咁..唔掂所有壽司d飯都好濕好濕..fill水fill得好快. 不過d茶梗係唔係咁好飲..侍應做野同上菜都好快! 一讚!…查看更多