ccwwkk的個人專頁

今日經開去睇吓有咩食，入到去都算多人，坐低會問你飲咩茶，但當時未諗到飲咩無叫到，但是一掉抵個餐牌後我睇咗一陣就叫女職員，第一次叫女職員叫我等等，咁我都等咗一陣，等咗陣都唔見有個女職員來理我，我就等多陣見女職員經過叫住佢落單，落了脆皮風沙雞半隻、椒鹽鮮魷、本來想叫多個啫啫通菜，通菜話無有芥蘭，之後又話無芥蘭只有生菜咁我就算叫住兩樣先一陣再落，咁我又睇咗一陣餐牌，諗到想食咩加單想叫人又無人理我，見到個男職員叫一次無理我去送餐，想叫返頭先個女職員又無理我，之後比我又見到個男職員叫佢又叫我等等，等咗一陣個男職員先理我，再加單石鍋花膠濃湯魚翅，加完單就有個阿姐問飲咩我就叫個陳皮普洱後出椒鹽鮮魷，椒鹽鮮魷食落都好厚肉，但無咩椒鹽味，之後出石鍋花膠濃湯魚翅，飲了啖湯好淡無咩味道，之後食魚翅都算可以，但個花膠一啲味道都無又偏硬好似食緊舊無味嘅香口膠咁，食到尾仲有啲魚骨同一片辣椒皮仔，當時諗點解會有辣椒皮仔，之後來脆皮風沙雞，食落去皮唔算好脆，但雞好滑，食飽食唔哂叫個阿姐比個外賣盒我仲會問我要唔要袋，咁等咗陣我包好個外賣，想飲多兩杯茶再走頭先個比外賣盒個阿姐來收嘢，連我放茶杯隻碟都收埋，心諗我飲多兩杯茶都唔得？洗唔洗咁收嘢趕客？茶係有茶介的，之後埋單走人，整體來講唔會再食第二次，無咩服務，啲職員一係唔理人，一係就趕人走咁，味道無驚喜又唔無特別好食又貴又要收加一，佢個價錢我有好多選擇，今次純粹試下。…查看更多

今日去食飯叫了一個蝦醬通菜炒牛肉/一碗碗仔翅/一個黑松露薯條，食個黑松露薯條個醬完全冇黑松露味，只有一浸沙律醬味，之後同店員反映佢竟然攞兩包茄汁俾我叫我點茄汁，個黑松露醬薯條就係想食黑松露醬你俾2包茄汁我做咩呢？仲有個蝦醬通菜炒牛肉，嚟到係冇蝦醬味嘅，咁好啦，我問佢攞蝦醬佢又話佢個蝦醬係生嘅，重新炒碟多蝦醬俾我，我心諗點解你開始唔炒俾我呢？要我食到發現問你拎蝦醬先話炒過碟，玩嘢吖？我來食飯，食兩樣都貨不對辦。…查看更多