lokchingbaby的個人專頁

叫左一個花膠雞湯翅米線（$78）一嚟到即刻趁熱飲兩啖湯，食左舊雞仲落左好多胡椒粉，仲感嘆緊咁大份好抵食，不過撩極都撩唔到啲米線，好疑惑之際…個樓面慌失失走埋嚟話自言自語話俾錯左我估應該係嚟錯左一份淨花膠雞湯（$148）同佢講「已經食過同撩過晒啦喎😱😱」佢一句都無回應，默默咁收左個湯入廚房🤔有少少驚訝通常餐廳應該點處理？食過都收番入廚房點知你會唔會俾其他食客？🤯🤯一句野都唔講直接收番入廚房，真係好難唔令人誤會😓唔係想貪你個份食物，但係好鬼唔衛生咁Btw麻辣墨魚頭好食 湯好飲只係覺得樓面無乜禮貌（後生女）落單個呀叔九唔答八😓😓😓勁簡單都落唔到真係幾好嘅 無肚痛嘅！…查看更多

約左朋友星期六嘅12:00係深水埗行下。大南街附近比較多coffee shop同cafe，而友人同我都比較肚餓，想搵啲有主食嘅鋪頭食下野同坐下。未坐低 待應妹妹好好態度，介紹是日蛋糕同餐牌，同埋堂食只有75分鐘😳亦有最低消費8x蚊坐嘅位置係梳化，同張超矮餐枱係隔好遠，食野需要wu低身～兩人分別叫左一個素麵餐（$128）同飯團餐（$108），兩個餐都有各小食兩份。素麵餐個麵係日式白麵，配顏色好清，但味道好好好好鹹嘅鰹魚湯。細細碗一個女仔食都夠飽。飯團🍙好食，三文魚餡，都係偏鹹。但相對易入口。4款小食：有麵豉青瓜，得個幾塊薄片，半條迷你青瓜嘅份量都無😅😅北寄貝沙律，鹹到飛起，鹹到食唔完。蕃薯仔：放題貨色.....另外一款忘記左係咩，都係普通的小食🙂茶：原本都唔平，一個茶要$50起，加熱水要俾多$20😧😰😰😰其實已經限食75分鐘，飲多啖茶，都唔會坐你好耐姐...意見：食物鹹嘅程度係全日都好口渴....真係要改善下。同埋價錢set到有啲高，但食物質素同份量都不成正比....跟餐飲品亦都欠奉。友人同我都無意欲再去食。128大概可以有更好嘅選擇～令人懷疑真的會有回頭客嗎？唯一係冷氣幾大，出面熱辣辣文青嘅野 ， 我識乜呀🤢🤢…查看更多

4個人叫3碗，一人一啖就停晒手！只因太難食...合桃糊芝麻糊用粉開，又稀又凍...連基本嘅糊狀口感都無，係同水差唔多稀桂花芋圓，酸、凍、芋圓係一舊粉...咁樣質素都係想氹人食一次無回頭...簡直係浪費了食材食水唔值得人幫襯希望大家叫外賣都要睇下食評唔好盲中中就order中晒伏咁伏伏伏伏伏！直昇機呀！俾啲凍冰冰嘅糖水人，有咩道理如果堂食一定唔收貨，唔知係咪裝好晒俾人叫外賣？Sad呀 唔想食晒佢 難食到送左落垃圾桶喇…查看更多

今晚外賣回家，諗住有靚靚宵夜食。叫左一碗小辣酸辣粉，點知令人好失望，係一個失望又要空肚既晚上。酸辣粉，固然要又酸又辣。穩陣起叫左小辣，真係好難食，好淡，唔酸又唔辣。完全連譚仔10小辣都無。湯底唔期望係雞湯/高湯，但好似清水咁淡...唯一可取係送左幾片娃娃菜...但由於太難食，成碗扔左落垃圾桶！係呢個飲食業冰河時期，想支持小店，但小店食物質素咁樣，真係令人非常失望。呢間鋪頭主打「川辣」食品，然而湯底如此失手。唯有再幫襯唔會再食酸辣野，食下炸物，可能更好！願店主見到我既意見並改進！真心，唔好食…查看更多

想食水蟹粥 所以搵到呢間餐廳兩個人叫左一個蟹粥+雞湯米線套餐另加一隻乳鴿白粥底+蟹都有幾多蟹膏，不過應該唔當造食得出蟹似好梅，或者係唔新鮮殼硬，好難食用啲蟹肉粥底有味精，不過可以接受番到屋企都無勁口渴整體都甜，好大碗，熱辣辣雞米就好重酒味，米線係好滑個隻細細碗唔多米線，雞肉滑又醃得夠味！個湯都飲埋，不過受唔到咁補就唔好飲咁多啦乳鴿炸得好好食，又香好食過好多舖頭，必食食完呢餐一肚水呀我就唔夠飽既，後尾出去又再搵野食…查看更多

係朋友介紹話好食，所以帶住期望去食🙏🏻環境：香車街熟食中心上，雖然好有老香港既味道，但真心覺得衛生一般，隔離垃圾站仲好臭🙌🏻 等位既地方無冷氣，但有大風扇👍🏻入到去相反好涼爽，亦相對乾淨。食物：出名既蝦膠豆卜💬好香口 好食既腩肉💬炆到好唸，不過無乜味道，唔算好食炸雞球💬即係炸雞髀肉，不過醃料好弱，炸得香脆又如何味道好好好普通！炸豬排💬日式炸豬排feel，又係純粹落漿炸脆，味道無特別麻辣米線中辣好夠麻酸辣BB辣想試下湯底味道，不過都好普通，好單調，同街外好多米線店差唔多，不值吹奏🙌🏻🙌🏻另外想講 員工應該做得辛苦 黑口黑面粗聲粗氣同枱另一組客人亦都話「老闆娘咁惡！」比佢喝一喝，下次唔想再黎啦吹奏到令人念念不忘既米線其實好普通姐！加埋環境服務，無下次lu…查看更多

蒜泥白肉$55中間白色蒜泥好似忌廉咁幼滑，調味後不會辛辣刺激！推薦！見到好多人推薦食我自己咁大個囡都未食過魚春！一入口有啲硬，唔腥，夠晒麻辣底下既青瓜有啲唔夾，念Back back咁。薯仔就好好食喇！走過油，好正！食到尾就覺得啲魚春有少少腥！下次都係嗌其他試！焗蜆$71幾抵食，滿滿一窩又鮮又甜！咁岩一窩都無沙，難得！無乜調味，友人表示自己都整到，無須出街食😑擔擔麵$35好正宗，麵質不錯！湯底又花生香氣🥜🥜👍🏻👍🏻總結👍🏻👍🏻整體不錯，地方幾大啦！菜式種類勁多，我打算黎多兩三次試多啲味精唔算好濃 ，食完無勁口渴，算唔錯架啦！…查看更多

呢度樓面幾乾淨，冷氣超級凍！閒日黎食唔洗點等位！雞脾可以配沙律或者意粉飯一定要嗌沙律，因為好多新鮮水果整，分量岩岩好！雞脾外皮勁脆，唔會擺耐左就唸晒，慢慢食，食到尾個陣都仲係好香口！肉質嫩滑，仲有五香味！夠入味！我鐘意加香辣粉！仲好食！仲有其他味粉可以自己加…查看更多

分店水準同本店只差少少！麵質唔會煮到太過火，份量岩岩好呢度一定要叫3個餸架！湯底唔推薦叫清湯啦記得嗌腩汁呢度嗌小辣都超級辣，可能想你嗌多啲飲品，勿中伏！蘿蔔：清甜，少少渣可以接受，唔會醃到勁甜！豬耳：必叫，唔會太唸，有咬口，今次食唔夠入味可惜！可能太早木耳餃：唔知來貨邊度，勁好食，唔會過鹹！豆腐：係布包豆腐，好食好多推薦大家去番本店食啦雖然坐得無咁舒服，但我覺得好似好食啲！哈哈想慢慢食，舒服啲就揀呢間啦！（咖哩魷魚都好食，不過超辣）（豬腸夠晒香，清得都算乾淨）…查看更多

食過一次encore，覺得廚師唔係求求其其上菜！食物質素同價格成正比沙律有吞拿魚個款做得好好食又大份。咖哩可以食masala curry，味道特別啲 有蕃茄香。薄餅好食到要外賣走！芝士係勁多拉絲個隻，另外蒜香係超級香口，就算好飽都記得要order！！Ribs個類雖然貴啲，但都做得出色。無理budget就試下啦！連意粉個啲都做得好好，香蒜意粉好食！不過黎得都推薦大家食番啲尼泊爾野啦！呢度啲枱拍埋都坐到6-7個人，適合小聚餐！…查看更多

Testtube貴且難吃青瓜Wasabi係好夾，但係係咪一種甜品黎？沙冰唔似沙冰唔知佢想點。咖啡個個幾正常，但係d泡沫好苦，又唔香。。最後個啫喱幾好味，但係最底白酒啫喱好似消毒啫喱咁，唔甜又重酒精味。。哈哈係件事係伏黎，唔知點解可以賣咁貴？…查看更多

一入去，店鋪裝潢夠晒design，好靚：）餐具都竟然好靚，連員工既工衣都靚！服務唔錯，野食黎得都幾快重點係夠熱辣辣，特別係胡椒餅，用個鍋上鍋入面仲有幾條蔥，好香食物唔算大碟，3－4個人份量鴨可以叫半隻比想像中仲要好！非常好味啦個皮有d特別，唔係平時食開個隻不過都係熱辣辣上台，食慾大增^^…查看更多