Beccatea's Profile

一行六人相約食晚飯，其中一位朋友提議去呢一間，大家柴娃娃冇所謂去試下，結果真係幾好食，有一個好後生嘅侍應，仲好好服務，態度好，又好笑容，個炒魚麵，上菜嘅時候，覺得個麵好粗，但係食落去好好味，好有口感，反沙芋，外層個糖皮厚咗啲，但係都好好味，仲有煎潮州粿，鹵水拼盤最多可以叫四款，啲豆腐好滑好味，一般街嘅潮州鹵水鵝肉比較冇咁滑，呢一間又ok喎，仲有墨魚都好好味，方魚炒芥蘭，啲方魚炸到好脆，好惹味，呢度個蠔餅好有特色，係可以加九肚魚落去…Read More

好耐冇去寧波會所，原來已經裝修完，而家好靚，食物依然維持到之前嘅水準，今次同事生日聚餐，大約160蚊一個人，糖醋骨好食，佢係冇骨嘅，淨係肉，燻魚反而比較多細骨，我哋仲叫咗豆沙鍋餅，不過個皮有啲硬咗少少，高力豆沙相對好食好多，個上湯浸菜好好味，上海菜一般比較肥膩，配呢個菜啱啱好，好清，上海粗炒好好味，個麵好爽，粗幼同埋淋度啱啱好，仲有小籠包同埋鍋貼，鍋貼個皮好脆，小籠包都好薄皮，整體評分都好ok，雖然侍應唔多，但係都唔會話冇服務咁嘅感覺，影團體相時，佢哋好專業，好好，唔會黑面唔想幫你影咁樣…Read More

朋友外國返嚟，話想食燒鵝，諗唔到有邊一度，海港集團，朋友話已經食咗好多次，咁就帶佢試下出名嘅甘牌燒鵝，最後朋友覺得個燉湯好正，燒鵝反而普通，好傳統，比較肥少少，如果鍾意食傳統燒鵝嘅，就會喜歡，餐廳餐牌唔多款式揀，但係侍應們好有禮貌，朋友有兩個小朋友，小朋友覺得有保齡球聲，跟住喺度食嘢好得意…Read More

雖然呢間餐廳自助餐嘢食款式比其他酒店少，但係佢哋每一樣都好好味，佢個燒牛肉好正，同埋海鮮類有蝦、蜆同埋小龍蝦，跟住湯類，有木瓜雪耳湯，同埋紅菜頭忌廉湯，飲品方便就有檸檬茶或者蘋果汁，仲有白桃烏龍，跟住甜品都有好多款式，雪糕係häagen-dazs，有四款，生果有三款，雖然每樣唔多，但係每一類都有代表，沙律有羅馬生菜，同埋玻璃生菜，有麵包粒，有五款沙律醬，甜品款式咗好多，仲有乳酪添，乳酪都有三款口味，今次係因為團購買，正常午餐係320蚊一位，酒店座落於角位，所以兩邊都可以有風景睇，好舒適…Read More

呢間餐廳成日喺社交平台見到；今日中午同同事去試；佢有個半自助餐模式；有個沙律吧喺出面可以任食；跟住一個主菜；湯就係set包埋嘅；其他就要加錢：同埋有生蠔；佢主打係生蠔；今次同同事揀咗兩個主食；大家share試下；跟住再加碟沙律；雖然係任食；但係都好飽呀；食咗一碟；主食我哋叫咗一個pizza；同埋一個斧頭扒；味道都可以；見到有其他隔離枱叫龍蝦；個賣相都唔錯；總括嚟講呢間可以再encore；嗰個湯都好creamy；雖然佢侍應生唔多；但係佢用電子畀錢同落單；所以都好方便…Read More

疫情期間見到呢間餐廳都維持到；我覺得應該要支持下；於是約埋同學一齊去食飯然後先返學；第一次食；叫咗佢個豬扒、羊架同埋牛扒；全部都好好味；之後再返去食咗三次；好啦一次過寫食評啦；第二次去試埋個斧頭扒；本身唔鍾意意大利雜菜湯；因為洋蔥味；我唔食洋蔥嘅😅😅；但係佢個意大利雜菜湯都ok；唔重洋蔥；但係好適中好味道；我覺得佢普通嘅飲品好飲過佢嘅特飲；我每次去食；都會食佢個㗎羊架；佢跟餐上個汁係比較少；但可以再問佢攞啲汁；都好歡迎；好有禮貌…Read More

之前同朋友去樓上食放題；經個見到呢間都好多人排隊；跟住見到佢有大閘蟹放題；所以再約朋友去試下呢間；佢除咗任食大閘蟹之外；仲有好多海鮮；粉絲蒸扇貝都不過不失；好多蒜蓉粉絲都好鮮味；仲有燒蠔同燒虎蝦；啲蝦都好新鮮好鮮甜；先時以為佢啲大閘蟹好細隻嗰啲；但係都幾多膏；埋單每位 $499；比出面嘅放題多100蚊左右；但係有任食大閘蟹都抵；大閘蟹之外；正常日式放題嘅食物都有；刺身、壽司、 燒物、 炸物、 天婦羅 、火鍋同雞煲；蟹粉類食物都有幾款；蟹粉扒時蔬；蟹粉蟹肉蒸蛋；；佢哋做緊個推廣；留言"大閘蟹放題"；再發圖至whatsapp訂座；有清酒任飲或生蠔半打；係每2位起計…Read More

呢間餐廳之前堂食過好多次；去過去幾間佢哋嘅分店；美麗華、鑽石山同埋銅鑼灣；；幾間分店嘅服務態度都好好；今日發現有一間外賣平台；可以跨區送外賣；；即刻叫咗同同事一齊分享；由於多頭性季節過咗；所以叫咗炒蜆、炒米粉、蒜香雞；仲有扁肉湯；扁肉湯本身入面有醋；我個人唔喜歡；可以叫佢走醋；佢哋嘅包裝好好；黎到一啲都冇瀉到；而且送貨時間都好準確；可以再叫；食物品質唔會因為外賣而改變咗；炒米粉依然係咁爽；唔會話淋晒…Read More

經過見到呢間餐廳裝修好舒適， 雖然冇堂食，不過係附近比較企理嘅中式客飯，同朋友一齊去， 每人叫左一款唔同嘅餸， 我揀咗陳皮豆醬蒸魚， 我朋友就揀咗牛肋條， 以果皮豆醬蒸魚好特別，個味好特別， 入口有好濃嘅陳皮味，可以配糙米飯，個例湯都唔係好喊，味道好適中， 牛肋條軟硬度適中， 蕃茄都幾鮮甜，唔會有過多脂肪，同埋都好夠入味， 入口時有少少辣，同個飯底夾埋一齊都好好味， 係仲有兩粒大魚蛋，係辣少少但係好惹味， 本人係bb辣，都食到同埋可以接受到嘅辣…Read More

呢間放題，之前見朋友去過好多次，影啲相出嚟，啲嘢食好大件，一心諗住去試下 ，去之前有啲擔心，因為見到啲食評普通，但係親身去試咗一次之後，發覺其實佢真係好食，好多嘢飲揀啦，有雜果賓治、有鹹檸七、又有薑茶呀，好多熱飲，同平時放題罐裝飲品唔同，一般放題嘅罐裝飲品佢都有，另外佢有一個鐵板燒喺餐廳中間，所以可能會好大油煙味，但係啲嘢食係好新鮮好好， 佢有紫薯啦、榴槤、 佢仲有 燒雞泡魚乾，呢啲係普通 放題無嘅，同埋佢有蟹粥 、花膠雞、仲有蟹肉翅…Read More

小學同學聚會 ，大家揀個中間點，搵咗呢一間灣仔嘅餐廳，因為佢個裝修好特別，有一隻蟹喺嗰個招牌嗰度，大家諗住試一下，因為西式嘅海鮮，個人覺得冇中式鮮甜好味，但係呢一間佢嘅材料好新鮮，所以都好好味，最尾仲將蒜蓉包點埋嗰啲海鲜汁，係另一個味道上嘅享受 ，飲品係好有特色，但係可能我哋唔習慣， 覺得普通好飲，我哋見蒸餾水同飲品差唔多價錢，所以一試 ，但整體嚟講，大家都覺得呢度嘅海鮮可以再encore，好食， 同埋環境同招呼都可以…Read More

同同學打算返學前食野，睇咗一輪，見呢間食評幾好，入去試咗7款點心，個八寶飯好有驚喜，覺得佢好有創意，將所有款式嘅蒸飯，有蠟腸、雞肉、排骨、鳳瓜、冬菇、肉餅、粟米同蝦米，放晒喺一個籠上面， 之後仲有牛柏葉、 蜂巢芋角、 蝦餃、 燒賣、牛肉腸同灌湯餃。整體食物普通水平，芋角有D太油同好厚皮，食物比較濃味，之後好口乾…Read More

朋友想趁復活節假期試呢個餐廳， 多謝朋友，網上book枱好難book，無意間畀佢撳到6號， 環境比以前靚好多， 嘢食都好靚，不過可以參觀嘅地方少咗，但可以喺餐廳側邊行去湖嗰度， 去洗手間途中會經過outdoor area， 嗰度影相都好靚，因為我係食晚飯，咁近黃昏所以好好feel， 個沙律比較辣，但牛扒同意粉都好好味， 佢哋嘅水可以揀steam water或者sparkling water，咁係50蚊一支， 總括今日嘅經驗都好好…Read More

呢間疫情之前同朋友試過晚餐， 嗰次係第一次去，已經覺得好正，個雞煲好好味， 同埋呢度啲房有細房，四個人都可以有間房啦。傾計好方便，又有電視， 今次老人家去食午餐， 佢個牛肉真係去親食都覺得好正， 今次試咗新嘅火鍋湯底，南瓜蜆肉都好甜， 佢個脆肉鯇、 龍躉片、同任點任食嗰張紙，真係任食 ，不停供應， 有啲餐廳係點極都唔黎嘅， 今日個老人家好都話呢度好好味， 佢個海鮮套餐嘅鮑魚同埋蝦都好有份量， 同埋佢多咗好多款式， 我諗我都會再encore…Read More

因為疫情，好耐冇同表妹食飯， 之後同表妹諗住去有得泊車嘅商場，諗起又一城， 又一城有好多選擇，多咗好多日本餐廳，我哋最尾都係揀返啲一間， 我哋六點半開始食，已經全場滿咗， 跟住八點鐘，本身要交枱，跟住見佢好多枱都有得反枱， 表妹同我都係唔食澱粉質，所以我哋叫咗兩個扒套餐，14安士牛扒同埋豬扒share， 佢個套餐，有我哋鍾意嘅周打蜆湯或者沙律，我哋要咗湯， 牛扒我哋要咗五成熟， 豬扒有兩支骨，跟住仲有甜品二選一， 我哋見有啲7個人， 或者一班大學生， 餐廳會安排左右隔開咁樣坐分兩張枱，嗰個防疫措施安排都唔錯， 嘢食都唔差…Read More