foodadvisor的個人專頁

早兩日約左朋友去港島行街，周圍fing，最後行到灣仔，於是決定夜晚試一試龍袍，睇下味道如何😋😋我地冇嗌set，全部單點，啲嘢食唔錯，同預期既水平差唔多一定要提既係蛋白杏仁茶，味道好特別，因為我本身都幾鍾意杏仁同杏仁霜，所以覺得幾好飲，但朋友就麻麻地陣味啦總體黎講都算滿意，有機會經過再黎試下其他野…查看更多

今日同朋友喺香港仔以邊行山，好彩天氣唔熱唔凍，唔係真係行死我😂😂行完之後嚟咗依度食晏，叫咗個炒飯同埋上湯浸時蔬，炒飯唔記得咗影，淨係影咗個時蔬😂😂都幾好食呀！！有我最鍾意嘅勝瓜，勁入味好好食！臨走嘅時候喺出邊買咗個麵包蛋糕，唔大個都係10幾蚊，有斑斕味朱古力味原味揀，同埋呢度都幾多懷舊風味嘅麵包西餅，好有細個嘅回憶🥺附近都多嘢食，下次再嚟食下其他嘢先☺️…查看更多

第一次係高級酒樓係大閘蟹 望住維港個view真係好正呀 ~~朋友仲帶左枝花雕去 美酒佳餚 仲有靚景睇 成個氛圍好正另外仲叫左個燉佛跳牆 平時喺屋企好難自己煮既野緊係要出尼飲！果然無失望 啖啖都係精華所在…查看更多

率先嚟到係至愛炸魚餅，大大塊魚餅，外脆內軟，相當足料。然後叫咗個菠蘿海鮮炒飯，嚟到個時真係原個菠蘿上碟，好大份，可以share食！食得泰國菜點少得冬陰公湯嘅明爐魚，湯底酸酸辣辣特別開胃，好味到停唔到口，個人嚟講特別開胃！整體嚟講食物質素都唔錯，餐牌仲幾多款揀，屬於中價位，性價比高，個人認為值得一試！…查看更多

朝朝反工時間都見到呢間好多人排隊，上次買兩個西餅反去食，個果撻幾好食，水果新鮮，餅底都做得好脆，但mousse cake 上面層糖就有d甜，可能我唔係好食甜野，但佢啲cake真係吸晴度爆燈。今日朝早試左個碎蛋沙津蟹熱狗包，真係好抵食，碎蛋沙津鋪滿成個面包，味道濃郁，平時係其他麵包舖買冇咁好食。我以後早餐買呢個配咖啡就啱哂！…查看更多

之前興完抹茶,興完紫薯,興完鹹蛋,又有一陣芫茜潮,我身邊D朋友都幾多人唔食芫茜, 但我又反而幾中意佢陣草青味但真係萬萬都估唔到芫茜可以同甜品掛勾到,上網見飲食男女介紹呢間推出左芫茜梳乎厘, 所以上星期就特登出左旺中試試佢去到見到除左梳乎厘之外都幾多其他種類既甜品揀 例如有toastie, 幾特別 唔係周圍搵到但我既目標只有一個, 就係芫茜梳乎厘!40幾蚊黎講都唔算好貴, 落單個陣個老闆都溫馨提示左個梳乎厘係即叫即整, 所以可能要等15分鐘,叫我可以係附近行陣先, 但基於出面太多人所以我都係乖乖地企左係度等 (廢事錯過左我個梳乎厘最新鮮既時刻嘛!)15分鐘過後就有得食了, 首先貌相都幾唔錯, 梳乎厘睇落好飽滿好動L, 面頭都灑左d芫茜碎食落發現原來梳乎厘入面都有芫茜碎, 有淡淡既芫茜既同時又唔會太搶左梳乎厘既蛋白味意外既係原來兩者mix埋都幾唔錯, 覺得就算麻麻地芫茜既人都可以一試, 因為佢都幾清新但又唔會好大陣草青味!下次會黎試埋其他甜品…查看更多

強烈推介佢個紫薯雙皮奶!! 本來都只係見佢平平地抱住試下都無壞既心態去嗌,雖然而家好似愈黎愈多紫薯類產品推出, 但紫薯MIX雙皮奶又好似無點見過點知出到黎又幾有驚喜 一上枱同紫米露個樣差唔多, 睇得出都放左幾多紫薯蓉, 好足料食落D雙皮奶好奶滑好重奶味, 兩樣溝埋無違和感 一人食一碗岩岩好唔會太漏 認真唔錯PS 食到一半先記得影相哈哈…查看更多

星期日一家人去左D2 Place 行街，平時都好少黎荔枝角呢邊，所以打算晚飯都起呢邊食埋先番屋企！今次，竟然媽咪提議去食呢間日本野，話起facebook有朋友介紹過幾好味！既然媽咪提議，我地都無咩所謂，一行四人就出發去鮨芸館！上到去，好多人，而我地好好彩唔洗等位，我諗再遲十分鐘，就要起出面等啦…上菜了！上菜了！味道算是新鮮的，魚生亦相當肥美！最有趣係呢個流水麵，玩住食，玩玩下就食晒麵…其他野食無影到相，掛住食 整體都唔錯，有機會會再去食！…查看更多

一位好耐無見去左英國讀大學既同學終於學有所成畢業番黎香港啦！佢每二年先番香港一次 所以一番黎就話想食中菜諗都唔諗就帶佢去唐宮小聚！因為食物質素真係keep到   唔好差太遠…好多菜式都試下  以下係每次都必食推介！最特別係試埋個奶黃月餅我朋友超開心因為成四年無食好味既月餅 有二隻味，奶黃同芝士奶黃!我地都係比較鐘意奶黃多d！…查看更多

星期六去個frd屋企打牌去之前落佢樓下食lunch食完之後經過有間蛋糕舖就入左去買定個蛋糕for晏啲肚餓食佢都幾多選擇立眼望都有十幾款我就揀左個芒果荔枝MOUSSE CAKE佢上面果幾粒係朱古力、藍莓同粒蛋白餅(?)真心麻麻地但佢下面個蛋糕就好好味MOUSSE味道唔會好甜好香芒果味  反而唔覺有荔枝味但食食下  終於知道個荔枝味O係邊喇原來佢入面仲有一舊類似O者O厘既野 係荔枝味既佢個底係曲奇餅底好香 成個蛋糕既味道都配合得好好如果佢上面D 朱古力整得再好味D呢個蛋糕就100分喇…查看更多

前幾日睇蘋果動見到jacky yu講到呢間既海南雞飯好好味, 加上自己本身都好中意食海南雞飯, 所以今日lunch就決定買左佢返公司試啦,呢個係lunch set $88加一 包一杯野飲, 都有少少貴,咁我就叫左拉茶, 本來以為會好甜, 但點知係淡淡既奶茶味, 又唔會話好淡, 都幾香濃奶茶味, 唔係好甜, 值得一試! 而個雞飯, 淨係睇佢個賣相已經覺得好好味, 雞色澤金黃, 醬汁望落一d都唔hea, 個味道完全無令我失望!佢好有雞味, 幾滑, 連埋雞皮點埋D醬一齊食超正!果3款醬都做得好出色,好特別 唔似出面買返黎既醬,個辣椒醬有微微的辣, 比較重蒜味, 食落好開胃,豉油甜甜的, 應該有煮過, 都好好味,而雞飯唔油, 上面放左炸蒜, 令味道更香,試埋佢側邊D配菜, 見到佢d芽菜係比較肥, 同平時食既唔同, 佢食落非常爽口, 口感很討人喜歡.佢個名好似叫怡寶芽菜, 單賣好似都要幾十蚊,總括而言, 呢個海南雞飯真係值得一試, 雖然有少少貴, 但係好好味! 果然是名不虛傳!…查看更多

呢間野已經成日同屋企人黎飲寫食評就真係第一次主要係因為佢地今次既菜式真係幾搞鬼近派長洲搶包山佢地又出左個小包山我以為係成個小包山咁啦 一定食都食唔哂好彩就黎左5個 型英帥靚正 哈哈 相機食先我要左個正 入面就普通青豆蓉黎 唔會話太甜幾好我都麻麻地D包整得太甜純粹黎SHARE下個包 因為宜家唔知仲有無得食喇~其他菜都係平時咁既水準啦 不過不失 星期日都成日同屋企黎點心方面我會最推薦黑金流沙!有興趣可以望望…查看更多

岩岩結婚既表姐 搬左入元朗 housewarming之後 我地就出左去食飯.. 我都好多年無入過元朗 原來開左好多新野食... 表姐話大馬路附近有間好好食既西餐廳 帶我地去食...  去到門口 感覺都幾有格調 有小小似係中上環既小店 見佢門口放左好多款既蠔~ 見佢menu都幾簡潔 好多都好似好好味 唔知點簡.. 就交比表姐拍板~~~~ 其實樣樣野食我都好surprise 餐廳用料好好 好想讚佢既黑松露牛肝菌cappacino 聽個名就知吸引 果然無令我失望 打碎左既牛肝菌同黑松露mix一齊 好濃郁 真係又香又滑! 餐廳入面既人仲教我地... 原來新鮮既牛肝菌質地會比較嫩口.. 愈乾燥既牛肝菌就香氣比較濃... 哈哈~長知識~另外 仲有個烤焗西班牙BB 沙甸魚 個鮮味同我係之前去西班牙食過當地既沙甸魚 味道8 9成似 加上佢係BB沙甸魚 更加滑身~ my fav~~ 我地仲叫左個炭燒地中海八爪魚 又係好鮮~~ 可惜今次我地得4個人 叫唔到好多野食 下次可以再食~~ …查看更多

年尾team manager帶我地去左食中菜佢地搵左係灣仔合和尼間大酒樓 上到去見佢地個LOBBY都好多人 好彩我地一早BOOK左位因為我地人數都幾多 同想private dd 佢地比左房我地manager一早講明可以食豪d 我地叫左好多奢侈野 花膠呀参呀 咩都有鮑汁扣珍寶鵝掌伴野菌 佢係位上既 份量都幾多架... 講番佢地個鮑汁 好黏口 好岩女仔食 非常之美容養顏 鵝掌黏軟 入晒d鮑汁味 野菌都幾有嚼口冰鎮紅酒鵝肝一上台 OMGGGGGGGGGGGGGGGGG 佢係super大份 個鵝肝係好肥美 仲有D紅酒味 酸酸甜甜 好surprise 紅酒配鵝肝 估唔到酒樓都有尼D配搭星洲掛爐乳豬慶功場合 點都要叫番個乳豬 賀一賀佢隻乳豬 外皮脆卜卜 肉非常之嫩口又夠入味唔錯~~~ 其實仲有好多野食 我都覺得好好味同埋佢地SERVICE都好好 而且野食都好多野簡 都幾岩公司聚會 …查看更多

同成班中學同學好耐無見 搵左間靚餐廳食野 見佢出左個halloween set 一於試下  個set有幾款野食 全部都好精緻~~~~~ 最最最surprise係個個流心恐龍蛋 外型一流成個拳頭禁大 一上台 真係眼都突埋原來係一個炸肉丸 肉都幾彈牙....一切開流左D紅色汁出尼 流心效果滿分味道酸酸辣辣 好開胃旁邊仲配埋沙律 感覺幾fresh .... 平時以為d Halloween set只係sell下grimmick野.... 但今次真係好意外 好滿意!…查看更多