Ca Hon的個人專頁

每次去完天仁 都覺得第二日要黎呢到飲番杯 因為小食店好有heart 炸魚蛋$13/10粒 真係冇咩地方有。 仲要好好味。 除左炸魚蛋， 炸墨丸同燒賣都係必食的。飲品通常都係飲水蜜桃綠茶加椰果， 不過影相呢杯冇加， 細杯只係$18 大杯係$20。…查看更多

今日食左鮮牛火腿通粉， 好難得係細個食既通粉 軟硬適中。 絕對唔係梳打牛， 湯底似媽媽煲既一樣， 仲要加埋幾片生菜， 真係用心製作。凍檸茶少甜少冰都唔錯， 茶味夠， 不過少冰得黎冰太多。下次要試咖啡牛腩飯同熱奶茶先得。…查看更多

襯SUMMER FRIDAY約左朋友去試下NOVA, 不過到左餐廳先發現只得CAKE SET因為當晚有EVENT, 有點失望, 告訴老闆娘我們專誠到訪後, 老闆娘話可以安排PIZZA...哈哈先來幾杯飲品, D飲品用左一個比較少見既杯, 都幾保溫, 因為我杯凍飲既冰, 坐左1個半小時都未溶, 由店員推介有BLUE SPIDER友人ORDER 的花茶和MOCHA跟住當然係主角PIZZA 啦, 好好味呀, 食左一個唔夠喉再黎多個芝士四重湊PIZZAUM....友人勁鍾意, 我都覺得好好味, 不過好似有D內疚, 因為真係D芝士超濃, 要做番多D運動先得LU下次要黎試下晚餐同甜品…查看更多

如果你係鰂魚涌番工都一定知道好難搵食, 因為有咁多寫字樓係12點至2點搵食真係唔易..呢日我地一行四人諗住試下Jubal呢間店舖有個怪規舉就係你一去到報左幾多人數後, 不可以加人數..點知我地有多個同事黎, 咪即刻同佢講, 我地改5位坐四人枱ok架啦, 點知侍應好緊張話要問下老闆先? (當時諗,多一個人生意都有問題?) 侍應話ok, 不過都要等齊人先準入, 我地係等緊第一張四人枱, 咁我地等左大概25分鐘有兩張四人枱已經ready俾我地入坐, 我地要求俾我地坐近門口那張, 因為我地有5個人, 而門口那張枱比較鬆動, 點知個老闆說, "唔得, 你地未齊人只可以坐入面那張(超迫夾)" 我地同老闆說" 我地都叫左5個餐, 個同事已經黎緊都唔得?" 佢竟然話 " 呢度係咁, 你地唔鍾意可以走"....我地由頭到尾都keep住好好既態度同佢講, 竟然換黎咁既對待, 個一刻好想走, 但係又唔甘心等左咁耐仲要已經一點條街又熱, 再搵第間要起碼一點半先有位, 唯有chok住度氣坐低啦…食物方面:8安士豬扒配薯仔 同蕃茄汁 - $72薯仔 – ok蕃茄汁 – 變左蜜糖芥末醬 (冇人通知)豬扒 – 極度失望, 因為等位時好多食客都話, 嘩今日有豬扒一定要食, 點知….好鞋口, 幸好沒有雪櫃味..呢個價錢應該要去試下codfather既豬扒, 貴十幾蚊好食好多德國腸奄烈配薯蓉 - $68德國腸 - 正常奄烈 - ok, 入面有蕃茄芝士薯蓉 - ok一個早餐款既lunch太貴了…查看更多

[呢間buffet超好食呀..一行六人食buffet , 到達時發現店子很細, 但勁多人…食物:1)生蠔: 好新鮮, 店員會用檸檬冰水再加掃清洗蠔肉才放上碟..師傅更會解釋食蠔的次序2)刺身: 有三文魚, 海膽, 帶子, 甜蝦, 北寄貝, 墨魚柳, 仲有2款唔記得咩名既魚3)蟹腳: 出面既buffet蟹腳通常都比較喊同帶點”梅” 的蟹肉 但係呢到就多左一份鮮甜, 同埋有蟹肉較實4)鵝肝多士: 行埋去師傅就俾左2塊, 真係豪爽.5)和牛粒: 超好味, 不過食左一次就冇晒囉..6)澳洲和牛件: 一般, 都係和牛粒好味d7)泰式生蝦: 好好味呀8)薄片牛肉燒: 煎得岩岩好9)心太軟: 唔太甜, 味道岩岩好, 仲要係即刻焗完就放出黎..有好多食客仲搵埋師傅係碟邊寫字呢..本身唔太喜歡朱古力都忍唔住食左2個, 當然係幾個人一齊share 食啦.. 10)荔枝奶凍: 荔枝甜味剛好11)青紅蘿蔔豬骨湯: 足料勁濃味, 應該冇味精12)羅宋湯: 我覺得有d酸13)雪糕: 有4款, 我只係食左菠蘿雪芭, 好似仲有榴槤同rum 酒14)梳乎里仲有好多野食, 我都冇時間食lu..熱盤我見都有4-5款, 仲有沙律, 串燒, 車仔麵….當然我都覺得有野唔好食, 就係蓮藕餅(上面有d肉), 我覺得個餅有d酸朋友話豆腐花都唔好味, 不過我冇問點解tim店員服務值得一讚, 我同朋友行去洗手間時, 職員專登追上黎俾張access card俾我地, 查實咁多野做可以等我地自己番轉頭拎, 但係佢專登走過黎俾我地, 真係要加分.生蠔事件: 開生蠔師傳係開殼期間不停講出其實可以開完殼再放係隻spoon到俾我地食, 耐何人客太多, 跟本做唔到咁多工序, 再加上如果佢放係隻spoon上面先俾我地食, 已經冇左食生蠔既原意, 講左好鬼耐, 原來係有食客早幾日黎食既時候拍到有虫…所以佢見有時間解釋俾我地聽. 我就覺得有虫都正常既, 生蠔有虫即係新鮮啦, 同埋係殼出面唔係入面, 師傅都冇辦法控制唔到架喎…不過如果我自己見到都會有d驚..…查看更多