badapple409的個人專頁

原本打算book其他放題，但最後只在這成功訂枱。對上一次黎已經係一年前嘅事，當時質素唔錯，都有推薦其他人黎。今次其實對呢間餐廳幾不滿，原因有以下幾點：1. 食物質素差，海鮮類食物唔新鮮，甜蝦有啲“梅梅地”。另外，人生第一次食三文魚刺生會食到魚骨，三文魚壽司有鱗片。2. 上菜是隨機模式。點了的菜，一係無黎，一係就埋單前先黎。無點的菜，又會無啦送黎。第一輪點的刺生，足足等了半小時。3. 食物碟滿左蝦殼同其他垃圾，職員不會換碟，只把我碟上的東面倒走，再比返個碟我。4. 雪糕的選擇比之差好多，連最普通朱古力味都無，得啲冷門味。雖然爐端金的名字沒有變，但太多野比之前差，相信已經頂左手比其他人。而價錢比大喜屋的放題還貴，食物質素差到我寧願叫熟食，最後同女友一人一碗烏冬就算。報告完畢。…查看更多

價錢和食物質素合理，店員服務好，有禮貌。美中不足的地方是店內油煙較大，光顧完後身上有總會有一身油煙味。此外，意粉的味口如多一點選擇會更好（始終從店名來看，主打的應該是意粉吧？）整體來說，是一間不錯的小店。…查看更多

一直都有食呢間分店，一星期最少三次，但直到最近一兩年，食物品質每況愈下。米線有時太硬有時就煮太耐，點中辣，辣度次次唔同，對上一次食直頭多辣油過大辣。油菜16蚊，大概有8-10條細菜心。價錢就加左，份量就比以前少三份一。完全冇quality control, 由以前我會同人講南記好過譚仔，到我而家要寫食評鬧，完全失望。人地三哥啲品質控制做得好南記太多，價錢平過佢，質素好過佢。人手唔夠又接網上同電話外賣單，試過睇住佢做兩三袋外賣，做到要等25分鐘先到我堂食。想食米線，食譚仔或三哥好過。…查看更多

食左個豬肉烏冬定食（午餐），大概六十蚊，烏冬唔係其他留言所講「應該係人手拉，令人讚嘆...」咁，事實只係似凍肉鋪買嘅急凍烏冬。豬肉太肥太多油，朋友食嘅燒雞都ok,不過份量少，都係太多油。個廚房係開放式，冇特別裝修，唔明有咩必要做開放式。啲廚師係度大聲播放MK廣東歌，完全同日本餐廳格格不入。感覺似去左東莞咁。但係如果住附近，唔想出街，對日本菜冇要求，唔介60 -80蚊食個午餐，可以當食下。不過就絕對唔係其他留言所講咩隱世日本餐廳囉。太多打手留言，所以比負評平衡下。…查看更多

一個刺生飯定食約$120元，食物質素只屬中下水準，飯太酸，只有一小粒還帆立貝但還要切成三薄片，海膽小得可憐，完全與圖片不符。工廠飯堂食物價錢定於這個水平，原本期望會有比一般同類餐廳稍高的質素，因為工廠大廈飯堂有租金優勢，而環境裝修亦遠比其他地方差。絕對有中伏之感覺，從未寫食評，但為左唔想有其他人同樣中伏，點都要寫一次。當然，唔介意比120蚊係飯堂食一個只值最多值$60 嘅定食嘅人可以照去。有生之年不會再光顧，亦應該不能再光顧，因為每張枱都有提示寫著 "只招待該工廠大廈員工" or sth like that…查看更多