hamstershk's Profile

（預先說明，唔知點解今次OPENRICE ADD親啲相都係打橫咗，原本張相係無事的，求解決）星期五晚，BOOK左6：30PM 枱同家人食飯，順便慶祝我同先生的生日。一入去就見到米妮喺門口同我哋打招呼，坐低後職員比咗張咭我哋，話可以憑咭同米妮影相，6：30尚早，無乜人排隊，可以影個夠！嘻嘻間餐廳都幾多國家唔同美食，有日式、中式、印度、西式咩都有！咁多樣美食，我幾鐘意中式點心，蒸餃、燒賣同蝦餃，皮薄多料，我竟然喺自助餐狂食點心LOL 仲有佢即場砌嘅蜜糖火腿都好好味，入口有少少溶，正！咁啱佢哋有HALLOWEEN應節食物，不過只係甜品！ （如果主菜都有就好了）啲小朋友最開心，將唔同造型嘅甜品放到成碟都係！而我就無件件試，甜品中，我最愛佢哋嘅芝士蛋糕，好軟滑！…Read More

好耐無試過星期六清清靜靜行街喇！去到銅鑼灣SOGO B／2，見到呢間日本Rapl 吉士蘋果批大排長龍，前幾日新開張，仲有好多傳媒報導過添！排隊個度有少少混亂，因為佢隊尾係超市隊尾隔離，好彩有超市職員指導！喺排隊過程中，可以透過櫥窗見到入面店員忙於製作，一底底新鮮熱辣嘅吉士蘋果批陸續出爐，好奇待呀！排咗大約半個鐘，終於到我哋！排得咁辛苦，今次買咗4件 （$42／1件，$160／4件）返到屋企（大約30分鐘），立即同家人分享，餅仲係微熱嘅～ 件批比我想像中大件！外脆鬆化，入面蘋果粒大大粒 （宣傳單張話係選用日本蘋果），同吉士都幾夾，感覺清新，食完一件啱啱好，飽了，好想飲返杯綠茶呀！用嚟當作AFTERNOON TEA都唔錯！…Read More

見到身邊好多朋友都有喺一幻打咭，今日我又想試一番。大約六點，我哋去到海港城分店，幸好唔洗排隊，直接進入，可惜係坐唔到窗邊睇海景，而係被安排吧枱。電話無乜電，幸好座位旁邊都有個叉電位，好貼心 （呢個要讚）我點咗限定嘅特濃蝦汁叉燒拌麵 $88，同埋一碟餃子 $35。餃子唔算特別，反而唔夠脆，下次可以SKIP！至於拌麵，我一直以為係沾麵，有個湯掛汁，原來啲湯汁同麵放埋一齊。拌麵係粗麵條，而湯汁就係濃蝦汁，仲有紫菜、叉燒粒、蔥等等，撈埋一齊就食得。食第一啖覺得有啲一般，但食下食下又覺得都OK喎，初初覺得啲湯汁咁少，會唔會越食越淡要加湯？原來我錯喇，反而係越食越濃，每啖都有濃濃蝦汁味，頗惹味，不知不覺KO一碗了！ 反而友人叫嘅拉麵就覺得太油，感覺一般。呢碗拌麪唔算好出色，但會讓我有衝動下次再食呢 ：）…Read More

大排檔一向給人親民感覺，而香港人一向都好鐘意食日本料理，其中呢間「壹級日本料理」價錢親民且質素不錯，亦深受街坊歡迎，我亦幫襯咗數次。聽侍應講平日Lunch時間十分滿座，反而星期六下午卻不用等候，直接進入。火炙極上三文魚腩壽司，將三文魚腩輕輕火炙，徘徊在生與熟之間，油甘香味充斥整個口腔，一口滿足！近睇火炙極上三文魚腩，仲有Washiba與蔥花，新鮮足料。温泉玉子蒜香和牛粒飯，係今日餐牌嘅「自選配搭午餐」，$88 跟麵豉湯，入面除咗蒜香和牛，仲有木耳絲，紫菜絲同溫泉蛋，撈埋一齊食頗惹味 。芝士年糕，記得要趁熱食，年糕燒至外脆內軟，中間仲有流心芝士咇出嚟，連埋啲年糕食落煙煙韌韌，好有口感！最後一款我每次必點嘅就係焦糖菠蘿，聽侍應講係時令菜單，以新鮮菠蘿加上焦糖輕燒，酸酸甜甜好開胃，忍唔住食唔停！食飽後最好就係散吓步，沿路行大約20分鐘，就可以去到沙田文化博物館，繼續欣賞精彩嘅展覽啦 ：）…Read More

說話亞妹知我哋去元朗，千叮萬囑叫我哋去小確幸外賣布丁燒佢食。咁我哋去完元朗公共圖書館睇書後，就依GoogleMap去搵，咦！原來就係附近咋喎！門面比想像中小，其實經過未必覺眼，入到去就比櫥窗嘅布丁燒所吸引，當時已經係5：50，部份布丁燒味道已經賣晒，前面仲有幾個排緊隊，我哋就買咗1個抺茶味同原味（堂食），仲買多咗1個原味布丁燒外賣！店員教我哋食嘅時候先搖一搖，再反轉倒出嚟隻碟上 （咦？咁隻貓頭鷹圖案咪反底囉 @@）其實淨睇賣相已經好吸引！原來布丁燒上面係布丁，下面係芝士蛋糕！抺茶味唔算太甘濃，反而我更鐘意原味（芝士布丁燒）！布丁嫰滑，芝士蛋糕嘅芝士唔算好濃，但質地綿綿，原來布丁同蛋糕可以咁夾，食完一啖再一啖，對於甜品控嘅我嚟講，確實Feel到一陣小確幸，好美味，哈哈！當我哋食完後，店員同我哋講熱食布丁燒更好味，芝士更加香濃！佢仲指住廚房，話熱辣辣嘅布丁燒準備出爐，如果買就要快手！嗚。。可惡，食完一個已經飽了，根本食唔落第二個，點解佢唔一早講喎 ><店員比咗張咭片我，話下次嚟買可以先打電話比佢哋，問吓當日布丁燒嘅出爐時間，咁就可以夾啱時間食到新鮮出爐嘅布丁燒喇。。。唉。。。（早知等多陣買熱食），咁我拎住亞妹嘅布丁燒外賣，帶少少失落返屋企。。 …Read More

就快過年，又係時候約食團年飯兼聚舊喇！朋友們住新界西多，今次就揀咗屯門三聖村大排檔～～ 泰海鮮食團年飯。呢次係我第二次嚟呢度食，雖然佢叫泰海鮮，但我哋並無叫泰菜，反而都係以海鮮宴為主。你可以喺餐廳直接叫，又或者去附近海鮮檔 （今次部份海鮮喺關財記買），揀生猛海鮮帶入餐廳比師傅加工，無論係白灼／清蒸／豉椒炒／炆／蒜蓉蒸等等，總之你想點煮都得，明碼實價列晒加工費幾多。嚟呢度必點海鮮湯，用雜魚、瀨尿蝦、沙白蜆、番茄薯仔去煲，用料豐富，味道勁鮮甜！不過記得要趁熱飲先好飲呀！我對「泰皇芝心蝦丸」念念不忘，以麵包粒包住去炸，入面蝦膠勁彈牙，再咬落去啲芝士流心咇出嚟，口感豐富，小心熱呀！（一碟3粒，我哋再加錢)鳳梨鮮排骨，酸甜惹味，送飯一流！呢碟係最快清晒，可想而知幾受歡迎？青山灣焗芝士龍蝦(3隻開邊)，每隻都好大隻，焗到金黃色，賣相吸引！你睇我用筷子篤入去，啲芝士幾厚？咬落脆脆哋，肉質嫰滑，啖啖芝士鹹香，食龍蝦都飽飽哋 @@砵酒焗桶蠔，呢個係我哋買入嚟加工，師傅提議用砵酒焗嘅煮法 (加工費每細桶$62)，少少脆，肉質肥美，少少甜又有少少酒香，真係唔錯喎！呢次團年海鮮飯頗滿足呢！…Read More

聽朋友講大圍有間平民日式餐廳，Lunch好抵食，趁今日去沙田博物館睇展覽之前，先嚟呢度食Lunch。原來呢間餐廳係大排檔嚟！不過就比以前嘅大排檔坐得舒服好多，入面位唔算多，好有空間感，最重要係有冷氣！首選係 S1 角切魚生粒飯 ，只係$35，好快賣晒，我哋有幸點到！呢碟魚生飯一啲都唔失禮，CP值幾高，入面魚生視乎前一晚刺身供應，仲算係好新鮮，一啲都唔鯹～ 另外滑蛋豬扒飯都係午市抵食之選，連埋味噌湯都係$48，一啲都唔失禮。芝麻手羽，皮脆肉好多汁～我食咗2隻～仲有我哋叫咗啲串燒，分別係焦糖菠蘿 同迷你甜薯串，即叫即燒，甜甜哋好惹味～食飽飽之後慢步行去沙田博物館睇展覽，原來好近，大約行15分鐘就到～…Read More

友人生日，知道Charlie Brown Cafe 啱啱搬遷，仲有試業優惠85折，於是就揀咗呢度同朋友慶生日搬後咗一條街，感覺同以前門口嘅環境差唔多樓下係外賣部，上面係堂食部，一入門口就見到一堆精品，但係無咗精品售賣部重新裝修後新淨咗，不過地方細咗，大約係舊舖嘅一半都有幾個影相位～ （如果加多啲Snoopy 影相位就更加好 ^O^）先嚟炸洋葱圈，熱辣辣，炸份唔算厚，點埋帶啲辣嘅醬汁，好惹味～仲以為入面有啲咩托住呢堆洋葱圈，原來入面係一條炸酥皮條，全部都食得～龍蝦帶子什菌燴珍珠飯，原來唔只眼見嘅兩粒帶子，入面仲有帶子碎！香濃嘅龍蝦汁包住啲飯，大啖大啖幾好味～仲有叫咗碟「煙肉洋蔥忌廉蛋汁扁意粉」，同樣勁多汁，好「芝」味～P。S。如果碟嘢有埋Snoopy元素就更加開心～^O^好似好少地方有香蕉船食，朋友話想做吓細路仔，於是叫咗香蕉船作甜品！當佢出現大家都尖叫，外型好有驚喜！懶懶Snoppy 訓喺船度，好可愛呀！大家影咗一輪相，先開始食！估唔到入面都唔失禮，除咗香蕉，仲有有朱古力、雲呢拿同抺茶雪糕，餅乾作帆船，仲有粒粒Brownie，同埋綿花糖粒！連史奴比都食得！成個甜品好豐富，好滿足！仲以為主題餐廳只係賣樣，呢度我覺得無論主菜定甜品，都做得好出色！…Read More

今日跟好友入嚟屯門三聖食海鮮～經過一啲冬菇亭，就見到呢間泰海鮮。初初我以為呢間鋪頭係食泰式嘢～～ 見到餐牌先知原來唔只泰菜，仲有其他嘢食～不過呢度出名食海鮮，就由朋友話事啦～海鮮湯，足料鮮甜！ 睇湯楂就知有幾多料？魚、蜆、瀨尿蝦！！！仲有番茄、薯仔好好飲～白灼九節蝦 ，喺本地嚟嘅～ 幸好依家仲係當造～ 九節蝦蝦身有一深一淺嘅橫向紋路，煮熟咗有明顯嘅九節花紋，所以有九節蝦呢個稱號。九節蝦肉質爽脆，識食梗係白灼加豉油點，食出鮮味～ 蒜蓉粉絲蒸扇貝，扇貝好大隻！超多蒜，好惹味！ 泰皇芝心蝦丸，極邪惡！ 以蝦丸打造，入面有流心芝士，出面加埋麵包糠，炸到金黃色！彈牙十足，小心食時爆芝士呀！不過個人覺得麵包糠吸得太多油，如果落少啲會更好～仲有叫咗碟蒜蓉白菜仔，呢餐好豐富又滿足～…Read More

知道老夫子開張初期大排長龍，於是我哋等熱潮稍退，揀平日夜晚先到餐廳食Dinner～上樓時見到由老夫子唔同期數嘅漫畫組成漫畫牆，於是細心發掘，好似無咗第一期喎XD 一入到門口就有老夫子歡迎我哋，影相位嚟嘅～入面裝飾都好有心思，老夫子漫畫插入其中，我最鐘意就係呢架黑白車位，不過聽聞呢個位要預訂先可以坐呢個位食嘢架～個餐牌都好有心思，每款食物都用老夫子漫畫嘅名去改㗎～ 唔明嘅話入面都會解釋～呢個湯叫種瓜得瓜，即係南瓜湯！唔只賣相靚，仲好足料，南瓜味濃～好好飲！世外桃源 即係焗豬扒飯，面頭都幾多芝士，入面係蛋炒飯底，炒到金黃粒，蕃茄醬甜過多酸，豬扒鬆軟，不錯～合情合理 ，紅豆椰香冰沙(椰林飄香)最特別係除咗有椰汁沙冰，仲有紅豆茸磚！好香椰奶味，底仲有好多紅豆，唔好睇少呢杯嘢！我飲極都飲唔完XDD正餐都不錯，我更欣賞呢度嘅甜品！估唔到樣靚味道更出色！得意忘形  - 香橙梳乎厘聽朋友講上次等梳乎厘等咗好耐，因為即叫即製，不過估唔到今次上菜咁快！唔洗好似餐牌咁講等20分鐘！大大個梳乎厘梗係相機先食！仲有老夫子圖案喺上面架～ 不過記得要襯熱食！香濃橙味～同埋入面好軟綿綿，眨下眼就食晒！不過個人嚟講都係鐘意原味多啲～ ：）獨一無二 -  焦糖吉士布甸壓軸嚟喇！呢個焦糖吉士布甸唔只賣相勁靚，味道仲勁正！上面燒咗層薄薄焦糖，入面係濃郁吉士蛋味，加埋士多啤梨～～太滿足喇！下次要再食呀！臨走時先見到有呢個甜品區，有齊咁多款甜品嘅相！如果呢個餐牌可以攝喺每張枱，等大家了解係咩甜品就更加好喇！…Read More

今晚老闆請食飯，嚟到29樓食日式鐵板料理入到嚟就見到窗外係跑馬地馬場靚景，有埋賽事嘅話一定睇得好清楚！師傅即場為我哋烹調多道菜式呢味鐵板金鯛燒到兩邊脆卜卜，連埋魚鱗食，金香脆口！仲有「西班牙紅蝦四食」，係呢間餐廳嘅重點推介，你睇吓啲紅蝦幾大隻？師傅用盡紅蝦每個部份，分別為我哋整唔同嘅菜式先嚟蝦腳炒到脆一脆，用嚟做小食佐酒。原來蝦腳真係食得架！不過我牙力軟，比較少食。再來蝦身做「鐵板西班牙紅蝦」，師傅話只係落咗好少鹽，蝦肉彈牙結實，仲好原汁原味！再來師傅將蝦頭同蝦膏分開，超多膏！蝦膏用嚟做「西班牙紅蝦燴稻庭烏冬」，每條烏冬都好有濃郁蟹膏味，我超喜愛，而家諗返都係咁回味無窮！最後蝦頭用嚟做麵豉湯，再食埋日本蜜瓜，呢餐超滿足！相片篇幅有限，出唔到太多相。我好想講日本A5和牛厚燒，入口鮮嫰多汁，佢仲配埋炒蒜片，好似食緊薯片咁爽脆，正呀！因為太多好嘢食，相反「大蝦皇飯卷」就變得一般了～…Read More

7月上畫嘅海底奇兵，隨著日子紛紛落畫，戲院上映嘅時間同地方越嚟越少，仲以為無緣睇，原來數碼港仲有得上映！約咗幾個朋友喺呢間餐廳食住等！呢間金記客棧同金記冰室同一集團，但啲小菜卻有啲唔同！個餐牌好特別呀！黃昏時間，TEA TIME加少少小菜！首先我想推介呢度嘅公司三文治！你睇下幾多層？幾足料？火腿、蛋、餐肉、番茄、生菜、芝士。。。加埋層層夾住烘底麵包！一件我都要分2次食！一啖食唔晒！熱辣辣超好味！一手要分兩次食！椒鹽一口豆腐，香口嘢不嬲都好味！不過呢個豆腐好受歡迎，一啖一口好滋味！外脆內滑，豆腐滑捋捋不特止，仲要入口即溶！我哋仲有叫咗碟蒜茸西蘭花，不過都係一般，所以無寫出嚟！丫丫～～仲有呢個壓軸，避風塘焗中蝦！隻隻都好大！啖啖肉，仲有好多膏！很不錯！總結：蔬菜一般，香口嘢不錯，公司三文治大愛！…Read More

金記冰室這幾年擴展得很快，由西環，到灣仔，至最近分店已開到銅鑼灣了！這間銅鑼灣分店在利舞台附近，更方便！以後在銅鑼灣不需光顧連鎖食肆，又有另類選擇！一進店舖，嘩！很有趣！大大架電車廂座啊！好想進內坐，可惜當晚車廂內滿座，只能坐其他位置。金記冰室有什麼划算？我一定推介蒸魚套餐！大大條清蒸石斑加白飯以及飲品，只是＄98，吃到飽飽！魚蒸得剛好，嫰滑不老，加上豉油汁，拌飯一流！原本想叫多碟蔬菜，但一看餐牌，再比較其他以肉為主的菜式，看來吃肉比吃菜更划算！我們再叫多碟粟米斑塊 ＄74，大大塊魚柳，不錯！吃完正餐吃甜品，上次在灣仔分店吃過西多士回味無窮，今次再想吃啊！保持到水準，只是略嫌無上次吃的這麼多花生醬！ （少少扣分，但下次都會再叫）飲品方便，我們選了雪糕紅豆冰與黑牛，天氣這麼熱，即時透心涼！…Read More

原本諗住入嚟大尾督踩單車，點知去到凍到HIHI，然後大家就放棄踩單車，入到嚟，不如就去呢間餐廳醫肚坐下～先嚟熱辣辣嘅「香茅椰汁鷄湯」，平時我哋食泰菜通常都會叫酸酸辣辣冬蔭功，今次就試下呢個雞湯！飲落好香嘅椰子味，就好似酸辣嘅椰子湯，而且幾足料，可以食埋雞啊～再嚟芭提雅酸芒骨香魚，賣相好靚，仲有雕花架！條魚煮得啱啱好，一塊塊，魚肉好嫰滑！酸酸辣辣再帶一點甜，望下配菜？有蒜粒、腰果、甜芒果同酸芒果等等，好好味！呢個要推介～重點嚟喇！泰式曹池珍寶大頭蝦，好大隻曹池蝦，一雙手拎唔晒！好多膏，配埋薄餅可以撈埋汁加埋碟菜～食嘅過程中，聽到經理話有個廚師啱啱由泰國嚟到開工，跟住我搭嗲問句：「咦？呢度啲廚師係真．泰國人嚟架？」，經理話：「係呀，全部廚師都係泰國飛過嚟架。佢哋平時就係餐廳後面住」原來係真．泰菜！…Read More

之前喺西營盤金記冰室早已聽聞灣仔金記冰室很不一樣，好想嚟呢間食下～ 原本打算平安夜同朋友們順道嚟灣仔呢間食宵夜，點知晚上十一點去到原來關咗門，是晚同3位朋友再嚟呢間食晚餐。一入到去就見到好多舊玩具間隔兩邊，牆上仲有大大幅康樂棋畫，極有懷舊時光。呢間同西營盤分店有咩唔同？最大分別係呢度多咗好多小菜食，所以今次我哋主要都係叫小菜同飯～至於懷舊飲品同茶餐廳小食，呢度都有供應。先嚟蒜蓉炒雜菜，雜菜有聖瓜、西蘭花、苦瓜同菜心，炒得幾爽口，連苦瓜都有得食，食落唔苦，估唔到大家最搶手食晒嘅係苦瓜～HAHAHA蟲草蒸雞，侍應話呢個SET晚餐係2星期先有一次，肉頗滑，啲汁用嚟送飯好味道！蒸鯇魚腩餐，魚頗滑，加埋甜豉油送飯亦一流，傾下計食下魚，食下食下KO晒成條魚喇XD 咖喱牛脷撈麵，我麻麻地牛，如果餐牌有咖喱魚柳撈腩就好喇！我不嬲都欣賞金記嘅咖喱汁，依舊係少少辣好惹味，以前食咖喱飯／農夫包多，不過一樣嘅汁，改撈公仔麵卻略嫌濃咗啲，如果溝稀少少無咁「漏／結」更加好，都係掛住咖喱農夫包多D～ 哈哈茶餐廳嚟講，食物算係好唔錯，支持金記！…Read More