Pollybear的個人專頁

今日去左朋友介紹CP值好高嘅My Little Coffee!一向都係burger迷嘅我，知道工廠區入面有間CP值非常高嘅cafe，當然要去潮聖啦！隨性嘅陳設，入到去好有小島小店feel❤️我叫左個招牌手打芝士漢堡配薯角同熱cappuccino ，朋友就叫左個Americano同羊肉漢堡配薯角。自己覺得手打芝士漢堡好好食！有豐富嘅肉汁，有牛肉味配埋洋蔥好夾👍🏻個薯角帶微辣同樣岀色！加埋咖啡都係62蚊，真係CP值非常高，唔怪之得咁多人食，坐滿晒人！我相信呢間我會經常去，抵食又好食👍🏻👍🏻👍🏻👍🏻…查看更多

今日休休閒閒同朋友食個Tea，我哋都叫咗個burger配薯條。本身我係burger迷，叫咗個牛肉漢堡，芝士同牛肉嘅份量啱啱好，唔會太漏，漢堡扒都好Juicy。唯一係薯條有少許油益味，令到成個餐有啲失色。店舖入面簡單嘅佈置…查看更多

第一次嚟呢間咖啡店同好友輕鬆一下，呢度環境好舒服，我地一早11點鬆啲去到已經有幾枱客人。叫完嘢食之後，我哋揀咗個靜靜地嘅角落坐低等。我叫咗個牛油果小龍蝦沙律三文魚籽配沙律，一杯Cappuccino ，朋友仔就叫咗個北海道帶子三文魚子炒蛋配沙律，一杯Latte！先講下我嗰份牛油果小龍蝦沙律三文魚籽配沙律先，自己本身唔特別好牛油果，但係佢呢個配搭出奇地好味，牛油果好幼滑配小龍蝦沙律好岀。Cappuccino旁邊會有一小杯espresso 同幾粒合桃。比你可以試到咖啡本身嘅原味。好有心思❤️再嚟就係北海道帶子三文魚子炒蛋配沙律，我覺得佢哋嘅食材好新鮮，炒蛋好軟滑而帶子輕輕煎香左令滿足到大增😍總括而言，呢間coffee shop我係會一去再去，就算佢嘅位置唔算好就腳，但係可以停低腳步比我慢活半天的確係一個好好嘅選擇！題外話，呢間咖啡店有coffee workshop。咖啡迷可以多一個活動選擇！…查看更多

今次係我第二次食珍姐個泰式雞飯，第一次係早兩日🤣🤣因為真係好好味！所以已經再幫襯。珍姐個油飯同普通餐廳唔同，我見到佢有放埋香茅之類嘅香料，焗出嚟特別香又唔會太油膩。佢有分大同細嘅雞飯，我叫咗大嘅雞飯，飯同雞嘅份量都好夠。雞仲可以揀雞髀同埋雞胸，仲要係冇骨嘅！40蚊個飯盒真係好抵，性價比超高！仲有碗湯帶走油飯嘅油膩感。誠意推介！！要留意嘅係，佢都好多人排隊，想食要早啲去買，唔係好快賣晒！🤪…查看更多

今日即興食左個晚餐，最近都好忙，難得輕鬆一下！2個人傾下計，食下飯。呢度唔係第一次黎，一向欣賞佢嘅burger同意粉。今次試其他。呢個Caesar Salad油醋多左少少，唔用粟米用芝士碎會好d，但D蔬菜都好新鮮。叫左個羅勒葉pizza，羅勒味道唔太重，幾好食。今日想飲D熱野，所以叫左個果茶，可以本身自己飲野都唔加糖覺得甜左少少。啤酒少不免，食pizza飲啤酒真係會好味d！輕輕鬆鬆，傾下講下，又食完。放鬆心情開心嘅一晚！…查看更多

今日lunch time 逛逛下黎到呢間龍鳳冰室，見佢圖片同裝修不錯就入黎一試。叫咗個龍鳳特餐，揀咗菠蘿包跟招牌炒蛋配火腿，另外仲有個秘製雞翼意粉，飲品我揀咗凍檸茶。食物到齊，我就試咗個意粉先，味道唔錯軟硬度適中，幾好食嘅。跟住就食秘製雞翼，略嫌偏鹹同肉質鬆散，我自己就覺得麻麻地。再到招牌炒蛋，呢個味道都唔錯，但係唔夠熱，感覺好似整定攞出黎咁。我食晒呢幾樣野最後先食菠蘿包，我仲意將最鍾意食嘅嘢放喺最後，點知最失望 😞就係呢樣，好硬同好實，一堆粉咁。。。。。我捱唔到最後，無食晒就放棄了。個凍檸茶個茶底都係一般。成個餐食完好後悔。。。我相信我唔會再幫襯了。☹️…查看更多

隱啡位置係何福堂輕鐵站對面，雖然舖仔細細，但每次一入到去就有好舒服嘅感覺☺️，咖啡香氣彌漫住整間舖。環境舒適又唔太嘈黎过好幾次，每次都飲唔同嘅精品咖啡，今次還原基本步飲返cappuccino☕️每一次有咖啡送到，咖啡師都會介紹返杯咖啡用邊種咖啡豆，非常貼心，可愛嘅小熊🐻令我心情特別好，好欣賞店家對咖啡嘅用心。另外隱啡都有少量蛋糕同鬆餅，一樣岀色。每個星期都會黎呢度嘆杯咖啡，放空一下，非常推薦大家。…查看更多