真小姐的個人專頁

哩間心夜來潮，只做晚市！如果好食嘅食物，又駛乜一定要開足9-12，只係做晚市都夠做！心夜來潮專門料理傳統中國潮汕菜色，風味十足！除此，碟碟份量精巧，食幾多咪叫幾多，唔駛浪費！心夜來潮直頭推倒城中的飲食消費模式，細細件，又抵食，勁呀！重點潮式料理推介：潮汕原隻醬醃膏蟹！不得了！如果你唔鍾意河鮮味，你會覺得好腥，但如果你接受到，你會好鍾意哩種味覺，咸咸的，入口即溶的蟹膏。如果你怕太咸，可以一口飯、一口蟹膏，肯定震撼你味蕾啊！醃味仲有哩幾款：另外，鹵水鴨相當出色，鹵水並不蓋過鴨味，兩者味道互為相融。另一個重頭戲係：潮汕砂鍋粥。個可以自行選擇配料，好入味啊啊啊啊啊啊啊啊啊！還有菜甫蛋，加飯食，讓你有回家的感覺！此店除了是潮汕菜，享膳後，暖暖感覺在心頭，這可能是廚師向我們傳達的情感，把他家鄉出色的菜餚送到你嘴邊，讓你感受他美好的心意。真小姐尊敬你啊！…查看更多

有日下午茶因為工事行過尖沙咀THE ONE，（真小姐好少行街，好憎行尖沙咀），點知畀我發現銀次日本料理開咗尖沙咀分行！噢噢噢，好開心，因為平日有幫襯開屯門V－City嗰間，市區設分店，認真方便！平時去開都係晚餐時間，價錢有啲貴，而今次下午茶時間再次光臨，價錢相對便宜，平價食好嘢梗係開心啲。今次我叫咗一份牛舌定食，同埋一份豚肉拉麵套餐。前菜－沙律。沙律都有兩款，一款日式，一款西式！牛舌定食－夠彈牙爽口！好好味呀！豚肉拉麵－湯味夠濃，拉麵彈牙！好食！另外，銀次的日式裝潢創造了和暖的氛圍。日文毛筆字的招牌再加上大窗口，陽光滲透下飲杯日式茶，寫意啊！…查看更多

深水埗的非華裔群族前文提起，深水埗天天精彩。這兒聚集了非華裔群族，每行兩步便遇上一位。然而，他們並不是那班衝衝忙忙在中環上班的歐美白人，他們屬於南亞裔、或是非裔。這群族習慣腳踏深水埗，努力地在這個弱肉強食的香港生存。每個生存的故事由這兒開始，皆因這裡是「金融經濟社會的現實」，這裡有人民生活的基本，這裡並不是邊緣，這裡是融和的無國界地區，我不歧視你，你不歧視我，就如這家位於深水埗的馬家莊清真館。頭巾下的親和力，牛肉餅釀出和平走進清真館，異國風情圍繞著你，當然，這還包括了愛與家的味道。一個個圍頭巾的女孩，她們滿懷歡笑地，享受著美食，或許她們正在懷念家鄉風景。頭巾下的愉悅，抹去她們過住低頭嚴肅的形象；頭巾下散發強烈的親和力，這種暖暖的氛圍，感染了整家店，猶如走進和平的國度。餐館令不同國界不同基層的人物聚在一起，牛肉餅讓緊張關係溶解，是美食釀出來的和平。今次試嘗三款清真菜：羊肉餅，粟米羹與雞絲拉皮。三樣都很出色啊！特別一提，清真在亞拉伯的意思為合法的，清真指符合穆斯林教條的食物。羊肉餅，皮脆，羊味夠蘇，當然，重點是餅內溢出的羊肉汁，層次豐富，不過小心燙口啊！粟米羹。雞絲拉皮。拉皮即是粉皮，加上爽口雞絲與麻醬，精彩！…查看更多

環境總算Okay清幽恬靜，係舒服嘅！上海菜南小館，裝修夠新潮（有啲韓風），店內環境有種清幽的感覺，白式、綠色、木紋、木椅、金茶壺、白瓷磚枱、門口放置隨和色系的蔬菜，一個個木箱陳列著，環境氛圍使你放鬆休閒地食個下午茶（好似，因為只要人多了，咩都玩完，大殺風景。）雖然哩種風格嘅裝橫...近期成日見到，但係南小館，總有清幽恬靜的感覺，彷彿置身於自然之中（雖然係用裝修堆出嚟嘅假象）。細食族下午茶至於食物，本人非常喜愛！皆因佢細細碟，輕食咪幾好！今次下午茶時間去，冇咁多人呀！點了一個上海四式拼盤、一份下午荼，包括一碗擔擔麵、一杯五穀薏米水，仲有桂花蜜拉糕，好抵呀！38元！！如果你係細胃呢，就啱晒！南小館四小拼：口水川雞／馬蘭豆腐／花雕白雞／涼拌彩絲細食族上海風味四小併，我最愛呀！！！68元食四款！心形馬蘭豆腐好趣緻，菜同豆腐都砌到好細粒，容易入口啊！擔擔麵。五穀薏米水。大讚，認真係女士恩物，去濕毒呀！其實都市人都要飲吓，飲完冇咁攰㗎！桂花蜜拉糕。下午茶餐只係$38，好抵！有埋甜品。我就夠晒飽啦！…查看更多

藝術家與廚師不論是藝術家或廚師，細緻的態度份外重要，皆因藝術作品或料理制作過程中，越細緻的思考與功夫，作品層次便越多，其中亦需要經驗的累積與技藝的訓練。一件藝術品與一道菜，藝術家與廚師都需要心神意志去創作，絕非容易事，所謂有Heart便有這種意味！深水埗《香港私處》相展深水埗，確實天天有嘢發生，無限精彩，就好似哩間由香港地道人開設的TC2咖啡店，除了可以飲咖啡外，店主還運用店舖空間作展覽，本月的展覽是三位攝影師的作品，名為《香港私處》，想要喚起大家對香港街頭巷尾的記憶。脆卜卜寶雲蘇羊架，食物與藝術共賞一刻能夠一邊享受美食，一邊從相展中反思平日遺忘的香港街角，讓人記起活在當下的重要。星期三晚上，點了一份寶雲蘇羊架晚餐及一份三文魚他他多士！豐富的一頓菜！頭盤－吞拿魚通粉沙律。沙律菜夠新鮮！餐湯－粟米忌廉湯。主菜－寶雲蘇羊架配薯菜。羊架蘇味適中，肉質鮮嫩，上層脆卜卜麵包屑令羊架溢出雙重口感，相當合親！三文魚他他多士。三文魚配上他他醬！食得出蛋黃醬的味道！yummy！另外，TC2設有不同文創單位的宣傳品及書藉，當中包括香港及台灣的文化、藝術、音樂單位，想了解一個充滿神秘感的文藝香港，不妨到TC2走走啊！價錢相對比較貴，不過，地舖呀！地舖梗係會貴啲啦！你懂的...…查看更多

一家親泰式街坊食市屋企留下處處人情味啊！真小姐覺得，留社區做街坊生意嘅老闆特別親切。鴻運食屋由一家泰國人營運，由大廚到樓面都係泰國人，不特止，佢哋係一家人！由爺爺到二個女，仲有孫女都一齊開舖。梗係啦，星期日晚市多人出街食飯，鴻運食屋忙到不得之了，每位家庭成員東跑西跑，傳菜落單幾腳踢！不過，佢哋忙還忙，雖然客人係咁吹，但仍真誠地笑容滿面（並唔係高檔食市嘅虛偽客戶服務態度），feel佢哋到一家齊心，feel到佢哋有heart做食市！除此，鴻運食屋與鄰近牛腩店關係非常好，對街坊街里親切和善，有時仲會記得留條魚畀熟客，領匯管理員呀姐亦係佢哋個friend，哩啲咪叫街坊人情味囉！坐街邊先至Chill食屋沒有精緻裝潢，以香港街道作為店舖佈置，坐位寛躺，個view猶如露天茶坐！而且晚間嘅藍田，車子不算多，空氣尚算okay! 搭張枱，坐街邊，吹吹風，昔日香港街頭味道出哂嚟！有陣時，去一間專門打造港式街頭懷舊風嘅餐廳，倒不如到各區街市見證真實懷舊人情味！今次試嘗幾味泰式菜，分別是泰式生蝦、明爐鳥頭和泰式豬頸肉炒飯！講到明，成間舖由一家泰國人打理，泰國人煮泰國菜，既純正，又好味！泰式豬頸肉炒飯爽口芥蘭與彈牙豬頸肉，芥蘭令豬頸肉飯不會太膩，這種配搭天衣無逢。明爐鳥頭鳥頭相當新鮮嫩滑，加上泰國香茅、香菜、香菇及芹菜淆的青甜湯底。鳥頭魚配上香茅湯，多種味覺層次享受！最後當然係價錢相宜，街坊價啊！…查看更多

香港人對日本菜要求高，好嘴刁！喂，啲魚生新唔新鮮、壽司飯有冇口感，會唔會太熱或者一夾就爛！仲要考慮埋壽司款式多唔多，有冇火炙壽司等另類款式等等，因而好多時揀日本餐廳，要食到好貴先做得好嘅日本料理！咁唔掂喎！平民冇得食好嘢？！又唔係嘅，女人街嘅一休日本料理，價錢相當合理，兩人食飽都係HKD$300！一休大廚用食物表達：好嘢未必貴！今次試食，叫咗一碟三文魚魚生，夠新鮮；至於海膽軍艦等壽司，舊飯冇鬆散，而且紫菜冇因飯團太熱而變軟！熱盤蒜片牛柳粒同埋燒魷魚，雖然有點咸，但味道豐富，而且陣陣香味！不過不失！講到尾，都係因為一休價錢同埋食物質素相當合理！唔貴但係好食！…查看更多

龍華軒兩位老細古靈精怪。咖啡店充滿住奇形怪狀玻璃瓶，關公、海盜王，大頭公仔，卡板當MEUN、載上眼罩嘅怪獸面具⋯⋯原來兩位老闆鍾意香港夜遊，去地灘、夜冷舗、天光墟搜尋舊物擺設；不特止，龍華兩人亦玩開Graffiti，難怪咖啡店門口佈滿色彩斑斕嘅Graffiti，見到人都開心啲。經營咖啡店好講有冇Heart！龍仔華仔除咗悉心佈置咖啡店之外，對咖啡同埋食物都好講夠。不少人都試過佢哋出晒名嘅卡邦尼意粉，但我今次就試吓佢哋嘅泰式肉碎意粉。咖啡店有得食泰式菜已經少次有少，而且哩味泰式肉碎意粉係涼麵，再配有酸酸的青檸味，微辣，天氣咁鬼熱，胃口唔多好，食哩個就啱晒喇！加埋蜜桃梳打，今個下午，相當滿足啊！龍華軒就好似兩位老闆嘅藝術品咁，係生活中累積細節，再用佈置、廚藝呈現畀大家。坐耐啲你會發現，原來佢哋重會玩吓結他，露營遊山玩水、影吓菲林相！所以龍華軒唔係咖啡廳咁簡單！最後，龍華兩人係咖啡控，就問佢哋研究手沖咖啡心得，重可以買佢哋咖啡粉啊！…查看更多

香港人對日本菜要求高，好嘴刁！喂，啲魚生新唔新鮮、壽司飯有冇口感，會唔會太熱或者一夾就爛！重要考慮埋壽司款式多唔多，有冇火炙士壽司等另類款式等等，因而好多時揀日本餐廳，要食到好貴先做得好嘅日本料理！咁唔掂喎！平民冇得食好嘢？！又唔係嘅，女人街嘅一休日本料理，價錢相當合理，兩人食飽都係HKD$300！一休大廚用食物表達：好嘢未必貴！今次試食，叫咗一碟三文魚魚生，夠新鮮；至於海膽軍艦等壽司，舊飯冇鬆散，而且紫菜冇因飯團太熱而變軟！熱盤蒜片牛柳粒同埋燒魷魚，雖然有點喊，但味道豐富，而且陣陣香味！不過不失！講到尾，都係因為一休價錢同埋食物質素相當合理！唔貴但係好食！…查看更多

龍華軒兩位老細古靈精怪。咖啡店充滿住奇形怪狀玻璃瓶，關公、海盜王，大頭公仔，卡板當MEUN、載上眼罩嘅怪獸面具⋯⋯原來兩位老闆鐘意香港夜遊，去地灘、夜冷舗、天光墟搜尋舊物擺設；不特止，龍華兩人亦玩開Graffiti，難怪咖啡店門口佈滿色彩斑斕嘅Graffiti，見到人都開心啲。經營咖啡店好講有冇Heart！龍仔華仔除咗悉心佈置咖啡店之外，對咖啡同埋食物都好講夠。不少人都試過佢哋出晒名嘅卡邦尼意粉，但我今次就試吓佢哋嘅泰式肉碎意粉。咖啡店有得食泰式菜已經少次有少，而且哩味泰式肉碎意粉係涼麵，再配有酸酸的青檸味，微辣，天氣咁鬼熱，胃口唔多好，食哩個就啱晒喇！加埋蜜桃梳打，今個下午，相當滿足啊！龍華軒就好似兩位老闆嘅藝術品咁，係生活中累積細節，再用佈置、廚藝呈現畀大家。坐耐啲你會發現，原來佢哋重帶玩吓結他，露營遊山玩水、影吓菲林相！所以龍華軒唔係咖啡廳咁簡單！最後，龍華兩人係咖啡控，就問佢哋研究手沖咖啡心得，重可以買佢哋咖啡粉啊！…查看更多