04prim的個人專頁

跑馬地竹園我由細食到大之前心血來潮突然好想食好想食所以搭叮叮去咗上環淨係叫咗一碗比以前鹹左好多！仲要貴左好多！唉本來係窮人恩物㗎嘛而家香港已經無好食嘅碗仔翅諗住食返碗好食嘅潮州翅都冇埋依啲舊式嘅酒樓，大家唔好期望有啲乜嘢好嘅服務。…查看更多

漢堡包好一般。真係好一般。同阿妹去元朗探公公，經過荃灣轉車，諗住行吓海之戀見到呢間餐廳。其實佢嘅熟成牛扒好出名，但係我最近真係窮，所以叫咗個下午茶餐漢堡包。漢堡包好一般，薯條幾一般，反而，反而係茄汁，我呢啲窮二代，食得最多都係M記啲茄汁，但係呢間餐廳嘅茄汁真係好好食！因為佢嘅茄汁，我食晒所有薯條，因為佢嘅茄汁，我食晒成個一般嘅漢堡包。另外外藉服務員姐姐好有禮貌，不停幫我斟水。餐廳消費真係幾高，海之戀嚟講算係數一數二貴價餐廳。…查看更多

上星期日去咗尖沙咀海港城行街，中午入咗去食pizza，其實個Pizza唔算差，即係比「比殺乞」好少少，我以前響韓國都有食，當然韓國就好食好多。但係個炸雞真係好差！乾淨淨又無入味，外面果一pat醬，真係oh my god！韓國炸雞最基本都要撈下佢，完全冇韓國感覺。我覺得佢應該本身就係做pizza，可能想做啲特色，迫自己做埋炸雞，扮晒韓國餐廳。地方係乾淨，招呼唔算有禮貌，亦都唔算差，反正就係冇靈魂嘅笑容，同冇感情嘅對答。…查看更多

住附近成日都經過，今日終於同阿妹落去試下，試真，價錢唔平，不過的確幾特別，尤其是個枝豆。我係枝豆達人，我忍唔住大叫好味。不過講真呢，份量就真係比較細，大食嘅朋友仔要叫多少少！…查看更多