閒角的個人專頁

行過附近見到之前茶記位開咗呢間新鋪，"昇麵館" ，今日再經過時見幾多人，於是入去試下新野。入到去感覺都幾乾淨，餐牌有兩張，一張車仔麵，另一張係飯類，咁我今次試車仔麵先，分別點咗，咖喱魷魚，豬紅同蝦條，辣汁米線，另加一個豬扒小食，嚟到見到麵有菜底送，唔錯👍🏻湯底：個湯唔夠濃味，可重味一點以車仔麵嚟講，再試啲餸：豬紅：好得，真.豬紅，唔會煮得過火咖喱魷魚：唔錯，味道同軟硬度剛剛好蝦條：可以唔係放湯會好食一點，放落湯變得普通了小食：Juicy豬扒：無改錯名，好食，煎香豬扒，面頭有蜜糖味，鬆軟嚿肉汁👍🏻下次會試下其他，但希望會有改善嘅係唔夠冷氣，有點熱，其次係新開，某啲員工唔太熟檯號，下下都要問係咪點咗啲咩食或飲品。…查看更多

今日星期日，諗住一個人經開女人街早早地食埋晚飯先，見到呢間好似玩懷舊風嘅茶記，記入去試一試，6點幾我係全場第一個客，望下餐牌，選擇都算多，咁我點咗芝士雞煲，上湯生菜同一罐啤酒。咁第一樣嚟到嘅係碟生菜，味精水浸菜，完全唔得(叫晚餐加錢嘅菜，算)第二樣嚟嘅係主菜，芝士雞煲，先試個雞，有啲咸，再試個芝士汁，一啲都唔似芝士，只係頂頂加咗一片熱溶咗嘅芝士，同埋明顯係翻熱野嚟，最慘食第一啖飯，碗飯凍嘅，加埋啲唔知係咩嘅芝士汁撈埋叫有啲暖囉....最後嚟嘅係啤酒，啤酒唔凍嘅，餐牌無寫，我自己無問係衰，但收我$25，比細罐裝我，會唔會貴咗少少...到最後成餐飯，其實我唔知自己食緊咩.....真心，唔會番轉頭再試...…查看更多

今日放假，諗過過兩日開始無得堂食，所以搵下午餐，响openrice搵，見到呢間lunch 2點起7折，上網book位，重留埋窗邊位置，1350去到，職員話而家入座就8折，2點先入座就7折，無理由唔等....入到去環境好有日本感覺，窗外環境亦一流，點咗lunch set入面一個12貫壽司嘅set大約10分鐘後嚟到，茶碗蒸及沙律正常味道，不多作介紹，再食個茄子，味道一流，而且茄子本身亦好新鮮👍🏻到主菜壽司....新鮮，但味道唔算有驚喜，反而12件壽司裡面，一件有條小魚骨，一件有魚鱗，這點錯，連鎖壽司都唔可以有吧🙈，雖然今次只係食lunch，但都希望會留意一點。最後點咗一客焦糖布甸同一客煎茶奶凍，是整餐飯最值得有正評嘅食物， 細滑加上甜度適中，一流👍🏻👍🏻👍🏻…查看更多

今日早咗想食晚飯，經過巷仔見到呢間鋪頭，打正旗號係食刀常削麵，就試一試佢～入到鋪頭，已經見到個師傅响到整緊刀削麵，唔係一啲唔專業嘅鋪頭買現貨，望一望餐牌，招牌菜係花雕雞刀削麵，咁當然試一試啦，除咗刀削麵，重叫咗個麻辣大腸～首先嚟到嘅係小食，入口味道不錯，但太"淋" 無咩咬口...之後主菜到，花雕雞刀削麵，上檯已聞到好香嘅花雕味，但食落口唔會有太重酒嘅苦，反而係滿滿雞嘅肉汁，感覺一流👍🏻最後試埋個刀削麵，湯底普通，但刀削麵煮嘅時間剛剛好～總括呢間刀削麵好好食，加上鋪頭嘅職員好有禮貌，亦會再次幫襯👍🏻…查看更多

前一晚女友同朋友試完，第二日就話要番食，有好野食，當然第一時間去試啦，我地大約6：45上到去(有book位) ，上到去環境感覺都似日本嘅居酒屋，大約有30個位左右，已有半場食客，主要日本人，因為呢間老細係日本人，所以全間鋪嘅員工都識日文，氣氛唔錯～我地點咗白子，薯仔沙律，芝士明太子蛋卷，啤酒煮蜆，酒盜芝士，鮟康魚肝，吞拿魚他他，鹽枝豆，炸串嘅有：牛腸串，芝士餅串，帆立貝串，白魚串....另外飲酒..咁多樣食物比我感覺～白子：好新鮮，似日本本地食炸物：感覺一流，炸皮唔厚，食材新鮮芝士明太子蛋卷：一定要食，非常好食👍🏻吞拿魚他他：佢做法唔做全蓉，中間留番一啲細粒，增加口感，新鮮，好食～酒盜芝士，鮟康魚肝：送酒小食，唔錯薯仔沙律：偏鹽咗一點啤酒煮蜆：全晚比較失望嘅一道菜，煮得過熟..除咗食物，最值得讚嘅係每一個員工都好有禮貌，同埋環境好乾淨(包括廁所) ，所以呢間一定會再番轉頭食…查看更多

試過幾次經過呢間鋪都大排長龍，今日早行過無咩人龍就走入去試下。環境方面：入到去見得10幾個位（唔怪得要排長龍），以鐵板燒嚟講，亦算唔好大油煙味。食物方面：今次點咗骨付牛小排（300g）加套餐（即加飯，沙律同湯，無限添加），等咗大約8分鐘嚟到，上檯時有紙巾遮住，油唔會周圍彈，呢個時間先試沙律，呢個讚，好食👍🏻，打開主菜，見唔會過熟，切開見5成熟左右（要食熟啲可於熱石上加熱），入口唔會柴皮，好有肉汁，以$148呢個價錢，質素成平比，但要自己加調味，（有海鹽，柚子汁同燒肉汁比你），最後試埋個蜆湯，都算足料～總結：如果唔算排太長龍嘅可以一試～…查看更多

一早睇報導，見到呢間由美國開過嚟嘅餐廳，當然第一時間去啦，但開張當日，有朋友話要排2.5小時先有位，所以今日5點就去到，希望排嘅人會少啲，結果好好彩，只等5分鐘就有位。環境 : 同美國嘅裝修一樣，有點懷舊，但比人一種好舒服嘅感覺服務 : 可能係新開張，都有一點生手，而且都有一個似美國派嚟嘅外國人跟進食物 : 整體嚟講好食，而且餐牌上面種類好多，選擇多得食10次都食唔完，只係蛋糕有點過甜，一個人好難食得哂一件。…查看更多

星期日嘅銅鑼灣到到都多人，想一個人坐低食下嘢都唔易，咁啱經過呢鋪頭門口，見佢介紹嘅嘢食都幾吸引，就落去試下~環境：落到去鋪面都幾整潔，全店可坐約50人，可能下午茶時間，人唔算多，服務：全店員工都比較年青，雖然見佢地好開心咁傾計，但對住客人時有禮貌，呢方面值得一讚~食物：我選擇咗佢一個脆皮牛腩麵餐，等咗大約15分鐘，先試個麵，麵煮得剛剛好，唔會太硬，食落亦唔會一口鹼水味，再試脆皮牛腩，雖然份唔算好大，但一定係新鮮炸起，非常脆口，而牛腩亦適心處理過，入口即溶，好食，加埋麵同油菜就一定夠飽，可以再嚟食~~P.S.呢間鋪除咗麵食，重有點心，下次再試~~…查看更多

經過呢間粉麵店幾次，今日見有點餓，就走入去試一下，入到入面，感覺好乾淨，好光猛，望住個餐牌時，個店員好有禮貌咁問我要唔要試下佢地店最出名嘅牛三寶，而佢地店的牛三寶，係牛腩，牛筋同牛肚（好在唔係"鞭"呀，"歡喜"呀果啲啫…）嚟到碗麵賣相一點都唔起眼，唔似有咩特別，見到舊牛腩個樣重有啲柴皮樣，點知食落口，完全無柴皮煲湯瘦肉果種感覺，試牛筋，好香，好"腍"，再試個牛肚，爽口的，好入味，三寶都無問題，而成碗麵唯一可以改善的，就係啲河粉，無用膠包好，抽走哂啲水份同油份，變得唔好食，而湯做得清一點更會加分，不過，已經很不錯了，可再去 …查看更多

之前個個都中星星毒,所以好多人都走去食炸雞,呢一間餐廳更加係個個排長龍都要試,所以今日見未有人排隊就走入去試試,點知,一試難忘...入到去環境有暗,全間餐廳大約坐到30人左右,全部卡位,入到去,我地兩個人點咗一客鴛鴦炸雞(即係原味加香辣炸雞)同一個魚子湯,等咗大約10-15分鐘,其間攞咗酸蘿蔔等前菜嚟,咬一口,嘩,酸到有點苦呀....算,等主菜,到炸雞嚟啦,先試原味,再試香辣味,完全唔得,"K"字頭炸得比佢更好食,再嚟個湯......得鯹味,個湯底似辛辣麵加水...點飲...見到就一肚火,以咁食物,叫我比K字頭雞3倍價錢去食啲咁嘅嘢,點留客呀,真係無下次...…查看更多

今日要响附近搵嘢食，又怕新年啲鋪頭未開，所以上網搵下，搵到呢間，嚟到見佢有開，所以即刻入去試下，鋪裡而大約得15個位到，我先點咗佢地最出名嘅口水雞，酸辣粉同尖椒皮蛋，大約等咗5分鐘，叫嘅嘢嚟啦，上到檯第一個感覺，無咩味，但好油，食落口，無咩辣味（我明明叫咗中辣咖…）原本都想佢加辣比我，但我食完第一啖粉，可以唔洗啦，啲粉煮得太耐，入口似食緊糊仔多一點，好啦，試個口水雞，雞本身唔係柴皮咁都幾好，但唔辣，而且個汁同平時食的好唔同，好似南乳加花生醬，好奇怪，到試個尖椒皮蛋，又係得個油字，無味的，而且啲皮蛋似放咗好耐，一啲都唔靚，有啲硬身…食完呢餐，成口油，完全無“酸“同“辣“嘅成份……查看更多