gluttonous.cat的個人專頁

想去間餐廳六點就打烊游蕩完一輪揀咗食呢間可能餐廳唔係咁顯眼啦當日食到七點幾都包場餐廳地方唔大枱都唔多裝修就正常有啲茶記味啲員工笑容招呼都好好依家免加一仲送埋飲品有趣嘅係會兼賣印度菜.天氣微涼食肉骨茶岩晒藥材味偏濃味道都唔錯只係嫌個味調得太甜啦肉排骨多過肉都有啲硬但肉骨茶都幾大煲足料有四幾大舊骨排豆腐卜仲有枝竹杞子金菇冬菇會配埋油炸鬼索落湯食仲會提供生蒜甜豉油點.試埋個馬拉盞炒蘿蔔糕上菜個賣相認真麻麻哋黑鼆鼆炒埋一堆加芝麻點知食落去好有驚喜喎啲蘿蔔糕原來炸咗再先再用馬拉盞甜豉油兜番夠新鮮食落仲有啲脆口加埋啲配菜有芽菜椰菜大火兜炒仲保持到爽身夾埋食減低油炸油膩感.最後仲試咗個螄蚶喇沙湯底唔算濃但味道唔錯麵底算大份係配料差啲有六粒螄蚶枝竹豆腐卜幾片冬菇同埋一塊生菜啲螄蚶入口都算幾鮮甜廚房仲好有心機去咗殼但個碗大睇落似唔足料…查看更多

珍珠奶茶始祖幫襯開飲品多飲品不過不失但冇試過食嘢可能開業無耐晚市未見排隊餐廳半開放式餐枱雖唔算大枱與枱有距離坐落感覺唔錯係燈光偏暗啲.朋友推介豬手果然炆得唔錯豬手相當入味慢煮到好淋身膠質爆晒出黎台式調味偏甜有胡椒花椒味口味上幾討好值得一讚既係去毛去得乾淨最怕食到豬毛其他格多為菜有菇有小唐菜有椰菜有漬物白烚既冇特別有滷蛋正常貨驚喜位係白飯煙韌又有飯香跟餐有肉丸湯湯底有啲油蔥偏鹹唔重味精比預期中出色開飯又一選擇…查看更多

台灣老媽拌麵開咗實體舖喎自問都算忠粉梗係要即刻試地方唔算好大走木系家居感總體都幾舒服.麵底兩款可選拌嘅揀刀削麵就夠曬力掛汁麵質依然咁好醬汁好花生味總體偏鹹偏乾食食吓都幾辣溏心蛋有驚喜配菜食落好凍過熱水先上啦份量都唔算少性價比都還好…查看更多

紐約漢堡包店抵港年多人氣依然未減都要排隊餐廳戶外空間好大好靚可惜當日落大雨坐唔到同一般快餐一樣咁搵位落咗單就比部機仔等餐職員大多數為外藉人士.說來慚愧咁耐第一次食因為冇咩漢堡包岩口味但好評如潮加網絡宣傳終於都係要黎一探究竟一拎到個包睇落都滿意麵包鬆軟生菜蕃茄新鮮包身微脆獨門醬汁好夾芝士足塊漢堡扒的確正牛味濃有油香仲有啲筋可惜食多兩啖就好失望個麵包底索曬煎扒啲油塊包好油膩之餘淋鬼曬唔該隔一隔油先放上包唔好拎塊包黎做吸油紙…查看更多

裝修期間經過餐廳一直以為開傢俬舖因為格調望落溫暖好木系有家嘅感受點知係間人氣餐廳用餐當日係試業中職員醒水且有禮貌.食物選擇唔算好多但飲品方面就幾多總體價格都係偏高但餐廳環境好舒服計埋呢點其實都值環境好食物仲高質牛柳牛味濃油脂少慢煮方法處理一流呢間煮得超級冧滑牛柳靚貨肉味濃厚淋醬係偏甜嘅醬油有啲果蓉定蘿蔔蓉夾埋啲牛柳好清新解膩之餘唔會搶鏡不過當日啲飯太濕食到啲米好香好甜但濕到口感似米糊價格偏高但會翻兜希望下次唔好爛飯…查看更多

荳子近年黎越開越多荃灣分店開多個舖位但排隊嘅人仲係咁多晏晝排隊太陽曬到正無番咁上下耐力唔掂.座位距離都比較狹窄方便搭枱整咗豬肉枱感覺爭咁啲私人空間裝修簡簡單單小清新生意好旺員工欠禮貌餐廳廁所長期未維修人有三急要行十分鐘.賣相好靚海鮮交足課有蝦魷魚帶子魚同蜆仲有芝士脆脆點綴吓驟眼睇落賣相一百分啲海鮮唔會煮得過老但上咗層好鹹粉漿煎而啲意大利飯好一般有墨汁味但煮得太淋破壞上菜嘅美好印象食完覺得幾有心機做會回頭但唔會叫呢款…查看更多

星期日要放個好假諗住嘆番個好早餐諗住搵小店享吓活價錢貴啲都冇所謂但未食完就催賣單明明餐廳都大把位.食物唔貴六十幾起見同出面配搭唔同叫咗全日早餐黎試睇餐牌有七樣嘢食但原來西班牙肉腸三文魚籽都係少少放係個滑蛋上面咁一齊食都夠幾夾味但炒滑蛋就唔夠滑芝士煙肉釀大啡菇講明大啡菇又唔大煙肉見到唔係靚料唔係原塊腩肉煙燻係合成肉做嘅煙肉烤蕃茄諗住唔會伏點知食落酸到想喊多士一睇知雪藏貨煙三文魚一般貨仔唔好諗有魚香油脂沙律菜都叫幾新鮮不過夾埋都冇十塊塊薯餅現成貨都算但好大陣萬年油味九十八加一唔抵食仲要地點咁唔方便最重要係冇客都催怕咗佢唔會再幫襯…查看更多

餐廳地點幾方便門面吸睛易搵到午飯時間要等位等十五分鐘左右要排緊就落定單入座後好快上菜地方唔算話好大但坐落都唔算逼總體環境都乾淨裝潢都叫幾特色有少少台灣風咁員工們服務幾好繁忙時段保持到.台灣紅燒牛肉麵有啲偏重藥材味 有啲偏重牛肉味 呢碗就屬於後者仲有辣味俾層次八十八蚊唔算平但有四塊厚牛𦟌又有白菜白蘿蔔啲麵條幾有咬口唔知係咪自家製份量男仔都夠飽仲有酸菜任夾添加錢可以配珍奶雖然唔係話出色但諗唔到食咩好隔唔時食吓還好…查看更多