凍柑LeO的個人專頁

今午本打算去K11霞飛食LUNCH，試下招牌菜"灌湯牛肉餡餅"，點知入座後，見到枱面有張點菜紙，上面寫住"父親節餐單"，搵嚟搵去都無"灌湯牛肉餡餅"，跟住問店員為何，佢答："由於父親節前後驚多客，而牛肉餅又製作需時，所以暫停供應﹗" >>>>我真係O哂咀囉>o<…查看更多

在港鐵北角站下車步行往鰂魚涌方向，專程去位於香港殯儀館對面的津津茶餐廳，門庭依舊，只是加了部薄屏的電視機，記得以前去探姐姐上班，我們是吃鹽焗雞公仔面，但遍尋餐牌也找不到，結果點了碟鹽焗雞飯和例湯，味道依舊有水準，雞肉鮮嫩可口，例湯是菜乾煲豬肺，火路夠和沒味精，伙計的服務態度也值得一讚，自動自覺供應熱茶，這麼簡單的待客之道，香港地已賣少見少。吃完就坐電車落中央圖書館，在功利富裕的港島區，我卻找到了價廉物美又充實的選擇。…查看更多

在新蒲崗上班，工業區這邊大多是工廠食堂，千篇一律碟頭飯。而靠太子道東那邊住宅區則有多間茶餐廳。不過我放工想食啲嘢的話，東方冰室係不二之選，既便宜又抵食，茶餐十八蚊包牛肉面+火腿蛋+牛油方包，附送冷熱飲品，陳舊裝修變成賣點，呢度無寫單習慣，埋單講個"信"字，廿蚊唔使有回家既感覺，值回票價啦﹗…查看更多

第三次去北河街熟食市場了，今次才知道店名叫"大利"。四人同行點了以下東東：梅菜扣肉煲 - 落單時伙記表明製作時間需時。表面賣相過得去，可惜用了紹菜放底，敗筆﹗休菜煲 - 如常~啫啫雞煲 - 落足料，有豬潤，讚﹗腰果西芹蝦仁 - 幾好味:)~值得一提係呢個場可自攜酒水，一毫子開瓶費都唔使，同埋可任坐到凌晨兩點，呢啲亦係我去三次既原因﹗備註：現場也有哈爾濱和藍妹姐姐…查看更多

九龍城出名多食肆，但有時就係太多選擇，令人花多眼亂變得更難選擇，呢啲叫犯賤﹗上星期六下午四五點，啱啱完咗第一場(約會)但下一場又未到時間，於是幾條友就落獅子石道搵個地方醫肚吹水，見世興門口有個好大既"下午茶牌"，於是就入咗去。餐廳內入座率低過40%，但伙記醒目留了卡位俾我地，抵讚﹗四人叫了四份餐，先上友人既"飛碟餐"，伴隨的薯條是冰凍的，明顯係炸定擺係度，飛碟得半份，實在係中童份量。其後送上的"西多士"、"咸牛肉炒旦三文治"乃一般水平，我叫我熱狗薯條係最後到枱，這份薯條則是熱辣辣的，分別極大。…查看更多

近年到國內工作，間中會吃一下刀削面或拉面。最近行經荃灣，令我想起在捐血站隔離有間"蘭州拉面店"。如其他食店一樣，沒去幾個月價錢三級跳，我點了套餐"牛肉刀削面+麻辣+荳漿，即叫即削，在全場四張枱坐滿的情況下，豆漿先來，跟著刀削面於五分鐘後端到枱上，麻辣牛肉另上，上面鋪滿辣椒和蒜泥，味道夠辣，蒜味則長時間揮之不去，正…查看更多

友人開車去搵食，首要係食店要望到架車，九龍居位處天橋底，附近有汽車位和電單車位，啱哂。由於朋友要開工，所以要爭取時間。點了"白飯魚煎蛋"，朋友提醒這裡的小菜好大碟，跟住再叫了"西檸雞"。上菜時我"嘩"了一聲，除了小菜大碟，白飯也是又大又滿，而店外擺了幾張可坐8位既大枱，好家庭feel，唯伙記太忙，有時也會忽略了門外客人。…查看更多

吃譚仔米線已有一年多了，食他們的麻辣湯底像會上癮一樣，雖然上年8月開始"加價迎奧運"，但依然坐無逕席，足証譚仔三哥乃區內抵食店之一。廿多元叫碗米線，另加四蚊飲料，已經可以當作晚飯了，米線份量十足，但湯底水準不太穩定，有時辣死人，有時則唔夠辣，如兩至三人可叫雞翼，香草、麻辣和土匪都試過，個人認為土匪味道最好，不太辣而鋪面的黑芝麻則很香，正…查看更多