WCEHK的個人專頁

ADO洋食屋今次要介紹喺荃灣一間人氣日本菜餐廳叫「ADO洋食屋」，雖然餐廳細細，大約得十張枱左右，店員都好樂意幫我搵適合位置比我坐，輪椅人士如果要入去食嘅話，記得要帶斜板，餐廳門口係有一級，同埋最好打電話book枱，最後想講佢哋嘅「蛋包飯」一定要必叫，真係好好味！1.紅酒燉牛肋條$88+（前菜）$27（9.5/10）前菜有粟米餐湯、蓮藕漬物及飲品（蜂蜜柚子茶+$3）呢個紅酒燉牛肋條個牛肋條都幾軟淋，一共有4大舊牛肋條，其他配菜有3舊西蘭花、2舊紅蘿蔔同2舊薯仔！粟米餐湯食到一粒粒粟米粒，而且加咗炸過嘅麵包粒，粟米湯都幾濃稠！飲品揀咗蜂蜜柚子茶，甜度適中！2.經典日式牛肉醬汁蛋包飯$86（前菜）$27（10/10）前菜有粟米餐湯、蓮藕漬物及飲品（日本蜜瓜梳打雪糕+$10）呢個經典日式牛肉醬汁蛋包飯真係超級好味，蛋包飯個汁有少少似淡味版咕嚕肉個甜酸汁咁，飯入面有冬菇碎同紅蘿蔔粒等，至於主角個蛋切開就包住飯，蛋好滑，大家一定要試下啦！粟米餐湯食到一粒粒粟米粒，而且加咗炸過嘅麵包粒，粟米湯都幾濃稠！飲品揀咗加$10有日本蜜瓜梳打雪糕，雲呢拿雪糕都有一球，淡淡蜜瓜味，梳打唔會太多！3.香甜炸雞（4件）$38（10/10）呢碟香甜炸雞唔會好甜，每1舊炸雞個肉質都好juicy，炸得好脆，一共有4大舊香甜炸雞！2人總共價錢$287個人口味總評分：9.83/10@ado_yoshokuya    地址：荃灣享成街8號香城大廈地下5A號舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#hkig #hkboy #hkkol #ADO洋食屋 #荃灣好去處 #荃灣美食 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong…查看更多

茶大椰「茶大椰」甜品茶飲店終於開喺荃灣愉景新城2樓，呢間甜品茶飲店係以泰國新鮮椰子做主題，用咗純天然嘅椰子做椰凍、椰子茶、鮮椰乳、鮮椰咖啡等甜品飲品，佢哋強調一定係低卡低脂，食完飲完完全唔覺得有負擔添！1.椰皇貓山王$58（10/10）呢個椰皇貓山王入面椰子味奶凍，奶凍好q彈，上面仲鋪滿咗貓山王榴槤果肉，榴槤果肉上面就鋪滿咗椰絲同脆脆，估唔到椰子同榴槤果肉係咁夾嫁，最後連椰子入面嘅椰肉都食埋，好味到不得鳥！2.抹茶生椰乳$42（10/10）呢個抹茶生椰乳個抹茶味好香濃，抹茶帶少少苦澀味，生椰乳好q彈，可以用吸管吸嚟飲，又可以用匙羹食，真係正！3.芒果小椰凍$25（9.5/10）呢個芒果小椰凍個芒果果肉都唔少，椰凍好q彈，唔甜唔錯！2人總共價錢$125個人口味總評分：9.83/10 @teadayehk @dparkhk 地址：荃灣青山公路 - 荃灣段398號愉景新城2樓2020號舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#茶大椰 #荃灣好去處 #荃灣美食 #dpark #愉景新城 #甜品店 #茶飲店 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong…查看更多

兩草今次要介紹一間餐廳喺尖沙咀叫「兩草」，呢間餐廳門口係有一級，輪椅人士如果要入去幫襯嘅話，一定要自備斜板或叫外賣！我敢講呢間港式餐廳應該係尖沙咀平靚正唯一一間餐廳，「幾草野」就可以填飽個肚，仲唔係事事旦旦無料到果d餸，勁多打工仔中午過嚟食，旅客都唔少，簡直係尖沙咀排隊人氣餐廳，我推介香煎脆邊蛋肉餅飯，蛋一篤就穿，膽汁流去肉餅同飯度，肉餅超大塊，有驚喜！1.香煎脆邊蛋肉餅飯（多蔥）$42（10/10）呢碗真係唔好睇小佢，個碗細細，份量勁多，有個蛋開始講，太陽蛋蛋白邊係脆嘅，中間太陽黃一篤蛋汁就流到飯同肉餅果邊，米飯唔係求求其其，我會推薦大家食呢個「香煎脆邊蛋肉餅飯」！2.香茅雞扒飯（走豬油）$40（9.5/10）勁鍾意佢哋可以走油（豬油），就算走入雞扒都唔會鞋同硬，雞扒肉質並嫩滑，連外面雞皮都煎得好脆身，好掂！3.咖央多士$25（9.5/10）出面咖央多士無呢度咁脆，入面無出面咁甜，一共有4塊咖央多士！4.招牌炸雞翼$27（10/10）呢碟招牌炸雞翼已經寫明含有蝦成份，一咬真係同出面炸雞翼超唔同，外皮好脆唔洗講，原來蝦成分係味道，呢個炸雞翼係有少少咸香味，一共有4隻炸雞翼！5.脆香魚餅$27（9/10）呢碟脆香魚餅有少少似鯪魚球，食落去連少少魚骨都無，外皮如果脆多少少就最好！6.樽裝奶茶$25（9.5/10）呢個樽裝奶茶唔會好甜，都算幾滑！7.樽裝咖啡（無糖）$25（10/10）呢個樽裝咖啡算係黑咖啡，無糖之餘，有少少苦甘味！2人總共價錢$211個人口味總評分：9.64/10  @two.greens.tst地址：尖沙咀棉登徑7號地舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#兩草 #尖沙咀 #尖沙咀美食 #尖沙咀好去處 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong…查看更多

番尋味今次喺我第二次回訪「番尋味」，呢間餐廳呢排做緊下午茶優惠，全部迷你下午茶都只係$42，你以為好迷你，其實都幾大碟，仲跟一碗例湯同免費升級各式特飲，迷你下午茶只供應下午1400-1700，免費升級各式特飲優惠做到9月30日，$42嚟講真係性價比好高！1.原條燒汁鰻魚炒飯 跟蟲草花節瓜煲雞腳湯+凍咸檸檬七喜$42（10/10）呢碟原條燒汁鰻魚炒飯個鰻魚都幾大條，個炒飯以為會好咸，點知唔咸，仲炒到粒粒分明，炒得好香！是日例湯係蟲草花節瓜煲雞腳湯，個湯好足料，入面有蟲草花、節瓜、豬骨紅雞腳等！特飲揀咗凍檸檬七喜，檸檬加入咗鹽醃漬，再將七喜倒入去，飲落去少少咸，唔錯！2.洋蔥汁炸雞脾飯 跟蟲草花節瓜煲雞腳+凍咸甘桔蜜$42（10/10）呢碟洋蔥汁炸雞髀飯個雞髀非常大隻，炸到外皮好香脆，雞肉嘅肉質好juicy，個飯都好多，完全唔似下午茶迷你餐！是日例湯係蟲草花節瓜煲雞腳湯，個湯好足料，入面有蟲草花、節瓜、豬骨紅雞腳等！特飲揀咗凍咸甘桔蜜，飲到少少咸甘桔果肉，再加入少少蜜糖，唔會好甜，唔錯！3.紅豆沙西多士$38（10/10）呢個紅豆沙西多士完全唔洗落蜜糖都得，鍾意甜少少落蜜糖亦得，西多士個餡勁多紅豆，無一粒紅豆係生，好好食2人總共價錢$122個人口味總評分：10/10地址：觀塘開源道55號開聯工業中心A座2樓28號舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#hkig #hkboy #hkkol #番尋味 #觀塘好去處 #觀塘 #觀塘美食 #無障礙餐廳 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong…查看更多

探魚烤魚今次要介紹一間喺觀塘apm商場有一間川菜餐廳叫「探魚烤魚」，上年已經係沙田食過，呢間最吸引之處就係任食冰粉，上年係$1一位任食冰粉，今年已經去到$9一位，夏日炎炎$9真係唔算咩野，有冰粉任食解暑，今次仲坐喺冰粉自助吧前面，我哋兩個人搞到差唔多食咗5碗，哈哈！1.香辣味烤魚一人餐$98（10/10）最近多咗一人餐，咁樣可以試下唔同味道嘅烤魚，每一個烤魚一人餐都會跟一碗白飯，而呢個香辣味都算大辣，入面有有豆皮、娃娃菜、一條無骨嘅魚等等，份量絕對夠一個人食，正！2.醬香味烤魚一人餐$98（10/10）最近多咗一人餐，咁樣可以試下唔同味道嘅烤魚，每一個烤魚一人餐都會跟一碗白飯，而呢個醬香味有微少嘅甜，入面有有豆皮、娃娃菜、一條無骨嘅魚等等，份量絕對夠一個人食，正！3.棒棒麻辣口水雞$58（9.5/10）呢碟麻辣口水雞唔算好辣，大約有10舊雞件，做一舊雞肉肉質都好嫩滑，唔錯！4.易燃易爆小食天團$68（9/10）呢一盤小食份量都好多，入面有炸椰菜花、炸紫蘇葉、炸蟹柳、炸酥肉、炸蓮藕片等等，啱哂多人一齊分享！5.囂張巨峰葡萄桶$88（10/10）呢桶巨峰葡萄改個名真係無錯，叫做「囂張」，「囂張」到幾乎每一台都會叫，我估容量大約3L，「囂張」入面有提子同青檸，當然唔少得巨峰葡萄果汁，上面仲插滿了薄荷葉，解辣一流！6.凍低糖黑豆漿$19（10/10）呢枝黑豆漿黑豆味香濃，仲要係低糖！7.無限探索（1份）每份$9（10/10）出面有任食冰粉自助吧，有蜜桃冰粉、冰沙、寒天晶球、桃膠、紅糖汁、白珍珠、桂花蜜、葡萄乾、山楂片等等...夏天入嚟真係透心涼，我叫咗兩份，兩個人差唔多食咗5碗！**出面仲有熱茶任飲，茶有兩款，菊花茶同荷葉茶**2人總共價錢$492，其他有加一服務費！個人口味總評分：9.79/10  地址：觀塘觀塘道418號創紀之城五期(apm)3樓L3-13號舖…查看更多

夏麵館今次要介紹一間喺樂富廣場A區3樓有一間上海菜餐廳叫「夏麵館」，呢間以自家製麵條聞明，係1999年喺上海創辦，一坐低就會有一壺烏龍茶，最近佢哋推出好多蟹粉菜式，午市仲有三重奏優惠，有一款前菜+兩款美點+一款主食，只須$168（星期六日及公眾假期加$10），鍾意食上海菜嘅你，不妨試一試啦！1.鮮蟹粉河蝦仁撈麵$128（9/10）佢哋新鮮蟹粉真係人手拆肉同拆蟹膏，仲有好爽口有少少咸嘅蝦仁，將三樣嘢一齊同麵撈埋一齊，幾乎每一條麵條都沾滿了蟹粉同蟹膏，味道好鮮甜，麵質夠彈牙，唔錯！2.蟹粉小籠包（4隻）$70（10/10）呢一籠蟹粉小籠包一共有四隻，每一隻蟹粉小籠包個皮都好薄，蟹粉同豬肉都好多，咬落去爆汁，味道好鮮，正！3.花雕醉雞（10/10）呢碟花雕醉雞大約有10舊雞件，花雕酒酒味香濃，每一舊雞件都全部滲入咗花雕酒，雞肉肉質好嫩滑，仲有加咗杞子添！4.高力豆沙（3件）（10/10）呢碟高力豆沙一共有3件，每一件高力豆沙入面嘅紅豆沙都滿滿，甜度適中，夠哂大件！5.蘿蔔絲酥（3個）（10/10）呢碟蘿蔔絲酥一共有3個，每一個蘿蔔絲酥咬落去都非常熱，精明咗即叫即炸，入面好多蘿蔔絲，幾乎每一啖都食到蘿蔔絲！6.香辣牛腩麵（8.5/10）呢一碗香辣牛腩麵只有好少好少辣，牛腩都幾韌，牛筋就好軟淋，麵就好彈牙！以上四款係午市三重奏優惠，每份$1682人總共價錢$403，其他有加一服務費！個人口味總評分：9.58/10  @xiamianguan.official地址：樂富聯合道198號樂富廣場A區3樓3125-3126號舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#夏麵館 #樂富美食 #樂富好去處 #樂富廣場 #上海菜 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong…查看更多

爆辣冷麵今次要介紹元朗一直食開嘅小店依家終於衝出元朗，第一間加盟店喺長沙灣美居中心，味道辣度同份量一樣無變，同總店元朗一樣，依家開喺長沙灣簡直超方便我，佢哋果日開張我都有嚟撐場，加盟店嘅老闆都好玩得，又好靚仔，大家經過長沙灣就要搵下佢哋啦！1.爆撈特選海鮮$88（10/10）呢盒爆撈特選海鮮入面真係勁多海鮮，我叫咗小辣，海鮮包括有魷魚、鮑魚、帶子、帶子裙邊、螺肉、蜆肉、蝦仁、泡菜同中華沙律等，小辣唔會食到流鼻水，都幾啱我食，夠哂惹味，大家除咗叫招牌菜爆多蟹籽冷麵之外，記得要叫呢個爆撈特選海鮮啦！2人總共價錢$88個人口味總評分：10/10@very_spicy_cold_noodles2.0地址：總店：元朗西菁街9號富盛大廈地下89號舖加盟店：長沙灣元州街213號美居中心地下39A號舖Please follow me🙆‍♂️ @wheelchaireatinhongkong如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#爆辣冷麵 #元朗美食 #長沙灣美食 #長沙灣 #長沙灣好去處 #元朗 #元朗好去處 #相機食先 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong…查看更多

薔紅宅急便今次要介紹一間喺紅磡崇志街有一間開咗差唔多有五個月嘅排隊王餐廳叫「薔紅宅急便」，入到餐廳入面見到人山人海，門口就有好多等著禁點餐機嘅人，呢間餐廳最出名就係金牌脆皮燒雞，幾乎每枱都會叫一隻嚟食！餐廳門口有一小級，輪椅人士如果要入去食嘅話，要自備斜板，入面大約有50張枱，只要有時間等入座嘅話，就會有啱你嘅枱坐低食啦！1.金牌脆皮燒雞$68+日本米飯$10+凍奶茶$13+羅宋湯$8（9.5/10）呢隻金牌脆皮燒雞係原隻上，一切開入面肉質流哂出嚟，佢哋係用咗三斤重嘅三黃雞，平時出面買一隻三黃雞差唔多都要接近$60，仲要係未煮，依家燒埋比你真係抵好多，咬落肉質非常嫩滑，仲可以加$10配埋日本米飯，加$8一碗羅宋湯，羅宋湯入面牛肉非常多，味道唔會太酸，只係牛肉有少少韌，飲品揀咗加$13一杯凍奶茶，奶茶好滑，茶味濃咗少少！2.香脆豬扒炒滑蛋豬仔包$30+凍紅豆冰$15（10/10）呢個香脆豬扒炒滑蛋豬仔包入面配料真係好豐富，入面有豬扒、炒滑蛋、芝士、蕃茄、生菜、酸瓜等等，飲品揀咗加$15一杯凍紅豆冰，紅豆冰冰識食一定食紅豆淋唔淋，呢間餐廳煮紅豆煮得好夠淋，無一粒紅豆係生，非常正！3.雪花六口西多士$28（10/10）呢碟有六口西多士都幾脆，入面係搽咗花生醬，整體每口西多士唔會好甜！2人總共價錢$172個人口味總評分：9.83/10   @rosefooddelivery  @take_turn_to_do_kol地址：紅磡崇志街28號地舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#薔紅宅急便 #紅磡好去處 #紅磡 #紅磡美食 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong…查看更多

多多雞大排檔今次係我第二次嚟元朗食呢間大排檔叫「多多雞大排檔」，每次嚟到一定會叫佢哋招牌菜炭火靚雞，係用大瓦缸高溫碳即場燒制，大約要等半小時，輪椅人士如果要入去食嘅話，連我都無辦法，呢間大排檔門口係有兩級，好彩門口可以放枱，無論天氣幾熱都好，門口放張枱，食隻靚雞，飲飲酒，幾熱都唔記得哂，依家有新優惠就係用$48可以堂食飲38支啤酒，仲可以叫大支藍妹，只要求其叫一碟小菜就可以用呢個優惠，今日買明天就可以用，每次只可以叫2支啤酒，六人以上可以叫4支啤酒，有效期兩個月期要用，非常抵飲！1.招牌即燒炭火靚雞$198/隻（9.5/10）呢隻炭火靚雞係用大瓦缸高溫碳即場燒制，大約要燒半小時，靚雞真係靚雞，大大隻燒到好靚，外皮好薄脆，一剪開肉汁流哂出嚟，雞肉好嫩滑，好新鮮！2.沙嗲金菇牛肉啫煲$128（10/10）呢個沙嗲金菇牛肉煲個沙嗲味非常正，粉絲完全吸收哂沙爹汁，牛肉肉質非常嫩滑，大約都有10片牛肉，金菇都幾多，仲有三色椒同洋蔥等等！3.乾炒牛河$108(9.5/10)呢碟乾炒牛河唔會太油，牛河上面落咗好多芝麻粒，牛肉肉質非常嫩滑，大約都有10片牛肉，仲有芽菜同蔥等等，加埋辣椒醬更好味！4.罐裝忌廉$12（10/10）正常味道，果晚起碼35度，凍飲已經唔係凍飲！5.罐裝可樂$12（10/10）正常味道，果晚起碼35度，凍飲已經唔係凍飲！6.大支藍妹$32（10/10）正常味道，果晚起碼35度，有冰桶都好似飲緊熱啤！2人總共價錢$490個人口味總評分：9.83/10  @duoduojifoodstalls  地址：元朗又新街37-51號富祐閣地下14號舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#多多雞大排檔 #元朗美食 #元朗好去處 #香港美食 #無障礙餐廳 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong…查看更多

沾仔記麵食今次要介紹一間喺佐敦近廟街有一間老字號麵店叫「沾仔記麵食」，去到餐廳門口都有一小級，輪椅人士如果要入食就要自備斜板啦！呢間小店麵店只有三個餸，其實要專注做三個餸1d都唔容易，三個餸包括有鮮蝦雲吞、新鮮牛肉同鮮鯪魚球，經開佐敦如果想食麵嘅話，不妨試一試呢間小店啦！1.鮮蝦雲吞+新鮮牛肉（雙拼）幼麵$42+無糖可樂$8（9/10）一碗揀咗鮮蝦雲吞拼新鮮牛肉幼麵，幼麵有少少鹼水味，鮮蝦雲吞每一粒都好大粒，雲吞入面好爽嘅蝦仁充滿了成個雲吞，每一大粒雲吞入面最少最少有三隻中size蝦仁，一共有兩大粒鮮蝦雲吞。至於新鮮牛肉每1片都見到粉嫩色，食得出係新鮮牛肉味，牛味都幾重，每1片牛肉都唔韌，一共有8片新鮮牛肉，加飲品要加$8，我揀咗玻璃樽裝無糖可樂！2.鮮鯪魚球+新鮮牛肉（雙拼）河粉$42+紅茶花伝檸檬茶$8（10/10）另一碗揀咗鮮鯪魚球拼新鮮牛肉河粉，河粉好滑，鮮鯪魚球每一粒都好大粒彈牙，蔥味都好香，一共有兩大粒鮮鯪魚球。至於新鮮牛肉每1片都見到粉嫩色，食得出係新鮮牛肉味，牛味都幾重，每1片牛肉都唔韌，一共有8片新鮮牛肉，加飲品要加$8，我揀咗膠樽裝紅茶花伝檸檬茶！3.淨鮮蝦雲吞（4粒）$36（10/10）真係好味到不得了，本來想埋單，後來再加多一碗淨鮮蝦雲吞，粒粒真材實料，蝦仁爽到不得了，每一粒鮮蝦雲吞都係人手包，正到爆！4.郊外油菜$18（10/10）呢碟生菜都幾新鮮，起碼唔會老，蠔油唔會好咸！2人總共價錢$154個人口味總評分：9.75/10  @jimchaikee_jordan  地址：佐敦廟街300號地舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#沾仔記麵食 #佐敦美食 #佐敦好去處 #老字號 #麵店 #鮮蝦雲吞 #新鮮牛肉 #鮮鯪魚球 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong…查看更多

田記魚蛋牛腩專門店呢間「田記魚蛋牛腩專門店」已經係我第四次回訪，經開油麻地一定會諗起佢哋崩紗腩，暫時我覺得佢哋嘅崩紗腩係最好食，肥瘦均勻唔會痴牙，經過油麻地嘅你一定要試下啦！「田記」門口係有一級，輪椅人士如果要入去食記得要帶斜板，同埋店員已經食到記得我，每次都係安排四人圓枱比我哋坐，真係好細心！1.雙丸河粉$44+凍檸茶$8（9/10）呢碗雙丸河粉入面有3粒魚蛋同3粒牛丸，魚蛋好彈牙，牛丸除咗彈牙之外，仲有牛味算濃，再加$8叫咗杯入面有3片檸檬嘅凍檸茶，下午茶簡簡單單食一餐！2.崩沙牛腩幼麵$62+凍鴛鴦$8（10/10）呢碗崩沙牛腩河粉份量好多，好似多過以前，崩沙牛腩有8舊，白蘿蔔有3舊，幼麵有少少鹼水味，崩沙牛腩好軟淋，肥瘦均勻唔會痴牙，再揀埋一杯加$8凍鴛鴦，咁就完美！3.炸魚皮$26（9/10）呢個炸魚皮用密實袋裝住炸魚皮，咁樣衛生好多，炸魚皮炸得好酥脆，食落好香，今次咸咗少少，份量好多，大塊咗，好正！2人總共價錢$148個人口味總評分：9.33/10@mr.tin_hk   地址：油麻地碧街45號地下C1號舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#田記魚蛋牛腩專門店 #油麻地好去處 #油麻地 #油麻地美食 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong…查看更多

甘の季節今次要介紹喺天水圍一間甜品店叫「甘の季節」，呢間高質甜品店嘅綿綿冰，好綿到不得了，仲有芋圓糖水、湯圓、窩夫等等，有位學生埋單時我聽到仲有九折！輪椅人士入去都超方便，呢間甜品店嘅門口係用咗嵌入式嘅斜路，唔會介意做少幾張枱，夠哂誠意，愛心滿滿！1.朱古力窩夫$30（10/10）呢個朱古力窩夫面上有厚厚嘅朱古力奶油同oreo餅碎，食落香脆唔會好甜，如果有埋刀切開嚟食就好啦！2.草莓綿綿冰（凍）$93（9.5/10）呢個草莓綿綿冰頂上面粒草莓係用咗日本淡雪嘅草莓，咬落有少少酸，刨冰唔同出面咁綿，呢間d冰好綿到不得了，綿冰食落淡淡草莓味，下面底層仲有oreo餅碎，唔錯！3.芒果綿綿冰（凍）$93（10/10）呢個芒果綿綿冰食落有香濃芒果味，最頂同最底都有oreo餅碎，底層仲有滿滿嘅切咗粒芒果果肉，好甜好厚肉，好好味，必叫之選！4.芋圓雪糕楊枝甘露（凍）$55（10/10）呢碗芋圓雪糕楊枝甘露真係好豐富好大碗，入面芋圓好煙韌唔會硬心，芋圓大約都有接近10粒，有一球好滑嘅雲呢拿味雪糕，仲有接近半碗嘅芒果果肉、西米露同唔少嘅柚子肉，超滿足！2人總共價錢$271個人口味總評分：9.88/10     @amainodessert 地址：天水圍天恩路12-18號+WOO嘉湖一期地下G86A號舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#甘の季節 #甜品店 #糖水舖 #香港美食 #天水圍美食 #天水圍好去處 #hkig #hkboy #hkkol #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong…查看更多

竹面譜差唔多有大半年無嚟到呢間「竹面譜」餐廳，網上見到佢哋出咗好多新款食物，經開太子係我第二次回訪佢哋餐廳，今次嚟到好大驚喜，一開門經理就拎一塊斜板出嚟，佢話上次見你自己帶斜板，我哋就即刻上網買，同你果塊一模一樣，我心情有少少激動，竟然有一間餐廳會為一小部分人，做一大步嘅嘢，其他輪椅人士真係有口福，唔洗帶斜板出街都可以入到呢間餐廳，正到爆！1.鹿兒島直送頂級A5和牛+鮑汁冬菇花膠鍋+夢王蛋 配關廟麵及時菜$168+凍鴛鴦$10（9.5/10）呢個餐係最近新出，鹿兒島直送頂級A5和牛烚幾秒就食得，食之前點下夢王蛋會特別香，和牛特別牛味濃同嫩滑，大約都有10塊和牛，至於火鍋入面有5舊厚切嘅花膠、3舊好厚嘅冬菇同吸哂鮑汁嘅娃娃菜，再配埋一碗關廟麵真係好飽，飲品揀咗加$10凍鴛鴦，單叫一杯要$18，凍鴛鴦好香又好滑，又唔會太酸，我覺得幾好飲！2.咖哩孖蛋香煎雞扒飯 轉夢王蛋熟蛋$46+$15+凍朱古力$10（9/10）另外一個餐揀咗咖哩孖蛋香煎雞扒飯，孖蛋專咗夢王蛋熟蛋要另加$15，夢王蛋真係蛋味好香，雞扒煎得好香，再配埋甜甜地嘅咖哩汁撈飯食簡直一流，飲品揀咗加$10凍朱古力，杯朱古力甜咗少少！3.炸鮮奶卷（6條）$42（10/10）呢邊炸鮮奶卷味道無變過，係好正宗嘅炸鮮奶卷，咬落去外脆內軟，鮮奶味道特別香，會食到唔停口，一共有6條炸鮮奶卷！4.炸墨魚餅（6粒）$42（10/10）呢碟墨魚餅入面墨魚膠滿滿，外面揸都好香脆，食落去仲有少少粟米粒，一共有6粒炸墨魚餅！2人總共價錢$333個人口味總評分：9.625/10@cheukminpo   地址：太子荔枝角道68號地舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#竹面譜 #太子 #太子好去處 #太子美食 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong…查看更多

好到底水餃雲吞麵今次要介紹一間喺元朗安寧路有一間麵店叫「好到底水餃雲吞麵」，我知道阜財街都有一間「好到底」，呢間新店大少少，坐得好舒服，呢間係佢哋家族第三代老闆開設，承傳爺爺年代配方，味道不變，一樣有自己嘅工場製麵，用心經營，繼續承傳！呢間麵店門口係有一級，輪椅人士要入去食嘅話，就要自備斜板，入到去左右兩邊係卡位，中間有幾張拼埋一齊嘅長枱，店員完全唔介意我輪椅大部，仲話我坐到就得啦，所以係非常歡迎輪椅人士入去食！1.牛腩麵（河粉）$47+凍奶茶$10（10/10）呢碗牛腩河粉入面有2大條牛腩同2大條牛筋，牛腩咬落非常軟淋，牛筋食落好似入口即溶咁淋，勁多骨膠原，河粉好滑，份量又多。只要叫任何一碗麵加$10就可以飲到餐牌上嘅飲品，我揀咗凍奶茶，凍奶茶非常香滑！2.雲吞麵（幼麵）$38+凍鴛鴦$10（9.5/10）呢配雲吞麵個麵底揀咗幼麵，幼麵無鹼水味，雲吞一共有5粒，每粒雲吞都好似乒乓波咁大，入面有好爽口嘅蝦仁同滿滿嘅豬肉，雲吞外皮超滑，真係超正。只要叫任何一碗麵加$10就可以飲到餐牌上嘅飲品，我揀咗凍鴛鴦，呢杯凍鴛鴦比較偏酸少少！3.炸鯪魚球（4粒）$44（9.5/10）呢碟炸鯪魚球一共有4大粒，每一粒鯪魚球都大過乒乓波，咬落小心有少少骨，旁邊仲有蜆芥醬同泰式甜辣醬比你點嚟食，個人鍾意點泰式甜辣醬嚟食！4.細淨水餃$39（10/10）呢碗細淨水餃一共有4舊水餃，每一舊水餃入面有蝦仁、豬肉、木耳絲同冬菇絲，水餃外皮都係好薄，唔係平時出面水餃皮，食落水餃口感好豐富，入面餡料實在太多，太正啦！5.蠔油生菜$22（10/10）呢碟蠔油生菜叫咗少蠔油，生菜好新鮮，咬落有爽脆聲，蠔油係放落生菜側邊，唔似其他餐廳係倒落生菜上面，放落生菜側邊嘅好處就係想點幾多蠔油都得，好細心！2人總共價錢$210個人口味總評分：9.8/10     @hototainoodles @taichan.com.hk 地址：元朗安寧路67號福安樓地舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#好到底水餃雲吞麵 #水餃麵 #雲吞麵 #牛腩麵 #香港美食 #元朗美食 #元朗好去處 #hkig #hkboy #hkkol #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong…查看更多

M Square今次係第二次回訪西貢WM酒店入面一間「M Square」Cafe餐廳，呢間Cafe除咗酒店客人入嚟食之外，亦都有外來客入嚟食，如果買外賣嘅話可以吹住海邊風嚟食，寧舍Chill！食完仲可以玩入面嘅野，如桌球、足球機同高爾夫球比食客玩，Cafe入面相當闊落，好啱輪椅人士行完西貢入去Chill下！1.Pesto Prawn $195（9.5/10）呢個Pizza屬於大批，一共有8件Pizza，Pizza入面配料有有意大利香草醬、蝦肉、少少三文魚肉，燒燈籠椒、蕃茄同mozzarella芝士等，加咗大量香草醬味道Pizza勁香，蝦肉新鮮，反而芝士唔夠多，拉唔到絲！2.Veggie Burger $155（9/10）呢個素菜漢堡包個包好鬆軟，漢堡包入面有素菜扒、炒蘑菇洋蔥、芝士、蕃茄同生菜，呢個漢堡包揀咗跟薯條，薯條無咁脆，份量都多！3.Pistachio American Pancake $158（9/10）呢個開心果班戟用咗自家製開心果濃醬，開心果醬比較甜，反而開心果粒粒可以多返少少，仲加咗紅桑子同士多啤梨，兩者都唔酸！2人總共價錢$559，有加一服務費！個人口味總評分：9.17/10@msquarehongkong地址：西貢惠民路28號洲至奢選香港WM酒店地下低層A1號舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#MSquare #西貢 #西貢好去處 #西貢美食 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong…查看更多