Hill Eat All的個人專頁

見到網上平台強烈推介呢間餐廳，諗住衰極都有個譜，點知中大伏！真係好耐冇食過咁難食嘅嘢！仲要價錢唔係平！可以俾負分都一啲都唔過分。環境裝飾唔算差，但係露營凳，一啲都唔好坐，大髀下面會有支橫金屬棍，哽住大髀，好唔舒服。叫咗一個二人餐。冬陰功湯冇味，更加冇香料味，似辣椒水。生菜包啲肉急凍肉又乾又鞋，又冇香料調味，啲生菜莖仲要黃晒。軟殼蟹白咖喱意粉又係無味嘅，意粉又煮得唔夠熟，仲硬硬地。蝦餅嘅黑松露醬，冇黑松露味，同沙律醬冇乜分別。串燒味道正正常常，但係上到枱都已經唔熱。嗌咗兩杯椰子特飲，正常操作。咁就$521 兩個人。…查看更多

一開始都滿心期待呢間餐廳，因為聽聞都幾高質素。入咗時，餐廳有好多空嘅座位，但係服務員偏偏安排我哋坐門口嘅嗰張餐枱。都唔緊要。上菜嘅時候，我哋點咗龍蝦餐湯，個侍應明知我要拍片，佢都特登攞去個湯壺阻擋我鏡頭。餐湯連湯羹都冇，作為一間西餐餐廳都有點過分。嗌兩杯果汁，個侍應同我哋講話冇果汁，之後我哋打開個菜單指俾佢睇，佢先知道原來佢哋嘅餐廳係有果汁。真係莫名其妙。嚟到時兩杯果汁成杯都係冰，真係冇期望過果汁都要溝水飲。嗌咗三樣主食，正正常常，唔係啲乜野驚艷嘢。有Live聽係欣賞，但當歌手休息嘅時候其實可以播返啲純音樂。無必要選擇播放歌曲，仲勁大聲，完全妨礙咗同朋友嘅交談。…查看更多