EdYC的個人專頁

懷疑自己係呢間餐廳嘅第一位客人🤣 成間餐廳冇人，得自己一個，入去果陣都係懷着試下嘅心態。叫左個三文魚親子丼 （$88），非常足料，好多三文魚同魚子，而且味道唔錯，性價比好高，比得上$150-$200的質素！因為新鋪開張，送左杯特飲，而且全單9折，感覺好抵。希望呢間餐廳生意好d，因為佢嘅食物係唔錯，成晚幾個員工serve我一個客人，搞到我覺得自己好尊貴🤣 走果陣，終於有兩個男仔入黎食，疑似台灣人。希望多d人認識佢haha…查看更多

聽朋友介紹，話有間日式料理店好受歡迎，於是同朋友去試下。去到餐廳門口，見到有好多排隊，店員話平均要等20分鐘先可以入座，我地等左一陣就有位坐。餐單上有個自選魚生飯，我自己點左吞拿魚、油甘魚、海膽，佢仲送左湯同甜品。佢嘅油甘魚幾好味，吞拿魚同海膽算係高質，特別係海膽，難得鮮甜，平時香港食果d海膽都係有d腥，呢度嘅海膽好甜，值得再食。之後上埋牛肉飯，佢嘅牛肉燒得好香，超足醬，口感一流，食左一塊已經停唔到口。…查看更多

係蘭桂芳附近，最近開左一間Five Guys，呢間野係外國加拿大好受歡迎，竟然係香港有分店，實在太好啦！入到去覺得自己去左外國咁，好有feel!點完餐之後，拎左一兜免費花生食，佢嘅花生係任拎，同埋炒得勁香、勁脆，一定要食下！叫左個漢堡包，可以自由配料，勁足料，佢嘅漢堡扒好厚好juicy，食完想食叫多個，岩晒胃食嘅人。佢最正嘅係大薯條，多到不得了，我高估左自己嘅食量，低估左店員嘅大方，呢個杯入面只係其中2/3，仲有1/3跌左落個袋到。薯條非常好味，必食，超濃花生香，而且每日嘅薯條都係唔同地方風味，一定有驚喜！…查看更多

晚飯時間，行到旺角通菜街，突然想試下拉麵，見呢間幾出名，入去食，發現佢嘅拉麵同燒肉都好好食，非常香濃!首先點左佢最多料嘅二郎系拉麵，非常多料，有燒肉、芽菜、蒜頭，而紫菜係朋友夾俾我😋😋可惜我唔係食蒜頭嘅人，所以拎走晒d蒜，但果湯依然好香、好濃，試左一啖就想試第二啖。佢嘅燒肉更加係一流，有陣陣燒香左嘅味道，少少咸，好軟熟，入口即融，好想再加料。之後上埋小丸子，試左一粒，發現味道唔錯，不過如果仲食得落，會想試埋餃子，一定好好味😋 …查看更多

話說去旺角中心行街，平時都係TOP食野，TOP入面已經食到厭晒，突然朋友推介旺中嘅小食店，於是口痕去試，點知發現有驚喜。旺中有好多小食店，當日都買左好多小食，但唯有一間，我印象深刻，因為不論價錢、味道都非常吸引：手卷駅。去到鋪面，已經有好多人排隊，我望左一陣餐牌，就點左軟殼蟹手卷。軟殼蟹炸到非常香脆，非常鬆軟，咬落去去啖啖汁，好juicy💛 而且佢好即整即有，熱氣噴人，更加好食，重點佢只係$28，平時食軟殼蟹都要$50，佢係好抵食。最近已經要食多幾次，好味到唔記得影相😋😋😋…查看更多

最近旺角東附近，開左一間外賣小食店，見到食物種類多元，而且即整即食，於是就同朋友點左外賣。我自己點左個安格斯漢堡餐，有埋薯條同沙律，價錢可接受，食完漢堡之後，覺得性價比幾高，會回頭再食埋其他小食。佢嘅漢堡肉汁非常豐富，而且好厚，食到我都唔得閒影相，加埋有濃濃嘅芝士味，岩晒對漢堡情有獨鍾嘅我。佢嘅薯條同沙律正正常常，可能因為我拎番屋企先開動，薯條有點軟，但味道依然好正，有濃厚嘅薯香，唔係一般街頭食到嘅薯條。呢間值得再食。…查看更多

今日同朋友到旺角食lunch，想搵間方便同舒服的餐廳，所以揀左呢間鬧市中的小店。一入到餐廳，環境頗外闊落，陽光透入室內，令人感受到鬧市中的平靜，於是同朋友揀左個位坐低。坐低左之後，我地各自點左唔同嘅食物，我點左一個蜆肉意粉加熱情果梳打。大概閒聊左一陣之後，就送上飲品，隔左一陣就送上食物，時間剛剛好，適合想聊天的我們。熱情果梳打幾清涼，適合夏天消暑飲，蜆肉意粉也不錯，份量剛剛好。食完之後，我地繼續閒聊，大概過了半小時才離開，服務員也很好，不會趕我們走，也不會過來打斷客人嘅對話。…查看更多

情人節翌日，同女朋友到朗豪坊搵野食。行到十樓見到一間韓燒，最經典的牛牛板套餐（二人份量）都只係$198，非常抵食，即刻排隊攞飛。等左20分鐘就入得，順便點多左杯青檸梳打。當職員將牛牛板送過黎果陣，我地急不及待開動。上面嘅牛肉有6、7種，每種都有唔同味道同口感，一次過滿足唔同願望，特別係薄切牛肉，燒一燒反一反，加埋醬汁，擺入口果陣非常軟熟，陣陣牛肉香味。之後飲埋杯青檸梳打，有種滿足嘅感覺。下次再經過，又想過下口癮食韓燒，呢間值得一試，而且重點係價錢非常抵，絕對係平民韓燒之選。💛…查看更多