samng310的個人專頁

外賣叫左個1006 大馬椰汁辣飯配蒜香安格斯牛肉。超級咸！咸到離譜原本打算轉白飯，但阿姐話唔要椰汁飯呀？未試過就試下椰汁飯。本身以為椰香味會好濃，但椰汁飯椰汁唔多香味而且味唔濃，同普通白飯差唔多。個辣汁個人黎講唔算辣，但偏咸初時以為只係個辣汁咸個安格斯牛肉先最大問題！咸到七彩！每粒牛肉都灑滿鹽粒，食落似食緊一羹羹鹽，一d牛肉味都冇！牛肉好乾好硬因為太咸，食旁邊的伴菜，花生青瓜同蛋我食唔到其他味，只係得咸味飲完成罐馬蹄爽都解唔到渴如果可以俾負分，我一粒星都唔會俾…查看更多

態度非常差，午市前趁冇人去食，去到成場吉，得兩檯客，佢安排我坐門口位，但個位上面對正風口，好凍我想調位，個姐姐仲大大聲話度度都凍架啦，呢度唔得個度唔得，我明你做生意，要留檯俾午市，但你成個場都吉，調一張檯都唔俾。最後我指最入的檯，個個位冇冷氣風口，佢就黑哂面飛本menu去檯，全場冇一個姐姐態度好，黑口黑面。野食係唔錯，但受氣就唔係第一次。譚仔姐姐的態度仲好過呢度多多聲，野食好冇用，入到去成日受呢度嘅姐姐氣…查看更多

係太子做完運動太夜好多鋪都收左，網上得知呢間夜收就行去旺角幫襯。店內環境舒適，好多動漫figure，環境寬敞，仲有房可以人多的時候坐房，店內一角放左好多card game & board game，岩哂俾人聚會玩下吹下水。落單的時候，小朋友聽我講唔想食醬，專登幫我寫單走醬，變炒意粉。雖然意粉走醬，但炒得出色好好味，另外蜂蜜綠茶甜度剛剛好。朋友叫的忌廉菠菜三文魚都好好食老闆娘同侍應小朋友都好好，態度親切，有傾有講。…查看更多

同3個朋友去食火鍋放題～價錢合理蔬菜丸類比出面個d連鎖火鍋店選擇更多，烏東拉麵粟米呢d都大份過其他火鍋店! 有梅酒/清酒任飲，只係加$50咋! 可惜朋友個個病冇得加錢飲!! 下次有機會會再去喪飲的! 雪糕是一杯杯裝的Dreyer's雪糕～同埋雪米糍同雪糕泡芙～個人喜歡呢度一杯杯雪糕好過出面火鍋店的軟雪糕～感覺軟雪糕機個d唔太衛生。 最特別的係呢度可以自己整天婦羅....最好味的係甜薯天婦羅～本身見到一粒粒好細的橙色串～以為係芝士～食左先知係南瓜-_-有少少失望～如果有芝士炸就好!原本有少少擔心自己炸野會有油彈出黎～但又冇wo! 幾安全～所以都好放心咁玩左幾次炸野～因為掛住食冇嘜點影相～我地點左牛骨牛乳湯～超正的，夾肥牛一流～另外一個蕃茄滾湯～可能牛乳湯太出色～有點覺得蕃茄湯有少少比下去。埋單大約每人$190, 下次會再去的！下次要喪飲梅酒~ …查看更多

上yahoo團購買左自助晚餐優惠卷，yahoo描繪得好吸引呀,入場每人送佛跳牆，又紅白酒任飲，haagen-dazs雪糕，波士頓龍蝦、煎法國鵝肝、澳洲和牛壽司....等等...實情係點沙律超少....雖然講話有四款....但我只見二至三款....但要唔係佢list out出黎個d....係d好普通柚子＋桃肉的沙律....另外就係間間酒店都有的沙律吧，有d菜呀紅腰豆栗米俾你自己pick....再加汁....唔好以為沙律汁有好多款呀....sorry~得兩種，普通成日見個種白沙律同一隻意大利香草油List 入面講的自助凱撒沙律....Sorry....失蹤左波士頓龍蝦並不是全隻....只係得個鉗....個太硬牙力唔夠都好難食到....又冇開鉗器俾人用，同埋唔新鮮澳洲和牛壽司....我見有個牌但冇哂～但全程唔見有人refill冷盤....經過見到都唔想食，全部俾人夾淨一兩舊又唔refill...好似食淨野的狀態....d冷麵就咁用個竹籃裝住...冇冰鎮住....見到都覺得唔凍....唔係冷麵係暖哂嘆左好耐的麵熱盤法國鵝肝又失蹤左，所有主熱菜唔熱的，所有主熱菜得好好好少份量，俾人夾哂又唔refill !!一打開個熱盆蓋，盤盤都好似食淨哂d餸頭餸尾的樣咁....見到都唔開胃即場熱食鐵板燒一早燒好哂放係度....你想去到即叫即燒....sorry...隔離有燒好左個d...你夾左個d先....當然又係因為放左好耐....唔熱的...魚生係全場最最最失望及最唔開胃亦都見到呢間酒店最唔專業的地方全場廚師唔夠人。。。我見到切魚生個個成日行開去左其他崗位做野....有人想食魚生？佢地竟然唔係即叫即切....係一早切哂出黎放係隻碟度....隻碟當然冇冰鎮住....魚生放係一個室溫的地方....邊個會去拎？邊個會想食....任由d魚生堆係度....切左出黎的魚生冇放入雪櫃冇冰鎮住....嘆左好耐好耐.....仲要d魚生切得好樣衰....初時經過我仲以為碟上面個d係切出黎的頭頭尾尾唔要的雜碎。但原來係要黎俾人食的。甜品我超鍾意食甜品，但經過甜品的coner 都即刻走....d cake見到都覺乾身....個cake的外貌好似80-90年代經時光機送過黎咁....款式so outdate....一舊都冇夾過就行去拎haagen dazs....話哂都任食丫哈！當然冇咁著數....得3款，最多係朱古力同雲呢拿....好彩的會係雪櫃底搵到曲奇咪佛跳牆＋帶子佛跳牆有鮑魚粒一小粒，火腿一少粒，大約手指尾的指甲大小，有舊花膠。但寄怪的係....膠質超重....我阿媽成日煲花膠湯....個口感同呢間好唔同，呢間飲落口似係打左生粉整杰個湯....同埋等左好耐先送黎但個湯唔熱的帶子晒氣啦...凍的....我阿媽仲整得好食過佢我明白團購係平d....但都要200幾一個....呢餐呃人的野....一百就差唔多…查看更多

首先一入到去落左order 要一個lunch set茄汁肉丸意加一杯熱latte 眼見除左我仲有兩張檯，應該唔洗等等左半個鐘，遲過我黎的小姐食完走埋，我都仲未有野到，催一催先肯黎講食物50蚊意粉加熱飲賣相ok,但超細碟，肉丸唔熱的，只係暖，茄汁冇味似水意粉食左四啖就食完，份量同價錢唔成正比熱latte食埋野一共等左一個鐘，我再三問之下，原來廚房個個竟然唔識沖latte, 但又唔開聲要我白等，最後我話廚房識沖d咩咖啡，個侍應竟然答唔出，之後我話俾杯熱茶我算喇，熱茶都一定得啦！最後熱latte轉左做熱甘菊茶,但亦只是茶包貨色講價錢$50一個餐價出面已經可以食得好好,但超細意粉+茶包要收$50就太貴,呢間野的水準俾$30就差唔多講服務計埋我五張檯，其中一張食完吹緊水唔計有四張檯serve, 我個張就唔識沖咖啡唔出聲隔離一張就出錯單，牛肉飽變龍蝦飽，飲品搞錯哂，最後個對情侶唔肯再等退錢走人另一張檯，兩夫妻， 凍檸茶等半個鐘都冇，兩碟意粉又出錯，咖啡又錯第三張檯兩個女仔，見我地其他檯d單亂咁龍都唔好意思出聲再催，繼續白等服務差，野食差，水準差唯一較好的地方係個侍應跟甩哂所有單, 俾4張檯狂催下都冇黑面,都算幾好架喇…查看更多

每次同朋友去親九龍城都會去食嚐樂食甜品，必叫黑咕嚕同奶茶皇，另加其他甜品!! 通常黑咕嚕同奶茶皇就會好快就俾朋友瓜分哂!!雖然天氣凍,但冬天食凍野別有一番風味!!…查看更多