麥Phil的個人專頁

之前有食開佢哋分店嘅粥底火鍋，今次第一次食佢哋嘅八鮮蒸鍋，八點鐘已經好多人係度排隊等安排入座，都好快，唔使等好耐已經可以入去坐低！我覺得比粥底好食同抵食。啲食材好新鮮，尤其今次食嘅龍蝦🦞，大隻得嚟好彈牙😋，其他海鮮都好鮮甜，鮑魚都好食，開頭以為唔夠飽，但最後食埋個蒸飯已經好滿足，餐前餐後仲要有湯水同湯水食！最好係唔使自己落手落腳去整，全程有員工幫手擺落去蒸，啱晒我呢啲懶人，而且啲員工服務好好，一個接一個去蒸，時間啱啱好，有禮貌，抵讚👍！下次會再嚟幫襯！…查看更多

幫襯過兩次，環境係OK嘅，坐得舒服，但廚師整嘅食物就認真麻麻，得個樣，星洲炒米一食落去伏，好淡，以為食緊湯米，米粉浸過龍，無口感！另一次叫咗個豬扒焗意粉，一切開，哇，件豬扒仲係生嘅！即刻反映比店員知，最後返嚟問我，話想焗番熟比我定係重新整過個比我😅，最後梗係轉第個餐啦⋯⋯如果啲食物質素都繼續係咁，呢間應該都好快玩完，啲客食多幾次應該唔會番轉頭…查看更多

特登揀咗個懶有型嘅角度去影哩幅相，因為我係特登為咗哩件火山石醬油汁燒豬鞍扒而來😝，事關睇佢ig嘅相真係好靚吖！出菜嗰陣個waitress 係咁提我小心熱，因為件火山石係好似铁板咁熱架，成吋厚嘅豬鞍扒喺上面炙烤住，發出zz聲，好香吖影完靚相準備食嘅時候就麻煩少少，要將件扒擺返碟上面鋸，因為都擔心掂到件火山石。火候掌握得幾好，外皮焦香，肉質又嫩。醬油汁係店家自製嘅，味道ok，唔會太鹹下次會來試下佢嘅海鮮大燴…查看更多

訂咗個蛋糕嚟同老婆慶祝結婚週年紀念，老婆見到好驚喜，而且味道亦都唔會好似出面啲咁甜，食多幾啖都無罪惡感🤣，而且老闆娘人好好👍，好nice，之前都有訂開蛋糕，每次見到個蛋糕都有驚喜！…查看更多