小池莉的個人專頁

有次經過，見到有好多人排隊，就特登search下有咩咁吸引。我同朋友係大約星期日嘅2點左右黎到，排我地前面有7枱客，大約等左半個鐘左右就入到座，比我想像中快。喺我哋未坐低之前，侍應一早將一張點餐用嘅QRcode放咗喺枱面，所以我哋一坐低就可以點餐。我同朋友分別左2個魯肉飯🍚🍚+一個蛋餅🫔+2杯飲品🧋🥛賣相相當吸引，食之前當然要打卡。📷月見蚵仔魯肉飯（$66）🌟🌟🌟🌟🌟就咁睇就見到蚵仔非常多，食之前一定要撈勻隻蛋，加埋隻蛋、魯肉同啖啖蚵仔，正。另外仲有個青瓜配菜，個青瓜冇乜味，應該係比食客可以解膩。月見海老魯肉食（$66）🌟🌟🌟🌟🌟一樣嘅雞蛋同魯肉，配上蝦肉同樣唔失色。👍🏽起司薯餅蛋餅（$36）🌟🌟🌟🌟因為朋友唔食菜，所以走左菜。薯仔加蛋餅唔會太奇怪。略嫌芝士太少。不過如果再去未必會再嗌，因為本身兩個魯肉飯已經非常膩。配上薯仔就真係未必食得哂。珍珠奶茶（套餐轉+$18）🌟🌟🌟因為少咗甜，奶茶顯得好澀。可以正常都甜度會好點。凍芋泥鮮奶（套餐轉+$28）🌟🌟有點失望，因為個人覺得唔夠甜，同埋都真係有啲膩，加上呢個價錢，有點貴。建議食客可以+$1轉外賣杯，咁就食飽都可以邊行邊慢慢飲。總括而言，食物同飲品嘅賣相非常吸引，食物嘅味道都唔錯，可惜飲品比較遜色。不過為表示尊重，我都特意影低咗好吃吃光嘅碗🫣…查看更多

天氣轉冷，來一碗蛇羹就最好不過。其實先前我未食過蛇羹，朋友經過想試，咁就唯有奉陪。我地就係比呢個紅色大招牌所吸引。舖內都算闊落。入到黎，餐牌都唔洗睇就order左碗蛇羹，唔洗2分鐘，店員就即刻上菜。賣相好吸引，暖笠笠咁。入面除有蛇肉，仲有冬菇、薑、花膠等配菜。食落好夠味，唔洗落胡椒粉。味道同份量都剛好。花膠都有3-4舊，一啲都唔吝嗇，因為都要成$78一碗。當然地區黎講，呢個價錢都算合理嘅。😌不過就算唔食蛇羹，都可以試下燒味飯，或燉湯。題外話，個人覺得呢張餐紙好靚，好有特色，所以影低左🫣…查看更多

首先要講間鋪就係商場最角落位唔容易搵。今次係午市黎，諗住簡簡單單食個拉麵先發現原來呢間餐廳有好多唔同啲野食。我地係衝住鮟鱇魚肝湯拉麵而黎，所以冇特登嗌其他嘢食。另外，仲order左個鹽味湯拉麵配極級牛肩胛。鮟鱇魚肝湯拉麵($168)🌟🌟🌟🌟呢碗拉麵唔會食到一嚿嚿嘅鮟鱇魚肝，因為鮟鱇魚肝已經融入咗個湯度，所以湯非常濃郁。仲好細心咁配左鮟鱇魚肝，等食客唔夠味就自己再加。仲有配一個白飯，等客人可以食晒之後到埋個個飯落個湯度當湯飯。濃郁嘅湯配白飯，正👍🏽鹽味湯拉麵配極級牛肩胛($148)🌟🌟🌟🌟拉麵嘅麵質個人唔太鍾意，又唔掛湯。湯就不過不失，清清地唔算咸。但牛肩胛燒得香，好味。個拉麵仲有配到一個牛肉飯，呢個牛肉就比較乾同冇乜汁，變相就係牛肉+白飯。不過個牛肩胛係非常有驚喜👍🏽餐廳仲有夾餅食，本身都想試下，但真係太飽了，唯有等下次啦…查看更多

呢間米線相信大家都聽過，今次難得入長洲就當然要試吓啦。因為舖頭都比較細所以我哋都等咗差唔多20分鐘先入到去。由於舖面得一個幫手，用app落單非常方便！一嚟到就當然要叫返大家都推介嘅蕃茄湯米線，而同行嘅朋友就叫左蜆肉紫菜湯。大約等左5分鐘就有得食👍🏽炭燒豬頸肉配金菇蕃茄湯米線🌟🌟🌟呢個比我預期中有啲失望，個湯好濃郁，金菇正常發揮，豬頸肉有啲乾，失望在於佢個米線一啲都唔掛湯，可能係用左粗米線，所以比較難入味。蜆肉紫菜湯配墨魚春卷米線🌟🌟🌟🌟🌟蜆肉非常多，冇沙，湯好飲，而且同米線好夾，出乎意料之外地好好味大推👍🏽勝價比極高，呢個價錢食到一碗咁高質嘅海鮮米線，仲要送熱飲☕️下次返黎都要再encore🤭…查看更多

今次係我朋友帶我嚟呢間餐廳，唔知道原來喺石板街度有一個咁新嘅商場，仲要有幾間餐廳。餐廳入邊都算幾多人，不過我哋早咗少少所以唔使排隊。由於我哋係Walk in冇book位，剩係得吧枱坐。因為啲侍應都比較忙，等咗好耐都冇人嚟幫我哋點餐。睇個餐廳名就知Pho應該係必食嘅～Prime Pho bo（$148）🌟🌟🌟應該所有牛常見嘅部位都會出現喺呢碗Pho上，所有食物都起碼有兩件，一啲都唔吝嗇。個湯好重黑椒，牛方面都正常發揮，唔會煮得太老。略嫌蘿蔔太硬，未煮淋（唔知係咪Pho嘅特色🪖）燒豬肉撈檬（$78）🌟🌟🌟🌟比起Pho，我認為呢個撈檬更出色，撈檬唔喺佢main menu到，菜同檬粉嘅份量剛剛好，燒豬肉勁多，我地2個女仔係食唔哂，豬肉唔會燒到硬，加上個價錢，勝價比極高👍🏽炸賓墟（$58）🌟🌟🌟🌟我地仲order左小食 — 炸賓墟。底係一個炸米餸，上面就有啲櫻花蝦、肉鬆、黑魚籽、莞茜等嘅配料，我覺得個餡可以再多少少🤏🏽，咁就perfect。蜂蜜椰子牛奶越南咖啡($48)🌟🌟🌟🌟🌟呢杯咖啡十分有驚喜，由於本人未去過越南，亦都冇飲過越南咖啡，唔知係咪當地都係比較盛行用椰汁沖咖啡，不過味道非常之夾。不過我認為有不足之處，首先要等左邊嘅咖啡滴完，再倒去椰汁牛奶，所以會有溶𣲙，有冰水嘅情況出現。越南經典水果茶（$48）🌟🌟🌟呢杯茶嘅賣相就好吸引，但飲落冇乜特別，唔係咩特色野，不過用黎打咭就最好不過～總結我認為食物味道唔錯，食物賣相加上燈光，影出嚟好靚。不過，大家記得要訂位（個人覺得吧枱唔好坐🤭）。另外，啲侍應雖然忙，但上菜時都會簡單講解下啲菜色/飲品👍🏽…查看更多

喺灣仔呢啲地段食個lunch閒閒地六七十蚊真係走唔甩，但啲野食都起碼要對得住個價錢掛🥲Order左個4號，諗住番茄湯烏冬實無死啦！仲要寫皇牌添！點知中大伏！先講講佢個湯，大家千奇唔好期望係蕃茄濃湯，有好濃郁嘅茄肉。成件事就係一個淡淡嘅蕃茄湯包再加幾粒蕃茄粒。蕃茄湯底煮得唔好唔緊要，但啲雞翼同豬扒煎炸完冇理由放喺湯浸返淋佢掛🤔🤔🤔最離譜係個烏冬， 竟然係超市賣開十蚊三包嗰隻酸味烏冬。用廉價食材唔緊要，但都唔係處理得咁差，其實過一次水，已經可以減少酸味🥲🥲🥲$68唔期望食咩好西🥲感歎百物騰貴。。。…查看更多

從來未食過一間做得咁差嘅food court。同朋友喺附近行街，又想醫下肚，諗住去food court，經濟又實惠。點知真係中左伏。Food court的確有幾多選擇，咁啱見到船河就諗住試試佢。首先，講講個環境先，睇個門面裝修幾靚，睇落有點東南亞風味。（評分：5⭐️為最高）金不渙肉碎魚蛋片頭船粉（評分：⭐️）第一啖食落已經覺得完全係一個大伏，蛋旦 片頭同起市買嘅冇分別。個湯唔夠熱之餘，仲要同金邊粉一啲都唔夾，即係湯煮完就咁放啲金邊粉上去，個金邊粉食落仲粉粉地。食落真係仲差過公仔麵。。。咸檸檬梳打（評分：⭐⭐️⭐️）呢杯咸檸檬梳打一啲唔咸，個檸檬乾真真，拮極都冇味，加上如果其他梳打，例如：青檸梳打，都會落少少糖水，但呢個完全冇，所以呢杯絕對同一啲梳打水冇分別。最後，講講佢個環境，可能因為人流多，枱面嘅清潔就真係做得麻麻，呢樣野商場真係留意下。…查看更多

呢間餐廳個名就夠晒特別啦，但淨係齋聽個名唔會知係食咩嘅。入到去見到啲裝修都非常之特別，切合返佢個餐廳名， 「十三姨」有少少古色古香嘅感覺。為可以食多啲食物，所以又係食左2次呢間餐，先打呢篇食評🌟講返點解會黎試呢間餐廳先，就係見到有朋友share，俾佢個鵝肝飯吸引到，所以特登嚟試個鵝肝飯。一坐底，侍應就會端上茶同蝦片。每杯茶都有一個茶包，好飲蝦片亦都睇得又食得。（評分：5⭐️為最高）老闆娘鴨肝煎蛋撈飯（評分：⭐️⭐️⭐️⭐️）其實我就唔食鵝肝嘅，因為我怕鵝肝嗰陣油膩感，同埋怕咗羶味。但經朋友極力推介，咁唯有試一試。不過講真呢個撈飯啲色水的確豐富🤤煎蛋豉油撈飯已經好吸引，加上鵝肝，成個煎蛋飯好似昇華咗十倍咁鵝肝煎香咗，但咬落鵝肝軟淋淋，冇咗鵝肝嗰陣油膩感，而且冇乜羶味。就算唔識鵝肝嘅我都覺得好味，真係值得一試。十三飛（評分：⭐️⭐️⭐️⭐️）十三飛其實即係牛肉嘅粉絲拼米粉，入面有牛肩胛、牛肋條、同溏心蛋。由於湯應該一有腩汁，加埋芫茜同椰菜等配菜，所以粉絲同米粉，仲有腸粉都好入味雖然係麵食，但份量十足，唔會餓親。十三么（評分：⭐️⭐️⭐️⭐️）十三么主要係雞肉，入面有手撕雞、雞叉燒、溏心蛋，都係粉絲拼米粉。個人覺得雞叉燒比較”鞋”，湯比起十三飛就清好多。由於我嘅口味比較濃，所以對我黎講就比較遜色，我會主張加上檸檬同麵專用嘅豉油，會濃味，但總括黎講都係好味嘅另外一提，如果食得辣嘅朋友，可以試一試麵食專用嘅辣椒醬🌶，係由青椒所磨成。食得辣嘅我都覺得辣😹所以真係值得一試🌶️另外都order左啲小食同串燒...椒鹽魷魚鬚🦑（評分：⭐️⭐️）呢個就冇乜特別，魷魚鬚冇乜椒鹽，小食份量。吉列炸蠔🦪（評分：⭐️⭐️⭐️⭐️）炸蠔唔錯，啱啱炸起，內脆內軟。串燒：豬頸肉、雞軟骨（評分：⭐️）呢個就出左問題喇😷話說啱啱燒起嘅豬頸肉竟然夾住條長頭髮🤮🤮條頭髮仲要卷埋。咁唯有同店員反映，店員竟然幫我地換過串豬頸肉，但冇換埋個雞軟骨。但明明係放喺一隻碟入面🤢關乎到衛生問題，係咪應該要換埋呢？🤷🏾‍♀️🤷🏾‍♀️唔能夠接受呀！！🥴🥴總括黎講，主食係幾好味，但小食就真係可叫可唔叫。另外，個人就認為侍應態度麻麻。叫佢地斟茶好似唔太願意🤧搞到我都唔好意思。但我都會推介呢間餐廳，因為啲食物都相對特別。…查看更多

點解會話係神秘呢？因為餐廳嘅裝修睇一啲都唔似食越南菜，餐廳環境好黑，但非常有格調，似係酒吧多過餐廳，餐廳環境好細，客人有限，所以侍應個個都好親切，照顧周到👍🏽環境就夠哂有格調，而喺食物方面都非常特別。其實唔算係正宗嘅越南菜，佢混合唔同口味，食物適合香港人口味。（評分：5⭐️為最高）越式芝士薄餅🍕（評分：⭐️⭐️⭐️⭐️⭐️）呢個薄餅上面喺有牛肉乾、雞肉乾同埋腸仔，仲有啲肉鬆。薄餅嘅餅皮似係焗左嘅米餅，唔似平時食開嗰種意式薄餅🍕。食落香脆又可口！呢個薄餅配有醬汁，個人覺得呢個醬汁先係精粹，因為醬汁酸酸辣辣，識落更加惹味越式蝸牛🐌（評分：⭐️⭐️⭐️⭐️⭐️）呢道菜我覺得係成餐飯嘅重點，因為真係好惹味！可能東風螺唔係個個都接受到，如果中意食東風螺嘅，不妨一試！我估本身蝸牛唔係越南菜著名嘅食材之一，但佢個醬汁又係酸酸辣辣，完全係越南風味。豬頸肉春卷撈檬（評分：⭐️⭐️⭐️⭐️）個人認為呢個撈檬就比較遜色，因為真係同其他越南餐廳食到嘅冇乜特別🤔不過都有一個位要讚一讚嘅，就係佢個豬頸肉！豬頸肉唔算肥，但食落好滑，唔會乾真真，仲好juicy添👍🏽X河粉（評分：⭐️⭐️⭐️⭐️）呢個河粉入有牛丸、牛肉等。個人就覺得河粉食落就冇乜特別。但係個湯就十分清甜，我係差唔多成碗湯飲哂🤤總括黎講，呢間越南餐廳不論係食物、環境，氣氛同服務態度都十分滿意另外一提，餐廳有時會有私人派對，我就咁啱有一次摸門釘😢所以要食好野，都要睇好唔好彩！…查看更多

睇到個標題就知呢間餐廳係位於海邊🌊，坐喺露天位就可以吐露港景色，有啲海風吹住，好寫意咁。🌬室內嘅環境亦都好舒服，絕對唔會好逼，餐廳裝修簡潔，有落地玻璃，就算喺室內都可以睇到出面嘅景色。喺日頭仲有啲陽光曬入嚟☀️，好舒服！😚餐廳環境就100分喇，食物嘅質素絕對唔差。由於每次都係食lunch...每次可以點嘅食物有限，所以我特意食多幾次，試多啲唔同嘅菜色再打呢篇食評。🌟（評分：5⭐️為最高）龍蝦汁燴海鮮意粉（評分：⭐️⭐️⭐️）意粉嚟講，呢個就真係冇乜特別嘅。海鮮亦唔會有冰鮮味，青口亦冇沙。份量適中，唔會太少。炭燒肉眼扒配意粉(黑椒汁)（評分：⭐️⭐️⭐️⭐️）肉眼扒係成個lunch menu最貴嘅一款，承惠$138咁當然要試試啦。同普通扒房一樣，肉眼扒可以揀幾多成熟。我今次就揀左5成熟，肉眼肉質唔錯，不過有啲筋位就比較韌，切唔開又咬唔爛。意粉不過不失，正常烚意粉。黑椒汁唔會太辣。👍🏽炭燒肉眼扒配薯條(黑椒汁)（評分：⭐️⭐️⭐️⭐️）肉眼扒同上面嘅描述一樣，想講講佢個炸薯條。可能因為太多人叫薯條嘅關係，所以啲薯條食落都似係啱啱炸起，亦都無翻炸過。丹麥馳名烤雞半隻配忌廉焗薯（雜菌汁）（評分：⭐️⭐️⭐️⭐️）呢個烤雞嘅賣相絕對要讚一讚！見到都覺得都流晒口水🤤非常吸引👍🏽可能有雞髀位，所以食落唔會”乾爭爭”，有啲部位仲好滑添。所以真係食得又睇得。仲要價錢比起牛扒同羊扒平好多。🤑總括而言，呢間餐廳嘅環境同埋食物質素都非常好。唯一缺點可能係有時午飯時間會比較多人，因為附近都係寫字樓，會有好多人食飯。不過總括嚟講，各方面都好好，所以我都好推薦呢餐廳👍🏽…查看更多

呢間餐廳聽個名就估到係食串燒，今次都係我第一次黎呢個串燒店。估唔到除左有串燒之外，仲有麻辣燙、狗仔粉等。由於今次我嚟食宵夜，所以就無點麻辣燙，主要都係想試試佢啲串燒味道如何。同一般串燒店一樣，佢都有紙俾大家寫低想食啲咩，但串燒嘅種類就比平時嗰啲高檔啲，例如有澳洲牛柳、安格斯牛仔骨、秘汁燒豚肉、乳鴿等，價錢當然比同區嘅串燒店貴。（評分：5⭐️為最高）串燒：燒鮮牛肉串($16)、雞腎($15)、金菇($10)牛肉串同雞腎都中規中矩，有肉汁唔會”乾真真”，唔會太驚喜亦都無失望！燒鮮牛肉串：（評分：⭐️⭐️⭐️⭐️）雞腎：（評分：⭐️⭐️⭐️⭐️）串燒：澳洲牛柳($25)味道嚟講，個人認為同其他肉類無太大分別，同我想像的牛柳一樣，不算太有驚喜。（評分：⭐️⭐️⭐️⭐️）串燒：燒秋葵($15)、娃娃菜($10)、虎皮椒($15)、金菇($10)呢幾樣蔬菜都十分唔錯，菜上面灑左七味粉，夠味得黎又唔會好乾！特別係燒秋葵，燒完入面依然保持佢原有嘅味道同好感，大推！！燒秋葵：（評分：⭐️⭐️⭐️⭐️⭐️）娃娃菜：（評分：⭐️⭐️⭐️⭐️⭐️）虎皮椒：（評分：⭐️⭐️⭐️⭐️⭐️）金 菇：（評分：⭐️⭐️⭐️⭐️⭐️）串燒：韮菜花($12)點嘅時候冇留意到係韮菜花，仲以為係韮菜。一般串燒店都係只有韮菜，燒韮菜花一點也不常見。韮菜花比韮菜嘅好嘅地方就係唔會咬唔爛，而且燒完都依然好嫩。一句講哂：好味👍🏽（評分：⭐️⭐️⭐️⭐️⭐️）串燒：自家製辣汁燒魷干($28)點呢道燒魷干嘅目的主要係想試試佢個辣汁，可惜嘅係呢個自家製辣汁嘅辣度唔夠辣，又唔夠特別，睇唔出同普遍起市買到嘅辣椒醬有咩分別，而且同燒魷干一啲都唔夾。（評分：⭐️⭐️）串燒：彩椒燒茄子($38)燒茄子嘅選擇都算多，足足有3款，但因為第一次嚟，我都唔知邊款比較好，咁就隨便點左自己好似啱食嘅，點知咁就出左事喇!!!呢個係燒茄子，但點睇都好似係蒸茄子。茄子上面有彩椒、洋蔥、肉碎等配料。啲肉碎食落去嘅感覺就好似去飲茶食叉燒腸粉咁。賣相、味道同口感都似係蒸茄子多過燒茄子，係健康嘅！（評分：⭐️⭐️⭐️）串燒：雞中翼2隻($10)因為雞中翼漏左單，我地等左好耐都未有，所以就問左waiter，我地可唔可以取消左佢，但佢又話燒緊，點知我地一等再等，等左可能廿分鐘到終於有，應該係啱啱燒起，唔知係咪廚房趕住出單，入面好似未燒熟就上左菜🤷🏾‍♀️（評分：⭐️⭐️⭐️）總括嚟講，雖然呢間串燒店價錢比同區嘅串燒店高，但係啲裝修明顯有花心思，如果同三五知己想搵地方食宵夜，可以坐得舒舒服服傾下計，呢度都會一個好地方，所以我覺得呢度都值得推介！…查看更多

先講講呢間鋪頭個名叫做小甜甜，但係絕對唔係食甜品！而係大家都估唔到嘅川菜🌶🌶鍾意食辣嘅朋友相信一定有聽過呢間餐廳，而我就係第一次黎。一入到鋪頭，咁岩又冇位，所以就直接坐低左係近門口嘅一張四人枱。店舖嘅裝修和枱面嘅餐具一睇就知係食中菜一打開個Menu見到全部都係辣嘅真係有莫名其妙嘅興奮，心諗：正呀！喺食物方面，分別點左3個菜和2杯飲品（評分：5⭐️為最高）食川菜不少的一定係涼菜，見到個menu樣樣都好吸引。最後就揀左唔係度度都有得食嘅川北涼粉。涼菜：川北涼粉（評分：⭐️⭐️⭐️⭐️⭐️）呢道菜相信大家都唔陌生，配料有辣椒、香蔥和炸蒜，配上麻辣汁，令到本身冇任何的涼粉變得好野味😋麻麻辣辣，令人食到停唔到口！由於今次係朋友介紹嘅，所以就order左我朋友的最愛—魚春魚卜煲主菜：魚春魚卜煲今次係我第一次食魚春同魚卜。一聽個名覺得好得人驚，因為始終都係魚嘅內臟，可能好多人都接受唔到。而我一開頭都有少少抗拒，不過都係抱住一個試吓嘅心態去食。結果呢道菜的確令我有驚喜，一開始我以為魚春同魚卜會好腥，但食落去一啲腥的味道都冇，相反魚卜好滑、魚春好有口感！而煲內仲有青瓜、薯仔，煮淋左係非常之入味，又辣。不過叫呢道菜要提提大家，因為佢係一個鍋，上菜時係未完全煮熟，所以大家要留意上菜後要等佢煮熟先好食！！！💡💡💡主菜：水煮桂花魚片（評分：⭐️⭐️）最後一道菜就係我最鍾意食嘅水煮魚，因為本人唔太鍾意食有骨嘅所以特登嗌咗佢嘅水煮桂花魚片。一上菜嘅賣相非常之吸引，因為表面有好多辣椒，亦都有莞西、芽菜等配料。第一時間食左芽菜同青瓜，呢個辣汁真係非常煮得非常入味，味道絕對係香港人口味，所以呢刻我對佢嘅期望係十分高！之後再試佢嘅魚片，問題就嚟啦！魚片的確係冇骨但係竟然有魚鱗！！！食魚有魚鱗係一個不可接受的事！！🤢完全大大扣分！！🤢🤢🤢第二個問題就係我地點的係桂花魚片，但魚片的數量唔多，仲要撘多個魚頭俾我地！！🤮🤮🤮感覺好恐怖啊😱對於唔識食魚的我來講，成件事感覺錯晒，呢款水煮魚片即刻變咗水煮雜菜魚煲，完全無從入手😥結論係非常之後悔叫咗水煮桂花魚片，因為桂花魚片係貴過野生魚，但我認為呢個魚頭令我覺得桂花魚片同野生魚嘅分別都唔會太大。所以如果同我一樣都唔太識食魚，我就唔太推薦你點呢道菜。💡所以最後我都只係食鍋裏的薯粉同埋青瓜。味道的確係唔錯，只係魚真係大大扣分！！！飲品：藍精靈（評分：⭐️⭐️⭐️⭐️⭐️）呢杯特飲叫藍精靈，喺Menu上面係完全冇任何講解嘅，所以如果本身未飲過嘅你叫咗，喺未飲之前，絕對真係唔會知佢係有啲咩成份。呢杯野對於飲過佢嘅我來講，都唔知點解佢會叫藍精靈，因為佢除咗個杯藍色之外，同藍色或者精靈都冇任何嘅關連。😅其實呢杯係菠蘿同埋椰奶嘅混合特飲，椰奶味好重，表面亦有少少泡，一啲都唔hea！如果鍾意飲椰子飲品嘅你，絕對唔可以錯過！最後，我亦都有再追加多一杯😛最後要講一講餐廳嘅環境，餐廳入邊有唔少卡位係適合朋友們一路食飯一路傾計，不過最可惜嘅係今次坐咗一個門口位，啲客人行出行入嘅時候，就會吹左外來的空氣入嚟，加上當時咁岩隔離鋪在進行裝修，所以有人行出行入就會有好大陣裝修味同埋吹左街上嘅熱氣入嚟，所以提醒大家如果可以避免的話，就唔好坐門口呢個位啦！💡總括而言，呢間餐廳嘅味道絕對係適合鍾意食辣嘅人，麻辣嘅味道適中，菜式大多數都好滿意，只係嗰道水煮桂花魚片真係令人失望🤦🏾‍♀️🤦🏾‍♀️🤦🏾‍♀️…查看更多

星期六一朝早想食清淡啲，食粥就絕對係一個不錯嘅選擇👍🏽一入到food court就見到呢間煲煲店，一開頭以為淨係得煲仔飯，點知原來仲有生滾粥，咁咪試下囉。生滾粥的選擇都算多，不過就冇傳統粥店有嘅皮蛋瘦肉、 艇仔粥，相反有冬菇、粟米、鯪魚球等特別的配料。最後，我就點左一碗冬菇雞球粥。冬菇雞球粥（評分：⭐️⭐️⭐️⭐️）呢間係位於置富都會的food court，所以係以自助形式點餐，買完之後，店員會比個牌你，咁你就可以搵個位坐低慢慢等。當時大約中午時分但可能係因為星期六的關係，所以成場唔算多人，但因為係生滾粥，要即刻煮，所以我大約等了5至10分鐘先有。一收到的時候，最令人驚喜的是碗粥是用沙煲裝住，保溫程度非常高，所以就算食得幾慢都好，都唔會怕啲粥會攤凍。喺味道方面，冬菇雞球粥入面當然會有冬菇同雞啦，另外仲有少少娃娃菜，加上葱花。味道不錯👍🏽而且如果買粥，仲可以加$6有一碟腸粉或者加$6有飲品或汽水。所以我加咗一碟腸粉，味道都正正常常。如果想要其他醬料，店面亦有提供，可以另外自己落。總括而言，我認為呢間舖的生滾粥味道不錯，選擇亦多。不過可惜的是，它是位於food court，同場有不少其他食店，雖然food court的座位十分多，但如果在中午時段可能會滿場。如果多人食就可能會搵唔到位。另外，通風系統欠佳，所以坐左一陣成身好大陣油煙味。不過價錢十分合理，所以我整體而言，呢間舖我認為亦值得推介👍🏽…查看更多

星期五Happy Friday 難得第二日day off就想同朋友們放鬆下💆🏽‍♀️，食餐豐富嘅晚餐。經朋友提議下，我地黎左呢間有露天座位⛱嘅泰國餐廳。一入到餐廳，侍應好熱情地帶我地到露天的位置坐低。隨即有侍應放低左蝦片同水。可能因為係星期五的關係，所以露天嘅座位幾乎滿座。😥餐廳氣氛感覺幾好，但一拎起個餐牌就發現有好大問題！！！因為燈光真係十分暗，睇餐牌真係有點吃力😓我地分別點左4個菜和1杯飲料🥤（評分：5⭐️為最高）冷盤：醃蟶子🌶🌶（評分：⭐️⭐️⭐️⭐️⭐️）個人認為呢道係最令人驚喜的冷盤一般的泰國菜餐廳只有提供鳳爪沙律、生蝦🦐等的冷盤，所以這道醃蟶子可能是這家餐廳自創的菜色。每隻蟶子上都鋪滿有洋葱、蒜頭、辣椒等配料味道酸酸辣辣，感覺創新而又不失泰國風味。👍🏽主菜：香茅黑椒牛柳粒（評分：⭐️）個人認為這道菜最令人失望🤦🏾‍♀️牛柳粒感覺炒得太耐 有啲韌雖然道菜加左香葉一齊炒但感覺一點都不像”泰菜”🤦🏾‍♀️主菜：泰式乾炒河粉(雞)（評分：⭐️⭐️⭐️）呢碟炒河就不過不失吧，除左雞同河粉，仲有荷蘭豆、芥蘭、椰菜花、紅蘿蔔等嘅配菜🥬主菜：青咖哩蝦球 （評分：⭐️⭐️⭐️）呢個青咖哩入面的蝦球🦐份量不錯，絕對唔係得一兩隻蝦球嘅”青咖哩雜菜煲”！而且啲蝦好彈牙不過個人認為咖哩有點稀，如果再杰啲會更好。飲料：黃金夢（評分：⭐️⭐️⭐️⭐️）呢杯係菠蘿汁+芒果汁🍹，飲落去的質感十分杰！可能因為係芒果汁而又冇加水，口感、賣相都不錯👍🏽但就未必能解渴總括而言，我認為呢間餐廳喺裝修好華麗，而且氣氛好好。但有一個位要扣分嘅係，廚房同露天嘅座位距離太近，坐左一陣就已經成身有一陣油煙味，同佢個裝修成好大嘅對比！食物質素方面就中中等等，沒有太大驚喜。不過呢到有提供生啤、白酒、紅酒🍷等。勝在選擇多，如果想同朋友們去飲下酒，放鬆下💆🏽‍♀️，呢度都會係唔錯嘅選擇。至於價錢方面，相比同區嘅泰國菜的確貴好多💸，個人認為呢個價錢絕對有更好的選擇，而且味道一般，所以味道和價錢不太成正比。…查看更多