eatwithremy的個人專頁

位於中環Landmark Oriental嘅Amber已經連續多年獲得米芝連2星🌟🌟之前喺呢度食過一次lunch同兩次dinner，每一次都覺得好好食😋質素我覺得同3星嘅caprice差唔多Amber每一季嘅menu（除咗一兩個signature item 例如Aka uni）都會有大改變，所以一年食幾次都唔會悶今次dinner time嚟食呢度嘅Full Amber Experience ($2608)。Lunch time都有呢個menu但會平少少總共有8個course（另外包amuse bouche, bread, petit fours同coffee/tea），所以男仔食都夠晒飽今餐最鍾意都係aka uni叫做"Peace & Love"嘅甜品都好好食👌P.S. 呢度提供in house-filtered 嘅still/sparkling water, 每個人三十幾蚊就可以free-flow咁飲，抵過好多餐廳收成百蚊一支嘅樽裝水，亦比較環保…查看更多

燒肉like係日本嘅過江龍，主打平價燒肉，香港而家有七間分店最平嘅套餐都係＄50左右，午市同晚市嘅價錢一樣，而且唔駛加一服務費服務同環境唔好要求太多，但算乾淨企理要留意番用餐時間係60分鐘，諗住同朋友坐耐啲吹水就唔得啦今次我叫嘅係牛舌＋牛板腱＋橫膈膜肉150g $118如果要250g 就$160另外我加＄18要咗50g嘅牛五花嘢飲都算平，汽水＄10 罐，啤酒都係＄22罐啲肉唔算係特別正但都對得住個價錢每一枱都放咗幾款燒肉汁俾你點肉我覺得燒肉汁嘅質素仲好過牛角如果你想快快食個平嘅燒肉絕對可以嚟食飯時間都幾多人等位，可以考慮 GULU app攞咗飛先…查看更多

今次試咗一間入門啲嘅omakase呢一間志位於尖沙咀一座商業大廈嘅17樓尖沙咀站A出口行大約2-3分鐘就到🚶‍♂️今次早咗個幾月先book到weekend lunch嘅bar枱始終覺得omakase要坐bar枱比較有感覺🙆我揀左$580嘅seasonal omakase set，有13個items另外可以揀13/10件嘅sushi set或者14切sashimi set ($300-350)真係非常抵食💰Serve我地嘅師傅專注serve我同隔離嗰枱（共4個人），所以都可以跟足晒我地嘅進度首先上嘅係茶碗蒸，係比較水嗰種，食到有海鮮高湯嘅味，同埋上面有啲瑤柱，幾好食刺身有3樣：平貝（新鮮，比帆立貝爽口）、劍魚（油脂豐富）、鰹魚（比較普通）壽司有6件🍣：有深海池魚、松葉蟹、赤海蝦（上面有蝦膏）、中拖羅、赤貝、燒右口魚（包紫菜）我比較鍾意中拖羅同赤海蝦呢度嘅中拖羅油脂同大拖羅差唔多，但完全無筋👌赤海蝦好新鮮，配上蝦膏好好食😋赤貝都好新鮮，但略嫌唔夠厚，口感差啲料理有兩樣：煮蠔、炸魚（唔記得係咩魚）兩樣都好食👍🏼煮蠔嘅汁應該落咗少少酒，可以提升蠔嘅鮮味，而且係有少少凍嘅，夏天食好清新炸魚配咗少少酸甜嘅汁，好開胃🥢另外有海膽杯同拖羅蓉手卷我見以前海膽杯係有三文魚子嘅，而家可能要cut cost所以無咗🥲師傅話係用咗紫海膽，我覺得海膽係好食嘅，但同我嘅expectation都差咗啲，可能因為價錢關係用唔到好靚嘅貨拖羅蓉手卷正常發揮，算係好嘅ending味噌湯同甜品（蕃薯雪榚）比較普通呢度嘅服務算幾好，員工有禮貌，加茶同加薑都好主動👍🏼以呢個價錢嚟講係值得試吓嘅我都可能會遲啲試下佢dinner嘅25品omakase($1200)…查看更多

Grand Hyatt Steakhouse多年來被譽為香港最佳扒房之一疫情前呢度只係提供晚市，自從之前禁晚市堂食後，餐廳開始做埋午市，而且係星期六日都有，價錢比晚市抵好多星期一至日lunch time都有set lunch提供$540就有3個course，同夜晚淨係叫一個最平嘅牛扒嘅價錢其實差唔多Appetiser, main course同dessert都有唔少選舉，main course仲跟埋一個side想飲湯仲可以加$40要龍蝦🦞湯或者New England Clam Chowder最新嘅Lunch Menu可以上番official website睇更加抵嘅係lunch time可以加$90任飲紅白酒同soft drink兩個鐘（或者$88一個鐘）🍷雖然之前仲有個平啲嘅選擇（$50兩個鐘），但應該啲酒無咁靚要留意free flow最後order係2點，所以想飲兩個鐘最好book 12點啦蒜蓉包啱啱出爐咁，好好食，雖然最後有啲飽都refill咗一次Appetiser我揀咗steak tartrate，牛肉算新鮮，調味啱啱好，略嫌牛肉味唔太夠我加咗$40要New England Clam Chowder，湯好濃厚，料都多，我覺得比之前呢度試過嘅lobster bisque好飲Main course要咗10oz Argentinian ribeye (medium-rare)，配green peppercorn sauce上菜後Waiter攞咗好多種唔同嘅mustard嚟俾我揀，我揀咗一種有black truffle同一種有brandy嘅mustard，我覺得兩種都唔錯牛扒肉味都算濃嘅，生熟度啱啱好，green peppercorn sauce我都好鍾意❤️Side我要咗mashed potato，朋友要咗creamed spinach，兩樣都好好食Dessert我要咗key lime pie，有啲偏酸朋友要咗Apple crumble，我試咗啲覺得好食過key lime pie😋我另外加咗$50要最平嗰個2-hour free flow package（而家應該無呢個揀）White wine ok嘅，red wine🍷 麻麻地，所以飲咗一杯red之後淨係飲white服務都幾好嘅😄見到我啲酒就無晒會主動問我駛唔駛加Dessert我哋要唔同嘅嘢，佢會問我哋要唔要碟嚟share我覺得都幾值得lunch time同朋友嚟呢度試吓嘅👍🏼但記得weekend lunch要提早差唔多一個月book …查看更多