Rais.C的个人专页

個露台好大，有3個爐可以BBQ，肉嘅質素都唔錯，係獨立包裝，唔係出面啲喪屍肉。連埋室內2500尺，目測都容納到80人。室內有波波池、Switch、卡拉ok、桌球、桌遊、Poker枱，佢個個80寸投影屏幕都好正，睇戲一流，音響音質都唔錯。我同朋友好鐘意唱k，但次次都唔夠咪唱，呢度最多連到10支咪，一齊唱都無炸聲。呢度無酒精飲品任飲，但我哋就自己帶咗啤酒🍻，場地仲提供埋Beer Pong枱比我哋玩遊戲，真係抵讚！…查看更多

牛油果青醬帶子意粉（⭐️⭐️⭐️）手工意粉即叫即整，對得住呢個價錢。好大份，女仔食一半就好飽。牛油果就唔係好食到，青醬都夾嘅，唔會好滯，但帶子帶點鹼水味，食落就麻麻哋。香茅青檸茶（⭐️⭐️⭐️⭐️⭐️）勁refresh，小小甜，有成條香茅係入面！其他特飲選擇仲有泰式奶茶、檳城白咖啡、五花茶、自家製花茶，全部都好吸引！跟餐沙律係哈密瓜同西瓜，新鮮嘅。點樣feel到老闆有良心？佢推介隔離日本餐廳，介紹人仲多過介紹自己。可以WhatsApp同老闆落咗單先，咁就唔洗等啦（雖然都唔係等咗好耐）。希望老闆都整下外賣自取嘅服務，等多啲人試到佢嘅手勢啦😋。…查看更多

食過旺角同葵芳本店，都好好食。但呢間真係好失望，咬落去得粉（無任何菜）同一舊章魚，唔香，唔juicy ，食落同急凍貨無分別，只係用醬…shake shake 薯條咁。無下次。…查看更多

星期六晏就2點到達，唔洗得位就直入餐廳。1️⃣味道：2️⃣服務：餐牌選擇繁多，唔熟印尼菜頭都痛。女餐廳老闆都有向我哋仔細介紹推介菜式，值得一讚👍🏻。3️⃣環境：如果唔係坐卡位（2張4人枱），都幾迫。當時我同友人就坐咗係1張普通4人枱，隔唔夠一個身位旁邊就另一張2人枱，清楚聽到哂旁邊情侶嘅一字一句🙈餐廳應該準備緊Party food，係我哋食嘅成程，兩位貌似餐廳老闆係旁邊2張枱砌緊拼盤同雕花，無帶手套。我地食咗成個鐘，佢哋就係非廚房範圍整咗咁耐，到我哋走都未整完。明白小店地方有限，但都略嫌唔衛生🙈。4️⃣價錢：假日午餐人均$100，用餐60分鐘。想食特色快餐又係銅鑼灣，都建議可以試吓。…查看更多