lamlaichingg的个人专页

好好味好邪惡😈我同friend分別嗌咗Beacon grilled cheese同all day breakfastBeacon grilled cheese：好足料！個cheese唔係普通芝士片 真係有拉絲 煙肉都好惹味！All day breakfast：有被驚豔到！本身覺得all day breakfast咪都係嗰啲 但個菇都薯條都好好味 個菇juicy得嚟又香 薯條外脆內淋 我個人就覺得好正（all day breakfast 其他料我冇食到所以唔知）同埋老細勁nice 笑得好charm😂😂😂Overall除咗價錢偏貴（可以接受嘅範圍）都冇咩好挑剔…查看更多

第一次寫食評，因為太驚喜🥰🥰同朋友嚟聚餐，本身麻麻地椰青，但係試咗朋友嗰個覺得勁驚喜 超好飲！！之後上咗海南雞、通菜 、豬頸肉 、牛小排、金邊粉、生菜包、芒果糯米飯，全部都好好味。等我逐個講吓。- 海南雞：勁嫩 附上嘅汁超入味- 豬頸肉：外脆內嫩 燒得啱啱好 加埋汁夠入味又清爽- 牛小排：嗌咗五成熟 嫩到不得了 又香又好夠牛味 呢個都有配汁令成個味昇華咗- 金邊粉：之前食泰國菜被伏 所以本身冇咩興趣 但呢個完全改變咗我嘅印象 麵好爽身夠彈牙 好夠鮮味- 生菜包：肉碎有配一隻好fresh嘅葉（唔記得咗叫咩🤣） 令成道餸唔會好滯好膩 份量適合1至2個人- 芒果糯米飯：芒果好juicy好甜 糯米飯食得出唔係隔夜飯 但都係好粒粒分明 又入到味 食完上面嘅主菜之後當甜品食簡直一流！上面全部都好推薦！一定會再返嚟食！…查看更多