smp_5611的個人專頁

慶吉家一路都係我既LUNCH首選, 因為佢外賣都幾平下今日Lunch想食滑蛋吉列大蝦飯, 不過驚外賣會焗到吉列蝦淋哂, 所以今日選擇堂食滑蛋吉列大蝦飯一共有四隻大蝦! 係四大隻呀!每一隻都肥美飽滿, 加上香脆既炸衣, 真係好正! 好彩我醒目揀左堂食啫~如果唔係拎到返去應該會淋哂蝦肉爽口彈牙, 唔會霉霉爛爛個種, 果然無揀錯滑蛋唔會煮得過熟變左蒸蛋咁, 仍然保留滑嫩既口感, 仲要有甜甜地既味道呢種滑蛋我真係超鐘意, 淨係d蛋都夠我爬哂成碗飯呀…查看更多

之前朋友生日, 去左呢間寢宮食個飯順便摸下酒杯底傾下計呢度環境同氣氛都唔錯架~音樂唔會太嘈或者太靜, 播既英文歌大多數都好適合唔好以為酒吧唔會有好野食, 又唔好以為得薯條雞翼呢啲行野原來呢度有扒鋸之餘仲有多款特色小食, 絕對係晚餐既好選擇我就叫左份豬鞍配鵝肝, 朋友就揀左酥皮焗羊扒豬鞍煮得好淋, 應該係slow cook, 啲肉唔會死實實, 好鬆軟鵝肝入口即溶, 豐盈既油脂香味係個口入面揮之不去, 諗起都流口水...不過都係少食為妙....ORZ朋友個酥皮焗羊扒都唔錯, 酥皮好鬆脆, 唔會整到淋哂羊扒同樣都係好鬆軟, 醃得夠入味, 唔錯飲品選擇都幾多, 黎到酒吧當然要飲下酒啦呢度既Cocktail都幾特別, 大部份都幾啱女仔飲架~…查看更多

今日繼續係home office既日子, 兩點幾終於feel到肚餓就落街食個飯啦無返公司一排有點掛住海南雞飯, 落街打個轉見到呢間叫「隨心」既星馬菜餐廳有海南雞飯食諗都唔洗諗就入左去坐低啦海南雞飯份量都唔細雞肉係去左骨既, 食落肉質嫩滑兼食到微微既椰香(定係斑蘭葉味?)點埋醬汁食都幾惹味, 特別係個辣醬, 一定要試下!!雞皮薄薄地, 肉身無乜脂肪, 連皮食都唔會有反胃既感覺油飯帶有濃濃既香味, 食落唔會油膩, 同海南雞意外地夾喎為食既我食完個飯又心思思想食甜品忍唔住叫多份咖央多士咖央多士熱辣辣, 入面個咖央醬令人一望心動食落甜度唔會過份得令人牙痛, 香濃既椰味令人忍唔住一啖接一啖咁食完美既午餐劃上完美既句號。…查看更多

食米線唔一定要去譚X既有時幫襯小店都有意外驚喜出左去九龍城個邊買野, 經過米線皇后就入左去試下佢地唔止配料選擇多, 連湯底都有8款俾你揀就算唔食得辣, 都有幾款湯底啱食, 唔洗好似譚X咁少選擇最特別係佢地有青檸酸辣湯同藥膳湯, 呢兩款真係出面都未見過不過我就第一次黎米線皇后, 試左最穩陣既鮮豬骨清雞湯配料就揀左墨魚丸、豬軟骨同埋蘿蔔坐左唔洗一陣就食得啦個湯底確唔錯, 好濃郁既豬骨同雞肉既鮮味, 唔會淡茂茂墨魚丸雖然係來貨, 但都幾彈牙同好食, 唔錯!豬軟骨煮得好淋好入味, 軟骨部份煮到變啫喱狀, 係我鐘意既質感, 正!蘿蔔清甜無渣, 大大舊, 勁滿足!下次再黎九龍城一定會再翻啅…查看更多

今日去呢頭拎啲野俾個朋友, 本身想慢慢嘆個lunch, 不過突然醒起晏啲有野做, 就快手搵間茶餐廳解決啦最就腳就係呢間名昇館, 就揀你啦坐低本身想拎個menu研究下, 但見到隔離枱位哥仔食既梅菜扣肉又幾吸引咁...基於本人有嚴重既選擇困難症, 所以決定放下menu舉手投降, 直接搵樓面叔叔落單叫個梅菜扣肉佢個梅菜扣肉係用砵仔裝住, 咁就可以減慢變凍既速度扣肉入口即溶, 雖然肥肉偏多左少少, 但因為扣肉既醬汁係甜甜地, 所以入口唔會覺得好膩呢種口感真係無得頂...送飯真係一流加上惹味醒胃既梅菜, 呢碟梅菜扣肉真係足夠食兩碗飯食完真係飽到上心口, 跟餐可樂唔洗加錢, 都係盛惠$52, 抵食!!…查看更多

由於屋企係附近既關係, 呢間金蘭花晚市我就食過幾次, 午市就未試過今日work from home, lunch就決定落黎食啦我就叫左個豬頸肉煎流心蛋飯豬頸肉一向係我最愛, 個種爽口得黎但肉質幼嫩既複雜口感係最得我歡心呢碟飯都足足有8-9片豬頸肉, 每件都大大塊, 當然肉質都無令我失望啦通常食得豬頸肉都會配埋一碟自製醬汁, 呢度都唔例外, 外附左一兜仔醬汁, 酸酸辣辣又微甜, 確實令豬頸肉既滋味昇華不少煎蛋唔好睇佢平平無奇, 篤開就見到非常澎湃既蛋黃流出黎兩種食物配搭埋一齊, 便是最強組合…查看更多

今日帶姨婆上黎山頂行個圈, 佢話好耐無上黎行過, 趁依家少左某啲旅客, 想黎吸下新鮮空氣喎姨婆唔鐘意坐纜車, 帶左佢坐巴士遊車河, 坐左一陣就上到黎山頂廣場啦一落車就帶姨婆去醫肚仔先~佢話想試下呢間[鼎尚棋哥燒鵝湯館]老實講價錢肯定比市區貴, 不過山頂廣場既餐廳既價位一定係咁上下姨婆食得開心既話其實又無咩所謂既叫左油雞飯、燒賣、炸春卷同埋皮蛋豆腐油雞幾好食, 雞皮唔會太厚, 食落帶點爽脆同微甜~雞肉肉質幾嫩滑, 唔會太多肥膏, 估唔到幾好食燒賣就係姨婆飲茶必點既點心, 今次梗係唔例外啦, 燒賣都唔錯, 蝦肉同豬肉比較剛好, 蒸得夠乾身春卷炸得甘香鬆脆, 內餡豐富, 唔錯皮蛋豆腐都係姨婆鐘意食既小食之一, 佢話個皮蛋帶少少溏心, 豆腐就好似佢後生個時塊面咁滑漏~真係笑死我…查看更多

俗語話 : 「燃點香煙喝啖酒,所有不快都溜走」我就唔支持人食煙既, 有害健康丫嘛但閒時飲杯酒係無問題既 (呢餐飯係限酒令之前食既,無事無事)不過當然都唔好飲太多啦~一陣唔小心同我老友阿強有親密接觸就真係醜死怪啦~打邊爐永遠都同飲酒扯上關係, 當然如果你識揀場地就食得更加開心啦屋企樓下個大排檔永遠係我首選, 打個電話俾我個閨蜜阿強, 原來咁啱佢今日收早返緊黎, 就係大排檔叫定枝大啤等佢啦呢度算唔上咩隱世餐廳, 但勝在夠氣氛, 呢啲大排檔都買少見少大家一齊飲酒吹水, 傾多兩句又叫多啲野食, 老闆開心我地又盡興佢地既火鍋料都幾新鮮, 近廚得食丫嘛, 呢度隔離就係街市, 要買新鮮食材容乜易除左火鍋之外呢度仲有得食燒海鮮同小菜仲有胡椒蟹, 真係包羅萬有可以打邊爐之餘又食下小菜, 幾唔錯打邊爐會有一SET拼盤按人頭咁俾你黑豚毛豬同安格斯牛二揀一, 我就叫左安格斯牛, 每次食都唔會失望, 入口豐富牛味, 滿口都係滿足滋味仲有蟹肉蟹籽珍寶珠、八寸蟹柳、響鈴同炸魚皮都非常出色任食配料都唔差架, 我最鐘意食魚皮餃同陳皮魚蛋, 成日俾阿強笑我細路仔口味唔識食計我話鐘意食咩其實無分細唔細路仔既~~啲任食配料加埋都差唔多60款, 算係幾抵食既…查看更多

呢排同朋友唔敢去人多嘅地方，專程去發掘一啲偏僻啲嘅地方去。今次就嚟到天后區。紫蘇醬嫩菠菜牛腹肉沙律 ：紫蘇醬有種特殊風味，配上菠菜和牛肉一齊食幾夾！一碟沙律份量幾多，如果On diet，食一碟都已經夠。慢煮橙香紅酒牛尾：牛尾煮得軟熟入味，仲有陣陣橙香味。西班牙黑毛豬溫泉蛋煲仔飯：黑毛豬肉汁豐富，口感熟嫩。煲仔飯都整得有水準，飯好香口。呢度雖然細細間小店，但係氛圍都營造得幾好，從餐巾，再到服務，環境都安排得非常好。最重要係食物質素都做得有水準，而且又有特色。…查看更多

好友聚舊，話想打邊爐。識咗佢咁耐都估到佢係想食麻辣鍋架啦，不過就唔知佢想去邊區食或者食邊間啦。佢話放咗工要出去尖沙咀買D嘢，話最好揀番尖沙咀嘅餐廳，咁就無使趕嚟趕去。我哋最尾決定試下呢間，因為上網都見到有幾多好評。入到去見環境都唔錯，裝修精緻而座位唔迫，安排咗我哋坐卡位，咁就可以食得舒舒服服啦。湯底當然係點了麻辣鍋，其他包括打邊爐一定要食嘅牛肉、響鈴、唐生菜、墨魚丸、蟹柳、粟米等... 自己混好醬之後等個鍋熱咗就可以食啦。手切肥牛鮮嫩，牛味算濃郁，配合麻辣鍋好好食，雖然個鍋紅當當好似好辣咁。麻辣味道好足，夠晒刺激。響鈴必點，大大條超長，推介，不過索晒湯好辣~價錢唔算全城最平，但係材料全部都好新鮮，質量好，絕對係食得過。…查看更多

之前同朋友約好左今晚出黎傾下秘撈既野...我地一樣都咁鐘意打邊爐，所以我地次次見面都係打邊爐咁劑因為打算食完飯下半場去摸下酒杯底...所以揀左山林道既松山海鮮鍋啦餐廳燈光都幾光猛，個人黎講幾鐘意，坐得又唔逼，好鬆動舒服。侍應都好有禮貌同埋會主動推介你食咩野好咁侍應哥哥就推介我地試下招牌寸松露湯底，佢話個湯底好濃郁黑松露香味，係黑松露FANS都必點既湯底我地除左打邊爐之外都好鐘意食黑松露口味既野，既然哥仔咁誠意推介，而且我地係其他餐廳都未見過有黑松露湯底，咁當然要試下啦!!本身我以為黑松露湯底係忌廉湯底...因為通常黑松露既湯類都一定係忌廉底...估唔到原來係湯底入面加入大量新鮮黑松露片、菇菌同埋一啲調味，咁就造成一個勁香濃既黑松露湯底啦之後我地就點野食啦...叫左四寶丸、水餃、牛柳粒、手切肥牛、脆鯇片等等火鍋料....另外仲叫左個即炸魚片頭做小食魚片頭係即叫即炸，上面仲落左少少炸蒜，即炸既魚片頭一定無得輸架!!真係超正!!四寶丸就係手打蝦丸、牛丸、豬肉丸同埋墨丸，四款入面我最鐘意就係蝦丸同埋豬肉丸!!蝦丸好新鮮彈牙，而豬肉丸居然係爆汁，入口鬆軟有好濃厚豬肉味，估唔到手打豬肉丸係咁好食!!不過大家記住要滾耐D先呀，始終係生豬肉，滾耐D比較安全。水餃就入面D蝦大大粒，都係誠意之作。牛柳粒同手切肥牛都好唔錯，唔會咬唔開，但又唔會入口即化食風咁~有少少趙頭先係真牛肉架嘛~…查看更多

今日我地包場開Party啦！有別以往，我地揀咗呢間蒸汽鍋作為我地嘅主場，而非Partyroom或K房！特別之處係佢地除咗可以唱K仲可以食蒸鍋。環境都好靚，墻身，枱凳都係木製的，整間小木屋咁。蒸鍋真係食得多，但呢度嘅蒸鍋係特別啲嘅。好多款食材我都無食過，例如花生豆芽，紅莧菜等。蔬菜都係有機的，食落安心啲。每樣食材食到本身嘅鮮味,蔬菜有佢嘅鮮香，肉類有佢嘅鮮嫩，海鮮有佢嘅鮮甜。每樣的食材都配搭得好好，一啲菜一啲肉。同埋服務都好貼心，會有人幫手蒸，睇住時間啊。費事我地掛住傾計唔記得咗時間。有機豆豉蒜芯扇貝紫蔥栗子蒸本地新鮮雞日本十六穀米粥底：食緊粥果時，朋友係到講笑話，笑到我倒瀉咗三分一碗粥，哎，真係浪費曬啲精華。碗粥真係好清甜啊！包場玩真係好正，可以大聲講嘢大聲笑，好似擁有了世界的感覺！哈哈。我見佢地會不時Upload餐牌啲嘢食，食材配搭都幾新穎有創意架，真係值得一試！…查看更多