Shirleymk的個人專頁

自稱韓國肉完全無肉味。醬正常味。最好味係杯提子梳打粒提子。一入去間鋪只係一半滿，兩人位無哂，安排坐卡位要坐埋一排OK，但食既時候卡位完全無人。餐牌明明寫住如果出面有人排隊用餐時間90分鐘，食左30分鐘左右，右邊2人位空哂，無人坐，亦都可以拍埋。女職員叫我哋食快的。吓？30分鐘同90分鐘相減係60分鐘喎。食到一肚氣。如果你想逼住食，肉無肉味，人均$160，仲要30分鐘俾人催，記住來呢間體驗下，一流服務，正！…查看更多

依家麥當勞真係好唔掂…之前叫餐企喺度等，薯條同麥樂雞都係凍嘅，同埋勁慢，要等好耐，我拎嘅時候摸到食物盒已經唔熱。今次叫早餐杯橙汁好淡，好似溝咗水咁。我平時都叫開橙汁，其他鋪都唔係咁嘅味，仲要加兩蚊要大橙汁，真係好失望，好似飲緊橙水。如果要買建議大家要揀特製，因為見繁忙時間佢哋好多食物都已經準備好，但工作人員執外賣執得好慢，所以啲食物喺個食物枱已經凍咗，或者堂食可能會好啲。或者去過第二間，呢間真係會令你失望。…查看更多

好耐無食過三田製麵所既豬骨沾麵，來到發現餐牌有新出既鹽味鯛魚湯沾麵，本身好鐘意食鹽味拉麵，但香港唔多拉麵店有鹽味拉麵，所以見到有未食過既鹽味沾麵就即刻點左。。。點知咸到一個點，係咸到苦，個湯完全飲唔到。。。現在個口仲有苦味。。。個侍應姐姐又無問我拉麵想要軟定硬（自己又唔記得左），結果係我唔鍾意食既硬麵。同場仲有隻蒼蠅BB係個杯度陪我食拉麵。。。求心理陰影面積。個麵要$88加一。以前離開餐廳既時候拉麵師傅會用日文同你講再見，今日無。。。以前好鐘意呢間餐廳，好失望，中唒伏。。。…查看更多