Tsubasa翼的個人專頁

呢間鋪嘅位置有啲隱蔽，不過為咗食好嘢都要去試一試。我最鍾意食呢間鋪頭嘅牛肉拉麵。我鍾意拉麵嘅原因係因為佢面積細，比扁麵更加容易吸入湯底！薄切牛肉好好味，加埋啲蒜蓉一齊食更加正。 午餐送嘅小食我最鍾意嗌素雞。 嘢食幾好味，不過服務就會有少少差，個老闆娘會成日比說話你聽，想叫你快啲食完讓個位出嚟俾人坐，不過香港地寸金呎土係咁架啦！…查看更多

睇Instagram見到有人食紫薯雪糕，決定去試一試。點知仲曬伏!!!紫薯雪糕一啲味都冇，好快就溶sai反而海鹽就有少少味道我一路食，見住咁多人排隊，好想同佢哋講其實個雪糕一啲味都冇，唔知點解咁貴($32)。裏面裝修幾靚嘅，啲公仔都幾得意，不過D食物真係一啲味都冇。 啱晒呃like嘅少女去影幾幅相ge。…查看更多

四個人去食叫咗好多野，不能盡錄但係最值得一提嘅係骨膠原美人鍋，豬肉石鍋飯同埋白桃雪芭呢間餐廳主打係豬肉，所以叫美人鍋 個鍋好特別，成隻飛碟咁，仲有啲好得意嘅骨膠原啫喱豬肉果然唔錯，好少係出面食到咁甜而不膩嘅豬肉 D豆腐同年糕索d湯汁好正有火鍋就諗住一定要叫牛肉 不過牛肉就一般，有少少肥，冇豬肉咁juicy食豬肉石鍋飯記住將唔好哂啲汁 撈埋啲飯到一齊食Peach sorbet用冰白桃載住嘅雪芭好正 啲味一啲都唔假，又唔會太甜，very light幾回味，會繼續去 …查看更多