vinvinwai的個人專頁

今日閒逛荃新天地，下午茶時間到，就試咗呢間泰巷:)Order咗個茶餐，脆炸雞腿拼沙律加薯角($38)，再追加一個蕃茄火腿通粉都只係$9 隻雞𩨨炸得幾靚，賣相不錯，吃起來肉也算嫩滑，不錯薯角就比較薄切，味道尚可:)…查看更多

中環世紀廣場一風堂裝修咗一陣子，終於重開，今日就到來一試！驟眼看，門面風格沒有太大分別，最明顯是自助取票處裝設了在牆身，騰出空間給顧客輪候。畢竟中環區的餐廳一到午飯時間便擠個水泄不通餐桌上的設備一應俱全，除了飲食器具外，還貼心準備了一風堂自家設計的餐巾！衣著整齊清潔的打工仔，吃拉麵時也不怕弄污恤衫領帶吧！餐廳提供的是室溫茶，涼涼的，適合夏天消暑外，吃一口熱拉麵再配一口涼快的茶，也是一種獨特享受哦！今天點了個辣肉豚肉拉麵因為不太嚐得辣，所以我點了小辣(有大、中、小辣可供選擇)豚肉是低溫豚肉，所以看起來有點紅。如果想吃熟一點的話，可以趁拉麵湯底還熱時把豚肉推到湯內，借熱力令豚肉更熟吃拉麵當然要先嚐一口湯底啦不鹹、不膩，加上溫度剛剛暖口而不燙唇，讚再試一口拉麵，今次我選了軟麵身(有硬、普通、軟麵身可供選擇，迎合每人口味)，純粹個人喜好，但麵軟身得來卻不會易爛或斷，其他麵店少見喜歡芝蔴香味的話，還可以用芝蔴磨粉添進麵中，把香味推上更高層次整體而言，飲物質素、環境裝潢也不俗，唯獨始終午餐時候客如輪轉，侍應們都忙得要命，有時候點餐也許要一點耐性哦…查看更多

經過士丹利街見到開咗間新嘅燒味餐廳，座位不多，但門面光猛新淨，決定一試舖面一眼望晒，五、六人左右搭一張圓枱，不過中環地舖寸金尺土，最緊要都係乾淨衛生:)第一次嚟食，見到大大個燒肉飯特餐餐牌貼係牆，就一於點呢個試下啦賣相實而不華，食燒味最緊要都係味道嘅啲燒肉幾嫩滑，燒肉皮算脆，加上有少少肥肉係燒肉皮底，少少油膩就剛剛好一個lunch係中環區嘅地舖食，$55食個燒味飯填飽個肚，貴唔貴就見仁見智喇:) 希望唔好加價…查看更多

係中環返工嘅打工仔，辛苦搵嚟至在食，lunch就梗係要對自己嘅味蕾好啲啦今日嚟咗中環somptueux central，呢座大廈內有乾坤，今日就試試朋友介紹嘅大吉居酒屋由於入得嚟食lunch set都有前菜同麵豉湯跟餐，所以坐低未點單已經自動上前菜今日係火腿沙律:)我揀咗個自選3餸日式魚生飯，$135加一，揀咗最愛嘅鮮帶子、特大蝦，仲有三文魚子，好大碗 好新鮮朋友仲提我，如果唔夠飯可以無限添飯因為啲魚生肉嫩鮮甜，結果真係叫多個白飯添食 真係啱晒啲大胃王 讚…查看更多

星期六下午，約了朋友逛觀塘apm，想找個位置坐坐閒聊，結果揀了金記冰室。呢間冰室明顯刻意打造新派冰室的感覺，保留傳統冰室的裝修風格，環境不錯，座位亦算舒適，畢竟位處大商場內下午茶餐的價錢確實不算便宜我們點了鮮牛米同乾炒牛河:)鮮牛米份量不多，賣相平平:(牛河亦只是不過不失 牛肉片炒得頗冧、無筋，但河粉較味淡整體而言，呢間金記冰室環境不錯，跟朋友歇歇腳也不失為一個好選擇，不過食物質素一般，價錢亦比同區其他茶餐廳為高，性價比不高…查看更多

今日去咗香港公園附近嘅壁球中心，咁啱未食lunch，見到呢間Harrow cafe，於是一試:)餐廳環境有點似一間canteen，座位不多，見到不少打工仔都係嚟買外賣飯盒。餐廳門口有個飲品雪櫃，凍飲都用膠杯預先盛好存放那裡～餐牌飲物款式不多，我揀咗A餐雞扒飯:) 另加凍奶茶要加$10，都唔平:(賣相普通，不過件雞扒都幾滑，味道以canteen水平來說都算不錯整體而言，呢間餐廳都係主打附近上班族生意，留意外賣會平$3:)…查看更多

之前都食過係荃灣綠楊坊附近嗰間爭鮮，繁忙時間真係排好長龍，沿樓梯排落兩層樓都試過最近荃灣新開多間爭鮮分店，係路德圍附近，一如傳統要排隊，不過似乎少人過綠楊坊嗰邊嗰間~可能因為新店，環境都算乾淨衛生食物質素都係同其他爭鮮差不多啦，不過不失，款式都算多嘅食開嘅都知碟碟$8，要加一，還有限制用餐時間哦！帆立貝壽司鰻魚壽司:)呢件炙燒三文魚唔錯天婦羅蝦就麻麻地，唔脆皮:(整體而言，食爭鮮都係本著吃廉價壽司的心態，加上新店新環境，不妨一試:)…查看更多

荃灣廣場著實有很多餐廳，想食日本野又唔想太貴，今日經過呢間係一田百貨嘅「魚河岸」都值得推介座位唔算多，但睇落乾淨衛生。今日試揀咗個自選魚餅烏冬，只係$34，尚算太碗，呢個價錢係平常日式餐廳應該食半碗都食唔到自選魚餅係有幾款魚餅任君選擇，有蝦、帶子、粟米等等⋯⋯:)我揀咗蝦魚餅，不過食落就唔係好覺有蝦味，都係一般魚餅咁飲品要另加，罐裝可樂/雀巢檸檬茶等等要$8，飛雪礦泉水一支$6:)留意日本人用餐禮儀：食飽後記得回收托盤哦！…查看更多

嚟荃灣梗係要試下啲地區小店。今日第一次試呢間和食快餐，之前其實都行經過，不過見舖面普普通通都無入嚟試。本著試下平民快餐嘅心態睇下個餐牌，發現有好多款式，最後決定試鰻魚飯:)賣相平平，鰻魚飯就真係鰻魚+飯，無紫菜、無配菜，不過一捧埋嚟就已嗅到鰻魚香。塊鰻魚好大份，味道不遜於一般日本餐廳，性價比高唔講究餐廳環境、唔講究食物賣相、只追求食物質素的話，呢間快餐店值得一試！…查看更多

荃灣咖啡灣(cafe swan)，門面睇落裝潢都頗有心思，好似童話世界咁，好啱女士們相約小聚或者一家大細歡樂時光！大門口仲有隻天鵝影相位今次試咗個香蒜帶子意粉，上菜頗慢，落單等咗成廿分鐘先上菜個意粉味道唔錯，蒜味都幾香，有啲脆炸蒜粒咬入口頗有口感個意粉煮得有啲冧，不過啱晒小朋友同老人家:)試咗杯棉花糖凍朱古力，賣相還不錯，味道就不過不失啦！甜品試咗個Oreo雪糕窩夫，賣相一流唔算太甜，鍾意Oreo味嘅不妨試試食到剩返兩件時會見到個心型㗎整體而言，環境有情調，雖然食客交談難免嘈吵，但仍聽到background music播著流行歌曲，而且應該有keep住update，連最近的周柏豪-男人背後都有播，讚！留意：營業時間至11pm，不過10pm左右職員便會提醒last order。…查看更多

週末想飲茶食點心，又想避免茶樓等位人山人海，可以一試點心小店。荃灣呢間點心舖位置稍為遍離鬧市旺區，但正因如此人流較少，唔駛點等位就可入座。今日試左個蒸飯同少少點心⋯⋯鳳爪排骨飯，份量似乎比一般茶樓的為大，米飯蒸得夠火喉，唔似有時茶樓蒸飯太乾太硬蒜香雞翼，一份有五隻，皮脆肉嫩，值得一試菜苗餃同灼菜都不過不失啦:)以此食物質素，價錢相宜，更難得週末唔駛點等位就可以入座，可以一試！P.S. 茶錢3蚊位都算相宜…查看更多