or#Tm65172443的個人專頁

因為近排好多人介紹就去試吓，和牛船河$118份量極細，味道尚可，但所謂和牛其實一般。冬陰功可完全唔建議，一啲都唔香，只有辣，只有三粒丸，少少肉碎，完全冇海鮮，好唔抵。蠔仔煎蛋，味道尚可，價錢同其他泰國菜差不多。環境好迫，同隔籬枱幾乎貼住，坐得好唔舒服。唔會再去。…查看更多

土瓜灣新開車仔麵店，價錢非常街坊，最低食係九餸的車仔麵，豬紅、豬皮、蘿葡都不錯，牛丸墨丸多汁好味，49蚊勁大碗！有免費辣菜甫，有腩汁，沙嗲汁同咖哩汁揀，多選擇。 服務態度好，本來漏了一餸，提出後再送多點補番，滿足客户需求，值得一讚！…查看更多

土瓜灣有好多粉麵店，呢間唔太起眼的琛記，係好多街坊其一間飯堂，地方細細，但可以話係街坊最愛，性價比高！ 套餐包埋嘢飲都係40幾，下午茶30幾就有。魚蛋好彈牙，魚湯亦濃，正！鍾意佢嘅四寶米線，其中一寶係魚皮，抵。仲有豬軟骨飯，同獨有嘅海蝦波菜餃都好食。土瓜灣粉麵店呢間係好食！ 粉麵選擇好多，除魚湯，仲有冬蔭功湯底，如果鍾意食沙嗲，呢度嘅牛筋腩亦唔錯。除左嘢食，仲有估唔到嘅係熱奶茶都係好飲，好多好多茶餐廳！檸檬薏米水亦係好多人的至愛。…查看更多

同朋友慶生日，朋友喜歡吃川菜，所以去左試銅鑼灣新開的川菜餐廳，有驚喜！聽講廚師做過三希樓，所以川菜真係水準。食物種類多，除左一般川菜，仲有海鮮同粵菜小炒，所以唔食得辣的朋友都ok。前菜點左蒜泥白肉、酸辣魚皮同涼伴海蜇雲耳。蒜泥白肉出色，必吃！魚皮都好爽口。川菜點左水煮安格斯牛肉同辣子雞，有朋友唔係好食得辣，所以叫左小辣，又香又麻，正。另外呢度有好多海鮮選擇，點左花雕蟹、椒鹽鮑魚、豉油王瀨尿蝦同豉椒炒蟶子，蟹同鮑魚超水準，全部都好新鮮！好好味，一定要試。除左食物質素高，環境同服務也好好，下次會再來。…查看更多

呢度一到7點後就開始排隊，因為可能係全港最平的小炒餐廳，2人套餐，3個送加白加例湯餐飲都係128，平均一碟小菜唔駛40！3人套餐都係178左右，仲有好多款揀，波蘿咕嚕肉，蒸肉餅，咩都有！真係平到你唔信！仲要係夠鑊氣，好味！特別推介海鮮，蒸魚炒蟹比得上西貢，亦比市價至少平3成，但一樣咁好食！好新鮮！冬天會有羊腩煲同醉雞煲，200蚊樓下大大煲，可以打埋邊爐，亦可考慮一試！環境就係平民街坊啲，但算係乾淨企理，仲有電視睇。…查看更多