christine89的個人專頁

之前見好多人推介呢間舖好多次，又見到好多非本地嘅人推介，都幾擔心local 可以未必啱食。同時作為非"螞蟻人"，本身真係好怕食甜品，覺得甜品最高美譽應該係"唔太甜"😂🤤但咁啱經過，決定試吓比個機會...買咗個Pistachio custard danish兩個人share，又真係無勁甜嘅感覺，反而個開心果味幾出同幾香，食落好舒服，可以一啖接一啖，唔會覺得膩～下次如果咁啱經過呢度，可以一試🙂‍↕️🙂‍↕️…查看更多

餐廳座位不多，但在週日的下午也坐滿了💛剛好可以坐在「草地」上，可以拍照打卡🌱剛好有陽光曬進來，真的有像在戶外打卡的感覺。煙三文魚忌廉扁意大利麵忌廉味好香，意大利麵硬度適中。經典雲呢拿窩夫（配movenpick朱古力雪糕) 窩夫外脆內軟，配上好多生果❤️，減輕油膩感。炸薯條配蜜糖芥末醬有我最鍾意嘅粗薯條，亦都因為咁，食落都唔會有太熱氣嘅感覺。呢碟薯條仲要比想像中大碟，以呢個價錢嚟講巿係好抵食🙈！…查看更多

呢間餐廳所在嘅位置，之前都做過唔同類型嘅餐廳，但都因為價錢定位問題，又或者食物質素等等嘅原因，都係做得唔耐。但係呢一間餐廳，除了地方大，容易搵位之外，食物質素都維持得好好，價錢又很合理，好適合喺附近工作嘅打工仔午膳。佢每日有唔同嘅午餐選擇，但係每一次我都會俾佢嘅咖喱吸引到，因為真係好香。炒粉麵飯類亦係另一樣值得推介嘅嘢食，好有鑊氣之餘，仲好多餸，完全唔馬虎。呢碟鹹魚雞粒炒飯有好多鹹魚粒，比以前食開嘅茶餐廳濃味好多，雞粒仲好大舊添。…查看更多

咁啱經過呢區，上網睇地圖附近有呢間選擇，就決定試呢間喇。而家睇返OpenRice, 大部分人都提及呢間嘢同謝🍋/佢助手有關，到底係邊個開呢？唔理喇，食嘢先。平日嘅下午12點半，都仲有唔少位，可能係因為以午餐嚟講，係略貴。但間唔中食吓，又無所謂嘅。今日午餐嘅餐湯係蕃茄湯，唔會稀，又濃蕃茄味。係lunch menu度叫咗個白汁雞肉意粉（大約係呢個名），好多雞肉同菇，最緊要係個汁好芝士好正，個分量都好飽肚。…查看更多

第一次係平日晏就係度食自助餐，估唔到平日晏就都多人到full 喎，食之前都係先落訂book位。上去呢間餐廳嘅方法，就係搭一部可以直達高層嘅觀光升降機，但原來太大風嘅話，個部升降機係會暫停使用架。呢度嘅嘢食質素唔錯，熱食水準中上。最有驚喜嘅竟然係佢嘅中式點心，細細件得嚟好有料。佢嘅人氣係高到每次一出爐， 就極速俾人拎走晒。另一樣多人排隊嘅就係甜品。個人比較怕甜，好彩佢細細件唔怕浪費。當然不得不提佢嘅旋轉啦～因為佢真係位於高嘅樓層，而附近嘅建築又比較矮，所以就可以睇到好靚嘅景色。不過要提吓容易暈車浪嘅朋友，盡量唔好坐「倒頭車」，因為其實都會有少少chok㗎，影響胃口就唔好啦🙈…查看更多

越南餐廳係灣仔有好多選擇，而呢一間嘅特色，就係由越南人一家開嘅鋪頭仔，佢未必有其他連鎖餐廳咁，擁有吸睛嘅舖面，但從食物中可以睇得出佢哋嘅用心經營。之前食過炭燒豬頸肉河，覺得燒得好好食。今次又再嚟過，試吓店家所講，自己包同即炸嘅春卷。因為即叫即炸，所以都等咗大約10分鐘倒先有得食。一嚟到真係熱辣辣，個外皮炸得好脆，同平時食嘅越式春卷好唔同。入面仲要塞滿晒好濃味嘅材料，完全無偷雞包少d，邪惡得來好滿足。…查看更多

係尖沙咀食過bricklane, 覺得質素好好，都食過好幾次。咁啱今日去到沙田，見到有bricklane咁正，就入咗去喇。職員安排左我去一張大圓枱度，但當我落order比錢期間，有旅客被安排坐係同一張枱度，行李同旅客完全block咗我返去條路。或者，呢個就係喺沙田食飯都會容易遇到嘅事情。不得不讚呢度嘅職員，見到呢個情況並無無視，反而幫我空出位置。講返嘢食，我叫咗smoked salmon egg Benedict，味道係唔錯，但係就真係得egg Benedict，完全無沙津伴碟，呢點就真係要扣分。…查看更多

終於都有機會試到呢間，越開越多分店嘅馬來西亞餐廳。落住雨，下晝2:00都仍然要等位。下午茶啱啱開始， $42就有個海南雞飯，仲有埋嘢飲，當然就試吓啦。可能係下午茶嘅關係，海南雞嘅量唔算多，但都足以蓋過一半嘅飯嘅。雞肉咬落去感覺唔錯，好滑。雞有些黃色肥膏，健康人士食嘅時候要留意一下。隨餐附上嘅三款調味料最加分，份量都吝嗇之餘，味道都好正宗，絕對夠撈雞同撈飯😋見人地嘅海南雞喇沙好吸引，上面海南雞嘅份量又好似冇少到咁，下次試埋先～…查看更多

係灣仔想食齋，麗姐廚房絕對係好選擇。午餐同晚餐各有唔同嘢食，晚餐係叫餸食飯，午餐係三餸一湯，白飯任裝，仲要只係$50就埋到單。每一日都有唔同嘅餸可以揀，如果想食某啲特定嘅嘢食，就要睇運氣喇。就好似今日個餐牌咁，明明本身都仲有酥炸魚腐，但過咗一陣就變咗酥炸齋雞髀。同樣都係炸嘅香口食物，都算可接受。想食清啲嘅，有蒸豆腐同炆枝竹等。每一日午餐都會轉，但都同時有健康同香口嘅齋可以揀，方便各位餵食嘅朋友仔。…查看更多

下午2：15去到，竟然仲有幾碗湯未賣，見等位既人得幾個，就決定排隊等位啦。但一等，就等左半個鐘。邊排邊睇有咩，就咁睇，食神虎同白虎好像無咩分別，只係白虎無左隻蛋。而黑虎係加左黑蒜油，赤虎係辣既。半小時後，終於都入度去喇！桌上有自助冰水同一些酸薑等配菜。牆上有唔少寫左日文既紙仔，去介紹有咩特色野食。望望下，話咁快都煮好個麵喇！我食既係神虎，個湯真係好濃！好少係香港會食到呢種濃味，食食下都以為自己去左日本。叉燒好易咬開，個水煮蛋都好好味，好香！食埋個餃子，個皮真係好薄，一咬落去d汁就飛出黎！同朋友食，真係可以加返個餃子試下！總結：真係會食過返尋味！ 排半個鐘隊，係值既！…查看更多

去到尖咀想食拉麵, 朋友話呢間好好食, 但要排隊。好既野食, 唔緊要啦!是日星期五的八時多,店內位置不多,一眼望晒, 但排左半個多小時,就有位了=]。呢個醬油味真係好濃, 好好味! 我最鍾意佢個叉燒, 有用槍燒過, 好香好好味!食拉麵都係加隻蛋開心D, 同朋友share隻蛋, 分返即每人$5。但都唔錯,生熟程度剛好。至於呢個鹽味拉麵雖然唔及醬油味濃, 但都算係濃味, 都好好食。當然, 都係有果個好香既叉燒同蛋啦!呢間拉麵店真係值得食完再食!…查看更多