hoiyinggggx的個人專頁

雖然九龍城俾香港人譽為「小泰國」，但其實九龍城都有好多唔同種類嘅食肆😝。今日我同朋友嚟咗 THE YELL-OWL SEAFOOD AND GRILL，一入門口就見到一個大大嘅貓頭鷹嘅燈🦉，好吸引路人🤩 餐廳環境舒適，乾淨衛生🌟初嘗嗰到嘅Lunch Set🥰每一份Lunch Set都會送上一人份嘅餐湯，牛角包🥐同蔬菜沙律🥗。以味道估計餐湯應該係蘑菇湯，一入口有濃郁嘅蘑菇香味，味道不算太鹹，非常適合餐前飲用😋 牛角包🥐食得出係新鮮出爐嘅，外表好酥脆，內表很鬆軟。另外，蔬菜沙律🥗很開胃，沙律菜好爽口，好清甜😝加上有沙律醋嘅調味，酸酸甜甜嘅味道，適合喺餐前食用！1. 雙層芝士和牛漢堡配薯條🍔🍟 $128點餐嘅時候，已經對依個和牛漢堡🍔好有期望🤣當餐點送上嚟嘅時候，和牛嘅香氣漂漂😌外觀非常吸引😍麵包外皮🥯好有光澤✨麵包有查牛油並烘底，令味道更上一層樓！和牛嘅肉質好綿，入口即溶，食完之後令人回味無窮🥺雖然和牛嘅外皮有少少鹹，但夾埋麵包🥯同埋蔬菜🥬就啱啱好😋唔會太膩另外，薯條係即叫即炸嘅🤤 外脆內軟✨沾埋蕃茄醬就更加開胃😋 雙層芝士和牛漢堡值得一試😝 喺香港好難以咁便宜嘅價錢食到一個高質嘅和牛漢堡。2. 香蒜牛油芝士焗原隻龍蝦配扒鮑魚（2隻）配香草薯角及蘆筍 $198食物嘅外觀好吸引😍隻龍蝦真係大大隻！龍蝦一咬落去好彈耳，加上有芝士嘅配搭，芝士味又唔會太濃，唔會覆蓋龍蝦的味道！另外，佢哋嘅鮑魚係有醬油調製過，好入味！…查看更多

大胃嘅大家一定鍾意食嘅日本餐廳！因為佢哋大份夾抵食！！蟹籽沙律沙律有蟹籽、粟米粒同大量青瓜絲，加埋沙律醬，清爽開胃~清酒煮蜆蜆肉鮮甜，湯嘅清酒味都幾濃🤤芒果天婦羅蝦飯卷一碟總共有六件，呢間餐廳出名相撲壽司，每一件都好大件，酸甜嘅芒果配埋香脆嘅天婦羅炸蝦，口感豐富，醋飯口感都幾香軟，但係酸度可以再調整~剌身都好新鮮，而味道都鮮甜肥美，每一件都厚切好大件！❤️串燒方面，叫咗鹽燒牛舌、炭燒雞肉同炭燒雞軟骨，牛舌質感幾特別，店員話牛舌特登整得腍身少少，所以相對其他地方食到嘅牛舌會冇咁韌，加埋黑椒更加惹味，而燒汁亦值得一讚！！估唔到餐廳仲有免費嘅飯後甜品，店員同我哋講每晚八點就會有糖水送，今晚係椰汁西米露🥥…查看更多

星期日最適合去下cafe chill下，睇下書📖 今次就嚟到專賣茶品嘅Cafe✨ 餐廳環境舒適，最適合讓人放鬆一下飲品方面都ok🤣 佢嘅抹茶檸檬梳打幾好飲👍🏻 抹茶味都幾濃❤️❤️ 酸酸甜甜，幾吸引😘佢嘅餐牌都有其他嘅嘢食選擇，今次因為朋友已經食飽咗返嚟所以就冇嘗試到🥲 另外見到佢嘅甜品都十分吸引😻 但係佢哋有限時嘅用餐時間💀 未必可以比到大家坐足一日!! 但係三五知己敘舊都係一個唔錯嘅選擇所以大家衡量下啦🤣🤣…查看更多

已經差唔多兩年冇去過旅行😢 最近嘅我真係特別想食日本丼飯!!! 咁啱經過鑽石山廣場，發現呢間日本餐廳超多人排隊🤩 即興同朋友去試吓佢～ 你間餐廳係主打食燒肉丼飯燒鰻魚飯，仲有好吸引嘅一人鍋物🥰 ✨日月豬腩肉丼 $82呢個丼飯賣相十分之吸引!!! 最吸精嘅就係佢嘅生蛋黃🍳 靚到唔捨得食佢🥺 生蛋黃拌飯簡直一流!! 加埋佢本身帶有嘅燒肉汁，真係令到人食極唔停!! 佢嘅腩肉片都十分之驚喜🤩 唔會太肥膩又會有油脂嘅香味❤️ 雖然細細碗但係食落都幾飽～-✨宮崎和牛芝士黑咖喱飯🍛 $118對比下呢個飯比較普通～ 個人覺得唔太值呢個價錢🥲 咖喱唔夠香🥲 不過不失啦～…查看更多

相信香港人都好鍾意同屋企人或者朋友一齊飲茶敘舊🤣 而我平時都好鍾意嘅人飲茶 但係如果夜麻麻想飲茶 酒樓又唔會有夜茶飲 咁又點算好🥲😭 今次同朋友無啦啦夜麻麻想飲茶 就去咗呢間點心專門店試吓佢😍 見到有好多特色嘅點心，但係可惜已經食得太飽冇機會試吓佢🥺✨ 醬皇蒸鳳爪 $20✨ 沙嗲金錢肚 $26✨ 蝦餃之王 $32✨ 黑金流沙包 $29✨ 原籠蔗糖馬拉糕 $26咁多款點心裏面最鍾意嘅就係佢嘅蝦餃之王😍 大大粒 皮薄餡靚🦐 聽講佢哋嘅蝦餃仲攞過獎!! 果然名不虛傳👏🏻 食落每一啖都係滿滿嘅幸福感❤️ 另外佢哋嘅馬拉糕都十分驚喜!! 本人係十分喜歡食馬拉糕✨ 但係有陣時去某酒樓食馬拉糕會覺得佢唔夠鬆軟 而佢哋嘅馬拉糕雖然望落平平凡凡～ 但係食落絕對驚喜!! 夠鬆軟得嚟更帶點甜❤️見到店舖有絕大多數人都有食到佢哋嘅蒸飯～ 超大兜超足份量😍 賣相十分吸引!! 但係我同朋友兩個女仔食量太少，食咗上面嘅點心之外就已經飽咗🥺🥲 下次有機會絕對會想試吓佢哋嘅蒸飯!!! …查看更多

今日經過銅鑼灣，撞正lunch hour，就諗住同朋友上嚟食個午餐🤣 呢間餐廳係以音樂做主題，好彩嘅話可能會撞到有DJ喺現場表演，應該會超有feel!! 可惜我喺平日中午時間幫襯～ 撞唔到DJ駐場表演我同朋友就嗌咗個set lunch，再單點咗個意粉同小食share食🤤✨ 燒美國頂級肉眼牛扒 (12安士) $348呢個係set lunch會配搭埋餐湯同飲品😋 牛扒我嗌咗7成熟，因為朋友唔想食得太生🤭 牛扒肉質嫩滑又多汁。雖然我哋係嗌七成熟，但係中間嘅肉質仍然保持到嫩腍👍🏻 配菜亦都值得讚！我好鍾意佢嘅薯條🍟 好香薯仔味，好明顯同一般快餐店嘅薯條完全不同😋 越食越上癮～✨水牛城雞翼 (6隻) $98佢哋嘅水牛城雞翼可以揀辣度，分別有小辣中辣同大辣🔥 我幾鍾意佢哋嘅水牛城雞翼，酸度同辣度都係啱啱好😋 唔會過酸又唔會太辣!! ✨蒜香辣椒蜆肉意大利粉 $148蜆肉份量都好多🥳 啖啖蜆肉!!! 好香蒜蓉味 辣辣地亦都非常之惹味❤️ 個人比較鍾意硬身啲嘅意粉🍝正合我心意…查看更多

✨龍蝦叻沙摻摻 $88呢個叻沙椰漿味唔重 但湯底味道好香濃 摻摻嘅麵底係油麵加米粉嘅經典搭配 同湯底好夾 吸收到叻沙湯汁嘅精髓 裡面嘅芽菜同豆卜都好索味 仲有魚蛋同魚片頭 令到成個麵嘅口感豐富咗 唯有美中不足嘅係龍蝦肉雖然大舊 但好似因為煮得過熟 肉質變得偏靭且唔入味✨新加坡白胡椒肉骨茶配油飯+油條 $83肉骨茶嘅藥材味唔係好重 配合白胡椒嘅香 湯底飲落好順口 排骨肉入味之餘 已經被煮到一咬脫骨 本身肉骨茶係配白飯 可以不仿加$5轉油飯 搭配肉骨茶食更香！另外油條即使擺左一陣時間 之後再浸一浸湯汁先食 但口感仍然保留住酥脆嘅感覺 油飯加油條呢個組合同肉骨茶一齊食真係好滿足 適合想食肉骨茶，但又怕好重藥材味嘅人一試～ ✨馬拉盞炒椰菜苗 $45炒椰菜苗當中落嘅馬拉盞好惹味 菜苗被炒得好爽脆 鑊氣十足✨脆炸鳳尾蝦春卷 (四件）$32鳳尾蝦春卷炸得幾酥脆 而且裡面嘅蝦肉用料都幾足 啖啖都係彈牙嘅蝦肉 係一款唔錯嘅小食✨鮮油咖央多士 $22入口比呢個咖央多士驚艷到 烘到脆卜卜嘅多士再加上冰冰涼涼嘅厚切牛油 真係一口滿足 咖央醬嘅香甜加有上牛油中淡淡嘅鹽味 成個多士口味恰到好處 完全唔會有好膩嘅感覺 個人應該係必點之選～✨凍恐龍美祿 $15飲品嘅賣相好靚 唔單止上面有滿滿嘅美祿粉 底下嘅美祿味道都好香濃 攪勻之後飲更加醇厚 而且整體亦唔會過甜 係馬來西亞嘅經典飲品～…查看更多

我平時真係好少去太和覓食～ 今日咁啱同咗朋友去大埔玩，所以就十分之難得去太和嗰邊食好西🥰 見到呢間幾特別嘅法國餐廳，餐廳個門口好特別🤣 開門嘅時候門口會有霧面變成透明，餐廳設計十分有心思幾有情調👍🏻✨香煎北海道帶子黑松露薏米飯 $198黑松露味道濃郁，一上枱就聞到濃濃嘅黑松露味🥰 薏米飯嘅軟硬度適中，幾有口感幾特別👍🏻 每一啖嘅薏米飯都有好香濃嘅黑松露味 帶子好大粒，啖啖肉😋-✨烤焗紐西蘭羊架 $368羊架帶有少少羊羶味得嚟又好重羊肉味，羶味唔會太濃，完全係acceptable!!! 羊肉幾鮮嫩😋 平時唔太食羊嘅我都幾中意！-✨慢煮西班牙黑毛豬鞍·焦糖蘋果黑毛豬鞍幾juicy，幾軟嫩😋 豬鞍表面煎成金黃色，十分香口🥰 焦糖蘋果十分驚喜!!! 蘋果蓉酸酸甜甜好開胃👍🏻-另外我哋嗌左兩杯飲品，分別係blue angel 同rainbow 🥳 blue angel好清新，帶有淡淡的青檸味👍🏻夏天飲一流！Rainbow賣相十分吸引，好夢幻🤣 飲落都係偏甜，幾容易入口👍🏻👍🏻…查看更多

今日同朋友去元朗行下街肚仔餓，路過呢間牛雜牛腩專門店，就諗住入去試下🤣 話曬我都係由細到大都超鍾意食牛腩河嘅人🥰 因為大家都肚餓，我同朋友都嗌咗好多嘢食🤣朋友嗌左一碗牛三寶河 $42 呢個牛三寶河入邊有牛腩牛肚同牛筋😍 分量十足!! 牛腩煮得好淋，幾乎入口即溶，又好夠味😍 食落口又淡淡油滋味，肥瘦適中👍🏻 三款當中我最鍾意嘅就係牛腩🤩 牛肚口感都唔錯有少少口感，牛筋軟硬適中，煙煙韌韌😋 湯底叫咗多腩汁😋 夠曬濃味。而我就嗌咗紫菜魚三寶河 $36呢個紫菜四寶河入面有魚蛋，魚角，魚餃!! 最適合一啲有選擇困難症嘅人嗌嚟食😂 一次過滿足你三個願望～魚蛋都幾彈牙，魚餃就十分之大粒，入口爽滑😋 小食方面我哋嗌左一個大魚皮 $20 份量都幾大，脆卜卜😋 另外我哋都嗌左一碗淨鮮蝦雲吞 $32 雲吞粒粒都好大粒～ 每粒入邊都有兩隻爽滑嘅蝦仁，皮薄餡靚！…查看更多

一講起旅行🧳就會諗起台灣🥲 好想快啲飛去台灣食牛肉麵食滷肉飯食正宗芋圓啊啊啊😵 雖然以家大家都去唔到旅行，但香港都有唔少正宗得嚟又唔貴嘅台式餐廳🍴今日同朋友去咗呢一間位於元朗嘅台式餐廳 — 桂花小幸✨ 餐廳嘅裝飾主打休閒文青風～餐廳隔離有間佢地嘅手搖店😋 就算唔入去幫襯經過都可以去買杯嘢飲嘆下🤟🏻-✨三盛紅燒牛肉麵 $75呢個紅燒牛肉麵非常足料～ 有腱心牛肉，牛腩同牛丸🤤 腱心牛肉食落口好Q嫩，美味多汁👍🏻 而牛腩就滷得好夠味，肉質唔會好韌幾夠淋！麵係用咗台灣麵，彈牙得嚟又幾掛湯🤟🏻 湯底我揀咗麻辣牛肉湯，湯底幾濃郁，加上我揀咗麻辣🤩 令到成件事更加正～成碗麵份量都幾大，食完一碗即刻飽晒( ⌯'-'⌯)-✨特濃蕃茄雞扒麵 $63呢個酥炸雞扒真係值得一讚👍🏻 雞扒外脆內嫩，外層嘅粉漿又唔會太厚🤩 食落香脆可口!! 蕃茄湯底濃郁，酸酸甜甜十分開胃🤣 我哋嗌咗麻辣蕃茄湯底，點知原來辣椒係分開上😂 (我哋本身以為係麻辣蕃茄湯底～) 但後來發現蕃茄湯底比較惹味😋 所以我哋選擇咗無視個辣椒油🌶-✨麻辣牛肚 $42呢個麻辣牛肚滷得好入味，口感唔錯😋 幾鍾意佢嘅麻辣味～ 好惹味同開胃🤟🏻-✨夏日水漾鮮果茶 $34呢個超級推薦～ 炎炎夏日我比較鍾意飲水果茶解渴🥰 佢哋嘅鮮果茶嘅茶底係百香果蜂蜜綠茶 飲落酸酸甜甜❤️ 裏面嘅水果都超足料!! 有士多啤梨藍莓青檸西柚火龍果😍 完全就係滿滿嘅水果，鮮甜得嚟又解膩🤩 我下次經過一定買番杯～-✨仙氣火龍果茶 $34呢個火龍果茶就同我預期嘅有少少出入😂 本身以為係火龍果茶，茶味會比較重～ 但飲落覺得茶嘅比例比較少，會食到少少火龍果肉🤣 佢嘅奶蓋都幾特別，唔同其他芝士奶蓋，係雲呢拿嘅味道😱🤣 成杯飲品都幾fresh，但係對我嚟講嚟少少甜TT 兩者對比下我比較鍾意鮮果茶🤩…查看更多

因為實在太想念台灣嘅便當🥺 同屋企人行街經過屯門V city嘅百芳池上便當，便決定買一個返屋企試吓🤩 有好多款唔同嘅便當，有唔同嘅配料 令人好難作出決定🥺～ 好想買曬佢返嚟試!!今次我揀咗 滷肉飯便當 $55滷肉嘅份量唔多🥲 但係肥瘦均勻!! 食落口好有滿足感，油脂味滿滿的～雖然滷肉嘅份量唔多而且滷肉汁只集中在便當嘅正中間，但係好彩有其他配料搭救💛 配料超豐富，有炒粉絲，粟米肉粒，菜脯，娃娃菜同埋滷水蛋!!! 我好鍾意佢嘅菜脯，送飯一流超好食❤️ 成個便當份量一啲都唔小，仲要有菜有肉，十分豐富🤣…查看更多

唔講唔知原來荔枝角饒宗頤文化館入面竟然有一間咁有情調嘅西餐廳，我都係朋友話我聽先知道呢間餐廳嘅存在🤣 成間餐廳勁有情調，帶有一點點藝術嘅感覺🤍 如果平時經過文化館參觀，都幾推薦入去食下少少嘢食🤣自家製麵包🍞 (免費)麵包聞落好香好吸引😍 有蕃茄乾係入面，味道微微帶酸～ 再配上佢哋自家製嘅牛油，十分惹味❣️-美國安格斯肉眼扒(12安士)🥩 $338US Angus Ribeye 12oz肉眼扒我地嗌咗五成熟，啱啱好唔會太熟又唔會太生，肉汁豐厚❣️ 牛味亦都十分香濃😍 肉眼扒嘅筋唔會太多，肉質都幾有口感!! 我個人比較鍾意配可以海鹽食，但係佢哋嘅阿根廷青草汁同牛肝菌汁都幾唔錯～ 可以食到唔同嘅口味🥰 職員都有好熱心為我哋提供芥末醬～ 配菜有燒車厘茄，燒蒜🧄 平時唔係好鍾意食原粒蒜嘅我，超鍾意食佢哋嘅燒蒜😍 十分香口!! 燒車厘茄十分鮮甜🥰-烤澳洲龍蝦尾配海膽燴意大利飯 $298Australia Lobster tail w/ Sea urchin sauce🦞 那個超驚喜!!! 意大利飯超級之creamy，唔會煮得太濕得嚟又唔會太硬，完全取咗一個中庸之道 (講笑🤣 雖然海膽味唔太出，但係呢個燴意大利飯調味十分濃郁同鮮甜，好吸引😍 龍蝦肉都好鮮甜爽口，成件事好fresh❣️ 超級推薦大家試呢個🤍-西班牙檸檬撻 $68Spain Lemon tart 🍋檸檬撻賣相好吸引～ 牛油皮好香牛油味，脆脆地幾好食🥰 但係個人覺得檸檬醬同燒蛋白一齊食偏甜😂 係一種又酸又甜嘅感覺! 鍾意食甜野嘅朋友仔都可以試吓，其實都唔錯❣️…查看更多

平時行開荃灣成日都會經過呢間sol house，但成日都無機會光襯下試下🥲 今次終於約朋友試下佢!!! 餐廳裝潢十分吸引，門口嘅裝飾十分適合大家打卡🤣今次同朋友嗌咗個dinner set同另加一個main course❣️Set Dinner $398首先頭盤係法式海膽忌廉焗蛋💛整體上都幾好食😍食落有淡淡海膽嘅鮮甜味～ 海膽焗蛋呢個combination幾特別🤣幾有新鮮感～ 餐湯方面就係一個南瓜洋葱湯🧅 南瓜同洋蔥好match，湯底濃郁得嚟又唔會好咸😍 到最重要嘅Main Course，我地嗌咗烤波士頓龍蝦配蒜香蝦乾意粉。有半隻波士頓龍蝦😍 咬落口完全係啖啖肉，好有龍蝦嘅鮮甜味，食到最後可能會有少少乾身～ 不過整體都ok💛 意粉唔會太乾，份量都啱啱好!! 到最後嘅廚司推介甜品🍮 店員介紹話係Tiramisu，但我食落覺得比較似Chocolate Mousse Cake🤣 呢個cake好深得我心!!! 朱古力味好濃好香😍又唔會好甜，甜度真係啱啱好❣️另外我地再額外單點咗個烤西班牙黑毛豬鞍扒配羊肚菌汁 $268呢一個單點main真係好surprise到我😍 肉質超juicy，又唔會煮到好韌好老同無豬騷味！配汁有羊肚菌汁，食落有少少似燒汁～🤣 令到碟菜更開胃!!! 另外配有蒜同蕃茄仔令到成個扒無咁油膩!!! 同可以消滯，仲有少少鹽喺塊板上面可以自己調味～…查看更多

唔怕話你知我真係超超超超鍾意食牛肉❣️唔知有冇人同我一樣都係牛魔王呢🐮～ 但係我牛扒就食得多，吉列牛就真係第一次食!! 今次嚟到位於元朗呢間主打食吉列牛嘅餐廳「秘」試下佢😎-板燒吉列牛 $108 +晚市加配定食 $38呢度嘅定食同牛係分開嘅，本身個餐只有吉列牛，所以無飯不歡嘅朋友仔就記得額外跟餐加個晚市定食餐喇～ 定食係跟配秘之飯素，楓糖溏心蛋😍 同埋一碗櫻花昆布湯。個人覺得佢哋飯素送飯一流，幾好食😋 份量都幾大。吉列牛嘅賣相都相當吸引，牛脂分布均勻，望落十分新鮮，而厚薄亦都適中。但係嗰日唔知點解啲肉燒極都好紅🥲 最後食唔到外脆內嫩嘅感覺，同埋牛味唔太突出🥲 而且醬汁偏咸，建議唔好點太多～與安格斯牛對比下，稍為遜色～-板燒安格斯牛 $118 +晚市加配定食 $38安格斯牛望落已經非常吸引!! 油脂分布均勻之餘，食落牛味亦都比較濃郁😋 肉質都幾嫩滑，唔會韌～如果係吉列牛同安格斯牛中二揀其一，我會比較鍾意呢個❣️ 唯一有啲失望嘅係，略嫌有幾塊牛肉脂肪太多🤣 不過整體都OK!!!-浦燒原條鰻魚飯 $78呢個鰻魚飯都真係幾surprise到我!!! 本身諗住事但嗌多個飯，同朋友share食。點知真係喜出望外😍 估唔到呢間主打食牛嘅餐廳，整鰻魚飯都整得咁好食!! 78蚊有原條鰻魚，仲要唔係薄薄一片，真心好抵!! 浦燒鰻魚燒得好靚，賣相相當吸引。原條鰻魚非常肥美，食落口啖啖肉～好幸福🥰 再加埋飯素同醬汁配飯，份量真係十足!!! 推薦鍾意食鰻魚嘅你一定要試下，一定唔會令你失望😎…查看更多

最近唔知點解瘋狂地想食芒果班戟🥭 聽人講地茂館有好多主打芒果嘅甜品，質素亦都唔差😍 今次嗌外賣就嚟住試下佢🤩芒果班戟 $33地茂館嘅芒果班戟$33 有3小舊，價錢方面都唔算貴～ 芒果班戟裏面嘅芒果肉都幾厚，鮮甜得嚟芒果味又幾濃郁😍😍班戟皮一啲都唔厚同唔會太硬食，厚薄適中，算係薄薄地嘅一層🤩 唯一有啲失望嘅係，略嫌啲cream唔夠順滑。不過整體嚟講，CP值都幾高！會回購的😍 不過下次會想試埋榴槤班戟🤩雷沙湯丸 $23雷沙湯丸$23有七粒，每粒湯圓入面有好多芝麻餡💛 芝麻味好濃郁得來又好滑口😍 …查看更多