為食妹_11的個人專頁

諗住 restaurant week 推介嘅餐廳應該有信心保證，點知食完第二晚我同朋友齊齊疴嘔到七彩。原本 set menu 第二道菜寫明係琵琶蝦，去到先俾 waitress 講「琵琶蝦返唔切貨，要轉癩尿蝦」。我哋問仲有冇其他選擇，佢只係話「可以將兩隻細癩尿蝦轉做一隻大啲嘅」，完全冇誠意，最後我哋唯有照食。第一道海鮮拼盤：蠔係甜嘅、青口無乜味、螺算正常，但蝦就唔新鮮，蝦殼淋，蝦肉仲有霉味。跟住嗰道癩尿蝦用酒去燒，燒到半生熟，因為有啲甜酒味遮住咗，我哋當時都唔敢肯定佢係咪新鮮。到 shabu shabu，和牛及甲羅燒算可以。但最離譜係，我哋食緊嘅時候竟然見到廚房燒緊琵琶蝦！再問 waiter，佢話「套餐用嘅細琵琶蝦冇貨，依家嗰款要加錢先有」，仲冇解釋大細有乜分別，感覺完全係佢哋講晒數，亦冇一句道歉。之前明明話冇貨，突然又有得出，咁樣對客人好唔老實。最後嘅串燒更加差，除咗粟米之外，其餘三串都係燒到熟咗個頭，成碟好乾。整體體驗極度失望，仲搞到我同朋友食完第二晚一齊腸胃不適，真係唔敢再幫襯。…查看更多

入座/訂座時亦沒有告知有限時，但當坐了六十分鐘，就無端白事收走枱上未食完嘅嘢食同畀張單叫我地賣單。之後問返，佢啲同事先話限時75分鐘，第一佢無講畀我聽原來有限時，第二未到時限已經趕人走，仲有無問係咪食完就收嘢，以後一定唔會再幫襯。啲嘢食只係普通貨式，牛肉湯麵正常，但啲麵煮得太淋，湯底普通。黃金茄子唔算太油，鹵肉秋葵唔知點解啲秋葵係無晒啲黏液，但食得落囉。…查看更多

自從隱屋、熊屋那些高質日本餐廳結業後，在將軍澳想找間食日本菜小店都比較難。深屋絕對係一間性價比很高的日本餐廳，我已經是第三次幫襯了。但唔知點解每次幫襯都比較少食客，這間店的食物價錢一定不比壽司X、元X貴，有些仲會平啲添，而且質素一定要比那些連鎖店差，希望大家可以多啲支持小店。咁我講返啲嘢食先。我同友人叫咗個什錦魚生沙律、帶子裙邊、玻璃蝦壽司、希靈魚壽司、帆立貝壽司、火焰三文魚腩壽司、四式火焔三文魚壽司、鹽燒左口魚壽司、鰻魚壽司、蟹膏軍艦、火焔芝士炸蝦卷同一支白酒。我諗這裡提供的什錦魚生沙律係我印象中以這個價錢最足料、最大份既沙律，魚生係好新鮮的，好抵食。帶子裙邊好爽口、所有壽司都好新鮮、鹽燒左口魚壽司入口時充滿魚油，很是滿足。炸蝦卷不會很油，而且啲蝦上枱是係熱的, 證明是剛剛炸起的。…查看更多

今日去到西營盤，所以就順便去試幸福單品咖啡。鋪內有數張枱，但店內都算整潔，而且仲有多款不同品種嘅咖啡豆以供選擇，比平時一般的咖啡店多好多，如白蘭地、老𢰸、萬特寧等。我跟朋友分店叫了象豆、西達摩單品咖啡及一個真·幸福三文治。老闆娘用虹吸管沖單品咖啡，象豆咖啡味濃、口感豐富、唔酸、味道比較平均，而西達摩雖然口感薄，但甘香。而大家大讚嘅三文治，真係好大份。麵包烘到香香的，入面嘅餡料十足 （厚厚的香煎午餐肉、厚厚的吞拿魚、新鮮的生菜及蛋），食完好滿足。這是一間充滿人情味小店，當店員太忙時，客人會幫忙「傳菜」，希望香港有多啲呢類型嘅小店。…查看更多

觀塘區有唔少伏嘅工廈餐廳或cafe，今次朋友話試，所以膽粗粗去試新餐廳。呢間餐廳唔算特別大，但枱同枱之間唔會好密，而且店內光線充足，令人感覺舒適。我同朋友兩個人叫咗煙三文魚開心果醬沙律、西班牙橡果豬鞍扒、明太子雞翼、富士蘋果生芝士蛋糕、熱朱古力及鮮奶抺茶。個飲品menu係木雕的，很靚。Overall啲食物都好食，煙三文魚開心果醬沙律個開心醬好清新，而且配咗啲甜嘅柚子定橙肉，很開胃。個豬鞍煮到啱啱好，好juicy，幾好食。明太子雞翼都ok...個芝士蛋糕加咗蘋果唔會太甜，而且唔膩。…查看更多

之前係openrice成日見到啲comment都好想試，所以終於約朋友一齊去試。呢間餐廳原來非常盡市民嘅既責任， 一入門口都叫客人嘟安心出行，讓大家食得安心。直至要客人開口問，員工先至不請願地拎出個google form畀客人填寫，個google form唔知點解要填埋email address，係其他餐廳都唔需要填嘅。餐廳門口細細，原來係有兩層，所以都可以招待唔少顧客。我去嗰日係星期四，坐樓下嗰層，樓下都滿咗。本來心郁郁想試佢個雞翼任食，但又驚我地會食唔到好多，所以最終揀咗4款雞翼連小食嘅SET；再加咗個fries同啲嘢飲。小食我哋揀咗火燒牛油果及杏仁麵包糠炒澳洲西蘭花苗，牛油果上面灑咗啲黑椒同鹽再配上個汁，好有墨西哥嘅感覺，都幾特別；而個西蘭花苗都嫩。上咗小食無幾耐就上雞翼，我哋揀咗水牛城醬、黑芝麻海鮮蜂蜜、新加坡辣蟹味同金雞味道。水牛城醬比RUBY TUESDAY個啲辣，都好食的；黑芝麻海鮮蜂蜜既雞翼燒得香同蜜蜂味濃，好似唔覺有海鮮味；新加坡辣蟹味一啲都唔辣，水牛城醬比佢辣好多，而且唔係好覺有辣蟹味。最後到個金雞味雞翼，原來只係炸雞翼面曬少少蛋黃，所以唔係好食到蛋黃嘅香味，唔值加錢去試。可能因為個日都多客啦，我地食緊雞翼都未上飲品，催單先至開始整。到我地差唔多食完啲雞翼,見個薯條都未上,所以先催單。個薯條一般啦，所以都無影相。食緊嗰薯條已經叫我準備埋單，因為有限用餐時間。好彩無叫任食，以佢呢個上菜嘅速度應該無乜可能叫到兩轉雞翼。…查看更多

喺OpenRice見到有咁多好評，所以決定試下。我大概晚上七點到，唔多人，得兩、三台客，所以唔洗等位。我叫咗Classic pastrami配sautéed mushroom， 我覺得個薄片煙薰牛肉比較咸。開頭食個三文治都ok，但越食越覺得太多mustard，很咸。我覺得個配菜磨菇都咸過頭，我平時唔太鍾意食醃青瓜，所以唔comment.總結來說，我覺得性價比低嘅，服務係好的。…查看更多

喺附近行完山，但又未到晚飯時間，所以就搵間cafe食tea。經過見到呢間cafe嘅裝修都幾靚，所以就入去試下。店內以木為主要裝修風格，有梳化座及普通座椅，而桌上都雕刻上此cafe嘅名，是一個適合遊閒地enjoy一個下午的地方。我同友人分別揀咗富士蘋果芝士蛋糕加自製雪糕 及 櫻花蝦蛋多士，飲品揀咗日本茶。富士蘋果芝士蛋糕內有清新的蘋果肉，令食完個芝士蛋糕都不會太膩。而今日的自製雪糕是牛奶雪糕，都好香，連我呢個平時唔鍾意飲奶嘅人都覺得ok。多士上的櫻花蝦比平時的大粒，配上炒到剛好的滑蛋，是個不錯的選擇。…查看更多

因為咁啱去開灣仔，所以就去試後街牛扒。因為爆食水喉，當日只接代已book位嘅客人。好彩我同朋友有book位，所以都有得食。店內以白或紅酒木箱作為牆身的佈置，每個酒箱放咗啲酒樽或公仔，牆上仲掛咗啲以抗爭為主題嘅畫，都幾靚。兩個人叫了威靈頓牛加薯蓉、蟹肉意粉及兩杯house red。待應會在客人面前用UV light嘅device消毒餐具，在疫情期間這個安排為客人提供安心，值得加分。原來送兩個湯及麵包，都好食的。威靈頓牛入面嘅牛都淋同肉味濃，雖然不及Gordon Ramsay大師級水平，但以呢個價錢都ok。上枱時待應仲會淋上酒及點火。而蟹肉意粉，一上枱要有陣陣蟹香，食落去蟹味濃郁。另兩杯house red難得ok,因為一般對house wine無乜期望，house red比較fruity,很適合女士。…查看更多

第二次幫襯潮洲人，今次同上次都係唔記得影相，因為顧住食😂⋯⋯今次叫咗花膠米粉加廣島蠔、甘香醉蝦米粉加醉雞翼同雞油燙菜。花膠米粉個湯底有濃濃的花膠味，超足料，好想知老細有冇錢賺架，咁足料....蠔大大粒，都新鮮。醉蝦同醉雞翼都有好香嘅酒味，不過如雞翼再淋少少會好啲...個湯底都好好飲，無味精，差唔多飲晒。菜個度加嘅雞油都好香，正！上次就叫咗大蜆米粉、廣島蠔米粉、醉蝦小食同雞油燙菜。個蜆好新鮮同無沙，湯底當然又係差唔多飲晒…查看更多

新店開張當然要試吓啦！先講裝修，門口用瓷碟做招牌及放咗兩個大花瓶，第一個影相位。店內則以竹及深綠色做主題，非常型格，很適合女仕們打卡。我同朋友叫咗兩個祝君安好下午茶餐,所以可以㨂六款小食及每人一杯特色飲品。個menu嘅餸菜名都好特別，如雲吞～他他要進來了、龍蝦倒抽一口羅勒氣等，明嘅朋友會知道點解我哋叫咗凱撤沙律配芝士薄脆、炸雲吞皮配三文魚他他配燈味乳酪沾醬、泰式蝦爆脆鍋杷、避風塘雞翼、芝士松露薯條同山揸撞爆cheese。放在凱撤沙律上嘅芝士薄脆的芝士味很香，個薄脆可以自己整碎再同凱撤沙律mix埋一齊，幾好玩。炸雲吞皮好脆配以燈味醬很清新，而且可以減少油膩味。泰式汁配鍋杷幾特別、雞翼juicy、松露薯條的松露醬很香，食到停唔到口。嘢飲我叫咗遺失的龍珠，有啲似mojito,幾好飲。朋友叫咗sexy on the beach都話好飲，有辣椒但唔係好辣。…查看更多

九龍灣工廠區除了茶餐廳，一直比較少餐廳選擇，所以就諗住試下呢間工廠內的cafe，誰知食到一肚火。首先講拎飛等位，我同同事拎咗飛等位，突然有一個女仔去reception講聲就入去坐咗，仲要係八個位。問個女店員點解個女仔可以咁快入去，佢就話人地打電話嚟拎飛，那即之後可以早啲打嚟拎飛，但唔叫做book位喎，因為無得book位的。之後有另一位客人嚟到拎飛的客人又係七定八位，個男店員話齊人先可以安排入坐喎，咁鍾意搬龍門佢地玩晒啦⋯⋯等到我被安排入坐，之前打電話嚟拎飛個八人枱都未齊人。安排入座如此混亂，真的無下次。落單都快，但我哋等咗成半個鐘啲嘢食都未嚟，第一次催就敷衍回答話「得架啦，嚟緊」，第二次催才真係睇我哋張單，原來其中一個餐已經賣晒，叫我哋轉其他嘢食。我哋發脾氣才急急送上食物及飲品，建議大家如非有充裕的午飯時間也不要幫襯這間餐廳。至於食物方面，我叫了吉列豬扒烏冬及熱檸蜜，但就嚟咗雞扒烏冬及熱菜蜜，因已經太晏了，個烏就照食。啲雞扒完全無味，仲要熟過頭，啲雞皮連少量油份都沒有，烏冬就正常。同事叫的鰻魚飯就普通。叫咗冬檸茶走飲管當然無理會，照將飲管放入杯內，唉。…查看更多

將軍澳一直都無乜小店，難得坑口村有幾間，那當然要試下。兩個人叫咗白玉豚壽司、炙燒醬油左口魚群邊壽司、燒白鱔、燒茄子、燒油甘魚餃、鮑魚蝦湯泡飯、炸蝦春卷及炸榴槤球。白玉豚壽司充滿魚油，正……左口魚群邊都有魚油同香……至於燒物方面，白鱔好肥美……茄子配上日式醬油、大蔥同洋蔥都好好食……而油甘魚就嫌熟咗少少，但整得香口的鮑魚蝦湯泡飯個湯好香，充滿蝦味同好鮮甜，呢個真係好好食。因為like 社交平台送上蝦春卷，原來都唔馬夫，新鮮炸起，熱辣辣的，蝦都好新鮮。甜品叫咗炸榴槤球，一咬落口充滿榴槤味，正。…查看更多

因為係附近返工，所以間唔中都會幫襯呢間餐廳，啲食物質素好同海鮮併盤抵食，環境都好。不過試過七月中星期日去呢間餐廳食lunch,得個兩枱客。上網一search，原來呢間餐廳係大陸嘅飲食網站畀咗好多錢做宣傳，所以成為大陸人嚟香港必食之選，所以香港少咗自由行對佢地影響應該好大。11月再同同事去食，又叫了海鮮併盤加蝦、沙律及每人一個主食。個海鮮併盤食落去已經覺得怪怪地同平時唔同，個蝦仲要係梅嘅。返到office就賴嘢，可以疴，後期仲疴到腳軟。回家後繼續疴，要休息多一日才停止腹瀉。不知這個post能否出街，因呢間餐廳似畀咗錢做宣傳。P.S.餐廳門口放咗警察獎牌…查看更多

之前聽人講呢間鋪好多人排隊，難得好早經過無乜人，所以就買個嚟試吓……我買咗朱古力味，一咬之下，覺得個皮一啲都唔夠鬆及香，同simplyljfe及bake house完全無得比，牛角包內有啲朱古力醬囉……我估呢間鋪應該係特別在有好多唔同味道嘅牛角包，所以吸引到咁多人，而且當然比普通包鋪個啲好食…查看更多