orecheuk的個人專頁

早成個月前book先book到窗口位， 真係好滾動！ 一直想試一層層式既high tea, 係咁high既地方， 真係坐到唔捨得走！ 飲品點了一壺蘋果茶， 茶很香， 而且係可以refill, 坐得耐d茶凍左都唔怕！食物有甜有少少咸點， 感覺食完都飽到可以唔駛食晚飯！咸點有煙三文魚三文治， 火腿漢堡包同埋pizza tart， 味道都很不錯！ 尤其是煙三文魚三文治，令人感到不夠喉！甜點最好味係芒果tart同埋木塞薑蛋糕， 唔知係咪接受了之前的評語作出改善， 薑味唔重份量味道剛剛好， 本身幾抗拒食的都覺得很不錯！反而最底層有杯朱古力musse就真係唔岩脾胃了， 食了兩啖頂唔順又酸又甜既味就無食！但整體黎講都好好！…查看更多

一入去就被落地玻璃維港夜景吸引了雖然book唔到window seat, 但入面所有位置都可以清晰睇到外面既景觀， 咁既景色下食飯， 味道應該都會不其然提高了！先送黎係麵包籃， 麵包很軟伴著奶油吃很香口前菜係煎帶子同刺身拼盤：帶子只有3粒兩個人食真係避免唔到推黎推去既景況…伴帶子既sauce甜甜地好特別， 但主角帶子感覺就唔係好好新鮮既味道，究竟係煮over左定真係好似人地講係用雪藏帶子就真係不得而知…刺身拼盤有章紅魚， 三文魚， 蝦， 吞拿魚， 帶子同不知名魚…反而呢個帶子好新鮮， 章紅魚係最鮮甜，其餘都唔錯主菜點了一份澳洲和牛雜菌卷同埋龍蝦risoto:和牛雜菌卷我覺得佢既伴菜蘿蔔俾主菜更惹味， 不過牛肉都好嫩同雜菌味道都好夾龍蝦risoto係店既特式菜， 飯有南瓜蕃茄味道清甜， 但龍蝦唔知係煮得over左好難咬，好un…另外點了兩杯house wine都ok!整體感覺真係食靚景多過美食！最後真係唔明咁既價錢同格調竟要限時交枱…個人覺得有點大剎風景了！…查看更多

同母親大人撐枱脚， 雖然訂唔到窗口位， 但都十分滿足同悠閒！沙律前菜區有好多款式既火腿， 母親大人話黄色蕃茄仔最好味！熱盤我就覺得雜菌炒牛柳最好， 牛肉夠林d菇都好味！有烤bb豬， 第一次推出黎好脆好香， 第二次d皮好硬， 眼見切個位廚師都要用好大既力氣先切到！個人認為黎呢度食buffet主角絕對係甜品， 款式真係又靚又多，每款都想食但真係會飽到傻！ 甜品最好味係tiramisu! 浸到滿滿酒個層既蛋糕真係有夠刺激舌頭！ 另外不得不提係佢地既朱古力,唔食真係會後悔！ 整體食物都係水準之上， 各侍應既服務同態度都很好， 令人覺得咁既價錢都超值！…查看更多

唔駛等位唔駛book既時段入去食！ 被佢既裝横同燈飾吸引， 座位很舒適！ 望左好耐餐牌， 一邊聽到旁邊侍應十分詳細同隔離客人解釋餐牌，雖然等左一陣先有水同埋有人落單， 但熱情又nice的侍應令到心情十分好！ 佢介紹我地點一個蘑菇risotto, 然後我地又點一份魚既前菜， 一份spicy chicken wings, 海蝦蕃茄意粉， 一杯ginger beer同一杯lemonade唔知咩唔記得個名， 同埋最後一份lemon cake…點左好多野食， 除左因為係lunch同dinner一餐過之外，野食份量唔係多都係另一原因…整體味道我覺得都唔錯， 印象最深刻係個蛋糕， 因為真係醒哂~酸到醒哂！ 不過侍應們既service同attitude都係好jamie's style…非常親民！ 值得一讚！…查看更多

預左得75分鐘食， 坐位有點近隔離位不過快食都無咩所謂…點左個墨魚飯卷， 卡邦尼粉絲年糕同柚子蜜墨魚飯卷一隻辣椒但唔辣，墨魚好彈牙，d汁好惹味！ good!卡邦尼年糕d汁好濃好香奶油…份量唔多但都好夠飽！ 卡邦尼配上年糕唔會覺得唔夾， 都幾得意！柚子蜜唔似出面有d沖得勁淡， 份量充足！整體食物都ok, 下次有機會又係唔駛等位時再黎試埋d石燒飯先得！…查看更多

難得無咩人係出面等位， 食吓n年無食過既和民！ 睇餐牌真係有點選擇困難症， 樣樣(相片) 都非常美味咁樣…最後點左黑糖豬肋肉， 牛肉火鍋， 壽司飯，餃子…先送黎係黑糖豬…真係一望嚇死你， 我都知實物與相片不符， 都唔好咁過份呀， 成53蚊一兜得個3塊豬肉…豬肉有咁貴嗎？ 驚嚇過度又少得太可憐， 未黎得切影相就已經食完…然後個碟壽司飯， 好似人地食淨咁樣…胡亂pat哂上去咁就送出黎！ 魚生真係唔知新唔新鮮， 細粒到根本都唔係幾食到d味就吞左了…到碟餃子…味道很一般， 個層皮仲要焦哂！ 唯一好少少係個牛肉火鍋…其實都無咩特別， 不過比較起成餐下，叫做夠熱(因為煮住)咁囉…咁多年無黎， 水準真係奇差， 無咩意外都唔可能再黎了！…查看更多

平日下午過哂lunch time時間， 係無咩人既情況下黎到呢度食個semi-buffet! $148+48有多份main course…感覺都幾抵食！ 點左一份gc burger, 一份spaghetti, 落到salad bar, 真的有點後悔叫了main course, 因為淨係d前菜已經夠食飽我地！ 值得一讚佢既煙三文魚同火雞肉， 新鮮又好味， 火雞肉又唔會鞋反而好軟滑！ 整體前菜都好多款式！至於main course, burger要了welldone真係錯了， d肉又硬又鞋…spaghetti都係太乾了, 醬汁得個咸， 食了少少已經唔想再食了！ 因為餐廳3點close, 所以好快都收走我地既食物， 想慢慢食享受吓都唔得， 有點扣分呢！ 而且有一兩個waitress態度真係麻麻， 反觀waiter就好nice…整體都算抵食， ok!…查看更多

下午茶時段， 得返幾枱客， 真係幾鍾意呢d唔駛等位既時段！ 點左一碗三文魚親子井， 加了牛肉薯餅， 同埋醬汁吉列豬扒飯…三文魚同魚子都好新鮮， 份量係下午茶時段就唔係太大碗， 牛肉薯餅熱辣辣好香脆， 最驚喜係醬汁吉列豬, 見到一大堆椰菜個賣相真的不錯， 豬扒好入味亦都唔會好硬…臨走時仲見到個枝醬汁有得買！整體都很好！…查看更多

時間尚早，無book位， walk-in就有位！侍應俾左靠邊邊的位， 同朋友可以慢慢食慢慢傾！點左三文魚沙律， 雞肉串燒， 同埋非常驚喜既棉花糖牛肉鍋！ 三文魚好新鮮， 份量亦好多， 我唸三四個人食都可以！ 串燒味道都ok, 但就唔太特別, 然後輪到主角出場， 很誇張的棉花糖吸引了很多人既目光！ 原來甜甜地味道既湯底就係靠溶左既棉花糖， 真係非常驚喜！ 味道亦十分不錯， 加點了烏冬放埋落湯煮， 味道一流！ 美中不足張枱太細， 根本不夠位放佢大大碟既食物， 要另加一個枱仔放隔離， 變相個座位就迫迫狹狹…但觀乎食物同服務， 絕對值得再來的！…查看更多

時間很早既平日， 難得唔駛等位，即刻走入去品嚐品嚐！座位真係符合周星星食神既標準！ 又細又迫又唔好坐！ 睇完menu, 都唔係好知點叫， 聽聞黑色既墨魚湯拉麵幾好味， 就試吓， 而另一半點了辣味…送到黎第一個感覺係好黑…食落去第一口覺得好香， 好濃既湯…食多幾啖就知自己點錯了， 原來原味=好咸， 我食得咸既都覺得好咸， 唔食得咸既人一定要記住要點好淡好淡先得！ 而且份量都唔見得好多， 只限人品嚐吧！ 一食完即刻起身埋單走人， 真係好似食快餐！ 但價錢絕不似快餐！…查看更多

店舖細， 座位永遠都唔多舒適…勝在裝橫燈光配合下， 總算能夠和朋友傾吓計， 慢慢食。無咩胃口， 點左個茶漬飯同牛奶綠茶…茶漬飯清清淡淡很易入口， 份量雖然細，但飲埋杯牛奶綠茶都好飽了！ 牛奶綠茶味道都ok, 不過感覺好似美x即沖個隻d味…試左啖朋友點既炸豬扒定食， 味道都係一般…或者下次都係點返佢既招牌茶會好dd……查看更多

超級驚喜收到一盒macaron禮物…單單睇個包裝同個盒， 靚到唔捨得拆黎食！ 影影影完一輪先開封…味道真係超合我， 唔太甜， 外層又脆又香， 真係一番享受！ 每一隻味道都好突出， 很濃郁…一試難忘！…查看更多

一早book定枱， 但都等左差唔多成個鐘先有位…為咩呢？ 為左隻鴨！但係咪食左太多次令到人都無咩驚喜呢？ 已經無初初咁好食了！ 所以又試埋佢既小籠包同擔擔麵， 都ok, 湯底很濃很香辣！ 今次仲點左個唸住影相好靚既娃娃菜花…真係只可影相， 不說味道了， 因為都無咩味道可言！…查看更多

中午時段不用等位就入得， 仲有卡位坐！ 清清地點了擔擔麵， 炸醬麵， 小籠包同窩貼…擔擔麵味道一般， 尚可！ 炸醬麵很特別的分開上醬料， 按個人喜歡落多少小籠包一如以往的水準， ok! 最好味都係窩貼， 香口好多汁， 不錯！基本上又一城好多間食店都係要勁排隊的， 呢間係唔想book唔想等時的其中選擇！…查看更多

平日夜晚只有幾枱客人， 燈色昏暗， 未入去就已經被餐廳既裝橫吸引了。侍應們態度都很好,整體感覺良好！ 送黎既前菜四小碟最好味係泡菜同薯仔。主菜點了牛肉石燒, 冷蕎麵, 辣豬腩肉…味道很好， 賣相也不錯！ 是一間可以常來的食店！ 美中不足是洗手間太細啦！…查看更多