VinkybbLaiKeeKee的個人專頁

//平日我都好中意食日本野覺得好新鮮又唔太油膩。今收工特別肚餓，諗諗下就食放題啦！☺️旺角雖然都有好多放題選擇，不過我就一定揀樂天大喜屋😍本身樂天大喜屋已經佔一層嘅位置有一個大空間係自助區嚟，有齊熱食、甜品、小食或者係特別嘅飲品，例如清酒同梅酒🥂。另一邊仲有一個區域係飲品，想飲嘅野都應有盡有。而且呢到其實選擇好多，刺身、壽司、手卷、串燒、天婦羅、鍋物同埋甜品，每個種類都至少有5-10款可以揀，有咁多口味，真係好難抗拒🙈最特別最近有乳鴿同埋活𩶘魚刺身😍仲有黑松露醬同埋柚子芥末醬款式嘅壽司，可以媲美某某集團嘅壽司嫁！(即係好高質呀！🤫)唔講咁多，我要book位食下一次先😆@daikiya_joy#foodie #食在香港 #吃貨 #吃貨香港 #吃貨香港人 #吃貨人生 #吃貨日常 #吃得是福 #吃播 #香港食評 #foodiehk #foodiehongkong #foodielife #foodiepic #吃盡全香港 #吃貨日記 #為何總是餓 #香港美食 #香港食物 #香港日本菜 #日本菜香港 #香港放題 #日本放題 #hongkongfood #hongkongjapanesefood #viking…查看更多

呢間舖真係可以叫做由細食到大。唔好睇佢舖仔細細，又茶餐廳格局咁，查實d質素真係好過好多大酒樓。先講價錢，普遍都係$7X一個晚餐，有飯有湯，有時仲有糖水派。聽落好普通姐~其實佢以「量」取勝😁比如湯咁，唔係一個飯碗size，係一個出面街食魚蛋粉嘅果隻確size，真係夠三個人飲。餸嘅份量亦偏向大碟，如果細食，真係一個餐兩份食都有餘。另外，呢到都好多選擇，除咗家常小菜，都有焗飯/意粉，依家仲有烤魚等等。所以極力推薦街坊之選😛…查看更多

今日個fd話好想食拉麵🍜咁就喺街到search下啦！點知見到呢一間沾麵，人氣好高喎😮所以就嚟咗食喇！入到嚟真係好似去咗日本街頭麵檔咁(好想去日本呀🥺)，一坐低見到價錢一D都唔貴，$1xx左右，已經有海膽、甲羅燒等等，仲有龍蝦湯、海膽湯添，心諗會唔會係得小小，好細份嫁🤔但餐牌又寫住哂份量，比如海膽寫住「一板」，咁就梗係唔好蝕叫咗啦🤣野食到咗，真係嚇咗一跳。真係有一板海膽😱而且甲羅燒嘅蟹膏都好多。至少個麵，其實都好大份，個湯好熱得嚟，味道適中，唔會過咸。整體感覺好高質，性價比好高😛極力推薦…查看更多

其實我好中意食任食，特別係燒肉🤣夠哂惹味，而且通常燒肉有不同調味，所以我都好喜歡。偶然一次見到安平燒肉，又傻更更咁啱有位，就入咗嚟試。呢到都分咗好多不同價錢嘅肉類，視乎返自己嘅需要。第一次食，我揀咗中間價錢嘅嚟試試先。肉類嚟到好高質素啵！😵油脂分怖平均，而且部位選擇都多。除咗燒肉類，當然就係佢地嘅台式小食，有成10幾款，鹽穌雞、台灣腸一定有啦！我最中意係梅粉蕃薯🍠，真係好好食🤩仲有自助區果一個紫菜飯+蝦米，真係一流👍🏼好啦！我要食野喇咁多位😋😋😋…查看更多

一講起醉雞煲，一定會記起呢到！💪🏼永發醉雞煲！🐔呢到係好傳統裝修嘅茶餐廳格局，門面睇落都好似普普通通咁，但...一但你入嚟試過，就知暗藏玄機🤪🤪嚟到其實都有幾款不同嘅雞煲，都係雞煲+打邊爐咁嘅。其他款就未食過，因為離唔開醉雞煲🤣🤣個醉雞煲雞係另上嘅，自己控制火喉唔怕太熟整hi咗d雞。煲湯酒香好濃，香濃得嚟食入口唔會有酒苦，加上舖滿個煲嘅紅棗，增添咗成個煲嘅香甜味🤤唔得喇！講落真係頂唔順，拿拿林換衫今晚要食先得😁…查看更多

太耐無食自助餐，真係好想好想食，但疫情停食肆咁耐，又好驚d食材唔夠靚🤔突然之間，有廣告彈出嚟，所以我嚟試一試佢🤭🤭嚟到場地好大，始終受疫情影響，人流唔多。野食款式應有盡有，凍盤有我最中意嘅煙三文魚🤭，其他串燒、熱食、湯品、刺身，而且lunch都有生蠔食😱😱你地話係咪要咩有咩😆如果食物方面有咁多款式，相比起價錢，呢間自助餐性格比真係好高，而且質素都好新鮮同高質，大家真係可以嚟試下，唔好錯過🤣…查看更多

夜晚附近收工，突然搜尋到呢間點心，真心好耐無可以食到點心了🥲所以諗都無諗就上嚟等位🤣等咗大約15分鐘左右就有位了，呢到舖位較細，不過唔算太迫。呢到選擇唔算太多，不過基本想食嘅都有🤭🤭好開心叫咗好多款。點知，嚟到原來籠籠都好大籠下😱食哂真係好飽好滿足呀😍🥰😂重點推介!!✨️重點推介!!✨️重點推介!!✨️諗唔到喺呢間中餐廳到可以有“法式燉蛋”🥚坦白說，真係好好食呀😍真係好食到唔知點講好！大家一定要嚟試一下😁提提大家，呢到即叫即蒸，要比D耐性等一等🤭🤭…查看更多

呢幾日喺呢邊做野，收得好夜，而且好攰，就嚟呢間最近嘅麥當勞搵食。本來唔想食麥當勞，怕熱氣，而且已經好晏，又怕自己腸胃唔好，食咗唔舒服。擔心緊之濟，點知用apps落單果陣有驚喜😲餐單見到多咗有好多款沙律，除咗之前有嘅原味同埋雞扒之外，仲有碎蛋小龍蝦、新吞拿魚、新餐肉等等。成個人開心返埋嚟😁一個沙律餐連野飲都係$50左右，份量都唔小，而且食完都好舒服，唔洗怕太熱氣，又唔怕食包餐咁飽。而且呢間麥當勞都坐得幾舒服，都係一個好好休息嘅地方😁…查看更多

今日假期😛梗係瞓到晏一晏先起身啦🙆🏻‍♀️起身第一時間梗係搵食啦😆醒起呢到有下午茶餐，而且坐都舒服，就嚟呢到食我嘅「早餐」🤣嚟到已經下午茶時段，不過都唔緊要，心諗如果份量小，最多咪叫多幾個餐😆今次叫咗個海南雞喇沙摻摻🐣、肉骨茶米粉同埋美碌咖吔多士。嚟到份量，真係同午餐一樣咁多，份量真係好大份下。😱頓時真係覺得抵咗好多🤣下午茶餐價錢其實4-50蚊左右，餐款亦都好多，有湯麵、飯或者小食類都有，仲可以+$8叫特色飲品🤭經過今日我下次醒目，都係下午茶時段食「早餐」🤣…查看更多

佢係有Cafe可以食野飲野既按摩店，唔好睇小個Earl Grey Croissant，一切開裡面係爆醬，食落一d都唔乾，D Earl Grey味Cream好Light，完全唔油膩！再配埋壺Earl Grey Tea，簡直雙重享受～ 🤤🤤🤤 食完影完相，仲可以上天台飲住野對住海景曬太陽，正到爆呀！！🤤 店面裡裡外外都好多打咭位，想要影d又索又有feel ge靚相威威下，一定要抽時間黎啦～ 利伸： 💆🏽‍♀️按摩真係好Full架！今次約唔到，下次再黎試既時侯，入去打埋咭俾你地睇啦～…查看更多

就嚟中秋，早排見某平台賣廣告，咪同d屋企人嚟慶祝下。呢間舖沒有太多裝修，就類似大排檔格局。我地一行十多個人，安排咗兩張大枱比我地，都坐得好舒服嘅。我地屋企好講意頭，所以齊齊整整叫咗十個餸，大致味道都幾好，而且都睇得出花咗好多心思嘅，所以食物味道同性價比等等都無問題，睇相都知道係心機之作，值得大家去試。不過最嬲就係侍應態度，真心再好食都唔想去受氣。當日負責我地枱果位女侍應，落單果陣已經唔係好聽到我地講野咁，我地叫「紅燒豆腐斑腩」佢就重複話「紅燒豆腐」，當然我地都重複幾次要埋斑腩，但佢完全無理我地，最後仲話無「紅燒豆腐斑腩」呢款餸，要我地拎個餐牌指比佢睇，佢先肯落單。然後我地又叫咗一個鮮腐竹豆乳娃娃菜，但嚟到變咗鮮茄娃娃菜，我地問返呢位女侍應，佢第一下就好惡話係廚房出錯唔關佢事，然後行開咗行返嚟就話無鮮腐竹豆乳娃娃菜，當然我地又再次指返個餐牌比佢睇啦，佢又行開。最後佢好兇咁話「一係減返$11，一係取消佢唔好食」👈🏻👈🏻我無加無減講返出嚟。其實真係唔係錢嘅問題，係態度問題吧🤷🏻‍♀️之後呢位女士仲要一見同事就ee umum，一路um一路望住我地張枱一直黑面，但其實佢唔係本來就黑面，因為我地走果陣就見到佢好似變咗第二個人同隔離枱一個男人笑哂咁，心諗原來佢識笑嘅😮總括嚟講係我唔好彩有呢個經歷姐，其實食物同其他侍應都好好嘅，大家可以去一試😉…查看更多

喺附近開完OT收工，其實都夜了。依家疫情好多舖都好早就收咗😮‍💨夜晚搵食好艱難。心諗總之行到一間有開都衝入去！比我見到呢間粉麵，而且裝修係我最愛嘅木色，即刻就衝入去😆入到去好多野都好精緻，就連個筷子都係特制，有佢地名嘅木筷子。話說我真係好肚餓😵‍💫就叫咗個花菇牛筋麵+淨雲吞。花菇真係好大粒🍄而且炆得入味又好淋，真係一定要食！牛筋🐂就啱啱好，唔太硬唔太淋，中中間易入口，都very good good👍🏼👍🏼雲吞size中等，但入面真係足蝦🦐連湯食落清清地好舒服。總括嚟講：今晚搵到好野食，食飽好滿足，以解我一日嘅疲勞😘…查看更多

今日游完水出嚟已經好攰🥲見到呢間餐廳，近近地入去食完再開工！入到去見到都有好多款小食，同埋有車仔麵揀。可能太攰無嘜胃口，本來想叫下小食就算。點知我見到車仔麵原來有菜底可以揀，$35 有3餸（如果3餸麵係要$40嘅），見咁抵就叫咗呢個！我揀咗牛肋條、水餃同埋雞亦。份量都好足夠，唔會hea比兩嚿就算，牛肋有成6、7嚿，雞亦有4隻嫁！🐣加埋菜底同野飲，真係好夠飽。而且呢到唔會迫人走，我食完再坐下休息下都唔會不禮貌對待，侍應仲有時會行埋嚟傾兩句，整體感覺都好好！…查看更多

平日晚晚都好多人排隊🚶🏻‍♂️🚶🏻‍♀️🚶🏻👩🏻‍🦯今晚見無嘜人，即刻衝入去試下😆咁啱就快到消夜時段，就叫宵夜優惠。真係好抵喎，串燒都係$18左右就有兩串，湯河$2x就有了。見咁平，我就叫咗個冬蔭公湯、泰式炒通菜、雞牛串燒同埋泰式炒河粉。🫕冬蔭公湯多料得嚟好香，唔會太重香料味，而且酸甜度調較得好好😋🥬泰式炒通菜好惹味，唔多油！🐮🐥雞牛串燒燒得啱啱好，雞仲係好滑嘅，牛又唔會un，正！👍🏼泰式炒河粉🤩d河粉好彈牙，而且好重鑊氣，仲要唔油，真係食到停唔到口。埋單$200幾蚊，你地話抵唔抵食！😁…查看更多

其實都試過好多大大小小嘅燒肉店。🥩出面好多好貴得嚟，其實都唔係比d咩靚肉你，或者d肉仲係冰緊就拎比你🧊嚟到呢間牛八，$2xx起就已經有九十幾款食物比你揀，依家晚市仲做緊每位-$50嘅優惠。😆呢到你話肉質係咪好靚，當然視乎你揀咩餐，今日我揀咗$288嘅餐，再減$50，其實每位都係$238，座位又坐得舒服，又多寬敞，咁我覺得性價比已經好高了！😁以前都嚟過好多次，今次嚟轉咗經理，禮貌好好，就算夠鐘都唔係hea聲趕走你，都係好溫文好有禮貌咁提醒已經夠鐘。希望多d人嚟支持住佢地唔好執笠啦！…查看更多