carmen寶寶的個人專頁

趁住新年放假，一訓醒覺已經到左下午茶時段，去開附近商場，就揀左入一間泰式鋪頭食個下午茶一入到去，諗左一諗，就揀左個金邊粉食，男朋友就揀左冬蔭公湯底既檬粉食首先講左我既金邊粉先，我揀左最普通既上湯豬頸肉金邊粉，湯底就冇乜特別，最欣賞既就係外皮卜卜脆既豬頸肉，食落油脂香味十足，而且分量十足，有成6至7塊至於男朋友果碗，個湯底就好好多，冬蔭公湯底味道濃厚，絕不馬虎，佢今次揀左雙拼豬頸肉加扎肉，分量亦十足，下次會再食…查看更多

住係將軍澳附近，多數都係飲天仁，一芳尼d連鎖店飲品，今次係將軍澳廣場竟然發現一間好正既台式飲品店 茶之果物今次同男朋友一齊買，買左兩杯飲品，分別係黑糖珍珠牛奶同棉花料Oreo可可講左黑糖珍珠牛奶先，黑糖珍珠唔會好甜，珍珠口感煙韌，宜家聽聞牛奶係用北海道3.6牛乳，飲落係好味得多另外Oreo可可係意料之作，本身以為係普通朱古力，但飲落發現朱古力味好重，真材實料，配埋Oreo加可可，口感更加豐富😜非常滿意！…查看更多

趁住星期日放假，訓到下晏，就去屋企附近食過下午茶今次揀左木兆小品！首先，揀左我平時最鐘意既西多士，西多士上枱熱辣辣，配埋牛油同honey，簡直係絕配！尼個下午茶仲包一杯飲品，我就揀左凍檸茶，尼個凍檸茶比較特別，就係唔需要吉檸檬，餐廳已經加左新鮮檸檬汁入去，岩哂我尼d懶人另外，男朋友就叫左個酸辣米線，有大大舊雞扒係上面，外皮脆脆的，個湯底又唔會太辣，容易入口今餐真係好味又抵食，such a wonderful weekend…查看更多

好耐冇去過尖沙咀行街，行耐左，見到鮮芋仙，諗都冇諗就入去左，因為我最鐘意就係食芋圓！入面都有好多人幫襯，大概等左5至10分鐘左右，入到去已經揀好左食仙草尼碗仙草都幾大碗下，入面有兩隻味既芋圓，又有我好鍾意既薏米，煙煙韌韌，口感一流，另外配埋仙草凍，食落真係非常涼快，又唔會太甜！食完一碗仙草，已經非常飽肚，但都不忘順便買多碗芋圓返去孝敬屋企人，希望鮮芋仙可以係將軍澳開分店，我到時就可以日日去食啦yeah…查看更多

適逢男朋友生日，梗係要食返餐好既，今次去左鉄人旨花到食期待已久既omakase今次一早book定個靚位，要求坐係廚師面前野食就有成十幾款，不過今次掛住食，淨係影左幾張相，就講下我覺得最好味果幾樣啦！第一樣就梗係龍蝦刺身，睇住師傅係魚缸拎出尼，超過新鮮呀，食落味道鮮甜，點少少檸檬汁都好好味啦！另外，仲有隻手掌咁大既生蠔，要分幾啖先食得哂，一個字形容，正！當然唔少得海膽啦，師傅一d都唔嗇色，放好多落去，味道當然唔會令人失望其他好味既野不能盡錄，大家快d去試下！…查看更多

住係將軍澳附近，經常都會去到tko gateway既 foodlane買野食，今次就揀左尼間主打台灣鹽水雞既鋪頭！我今次就揀左b餐，有半隻雞胸同雞腿，再加三款配菜。首先，雞既份量就算係幾多，唔會太過鞋，同埋調味都相當濃，令我諗起台灣既鹽水雞，配菜方面我揀左甜不辣，高麗菜同埋雞脾菇，三種配菜都同鹽水雞好夾，份量一d都唔菇寒！我本身驚唔飽，今次仲加左個冷面，個冷面我就覺得一般般啦，不過配埋d汁料都唔會太差:)…查看更多

已經去過牛大人幾次，無論食幾多次都好，都係唔會厭既，今次就同friend尼到cwb既牛大人今次揀左兩款湯底，有麻辣同養生湯底，湯底算係正常，個人比較鍾意麻辣，容易入口，岩哂我麻麻地辣既人跟住一坐底就梗係叫牛肉，牛肉既肉質幾好，比起其他出面既火鍋放題店好，另外豚肉羊肉都可以一試！出面仲有好多火鍋配料可以拎，包括唔同既丸同菜，仲有我最鍾意既牛栢葉！同埋佢都有好多既冷泡茶拎，我就飲哂咁多款，最鍾意就係桂花烏龍茶今次尼餐好滿足，期待下次再尼…查看更多

襯住同男朋友同一日放假，當然想去食下好西啦，今次揀左屋企附近既chef’s stage kitchen食去到餐廳已經好快有waiter帶入位，餐廳裝修好有格調，燈光都幾romantic 今次我同男朋友都揀左牛扒，大家都係5成熟，牛扒上到尼個攞盤幾靚，切開肉質唔會硬，食落味道幾好，對得住個價錢！除左主菜，個set仲包左salad，soup，drinks同牛角包！到比錢果陣，發現餐廳竟然唔洗加一服務費，真係相當抵食！…查看更多

難得星期六放假，當然要去cafe chill一chill先，今次揀左harbour city!去到鋪頭等左幾分鐘就有得入去啦，職員服務態度幾好我今次就揀左一杯hot matcha latte，個心心拉花都幾靚，即刻打返張卡先，另外茶味都幾濃，不過都係易入口既，另外又叫左件cake先，今次揀左banana cake同blueberry cake，我個人就鍾意香蕉蛋糕多d，但兩件cake都係好食既！等我下次放假再尼食下其他野先！…查看更多

好耐冇去尖沙咀，約左朋友去海港城，咁岩朋友又有海港城coupon，就去食下尼間menu都幾吸引既餐廳限時一個半小時，一入去已經急不及待落單先，叫左個二人份既shabu shabu 個火鍋一上到尼，已經忍唔住影相先，個擺盤太特別啦影完即時放幾舊和牛落去，肉質都幾好，牛肉味都唔錯！之後再食埋豚肉，相比之下，我都係鍾意牛多d！食完d肉，下面仲有生菜同金菇，食d菜就可以解下肉既油膩感另外，個湯底其實都幾好飲！套餐仲包兩杯飲品，唔錯唔錯…查看更多

返工前諗食乜真係一個煩惱尼，咁岩經過尼間賣越南粉既鋪頭，就入左去食返碗！作為牛肉愛好者，諗左唔夠十秒，已經決定要食返過生牛肉金邊粉。過左三分鐘左邊，個粉即刻送到，佢仲送左一小碟青檸同辣椒尼，加落個面到恰到好處。 首先，飲左個湯先，熱辣辣，唔會太咸，都幾好。再夾d金邊粉一齊食，都算係正正常常。牛肉方面，份量都唔少，宜家都有牛味！飲品方面，叫左杯凍奶茶，都算係一杯有茶味好飲既奶茶，唔會淨係得陣甜味下次返工前一定再試其他款！…查看更多

次次經過坑口一田，都會見到尼間刺身店大排長龍，今次終於忍唔住入去食lu！由於我媽咪好鐘意食海膽，所以就叫左個海膽蝦飯俾佢食，好多時係香港食海膽都會冇咁新鮮，有陣臭臭地既味，但今次食落又唔會，雖然唔係話頂級好食，但都算係新鮮唔會有異味！個蝦又大大隻，食落都鮮甜彈牙，咁既價錢食到算係幾抵！我就叫左個雜錦魚生飯，三文魚好食，帶子大大粒都甜，算係中上水平！跟餐仲送埋個麵豉湯，個湯一d都唔hea，有好多料下，飲哂成碗下次會再試埋其他！…查看更多

同媽咪係新都城行街，行到夜開始肚餓，就入左去尼間thai菜到食，門口望入去裝修都幾唔錯入到去坐低後，即刻落單，叫左個冬蔭公，豬頸肉同木瓜沙律。首先講下冬蔭公湯先，入面都幾足料，有大蝦，青口同頗多菌類，因為多海鮮既關係，個湯好甜，而且都似傳統冬蔭公既味，係辣左少少姐豬頸肉就燒得好香，配埋佢俾既汁料，酸酸甜甜，同豬頸肉超夾，而且個皮都脆口到木瓜沙律，木瓜都好食，不過不失啦食其間仲叫左兩個椰青飲，好清甜呀下次一定再尼食…查看更多

趁住哥哥生日，一早已經book定尼間出名既酒店buffet，未夠鐘入去果時，已經有好多人排隊等緊終於入得去，坐低之後即刻去海鮮區，有好多野食，有麵包蟹，長腳蟹，龍蝦，青口......差唔多up得出既都有，我梗係乜都夾返d! 首先試左龍蝦，味道鮮味一般，再試麵包蟹，有勁多蟹膏，食落口好香，忍唔住夾多左一個尼食，其他海鮮就不過不失啦。另外，熱盤選擇都多，其中中式湯真係好飲，好似魚翅咁，一出已經有好多人去拎！甜品方面，我最鐘意芒果糯米飯，encore左幾碗tim!總括尼講，都算係幾好食…查看更多

譚仔係永遠都食唔厭既，每次返工前，總會想食返個譚仔先返工咁岩樓下有一間譚仔，二話不說就坐入去，有好多唔同餸揀，今次決定咩都唔揀，叫左個淨米線同蒜泥白肉，再加杯飲品，我最愛既凍奶茶！講左米線先，湯底冇得揀，但清湯都唔錯，配埋湯入面既腐皮同9菜，都好好食，米線又唔會太淋另外蒜泥白肉真係我既最愛，食每舊肉再加少少蒜泥落去，真係人間美食，重點係唔食辣既人一樣可以食到，食完個口係有d臭，但唔怕啦，最緊要好食！…查看更多