皇宮殿堂級人物-容嬤嬤的個人專頁

平時唔打食評投訴，但今次好嬲，所以要上黎投訴入到去話要一斤叉燒，師傅問要咩，當然係半肥廋啦，然後幫我揀左一條外表好靚仔，以前平時買開都無問題 所以今次無望住佢砍返到屋企一打開，嘩！咁瘦既 仲要好明顯2邊唔一樣 明明買個陣係成條 俾人換走左半條靚野 但公平咁講，靚個邊係好食，另外一邊唔係好差，但呃人就唔岩！偷雞換走一半靚叉燒好衰，好過份！…查看更多

今次第二次黎Otto, set dinner餐牌係每隔一段時間會轉上次頭盤有帶子刺身，超級大粒，而且非常鮮甜。但可惜今次無左帶子刺身選擇，所以揀左三文魚海撒沙津。我欣賞佢每片生菜都有沙津醬，唔似得有d餐廳咁，有d菜就成pat醬，有d菜就乜都無。而朋友就叫左鴨肝，賣相就好靚好吸引，朋友話味道ok, 但得一粒太少，過唔到口癮湯就揀左黑松露花膠燉湯，味道比相像中清，唔係飲完個咀會痴住左個種，雖然偏清但唔係加滾水溝出黎個種。而身為黑松露怪既我，對個湯表示滿意，花膠都大塊。推薦！小食係海龍皇帶子，廚師輕輕煎熟左粒帶子，都好味，但我個人覺得粒咁靚咁新鮮既帶子都係做刺身正d，咁做法有d可惜因為上次小食係紙米卷鴨肝，食完感覺比較‘溜’，之後配個味道清新既青檸雪芭，第一次感受到咩叫互相輝映，相得益彰，完全係prefect match！但今次小食換左海龍皇帶子，帶唔出青檸雪芭既重要性，無左上次個種難忘感覺。主菜朋友叫左鹿兒島A5和牛，我食左一片，生熟度同油份岩岩好，完全唔洗點汁/加海鹽/芥辣都超好味，吞左仲有個餘韻係到，齒頰留香呀！好推薦！我叫左紙包石鍋海龍皇鱸魚，湯底濃郁、鮮甜，個魚滑溜同肥美，但得4片，如果可以多1，2片就好啦！但都推薦既最後set包一杯野飲同甜品。我決定+$78試佢個72度朱古力蛋糕配黑松露雪糕。朱古力吊哂黑松露既味出黎，原來咁既配搭係咁夾架，正正正！好食到我想企起身拍掌。超超超推薦俾黑松露fans! 至於樓下環境比較光，適合想影相既朋友，而樓上環境比較暗，適合想要浪漫燭光晚餐既朋友。最後一提，待應態度友善親切所以我絕對會再黎…查看更多

天氣好熱，想飲d感覺清新既水果茶，就點左滿分草莓諗住返屋企慢慢嘆。叫左正常甜度，少冰。原本係想走冰，店友都好友善話果茶規限左唔可以走冰，盡量幫我少冰。行到返屋企，d冰岩岩溶哂，prefect可能係咁我覺得甜度岩岩好，清新解渴。果茶味道唔假，亦完全無飲糖水既感覺。值得一讚既係杯野好足料，有4片青檸，一粒切片既多士啤梨，再有d士多啤梨容，$23大大杯幾底飲對於士多啤梨控黎講，一少粒果肉都絕對唔會放過，所以唯一既小問題係飲唔到杯底一片片既士多啤梨。好彩係屋企，可以用匙羹如果係街用飲管了上黎食都幾高難度，建議有興趣既朋友可以叫店員切粒。…查看更多