siuhacat的個人專頁

星期三晚上光顧，不算多人，好多位，不用等！ 重點出post 想講「雪山叉燒包」，見餐紙有星星*推薦，點知係中伏！ 個面唔係脆、似番叮，淋面真係好差😑另外都點了其他點心：鳳爪排骨盅頭飯、春風得意腸、菜苗餃、咸水角、五指毛桃瘦肉燉雞！春風得意腸 同咸水角好吃的！而燉湯、菜苗餃及盅頭飯普通啦，唔會覺得好出色。 我試完應該都no next time! 😅唔會再來。…查看更多

平日晚上光顧 ，不太多人，不用等位 。二人吃晚餐，落了三款點心+ 鳳城炒飯！ 豬嘜包係叉燒包、多汁好味。燒賣一籠三粒，好大粒，肉感好、中間亦有蝦。鮮竹卷是龍蝦上湯汁， 腐皮卷是炸過的，好夾，吾會覺得油！ 最後炒飯足料，炒得粒粒分明 ，好多蝦！…查看更多

第三次光顧。 之前都覺得好好食，但今次就覺得差咗！個Pizza焗到好燶，基本上淨係食中間，條邊完全食唔到，焗到太硬太燶！ 意粉同飲品及拼盤都OK ！ 如果晚餐menu 有埋burger食就更加好！ …查看更多

收工過來吃，不算多人，有卡位坐 二人叫了四款點心 首先覺得點心好細件、蒸籠又好舊之後食落去，覺得唔太好味（我見Openrice 無負評先來， 吾知係咪轉咗廚房師傅） 雪山叉燒包，好快上枱，好明顯係返叮比我哋，個麵包好油，應該係油炸最再返叮嘅效果！ 牛肉腸厚皮、牛肉係肥膏多🫣 無芫茜香味:(珍珠雞忘記影相，但我覺得叮叮公仔嘅珍珠雞都好食過佢！ 唯一拼盤還可以. 有六件 。 但個籠真係太舊太肉酸，好影響食慾… 我應該吾會再幫襯. 亦吾知道其他分店係咪都一樣咁差。…查看更多

星期六 9 點來到 唔使等位 ，坐四人細枱環境都Ok,坐得舒適唔會太迫 其間都要加水，但每次都要舉手主動叫阿姐，就無主動向客人添水粉果/點心透明餃皮比較厚，味道比較淡口好食只有鮮竹卷及燒賣😜 其他就真係好普通 三個孖寶+ 一個點心拼盤 四個人都夠飽，埋單 $240…查看更多

主要因為電視介紹雙腸熱狗🌭️ 專誠光顧。$20 茶餐推出嘅雙腸熱狗🌭️ 好味、抵食👍🏻另外咖喱薯仔炸脾飯，貪平試食，呢碟就普普通通，吾係特別出色！（可能個汁未係香濃我喜歡果類） 環境係OK，唔會太迫，座位好多，吾使等位！ 落單掃枱面QR code亦好容易操作。我見其他食客叫炒麵個賣相都👌🏻，所以我會再嚟試！題外話：冰室老闆一定是神徒，全程播ANSON LO 歌曲、職員件衫都係粉紅色🤌🏻 一路食一路聽歌，好舒服😃…查看更多

星期六中午去到望月樓，12:10 取飛，等第四張二人枱 ，接近等了45 分鐘先有枱入座，寫明限時90分鐘。環境都舒服，唔會好迫。Order 了五款點心1️⃣脆皮韮菜蟹肉盒 ： 來到先知原來係炸物，中間真係有蟹肉，算好味2️⃣上湯煎粉果：上菜時配有碗上湯 ，不過我覺得普通，咬落太琳3️⃣牛肉腸 ：都正常，腸粉都滑4️⃣蟹籽燒賣： 都正常好味 ，唔會太多肥肉5️⃣東星斑菜苗餃： 呢個唔好食，口感梅梅地，唔新鮮。 總體來說， 五個點心+ 2 個茶位要$440 ；有其他點心專門店或酒樓質素更好！ 所以下次都不會再光顧，主要價錢同食物質素不相符。…查看更多

二人餐 ，B+B 配搭， $108 有 兩款：B+B套餐其實都係揀兩款， 何解 寫買一送一，看收據就清楚明白，原來這樣可以分開收服務費，實際為收20%服務！正常只會諗$108 乘10% 服務費，點會諗到$108 乘20% services charge ！🙄🙄 …查看更多

以為無得BOOK, 要WALK IN 去食會等好耐位, 出奇地 見裡面一個人都冇.我地果時六點半左右。$58 團購指定的兩碗拉麵: 雞白湯拉麵套餐 &  醬油湯拉麵套餐. 另有餃子 + 汽水.入到去服務員好快遞上餐牌, 我就遞上團購紙, 但服務員態度即時變差    好歧視我食團購咁款。拉麵麵條好硬, 吾夠軟, 要咬好耐先敢吞, 因為怕難消化。醬油湯拉麵比較咸, 同埋有 湯底味精 FEEL, 食完好口渴:(  我吾會再去鳥華食!食得吾多高興!…查看更多

daddyos的二人團購餐只需$126, 惠顧時再另外比$13 服務費便可。惠顧前二天打電話預訂座位, 好易BOOK 到枱.我地選擇了二人餐的 小食拼盤 + 凱撒沙律+ 大隻佬pizza, 還附有2 罐雀檸!其實之前已經食過, 覺得好味先買這個團購,今次第2次去, 廚師好似重口味左, D 沙律、拼盤同PIZZA 都咸過龍, 我地各自飲完罐雀檸都止吾到渴。話雖如此, 重口味左, 的確價錢平宜, 值得再光顧。…查看更多

旺角出名多野食, 隨處試試都可以找到好的食物.這裡店舖環境都OK, 入到去已經有幾位大陸人在進食午餐中。ORDER 了SET LUNCH, 侍應先上甜品西瓜給我們.. (西瓜超難食, 好明顯雪左三、五、七日)main course 好快到, 吾使等就送上。金沙骨 & 龍脷魚柳  都好味.金沙骨略厭汁上得不足夠, 唔夠汁撈飯食。魚柳煎得好入味, 沒有雪水味!餐茶加$4 可以轉特飲, 好抵!!…查看更多

工作天的午飯時間。亦是第一次光顧。 等了5 分鐘就安排到入座。(岩晒我們打工仔, 得果黃金一小時午膳時間)單點的飯/麵/撈檬全部都可以送飲品。叫了香茅雞翼飯，上枱時見到有5 隻雞翼，真開心，岩晒喜歡食肉既我。雞翼炸得好味, 整得不錯，好脆、好入味!!個飯還有些蔬菜配置, 若然放更多就更好。…查看更多

星期天在大角咀打完羽毛球, 肚餓見乜食乜。行經奧海城, 見到這間店舖有下午茶就來試試。店內果時大把座位, 完全吾使等。 得3、4位客人。見到$29 碗單併米線，加1款餸+$6，餐飲轉特飲+$6。話平又吾算太平, 同一般米線麵舖差不多價錢, 覺得佢吾使專登話係下午茶推介囉.點了菜肉雲吞併順德魚腐米線（蕃茄湯底）+ 升級特飲朱古力雪香！米線內有三粒菜肉雲吞及三粒順德魚腐湯, 而蕃茄湯底好味, 有新鮮蕃茄味, 亦好夠熱。 。下午茶共$41。錢略厭貴了少少:(…查看更多

平日放工進餐。兩人原本打算一飯一麵，之後 order 磚頭甜品！ 可惜食完雞扒嚕肉飯+ 雞翼麵已經好飽飽，不情願都要放棄甜品！講下雞扒嚕肉飯的味道，雞扒比較炸、比較油。如果吾想食熱氣野，就吾好食這個。至於雞翼麵，店員說會等好耐，但實質又不是等好欠呢。雞翼好味，夠入味。之前都試過旺角分店，覺得尖咀同旺角都保持到一致味道的水平。下次會再去，亦會試下銅鑼灣分店。下次會醒目，會叫一個main course , 之後就食甜品，吾想嘥個胃既空間，攪到胃部無空間食磚頭甜品。…查看更多

第一次食茶木, 搭完lift 上到去有點嚇親, 因為超多人排隊等位.好彩地方都大, 大概等了15分鐘左右就有位.本身都鐘意食台式, 發覺這裡的味道好岩我口味..order 了豬扒飯同排骨麵, 兩個都吾錯。雪糕吐司略厭甜了一點... 兩個人各食1個main course + 1個甜品, 已經好飽了.…查看更多