waichu910的個人專頁

今日終於放工約左朋友傾下即將去日本的行程順便吹下水。我在新界工作， 朋友在港島返工就約在大家都方便既尖沙咀食。因為不想食日本野， 預定左一間西餐廳。去到職員見未有位就叫我們在梳化位置等候， 梳化位置都裝飾得好靚， 門口又有一條用花裝飾的走廊， 同朋友都影左不少靚相，之後等左一陣就入坐。選擇左室外的位置， 比較空曠及後面又有花花幾靚。坐底睇下個menu 都好特別， 我不飲酒叫左個mocktail 叫book mark， 朋友飲就叫左杯cocktail 叫四大美人。來到杯四大美人好特別， 用中式茶壺裝住可以自己倒出來， 酒不烈， 偏重果味， 女仔都容易入口。book mark 就有淡淡的果味同茶香味。之後叫左個茴香豬肉腸貓耳朵粉， 意粉口感獨特， 煙煙韌韌， 味道較濃。最後， 叫左個封門牛柳配薯蓉作為主菜， 封門牛柳好食，牛味濃郁， 質地也不會韌。總括來說，食物質素不錯，環境又很優美及relax, 適合打卡👍👍…查看更多

近排同個朋友都好想食放題, 又想食打邊爐, 突然諗起荃灣悅來有間餐廳可以滿足哂我地既要求, 提前訂位, 去到職員都即刻安排我地入座, 限時120分鐘。店舖都幾闊落，出面係自助飲品吧同醬料吧，飲品有多款選擇, 仲有自家制羅漢果茶、青檸檬茶、同其他水果茶。我地一坐低, 店員即刻提示我地揀湯底, 我地可以每人揀一款, 湯底好快即刻送到，店員又比左qr code 我地自己落單, 刺身, 火鍋配料, 熟食同甜品都好多款可以選擇我地揀左B套餐, 包左任叫鮑魚、蝦、蜆、青口同扇貝,仲可以叫刺身，包括三文魚、甜蝦、帆立貝等，海鮮同刺身都好新鮮:)另外我地叫左澳洲牛肩胛肉眼、美國極上牛肉、精選豚肉、牛舌，都幾嫩滑，我地點完既野食好快送到黎, 食完既碗碟又好快收走，幾好服務！同朋友食完正餐之後, 緊係唔少得要點我地最愛既甜品, 我地叫左幾款甜品，有榴槤pancake, 好多榴槤肉，焦糖燉蛋好有蛋香，楊枝甘露唔太甜好味，仙草凍都好好食，抹茶芭菲大大杯, 好有抹茶味，時間夠哂店員都無催我地離開, 真係食到好飽，整體今餐都好滿意，同店員服務態度真係好好, 下次會再同朋友黎。…查看更多

位於銅鑼灣鬧市一角的天天海南雞店面挺大，有室外和室內之分。今次我坐在大電視機前面可以望到廚房的位置，不時可以窺探到師傅如何處理菜式。一進來店員細心我們遞上餐牌和斟上熱茶，餐牌上琳琅滿目的食物，每款都有參考照片都十分之吸引。為免選擇困難症發作，我們點了冬天煲煲暖胃二人餐，既有中份招牌海南雞和雞油飯，還有古法肉骨荼，海南雜菜煲和芥末黃金八爪魚，另外加點陳年金桔蜜。等店員把餐點放滿整張檯，就來開餐！首先來一碗肉骨茶暖胃，肉骨茶不少得古法瓦煲，煲蓋一掀起來濃濃的胡椒香味撲鼻。肉骨茶十分之足料，有數件大件一字骨、豆卜和豬肚。湯底重胡椒味，飲起來屬溫潤，令人瞬間和暖。另一方面一字骨經慢慢熬煮，肉質較軟。味道真的與在新加坡食的一模一樣。接著當然要品嚐主角海南雞，雞件味道清香、口感厚實、肉質鮮嫩。店家亦很貼心地去除大部分的骨，因此每一啖都感受到高質的海南雞。淡黃色雞皮看來十分吸引，使平日會挑開雞皮的我也不禁嘗試。原來雞皮非但沒有油膩感，而且口感爽滑，一層薄薄的啫喱更是點綴。當然不可缺少的三色醬，每種醬汁都香濃，不過我始終支持黑醬油。油飯香氣十足，飯粒飽滿，油而不膩，令人一口接一口。另一個瓦煲內是海南雜菜煲，則有豬腎、肝、蝦米、雜菇、西蘭花、椰菜花、小棠菜、芋絲等，浸熱湯奉上。對於喜歡吃菜的人來說，絕對不會失望！芥末醬搭配黃金八爪魚充滿鹹香，也是極度推介。由於每樣食物份量較多，不想浪費的朋友也可以好像我們一樣自備餐盒，把餘下的菜式帶回家。…查看更多

今日同同事喺銅鑼灣食lunch, 搵咗間新開台式酸菜魚，應該係香港首間，好似好特別，就想去試吓 lunch有套餐，一個人食都得，不過魚份量有啲多，所以我同同事就點咗個套餐再散叫小食涼菜揀咗柚香蘿蔔同埋加咗個蒜伴雲耳，又幾開胃極道明太子奶香魚個湯底係白汁明太子，其實都幾似平時食開意粉既汁，不過當中有牛奶既香味，令呢個主菜昇華左一個層次，當中有海鮮(青口 蜆 魷魚 蝦）既配菜就覺得好豐富，平時食酸菜魚食得多，用白汁整個湯底呢個做法就好特別，又配搭到 浪子鹹酥雞首先讚佢個鹹酥雞唔會有好多炸粉既感覺，每食一嚿都覺得好實淨，味道唔會偏鹹，作為小食黎講係加分既 鬼魔酒蒸鮮沙白呢到既沙白一啲沙都冇，每一隻都好大粒好新鮮，食到有酒既味道，整體黎講唔錯甜不辣質地黎講有d偏厚，可能炸粉落多左小小，對我黎講都係好食既 黑糖檸檬牛奶凍牛奶凍再加上黑糖檸檬既汁，食得出係帶有酸酸甜甜，牛奶又幾滑，好食 檸檬紅茶/冬瓜檸檬茶好飲得黎檸檬又唔澀，同香港既檸檬茶有d唔同…查看更多

今天和一個澳洲的朋友去了荃灣的瀛燒居酒屋品嚐了日式料理。這家居酒屋以其正宗的日本風味和新鮮的食材聞名，讓我對他們的菜單充滿期待。讓我來分享一下我所品嚐的幾道菜式吧。首先，我點了一份枝豆作為開胃菜。這些枝豆非常新鮮，剝開後的豆子嫩滑多汁，散發出淡淡的咸味。我喜歡它們的口感和清爽的風味，很開胃。然後，點了雞軟骨。燒雞軟骨外層酥脆，內裡多汁。每一口都散發出濃郁的雞肉香氣，配上微妙的調味料，讓人回味無窮。這是一道非常美味的小吃，絕對值得一試。在主菜方面，我點了燒飯團和鯖魚刺身。燒飯團是用炭火燒烤的飯團，外層烤得金黃酥脆，內裡則是蓬鬆的米飯和口感豐富的內餡組成。每一口都有著濃郁的炭火香氣，非常美味。至於鯖魚刺身，魚肉新鮮，切得非常薄，入口即化。搭配上醬油和柚子醬，味道更加突出，絕對是刺身愛好者的最愛。最後，我還點了兩款日本果汁汽酒，分別是長野巨峰和山梨白桃。這兩款汽酒都非常清爽，帶有淡淡的果香。餐廳還有擲飛鏢機和遊戲機可以玩總體而言，他們的菜式新鮮美味，不過吃了幾款菜好像不太飽，但很適合和朋友喝喝酒聊聊天。…查看更多

在灣仔利東街旁邊的小巷走到盡頭,便能看到有著醒目的霓虹燈"Poke Go"招牌。店舖外側有一張吧檯, 若不是當日有少許下雨, 都可坐在那邊，別有風味。我們最後選擇在店內的吧檯前，那邊裝飾著許多樽身是復活島石像的調味料, 且是一個開放式廚房。店內還有一部大電視播放流行歌，氣氛輕鬆。餐牌十分豐富, 除了6款Signature Bowls的固定夏威夷飯, 還可以Build you owl Bowl。選擇十分豐富！於是我們自選八爪魚, 主食為珍珠糙飯, Side則是枝仁豆, 雞蛋絲, 麻醬豆腐和芝麻海帶, 醬汁是蜜糖芥末。隨夏威夷飯會附有乾蒜、果仁木魚絲等調味。我們看著師傅在廚房組合並很快端出一碗超級巨大份量的夏威夷飯。十分之建議大家選擇醬汁另上，把配料拌勻才開始享用！大碗夏威夷飯不但配料健康，味道豐富，且營養均衡。喜歡健康飲食的朋友必須來一趟。因為正值冬季, 餐廳推出期間限定的牛肉火鍋, 十分之貼心。所以我們也order 了一鍋，暖和一點。極之推薦大家一邊享受美食一邊和朋友談天。…查看更多

今日同朋友電完頭髮就去打邊爐，揀左間係佐敦既鍋牛，不過唔近佐敦地鐵站，比較近柯士甸站入到裏面有唔同既房間，仲有電視睇，可以同朋友有私人空間傾下計我同朋友揀左椰子花膠雞鍋（半隻），幾滋補，岩晒呢d 凍天氣等個湯滾左再落花膠同雞，個湯又幾鮮甜，雞幾嫩滑，不過記得唔好淥太耐，唔係會好老珊瑚蚌份量幾多，幾新鮮頂級安格斯牛肉牛肉唔肥，幾嫩滑，有牛味墨魚滑併蝦滑一次過試晒兩款蝦滑墨魚滑，幾新鮮彈牙炸響鈴每次打邊爐必叫，香脆可口，淥3秒食得，夠快娃娃菜，又幾多，最好打邊爐第一時間食野飲叫左加多寶同竹蓆茅根水下下火兩個人都食到超飽，食唔晒d 野，但好滿足！…查看更多

最近到銅鑼灣的瀧宴鐵板燒餐廳品嚐了他們的午餐套餐，整體而言，這是一個令人印象深刻的用餐體驗。從前菜到主菜，每一道菜品都展現了高品質的食材和精湛的廚藝。開場的前菜蟹肉蘿蔔非常精緻，蘿蔔的脆度和蟹肉的鮮甜完美融合，為整餐帶來了清新的口感。接著的香煎鵝肝伴自家製醬汁更是令人驚艷，鵝肝的柔軟口感和濃郁的味道十分好吃在主菜方面，野生大虎蝦和香草牛油帆立貝都表現出色。大虎蝦的鮮嫩肉質和鮮甜的味道令人難以抗拒，而香草牛油帆立貝則帶來了豐富的海鮮風味，完美地融合了香草和牛油的香氣。另一道令人驚喜的菜品是鐵板銀鱈魚，魚肉鮮嫩多汁，搭配上獨特的鐵板燒烤風味，令人回味無窮。美國頂級牛肉更是這頓餐點的亮點之一，有牛柳粒同牛肉片，肉質嫩滑，口感極佳，配搭蒜片一絕，每一口都充滿了濃郁的牛肉風味。鐵板炒飯配海帶麵豉湯和炒雜菜都很出色。鐵板炒飯香氣四溢，米粒鬆軟，配上海帶麵豉湯的鮮美湯底，為整餐增添了豐富的層次感。整體而言，瀧宴鐵板燒餐廳的午餐套餐絕對是一個令人滿意的選擇。他們將高品質的食材和精湛的廚藝完美結合，打造出一道道美味的料理。加上舒適的用餐環境和友善的服務，這是一個值得推薦的餐廳！…查看更多

今日禮拜五又約咗同事Happy Friday lunch去食燒肉, 去返公司附近嘅燒肉one, 之前都食過幾次,不過同事未食過,就介紹佢黎食吓上次就冇晒A4和牛三角肉套餐，今次終於有啦, 叫左日本A4和牛三角肉套餐同埋朋友叫宮崎A4和牛牛肩胛套餐套餐就包咗珍珠飯、麵豉湯/沙律/枝豆、甜品，套餐再加牛肉仲有半價幾抵，所以我哋都各加左一碟宮崎A4和牛牛肩胛套餐和牛入口即溶，表面充滿油花，啲油滴落去即刻搶火，但係油得黎又唔係好肥，好正，一燒佢就捲埋左一齊，揀咗個紫菜溫泉蛋飯，撈埋個蛋漿落啲飯度，充滿蛋香味餐廳有好多調味料可以揀，配搭返唔同嘅燒肉日本A4和牛三角肉套餐和牛三角肉相對就冇咁肥，大塊少少，相對冇咁多油花，牛肉非常嫩滑，好好味，味道濃郁跟餐有汽水食完主食，最後就有個甜品，我揀咗泡芙，朋友揀咗雪糕這家燒肉餐廳的環境尚算舒適，唔會太迫，座位都闊落，可以同同事吹吓水食完滿足嘅呢餐，充滿能量繼續返工…查看更多

第一次食omakase ，朋友同我都想試吓，就揀咗一間位於跑馬地嘅餐廳，因為我哋都係港島返工，呢間餐廳仲好難book要一早book，見到個門口幾靚，好有大自然嘅感覺入到去廚師就同我哋講咁啱有兩台客cancel咗 Booking，所以就變咗我同朋友包咗場，佢一個serve我哋兩個，變咗VIP，餐廳最多serve 到10個客首先前菜就係日本過年會食嘅嘢，有魚蛋、蝦、黑豆等好多唔同款好精緻既小食，廚師逐樣介紹俾我哋，又講吓啲日本名，好用心之後有蝦湯，有魚蛋、蘿蔔、紅蘿蔔日本魚嘅刺身-真鯛，啲魚係日本即日空運送來，所以好新鮮，完全唔腥細白蝦肉，好多隻白蝦疊埋一齊，味道好特別，香港好少食到赤貝廚師好細心咁𠝹開雕花，味道鮮甜，爽口有口感水八爪魚刺身有八爪魚肉同超大吸盤，廚師拎隻八爪魚出黎俾我哋睇，超級長，好新鮮，食落爽脆唔韌，好有口感海老真丈蝦加蛋整成蝦餅嘅物體，好有蝦味，唔錯三文魚子超級新鮮，平時食嘅魚子都冇咁彈牙爽口，廚師仲示範掉落地仲識彈起北海道香雙蟹廚師好細心拆晒啲蟹肉蟹膏蟹子出嚟，放滿蟹殼，超級新鮮最後就係壽司，唔同嘅日本魚片配飯，廚師逐一介紹，最常見嘅有帆立貝、魷魚同吞拿魚，其他就係少聽到同食到既日本魚，全部都好新鮮最後仲有個麵豉湯同埋甜品，真係食到超級飽好滿足，廚師好好人好用心咁逐樣壽司食材介紹，分享好多日本文化傳統俾我哋聽，好開心滿足既一晚…查看更多

又到開心星期五，今日就同上司嚟食好嘢慶祝，就帶咗佢去公司附近嘅黑門水產，之前食過尖沙咀分店，銅鑼灣分店就未試過，原來超近公司，見到就好掛住大阪既黑門市場一入去就聞到好大嘅海水味，真係好似置身喺黑門市場一樣北海道蜜柑鯛薄切刺身食得日本嘢梗係唔少得刺身啦，我哋就叫咗個蜜柑鯛魚，真係切得超薄，好考功夫，配埋嗰個酸酸嘅蜜柑汁，又幾match海膽蟹味噌甲羅燒呢個超正，有海膽、蟹籽、鵪鶉蛋、蔥同蟹膏撈埋一齊，啲料好新鮮唔會腥，配搭梳打餅一齊，太多料一塊餅唔係好夠，所以叫侍應俾多塊黑門令大漁魚子醬脆脆包有蝦、蟹籽、三文魚子、魚子醬、吞拿魚蓉、海膽加個脆脆包，超級爆多餡料，又好新鮮，睇落都覺得好正，大滿足 金菇肥牛串，呢個都燒得唔錯黑門令四食有三文魚、吞拿魚、三文魚籽飛魚子迷你丼，再配個蟹膏蟹肉，仲有個蒸蛋、麵豉湯同沙律，份量好多，個蒸蛋好滑鹽燒鯖魚定食鯖魚燒得幾香又唔腥，不過食唔落白飯超滿足嘅一餐，我地兩個都食得超飽！…查看更多

今日Happy Friday同朋友去咗尖沙咀食晚飯，朋友想食韓國嘢，我係網上揀左間好得意嘅啤啤韓國餐廳，位於諾士佛台嗰邊門口見到好大隻嘅啤啤，同埋餐廳裏面都有一隻，玩味十足，餐廳都幾大好多座位，同埋有籃球機同跳舞機嘅裝飾擺設，再入面仲有部沙包機，一蚊一局好抵玩揀咗個蕃茄韓式辣海鮮湯配中華麵、芝士鐵板泡菜炒五花肉、蟹籽海鮮蛋捲同埋炸魷魚前菜有泡菜同豆芽，少少辣可接受炸魷魚炸得幾香脆，幾厚身蕃茄韓式辣海鮮鍋配中華麵裏面有蝦、青口、魷魚、蜆多款海鮮，好新鮮，因為我唔食得辣就叫咗少辣，個蕃茄湯底酸酸地又唔太辣幾開胃，加埋個麵夠晒飽肚另一個主菜係芝士鐵板泡菜炒五花肉，好多芝士，蓋過咗個泡菜味，所以食落又唔算好辣，份量都幾多仲叫左個小食-蟹籽海鮮蛋捲，都幾大份，上面好多蟹子同沙律醬，裏面海鮮都幾足料，有唔同種類既海鮮每樣份量都多，食到好飽，總括黎講都唔錯…查看更多

自從去完三亞，試過美味的椰子雞煲之後，一直想再試，都食左幾間，但都相當一般。今次試吓呢間喺尖沙咀既火鍋，本身冇諗住食椰子雞煲，但朋友想試，咁就點左個海南椰子文昌雞鍋湯底。兩個人食成隻雞真係好多，好誇張，不過冇辦法，沒有半隻雞的套餐可點！如果四個人食應該啱啱好。湯底上來的時候staff話全部都係真椰子水，好大一煲，好鮮甜，應該有至少五個椰子，少少的椰肉同紅棗枸杞，居然發現還有d珍珠馬蹄！！珍珠馬蹄比正常馬蹄細好多，而且口感完全唔同，食過脆脆甜甜的，呢間就有點粉粉的，都幾好味！放入雞肉後水滾八分鐘就可以開始飲湯食雞肉啦！啲湯蒸發晒，仲有個新鮮椰子水可以加。重點介紹一下個椰子雞醬油蘸料成份：醬油，辣椒，青檸檬，沙薑。真係少一樣多一樣都唔得，清清辣辣的感覺。不會太重味蓋過海南雞的鮮味，又可以祛除清湯雞肉的微腥！除咗雞之外，我哋另外都叫咗潮汕雪花牛、墨魚丸，響鈴同珊瑚蚌雪花牛幾新鮮嫩滑，好食墨魚丸好彈牙好好味仲有珊瑚蚌都好新鮮，響鈴都炸得幾脆人多還可以book唱K房，大堂都有，效果都唔錯，唔怕尷尬可以唱比全部人聽！…查看更多

而家既天氣最啱約朋友去打邊爐傾下計，大家又好想食海鮮，揀左間位於大角咀既粥底火鍋，比較近奧運地鐵站，不過都要行十分鐘，好彩訂左位店舖不大，但職員都好快安排我地入座。餐廳有幾款海鮮套餐，我地就揀左肉蟹餐，上菜速度都好快，好快就可以開餐。仲有教學教點樣煮海鮮既次序同時間，有時我地掛住傾計，職員都會幫我地加水同提我地煮既時間，好貼心。我地點左個肉蟹餐，本身套餐包6款配料，我地另外再叫左雪梨海底椰，唔太甜幾好飲。海鮮都好新鮮，特別係隻肉蟹，份量好足，好鮮甜，其他海鮮都好好味。同朋友食完海鮮之後，再食埋6款配料，有肥牛、響鈴、生菜、鮮蝦雲吞、花膠同埋牛丸超級滿足，職員再幫我地煮粥，加左d 配料落去，真係食到好飽，不過個粥就略為淡味，鮮甜味不足，整體今餐都好滿意，下次會再同朋友黎食!…查看更多

今日放工約咗朋友敘舊，揀中間點旺角方便大家，朋友想食日本嘢，所以就揀咗間居酒屋位於旺角新城樓上可能平日嘅關係，餐廳唔算好多人，唔洗等位，不過卡位就坐滿人，裏面都好光猛同闊落企理，聽店員講原來旺角舖係新開嘅，尖嘴都有間分店，店員都好nice,推介我地食仙台厚切牛舌，不過我哋就麻麻哋鍾意，所以就冇點我哋叫咗海膽炒飯，海膽新鮮唔腥又鮮甜，配搭青瓜，再加蟹子雞蛋炒飯，炒到粒粒分明，份量剛好，味道唔錯另外點左炎壽司盛有八件壽司包括鰻魚、火炙三文魚、火炙左口魚同埋火炙蟹棒，d 料好大件，三文魚好肥美，食落去入口即溶，好好味，啱晒唔鍾意食太生既我鹽燒牛舌串，我比較鍾意薄切，充滿黑椒香味，燒得唔錯七味雞軟骨，燒得幾香口我哋食量唔係太大，所以份量都還好，食物質素唔錯，同埋又唔限時，埋單每人大約$200，下次再encore…查看更多