我地2個人叫左任叫任食蒸氣石鍋海鮮餐, 每位盛惠$388, 另加茶芥每位$20, 酸菜每碟$28, 再加一, 2人總共食左$928, 食2小時, 食咁貴, 換黎只有失望。失望原因有四:一. 食物唔新鮮
佢啲海鮮真係好唔新鮮, 攞出黎俾你食嘅, 都係雪藏, 貝殼類食品, 包括: 鮑魚、馬刀貝, 仲要有陣臭味, 係好唔新鮮嘅臭味。問個侍應, 佢話因為有青口, 青口係咁嘅味......大家判斷下會唔會係因為青口, 所以成堆貝殼類食品會臭.......二. 唔抵食
每位$388嘅任食任叫, 但海鮮並唔係任食架, 只可以揀4款, 仲要每人每款只有一隻, 即係: 叫美國桶蠔...只有一隻、叫海蝦...只有一隻、叫龍躉件好啲...有2件。我就覺得真係唔抵食!! 如果佢係新鮮都算啦, 弊在佢唔新鮮得黎, 個量仲少到不得了。其他食物, 如: 牛肉、菜、丸, 係任叫任食, 但都有得你食先得(原因睇下面)。三. 上菜速度極慢
計埋我第一次落單, 成餐飯我只係落過3次單(如果食普通放題一定唔止)。叫下牛肉、菜、丸咁, 每次落完單都要等半個鐘先黎, 係半個鐘!! 仲要每次限死你幾多人, 就叫幾多份, 叫多都唔俾你。結果, 成餐飯就係等.......四. 漏單之餘, 仲推卸話係廚房執漏, 唔關佢地事
任食中係包幾款點心, 如: 馬拉糕、薑汁糕、荷葉糯米飯等。三次落單, 三次我地都有落點心, 但佢點心最後一樣都冇黎過。第一次漏單個時, 我地追單, 佢話廚房執漏, 叫我地再點過, OK, 咁再點。第二次其他野食都黎, 係無點心, 咁我問:「係咪冇點心呢?」侍應話有, 廚房執漏。咁我話, 不如你幫我地追下, 佢就話:「我有入單, 廚房執漏, 你再點多次啦。」OK, 咁再點過。到最後其他野黎時, 見到佢架車有點心, 但佢竟然話籠點心唔係我地, 係43號枱。我同侍應講, 我地叫左3次, 3次都冇, 個籠點心可唔可以俾左我地先, 佢唔肯, 話係第二張枱架, 連單都唔幫我地追!!! 真心嬲......到最後都係冇點心黎過。最嬲係我臨走時去廁所, 行過其他枱, 人地係有點心架!!! 大大籠馬拉糕、薑汁糕!!!好真心奉勸大家, 要食蒸氣火鍋, 真係唔好去呢度食, 食唔飽之餘, 仲換黎一肚氣, 食物、服務態度都真係差到不得了。講真, 2個人食$928, 出面大把選擇。大家眼睛雪亮, 上面好評打手所講嘅, 可以衡量下真偽。我食完真係唔覺有佢地講咁好。…查看更多
佢啲海鮮真係好唔新鮮, 攞出黎俾你食嘅, 都係雪藏, 貝殼類食品, 包括: 鮑魚、馬刀貝, 仲要有陣臭味, 係好唔新鮮嘅臭味。問個侍應, 佢話因為有青口, 青口係咁嘅味......大家判斷下會唔會係因為青口, 所以成堆貝殼類食品會臭.......二. 唔抵食每位$388嘅任食任叫, 但海鮮並唔係任食架, 只可以揀4款, 仲要每人每款只有一隻, 即係: 叫美國桶蠔...只有一隻、叫海蝦...只有一隻、叫龍躉件好啲...有2件。我就覺得真係唔抵食!! 如果佢係新鮮都算啦, 弊在佢唔新鮮得黎, 個量仲少到不得了。其他食物, 如: 牛肉、菜、丸, 係任叫任食, 但都有得你食先得(原因睇下面)。三. 上菜速度極慢計埋我第一次落單, 成餐飯我只係落過3次單(如果食普通放題一定唔止)。叫下牛肉、菜、丸咁, 每次落完單都要等半個鐘先黎, 係半個鐘!! 仲要每次限死你幾多人, 就叫幾多份, 叫多都唔俾你。結果, 成餐飯就係等.......四. 漏單之餘, 仲推卸話係廚房執漏, 唔關佢地事任食中係包幾款點心, 如: 馬拉糕、薑汁糕、荷葉糯米飯等。三次落單, 三次我地都有落點心, 但佢點心最後一樣都冇黎過。第一次漏單個時, 我地追單, 佢話廚房執漏, 叫我地再點過, OK, 咁再點。第二次其他野食都黎, 係無點心, 咁我問:「係咪冇點心呢?」侍應話有, 廚房執漏。咁我話, 不如你幫我地追下, 佢就話:「我有入單, 廚房執漏, 你再點多次啦。」OK, 咁再點過。到最後其他野黎時, 見到佢架車有點心, 但佢竟然話籠點心唔係我地, 係43號枱。我同侍應講, 我地叫左3次, 3次都冇, 個籠點心可唔可以俾左我地先, 佢唔肯, 話係第二張枱架, 連單都唔幫我地追!!! 真心嬲......到最後都係冇點心黎過。最嬲係我臨走時去廁所, 行過其他枱, 人地係有點心架!!! 大大籠馬拉糕、薑汁糕!!!好真心奉勸大家, 要食蒸氣火鍋, 真係唔好去呢度食, 食唔飽之餘, 仲換黎一肚氣, 食物、服務態度都真係差到不得了。講真, 2個人食$928, 出面大把選擇。大家眼睛雪亮, 上面好評打手所講嘅, 可以衡量下真偽。我食完真係唔覺有佢地講咁好。…查看更多
