最近同屋企人食呀爸生日飯，喺銅鑼灣呢間食咗新出嘅「高原珍饈 宴彩雲南」潮菜系列，真係有種一秒去咗雲南嘅感覺🌄，個人覺得呢個雲南系列 誠意十足👏。一坐低前菜就有「玫瑰洛神花百香果」🍹百香果肉同洛神花，味道酸酸甜甜，開胃到不得了😚！主菜「火焰燒汁雲南鮮菌鱸魚」🐟用咗雲南鹿茸菌同姬松茸菌，鹿茸菌爽脆又鮮美，聽講仲對身體唔錯💪。將新鮮菌子酥炸，再配埋炸鱸魚最後淋上自家製雲南風味醬汁，食落外脆內嫩，真係好味到停唔到口🤤。「新鮮姬松茸竹笙花膠羹」🍲，用咗姬松茸、諾鄧火腿、竹笙同花膠，啖啖都係珍稀食材。諾鄧火腿用咗千年鹽井嘅鹽醃製，竹笙滑溜，花膠膠質感十足，飲完成個人都覺得滋補咗😌。「金耳伴蝦膠釀羊肚菌」🍄，金耳有「耳中貴族」之稱，外形靚到好似金色花朵🌼。金耳放入南瓜金湯，湯汁掛滿每一片，清甜又滋潤。羊肚菌釀咗蝦膠，一啖爽嫩，一啖軟糯，層次感非常豐富😮。甜品「玫瑰花醬反沙芋頭」🌹，係我最期待嘅，個人好中意食芋頭。呢款芋頭炒到乾身，外層包住砂糖，咬落去有淡淡玫瑰花香，清甜又唔膩🥰。真係好推介。 成餐飯食到好滿足，每道菜都見到主廚嘅心思同手藝👨🍳。雲南食材新鮮又有特色，配合潮菜嘅烹調方法，真係食到唔同層次嘅味道👍。同埋餐廳環境都唔錯，仲有包房可以同屋企人一齊喺度食飯，仲有啲私人空間添 。…查看更多
