VLAW0505的個人專頁

今日係嘅尖沙咀，見到有間好靚嘅和風裝修，入餐廳前有好多燈籠好靚！我哋先叫咗兩個沙律杯，一個係海膽加吞拿魚蓉一個係海膽加生蠔，造型賣相好精美好高級，而且都好好食好鮮甜！現時餐廳做特價甲羅燒多士都係$30，蟹肉蟹膏加咗燒酒有陣酒香味，好清香！雞皮餃子好特別，燒雞皮又好香，令人一想再食！但係八貫壽司拼盤比較不吸引，三文魚唔夠肥美，油甘魚好薄又無光澤，這款壽司拼盤性價比比較低。鵝肝壽司就比較驚豔，大大塊而且入口即溶超正！餐廳因為新開張關係，主動提供八八折優惠到12月中超正！仲送上芝麻味同綠茶味雪糕！…查看更多

今日行經鰂魚涌，見到一條巷仔入邊有一間四川菜食，就入去試下，叫咗個所謂全港首創煲仔酸菜魚，結果有點名過其實。酸菜魚可選擇龍利柳$158或者是滑魚片$198，我最後選擇的或滑魚片都有點令我失望，滑魚片切得很厚，口感好像食鯇魚，不太沾滿酸菜魚入邊嘅湯汁，辣度是夠的但湯汁不太酸，食落似水煮魚比較多。令我再叫多個香噴噴臘味煲仔飯配酸菜魚撈飯，都好好味！啱曬而家天氣凍凍地食！至於其它的食物紅油抄手，食得出用新鮮蝦打的，好大粒好彈牙！值得一試！…查看更多

掛住阿媽靚湯嘅時候就去椰小盅飲個靚湯，原個椰子燉當歸乳鴿湯超足料，有好香藥材味超正！果然係米芝蓮星級程度嘅燉湯，而且啖啖回甘又香！名不虛傳，果然有媽媽住家湯嘅味道！不過個湯超級熱辣辣，如果大家要飲要小心啲要攤凍咗先飲好D！跟餐加$25就有飯有甜品花奶啫哩，又有玫瑰露豉油王雞脾食好抵！店員好細心遞上豉油雞髀時（已經切好碎上，唔使食得好狼狽），我已經聞到雞脾好香玫瑰露酒香味，雞髀肉滑溜唔會好柴，加埋個紫薯飯真係一流！…查看更多

好耐冇食過臺灣菜，行經旺角呢間餐廳見$68元就有一個午餐套餐，包飲品沙律所以就入去。餐廳格局好寬敞，而且係動物友善餐廳，有D顧客帶住D可愛狗狗呢！感覺好似去咗西貢咁休閒嘅地方！食物方面，古早味牛肉麵嘅牛展肉炆到好腍，鹽酥雞好大塊炸到好香口好脆！唯一可惜的是面的份量有點不夠。沙律有青瓜配椒麻醬，芒果沙律就配上柚子醬，兩款都好開胃！跟餐的免費飲品有冬瓜茶烏龍花茶，都唔錯！餐廳唔使加一服務費，以$68午餐套餐來説，性價比高！…查看更多

一入餐廳就覺得好闊好大好靚，而且餐廳位處23樓可以望到旺角嘅夜景，服務員都好有笑容又有禮貌招呼，感覺十分良好！至於食物方面，最令我驚豔的就是椒鹽墨魚咀，墨魚咀超大粒，Size同魚蛋一樣，所以超彈牙，而且炸漿又唔會太厚，超好味！至於其他嘅食物，日本霜降牛肉冇筋，好有牛味超正！廚師特製餛飩有三隻口味，鵝肝、蟹肉、黑松露味，三款都好特別！特別係隻蟹味好鮮味又鮮甜！花雕醉雞份量超多，有半隻雞，我哋幾個都食到好飽！…查看更多

好耐都冇去食越南菜，今日同朋友去食我最鍾意嘅蒜蓉牛油雞翼（$58），雞翼好大隻，一咬落去就會有蒜蓉牛油汁，好香又脆口好好味！我仲加左啲金蒜落去牛板健火車頭雜錦牛河（$88），啲蒜頭炸到好香幫牛河提昇咗一個層次！超正！什錦牛河入邊有鮮牛肉牛柏葉牛丸芽菜等等嘅配料，而且個湯底都好有牛味添！店員好好仲免費幫我哋加大河粉，份量超多，我哋兩個人食到超飽！香茅燒豬扒份量超多，有好香嘅香茅味唔會好柴身，價錢都係$48，超抵超多！最後我哋嗌咗個薑檸燉蛋做甜品，用薑汁煮燉蛋，配上少少嘅青檸汁，感覺都好清新好特別！下次試下睇下自己可唔可以在家試整先！…查看更多

店內的服務員服務態度良好，好快安排我位置坐低好快就遞上熱菊花茶（茶位$13一個人），服務態度親切又有禮貌！今次叫了潮式咕嚕肉（$138），即叫即做所以咕嚕肉外邊比較乾身，因為醬汁包喺入邊，估唔到都咁脆口，肉質彈牙好好彈牙好好味！😋😋😋另外我仲叫咗高佬叔奶茶（$25），不得不讚的是高佬叔奶茶超香濃，茶味好濃郁，勁好飲又好香滑！😋店內位置不多，走私房菜路線，晚飯時間坐滿人，如果大家要來預約會比較穩陣呢！…查看更多

一入門口我見到餐廳裝修格局好似日本嘅居酒屋，而且小店裝修好似日式家庭式經營嘅居酒屋格局，好似去咗日本旅行咁嘅感覺，小店感覺好溫馨！廚師師傅遞上原條鰻魚超大條超長，長過隻碟，再加兩個好有驚喜嘅燒飯糰，飯糰有特製嘅鰻魚汁，師傅燒到飯糰外邊全部係飯焦包圍住，而且入邊都唔會燶又唔會乾，好考師傅功架，而且入面啲飯粒就好煙韌，好有驚喜一餐！午市套餐仲有薯仔雜菜沙律！仲配上一支橙汁！份量超大碟，直到到夜晚我都好飽！好抵食！…查看更多