Chocolatepig87的個人專頁

因為朋友介紹哩間既下午茶好靚，但味道未知好唔好所以以生日既大前題去試下菜。openrice 訂左2位3點，生日派對。去果道既地標都唔算好遠，不過果棟野似住宅大廈，部笠好慢下，上到去1眼望到餐廳，而且入面都好靚，好多打卡位，好寛敞，街境都唔錯。點左個tea set同薯條。薯條唔係hea整，啲汁好濃好杰，不過就好快硬因為白汁芝士既關係，tea set都即整既，唔洗等好耐，啲蛋糕仔同馬卡龍都好正，我平時唔中意食馬卡龍，因為咬落去好笠痴痴，個人喜好唔中意檸檬，但哩個高質素唔念牙，蛋糕仔唔係好多cream果啲，好岩我自己口味。唯獨個泡芙覺得麻麻地。不過啲野飲都好特別，蜜桃熱情果梳打，甜度適中，而且仲有裝飾，好卡哇兒，同埋個tea set有寫happy birthday..好有心。整體價錢同質素成正比，可以再同啲朋友同事encore。…查看更多

前幾日約左朋友仔去沙田食飯，冇咩想食之下就試下哩間想食好耐既西式日本餐廳。因為2個人食唔到好多野，淨係叫左我中意食既雞肉pizza同 caesar salad半份，坐落其實麻麻地舒服，不過整整齊齊，服務員都好貼心比多張櫈放背包，唔洗坐得咁辛苦，食物質素中中板板，唔係唔好味亦都唔係特別好味，個沙律好hea..個炸包粒好硬但係唔脆，咁既價錢哩個質素我諗下次都唔多想encore..btw..地點叫做沙田中央廣場所以可能貴啲瓜???…查看更多

星期六同班同事放工去hi tea..因為大家都好中意hi tea 打卡，佢介紹哩間日式精緻貴婦afternoon tea，入門口經過間princess..間野都幾得意xD..入到門口都叫幾grand..非一般既服務，因為個tea續件續件由服務員放上層架，皇帝式享受，個toliet都放好多日用品，估你唔到有牙刷，而食物方面好壞參半，其實都會飽到濟。咁既價錢我覺得好抵食，而且啲點心好靚靚好精緻，happy..…查看更多

因為朋友生日食完飯食甜品，哩間想食好耐所以建議大家泥哩間食飯後小聚，個裝潢都唔錯，跟到香港潮流既店舖，不過面積好細，上上層個位置差啲行左去洗手間，都唔緊要，路係人行咖姐，不過上層有啲奄臭既味，而且個女侍應態度好厭世，問多2句係咩野飲都黑口黑面唔想答你覺得你煩咁，今時今日咁既服務態度簡直好似想趕客，我地1人叫1杯野飲梗係問清楚邊個打邊個，費是飲左人地嗌杯野都正常丫，我地嗌左個牛扒雪糕個女侍應連碟都唔比隻我地，啲匙羹都係我自己去格離枱攞，有優惠又唔同我地講，簡直可一不可再。…查看更多

因為facebook見到哩間餐廳有花膠雞煲所以邀請朋友來個聚餐養下顏。哩間餐廳響旺角中既較偏僻大廈，入去似做美容果啲商廈咁，指示亦都唔係好清晰，都要搵1陣先上到去。上到去個裝潢營造舊式風味，有好多大水壺，之後先知係裝湯底，都幾得意，而且侍應加湯都用手護住加，幾窩心既服務，唯堇講野唔咸唔淡既普通廣東話真係攪笑。野食方面湯底濃郁，雞都算滑，而且花膠都有一整碟，其他配件都係麻麻地，冇特別好味既丸嘍。個豬腩肉都唔差既，整體都唔差既，人君掛200蚊，正常打邊爐嘍，不過乾淨企理，快靚正。…查看更多

因為附近返工既關係，所以成日都要試付近既野食，哩間之前都食過常餐，覺得好普通無特別所以無再食過。近日發現佢拉左個橫額有特別外賣及下午茶，外賣差燒瀨都係16蚊。天丫，16蚊而家哩個世代都唔知買到啲咩野可以當一餐溫飽既午餐。所以我決定再試。地點都方便既，入到去有招呼，成個過程只需5分鐘連等外賣，方便快捷簡單，而且全日供應。岩晒我拎返公司食。打開飯盒，對眼發光，估唔到有配菜而且份量唔少，足夠女仔既食量，啲差燒勁厚切都幾驚喜。不過個人認為味道要自行調教。總括是良心驚天小餐廳，我都會比滿意既分數。…查看更多

經開尖沙咀發現儲存好耐既哩間餐廳，雖然會敏感仍然勇於嘗試，果棟成棟野都係食市，所以選擇困難應該會好困擾。1入到去，裝潢都算不俗，位置從容唔算太迫。因為有目標而入所以好快選擇好食物，而且時限問題要盡快上菜。我選擇左炸物摩天輪，因為賣相幾靚，不過食落好dry..因為有3格都係相同炸物，而且估唔到都飽，可能因為油膩。另一個叫左個辣帶子意粉，哩個麻麻地，勁多油。雖然冇叫到主打海鮮包，但係個摩天輪都算可以接受，不過多人食會好好多。總結哩個價錢哩個質素麻麻地，可一不可再。…查看更多

之前收到too full for food推介試食金莎心太軟雪糕所以上去dinner..book左枱既，上到去唔洗等都有位，位置迫少少不過裝潢都唔差既。叫左2個set dinner..忌廉汁煙3文魚意粉，個賣相都幾靚，食落okay既。仲有叫左大蝦茄汁意大利飯，個蝦唔大既雪藏蝦，啲汁都好濃忌廉味，味道不錯。熱0茶都係茶記咁既味。個金莎朱古力心太軟係主打，食落都有驚喜既，堅流心同堅vanilla雪糕。總括感覺唔錯，賣相okay..食落質感都1分錢1分貨，如果平啲啲食家就開心啲嘍～…查看更多

本身經開沙田希爾頓，成日行過都有留意有間西餐廳裝橫都唔錯所以今次入去試試佢。星期六既下午見到都8成滿座，各樣感覺都唔差既。睇1睇lunch set..對於我來說下午茶時間都要80蚊未加一既一個人頭餐消費覺得有點肉痛。食落味道都可以不過唔值票價嘍～如果平啲都可以encore既，哩個價錢哩個質素當佢cafe傾計都可以，叫我再來食野就免了。總結來說服務一般，味道一般，賣相一般，價錢非一般，已經覺得不行了。…查看更多

之前睇到哩間啲pancake抵食，賣相又靚，吸引左我去旺角專門去食。去到已經有幾個等緊，都預左要等，咁首先叫左個普通pancake試下水溫先，佢同我講等20分鐘，咁聽落都接受到，咪響1街邊等，又冇位坐又無位排隊，真係唔知企邊，最後等左50分鐘先等到，勁無奈嘍。咁以為真係好好食等咁耐都無所謂啦，點知食落去，似食緊空氣綿花糖，心中既粗口同食物good一聲吞晒入肚，哩間野以後都唔會再去，只可以比相機食，本人主觀人食就免啦～多謝大家。失望…查看更多

九龍灣好似好多野食，但係商場入面全部都係貴價野食，完全唔想考慮去食，星期六返半日已經好攰仲要諗食咩，何其苦惱。所以4周圍睇下，周圍都係人山人海既蛇餅，唯獨是滿記有位冇人排，其實都冇為意係滿記，睇下menu啲咸食都岩口味先知原來係甜水鋪，咁就試試佢。裝潢同位置都叫okay..闊落既啲位，不過啲櫈硬過我條命咁姐。試左pizza都正正常常，可以入口。有湯，不過就麻麻地啦，啲野飲有個荔枝咩咩咩熱飲都唔錯，有龍眼肉，叫做比左心思啦～不過菠蘿果個叫左凍飲就唔得嘍。果個芝士流心窩芙真係想打交，硬晒啲蛋，乜都冇流好dry..得啲菜，唔識欣賞。整體okay既如果識叫既話，lunch都附送湯質地既多多芝麻糊，仲想點丫。…查看更多

今晚去鑽石山睇戲所以選擇附近食，food court拆左後只淨下元氣及泡菜國既燒烤，唔想咁熱氣所以簡哩間試下。位置及裝潢都係一般，唔闊落既2人位，枱面岩岩好夠放晒2人晚餐既食物，拉麵真係麻麻，小食仲好食過個拉麵多多聲，應該改名叫札幌小食嘍。雞軟骨串同燒雞翼都不過不失，南瓜炸餅都唔差喎，有人唔食南瓜都食到入口，哈。不過冇野飲同甜點嘍～服務都即叫即到，埋單出去counter比唔洗等，總結都正正常常，諗唔到食咩都會再幫襯。…查看更多

有人話想去間有啲質既餐廳咁就順意應約去哩間啦，其實每次經過都想搵個機會試下既，入到去個座位都算闊落，2人餐都抵食咁就叫個set。裝潢都有啲氣息咁，但係好噪。啲食物全部都好似中東運過泥咁，聞落好香，食落咸到喊。叫左個豬肩扒食，啲肉質唔太粉嫩，而且啲配菜都好無心意，煎都唔煎下個面。杯野飲果然好special,,3酸都接受到既酸味，okay既，果個荔枝飲完覺得好奇異，咁既價錢咁既質素算係咁，醫到飽肚咁嘍。…查看更多

晚上去希慎食，哩間響13樓，見到少少view，格局都唔迫既。日式食物仲有中國風味點心食之餘仲有台灣野食，幾多元化。order左千層豚肉擔擔面，原來幾過引，係好似肥牛咁既豬肉片疊埋一齊炸，一開頭覺得咁鞋既又咬落去啲肉又碎晒咁，望落原來一層層豬肉片扒炸豬扒，得意到都唔記得左啲肉鞋。再點左加州卷，no surprise..整體都okay啦，不過張櫈冇得挨。…查看更多

一直有留意tea set既介紹想試，今日lunch time試下食，其實銅鑼灣希慎食野哩個價錢都尚算可以啦叫做。不過個綠茶拉麵冇送好齋嘍。不過叫左個綠茶芝士蛋糕套餐個葡萄煎茶好驚喜，個茶啲果味慢慢滲出來，而綠茶雪糕紅豆有回甘既味道，而個綠茶芝士蛋糕配埋一齊就遜色左嚕。總結味道咸食尚算可以，甜品套餐唔錯啦。…查看更多