arthurababy的個人專頁

這幾天政府禁了堂食，只好買外賣。沒有外賣紙寫，只能對住個廣東話都唔正的阿姐落單，面同餃子都落錯哂，煎餃變煮餃，豬骨湯變辣湯，服務本身已經差過舊澳牛，不過外賣就無所謂啦，我理得你同啲食客開片，依家仲要落錯哂單，CP值再高都無用啦！因為比錯哂野你。不會再回頭。而且食物品質差了不少，米線沒有以前彈口，湯沒有以前香濃，芝士餃子味道也變得怪怪，唯不變的是菜脯，保持風味。和份量跟以前一樣多，餃子大大件。But anyway 不會再回頭了。…查看更多

基本上我全家都是牛涮鍋同牛角fans，咁大肚就生，之後坐月無得食，諗住趁生之前去食下啦！攞飛個時，原本4人枱到B32，咁我就用app按了B38, 去到佢門口仲係B35, 突然系統跳到去B39？？？同個知客話我地B38, 個知客就答應B40後補番比我地。個知客見到好多四人台執緊，就話應該好快有台，咁我地出面都見走左唔少4個人，就唔同佢針究系統跳號原因，等佢一陣，點知B40話B41,B42同佢地都係一team人，個知客就放哂佢地入去。話係一齊就可以打尖？？？咁似某啲旅行團。。。結果等左成個半鐘，個知客真係唔知好心定點，見有我地有孕婦，最終都係話無台，應該仲要等好耐，意思就好似係《唔好等啦，恩住餓親個孕婦》最終都無同佢地嘈，一來嘈啲位又唔會生出黎，二來系統跳飛同個知客嘈都無用，知客覺得B40話係一齊就可以出爾反爾，比後面B41, B42入哂先。人地孕婦優先，佢就《一齊》優先。對這種安排真是深表遺憾。應該之後也不會再去元朗的牛角了。…查看更多

驚喜太陽蛋很出色我是太陽蛋怪魔，對太陽蛋有要求。今次嘅太陽蛋真係唔錯。先講蛋黃，生蛋黃同反蛋都係咁出色，無腥味，同日本蛋有得fight.蛋白都係正正常常，唔會有苦味，唔燶。可惜無脆邊，有埋脆邊就一流啦。其他野例如豬扒雞翼一般。50蚊樓下，你叫我食大X活or大x樂，我會食呢間。除非個日我想食焗豬扒飯。CP值來說就大x樂程度。等位來說，lunch time去食2個人等左10分鐘左右，可接受。回頭率60%小額金差額注意⚠️（佢餐牌上面寫各式汔水加4蚊，但事實上係加8蚊，因為佢意思係餐跟飲品加4蚊，各式汔水要再加4蚊）…查看更多

CP值爆低的拉面日式拉麵來來去去都係咁，以為有米芝蓮嘅加持會有令人意外的美味，卻。。。講重點1.環境方面，眼見的地方都乾淨，擺盤整齊企理，除了侍應把人客食完的紙巾放入食完的湯碗中，即刻跌番去茶餐廳級數。坐得遠的話，侍應會遞比你，但拿碗是手指插湯式，好彩碗身高，湯低，應該點唔到。。。掛2.味道來說不過不失，我叫的是醬油味玉拉麵，面身有咬口，叉燒夠大塊，蛋就真係一流。不過我叫大份，佢個面唔係替玉，而係一齊加落去，食到後期，面就不能保持最佳狀態。呢個收費來說，做唔到呢點很可惜，扣分。湯底油而不膩，本身偏淡，但加了一小份黑松露，搶了湯面本身的味道。本人覺得一大是敗筆，裝高級卻浪費了湯汁，浪費了黑松露，恕我唔識欣賞。3.我lunch time去食，基本上4個人都不需等位，上面大概10分鐘左右，我個人都接受到。4.加一消費，全部過HKD100 up/人。份量大的話飽到。結論：cp值一爆低，呢個價錢選擇太多，no next time…查看更多

老老豆豆, 好少人會唔鐘意食餃子, 而呢間餃子店, CP值爆燈, 唯一美中不足係個個服務員, 瘦個個.好, 講重點!①食完呢間, 八方x集無頂企.一隻餃子=八方3-4隻大, 足料, 煎餃焦底香口, 除左油係多左D之外, 呢個價錢, 真係物超所值.②我朋友比個服務員激到話下次唔會再幫襯, 機乎要拍台走, 但最後都係變左常客.就知幾吸引③日日新鮮包, 個人覺得最正係羊肉餃, 冬天食一流④米線同個湯都ok, CP值黎計, 好過你去7仔買個淨烏冬⑤有時人多都要等下位, 但總體來說都唔駛點等, 十次有一次咁.不過落單後, 可能一次同其他單一齊煮/煎, 等食時間一般都15分鐘以上走唔甩, 外賣同堂食都試過, 差不多.⑥最後, 其實寫呢篇野就係要講個服務員, 我諗好多人都體驗過, 成日同客嘈交, 不過佢地應該家族經營, 應該唔會炒佢架啦, 瘦瘦地眼眯眯地個個A. 落錯單機會頗高, 錯左話係你問題, 客人唔好皮4就會變罵戰B. 計錯錢機會頗高, 因為係落單比錢, 佢計錯錢又唔即刻比番你, 你同佢講佢仲會同你嘈,唔知係咪想襯你唔記得食埋C. 極不衛生, 呢間店生同熟分開係好衛生, 唯獨係呢個服務員完全沒有衛生常識,      呢間鋪有生餃賣, 呢個服務員為了方便, 在熟的餃子上面幫生餃倒生粉, 生粉會不會掉在熟餃上就見人見智了.上面咁多野都唔會比人炒, 佢唔係老闆娘就係皇親國戚啦!因為呢個服務員, 我會比劣評.但我會繼續幫襯, 因為太正了.~完~…查看更多

同朋友行街，口癢癢，見到有呢間野裝修得幾文青Feel，餐牌啲價錢都OK，咪入去坐下，順便食個甜品，於是就坐低叫野。①個位無menu無人serve(可能時段問題）②甜品貨不對版、跟menu完全不同③味道非常可怕，可以堪稱為甜品中的明將，我諗都幾難找到比他難吃的了。我地叫左心花怒放和楊枝甘露。④水樽的水很混濁（當然可以解釋成檸檬加入水仲造成的，你信不不信？反正我就不信了）⑤未用過放在枱上的杯內的底部是濕的。如果要講好處①唔洗排隊我地只叫左甜品，其他食物可能好味，但已經唔會再去，No next time and black list.…查看更多

日式定食有咩食就唔講，講重點！①係尖沙咀食肆相對地唔駛排太長隊②刺身類算中高質，分量偏少，但本人重精不重多，想百靚蚪食到飽一飽，可以考慮X鮮③定期有新野出，期間限定，識食必點，你懂的！今次我地就點左白子（魚的精囊）yummy !④飯仲有暖飯（普通飯）同冷飯（壽司飯）揀，任君選擇。定食送嘅迷你烏冬，都有得揀熱辣辣嘅湯烏冬和沾面汁食嘅冷烏冬，黎個先熱後冷，正呀！⑤有沙律bar放題，唔怕食唔夠菜。⑥午飯時間爆人，但服務員都會自動自覺識倒茶，舉手一般10秒內都有人回應，賣單速度都係幾分鐘嘅事，非常滿意！整體來說300蚊左右兩個人，飽，中高質，服務好，店主良心經營，回頭決定！…查看更多

日式放題食咩就唔多講，大家睇番佢個page入面就知，講重點。①點餐要你用QR code，強制你做會員，有新鮮感但我個人不太喜歡強制做會員這種手法，見人見智。②食物款式真心算多，但個人係重精不重多，多又唔係樣樣好反而會令我反感，整體來說，刺身類係不錯的，但不可能全程食刺身，刺身以外全部中規中矩。③會無里頭地來一些沒有點過的食物，如果唔係即時發現，之後一係叫店員撤走，一係就求其照食，再唔係就。。。你明的。呢個價錢真係可以食更好，有下次的可能性很小。…查看更多

牛涮鍋食咩真係唔駛多講，講重點①2個人去食，未排過隊。P.S.去過旺角，奧海城，銅鑼灣，紅磡食都排成個鐘。②唔知係咪新開張，成日推第二位半價，要最平個有牛餐，2個人2百蚊左右賣單。大X樂晚市一個人打邊爐，肥牛加多碟都接近1百蚊，加多廿蚊可以任食，大X樂定牛涮鍋，你識揀吧！③最點最高階的和牛餐的話，不妨試下先單點一個和牛再加最cheap牛餐。總覺得和牛打邊爐和普通牛分別不太大，CP值在心中。④個場比較大，服務員明顯不足，有時加湯無人做，要自已加埋，自助餐來說，我接受到。…查看更多