執死雞的个人专页

昨天去扒獨木舟，扒完之後！已經接近六點，有點肚餓，所以去咗西貢附近，最出名嘅金雞去骨海南雞專門店，去到嘅時候冇乜顧客，所以雖然地方好細，但係都冇咁迫夾，以前去過人多真係好擠迫！坐低食飯嘅時候，我冇為意銀包唔夠現金，之後同阿姐講我帶唔夠現金！本來諗住去附近櫃員機撳錢，我講話而家好多支付工具，我話我有payme咁啱佢話佢老細都有payme！可以接受payme付！估唔到一間小店都有payme付款！我以為麥當勞先有啫！…查看更多

4月5日去大澳，傍晚時分喺大澳本來打算去嗰間酒家，見到勢色唔對路！就去咗呢間其實之前經過見到太多人，不過最後都係嚟咗呢間，坐低睇下有啲乜嘢食？見到餐牌有套餐 ; 五個人諗住食四人餐，不過見到啲餸唔係好啱，所以叫咗個六人餐 ; 首先嚟咗個秘製鹽焗🐔，比想像中好食嫩滑仲有少少微熱，相當之唔錯食過好多唔同嘅類型嘅🐔，今次真係回味無窮值得推介其他嘅食物就不過不失啦！至於壓軸嘅大澳蝦羔炒飯，真係鹹香適宜個個食完讚不絕口重點大澳美食推介！…查看更多

去過呢間鋪頭兩次，兩次我個朋友都唔好彩，第一次去我朋友叫咗有雞嘅套餐，我問佢好唔好食？佢話好一般好一般我問佢點解好一般佢話啲味道麻麻地，我問佢係唔係啲肉好(鞋)？佢又冇答我總之話唔會再幫襯呢間鋪頭食雞，我食兩次都冇問題，最近一次我朋友叫咗個牛筋河，我差唔多食完個套餐，我見佢成碗河粉啲牛筋冇郁過，跟住我問佢點解唔食，佢話好韌根本食唔到，我同個阿姐講: 阿姐話換咗佢啦！我朋友話都差唔多食完喇！唔好換呀！咁我同阿姐講埋單畀錢點計？佢話要收全數，我就同我朋友講: 呢間舖頭你下次唔好再幫襯佢喇！…查看更多

12月26號 去完呢間舖頭 想講番啲感受 排隊攞餸食麵阿姐服務差到極 仲會鬧人 叫佢唔好嘈 仲話把口喺我度 我鍾意點講就點講 今時今日咁嘅態度 點會再幫襯佢 我而家喺度呼籲大家唔好再幫襯呢間鋪頭 一定要杯葛佢！…查看更多