cst_hk2004的個人專頁

未到開始時間己經可以入座，擺個袋係椅度又有侍應加個椅套服務very good，俾個like你先不過一開場惡夢就開始啦食物款式唔多但食物味道就真係一般可以話拎乜食都係唔多好吃囉海鮮無鮮味雞，牛肉係鞋既乳豬皮係奀既甜品無乜出色既諗住夾兩塊鮮紅色既西瓜同睇落好新鮮同成熟既蜜瓜試下啦點知衰到連生果都係淡而無味既全場剩係三文魚同雪糕最好食呢400幾蚊我諗300蚊係俾環境同服務費食物費真係俾100蚊都嫌佢多套用王晶導演句說話：水平糕水係水皮個水平係平平無奇既平糕係糟糕既糕呀…查看更多

真係唔好意思,世界上邊有咁難食既燒獵嫁,真係無樣野好食,例湯又難飲,間舖整出黎既食品味道好淡,又無鮮味,所以佢只係繁忙時間先會有生意,非繁忙時直情係無人食既,另外,環境真係好差,基本上係街上開張枱就食,救命唯一優點係價錢平,20蚊左右就有交易啦福來村附近都係以香車行街市入面間燒獵舖好,d叉燒好好食ga …查看更多

最鍾意食係江瑤柱飽,真係成粒瑤柱係入面GA,好鮮味另外就係豆沙飽,d豆沙好好味,d飽又軟又彈,正:)不過可惜就係貴d啦,江瑤柱飽要10個,如果5-6蚊個就very good啦…查看更多

間舖都開左好耐啦,應該有一年以上掛,雖然舖頭以麵線作招來,但係雞排好食過麵線其實台北正宗既麵線都唔好食啦,味道古古怪怪咁,都係D人話好食,等我係台北時仲叫左碗大既添所以我對呢間舖既麵線都無乜期望,真係一如所料,一D都唔好食至於雞排當然無台灣D咁大塊啦,味道亦無台灣咁好,雖然好大陣五香味,不過都幾好食,又夠脆,可以推介,其實元朗都有間舖賣台灣雞排總店係B仔涼粉隔離,分店係元朗西鐵站度,都係炸得好脆,不過佢地有辣粉加,小辣己經好辣啦.佢地味道先似台灣D炸雞排另外,其它野都係一般啫.…查看更多

以前未過馬路就聞到既係魷魚鬚陣味,d油好似炸過好耐咁,好難聞呢家就聞到陣臭豆腐味,但唔駛問阿貴,肯定唔好食,所以唔駛試舖頭都係賣好一般既野--臭豆腐,牛雜,魷魚鬚,碗仔翅,魚肉湯,多春魚,但味道真係好一般,一d都唔覺特別好食.最希望佢快d搬走,費事行過再要聞埋d臭油味.…查看更多

舖頭d麵好似話係自己做既,所以d麵幾煙un,不過就比較淡,牛腩係一塊塊好完整,唔似有d爛晒,幾好味,:)不過菜肉餃就一般,無乜味,70%以上係菜.:(舖頭前面有電視女主播同食家同店主既合照,真係估唔到佢地都會黎呢d咁一般既舖頭食麵,荃灣食上海麵始終都係江記最好.至於服務方面,永遠無人會主動問你要叫乜食,成日都要叫先有人黎,不過下午茶時間間舖係小貓三,四隻,d人好似睬你都傻咁.真係要改善一下先得啦.…查看更多

呢檔由細食到大,直到目前為止都未食過好食過佢既上海麵,唔係講笑.最好食係佢d鹹菜,炸菜肉絲同雲吞,鳳爪亦好多人食,不過我未試過.不過環境真係差勁,如果夏天真係熱到死,冬天又會凍到僵.另外,可能人多關係,成日都無人招呼,同埋要等好耐先食到,有時要15分鐘先有得食,份量方面就一般,細個時食好多ga,不過呢家好似越來越細碗咁,老老實實,d上海麵幾多錢斤吖,唔駛咁孤寒啦…查看更多